مَطلع

‏يُراودني الشك بوجود نُسخيِ الاربعون ! ‏أنني الاولـى والنسخة الأساسية

/

«طحت في حبك و أنا ممنون لك في كل طيحه ‏لو أطيح الطيحه إللي — بعدها يوم التعازي»

نحمد الله عرانا بالمراجل وثيقه ‏كل ليله لنا سيرة ومجدٍ مخلّد ‏يوم فيه نتعامل بالقلوب الرقيقه ‏ويوم نصبر عليه ويوم فيه نتجلّد ‏مجدنا لو تحاول.. منت قادر تعيقه ‏ياللي لا شفت موقف عز، قلبك تبلّد ‏كان ودك تطيب ولا تعرف الطريقه ‏يابن الاجواد شفنا وش نسوّي، وقلّد

‏«عداوةٍ ياتي وراها مخاليص ولا رفقةٍ تستوجع الكبّد منها» ‏— راشد بن قطيما ، وتذكير الليلة

تزاحمت حول الظنون المعاذيّر ‏وفضلت عن كثر الكلام إنعزالي ‏ ماعاد أصدق سالفة سرك فبيّر ‏قطعت عن بير السوالف حبالي ‏أسجّ من تفكير وأرجع لتفكيّر ‏وأبرك رحالي وأشدد رحالي ‏إن زانت الأخلاق تنبت نواويّر ‏وإن شانت الأخلاق زعلت غالي

ربي أرجو عُظم لطفك .. أنا عبدٍ جريح صافيٍ للوقت والوقت عيا ما صفا باح سري لك و سري لغيرك ما يبيح كل ما اضفى الليل نورك على عبدك ضفا ماعلى الدنيا حلاوه ولابه مستريح وأنت ذكرك للمرض طب .. ولـ قلبي شفا دلني لا تاه دربي عن الدرب الصحيح و أوفني حقي لا باروا قليلين الوفا مسرف التفكير فيني ولا أشاور نصيح شايل هموم الليالي .. و بالي ما طفى كل ما شحّت عزومي و وكّدت المطيح وقفتني دعوة أبوي و أمي فالخفا

بنتٍ خلقها الولي تشرح مضيق الصدور ‏تشبه شعور النسيم اللي ما بعد الفجر