مَطلع

لمحت الغلا مفقود من قسوة النّبرة

"لو وفيت وجيت يومٍ زرتني"ياكبر معروفك

الأمطار اللي جتنا يسمونها البدو - مروايح صيف وأكثر ماشبهوا فيها الإنسان اللي يمرك عجل ويقفي ويقولون فلان سحابة صيف وخلف بن هذال يقول : « احب اللي محبتهم تدوم سنين ماتنعاف ماهوب اللي محبتهم سحابة صيف خداعه »

‏« أمّلوا بي » يوم قالوا كل غايب ياتي ‏وأثر من قفّت به الأيام ما تاتي به -

‏ليلةٍ و الشوق فيها صاحبي ، و الخوف جاري ‏و السوالف عن مدى صبرك و عن حيرة ظنونك ‏ما شكيت من الوقوف و لا تعبت من المساري ‏و لا فقدت البارحه من غير شر إلا عيونك .

‏ما تدلّهك الليالي و تجفاك الضلوع ‏لين ينسّى عازم البعد شيء جارحة .

احلامي اللي واقفه في صالة الانتظار يؤسفني انك ما راح تكون من ضمنها

عشرتك ماهيب منسيّة ولا مسليّة وين ما أحوّل تحوّل وين ما أرقى ترقى عاد صوتك ف أذني .. وعاده ألذّ أغنية عادها طيوفك تخاطفني لا ناحت الورقا وعاد صورتك ب رموش الذاكرة محميّة وعاد في قدرك مقادير الأوادم غرقا

كنت آسف ‏عن خطأ ماهو خطاي! ‏كنت نجمة .. ‏في سما ماهي سماي ‏كنت أداري كل ضيقة ‏وأنجرح لأجل الحقيقة ‏كنت غيمة ‏ترويّ العطشان وأموت بضماي

انا ناتج طفولة قلب و عقلٍ قد غزاه الشيب ‏تمر قلبي دروس الوقت ولا عمره شكى إرهاقه ‏انا مابي من أيامي سوى أني اقترن بـ الطيب ‏وإذا يُذكر بـ يوم اسمي تجيه النعم منساقه ‏أنا اللي كل غاياتي حسن سمعه ودعوة غيب ‏وأكون اللي بعد ذكره ثنوا بـ أفعاله وأخلاقه

‏سحاب الحب وأمطاره علينا بارقٍ ورعود

أمطرت نجد العذيّه واتصلتي يا رقيقه ‏ذكّرك هذا المطر فيني وسرّتك المساري ‏أدري هذا الغيم عذرك وأدري عْيونك غريقه ‏سمّعيني صوت زخات المطر بين الحواري ‏ليه صوتك بـ إتصالك فيه حزن وفيه ضيقه؟ ‏ليت ما كنتي بعيده عن مدى عيني وداري

‏أنا لو ينسيّك الزمن ماني بناسيك ‏محبتك قصة ما أقدر أكتب نهايتها ‏لو الوقت يرجع قبل أعرفك وقبل أجيك ‏وقبل الهقاوي تنثني دون غايتها ‏بروح أنتظر في أول مكانٍ جمعني فيك ‏وبعيد تجربتي معك من بدايتها