ABNP Movie Channel

ဇာတ်ကားမှာ မယ်ရီကက်သရင်း ဆိုတဲ့ကောင်မလေးက သူ့‌အမေဆုံးပါးသွားလို့ တောထဲမှာ သုတေသနလုပ်နေတဲ့ အဖေ့ဆီလာနေဖို့ ရောက်လာခဲ့ပါတယ်။ သူ့အဖေက တောထဲမှာ လူအသေးလေးတွေရှိတယ်ဆိုတဲ့အကြောင်းကို အရူးအမူးကိုယုံကြည်နေခဲ့ပြီး သူ့ယုံကြည်ချက်မှန်ကြောင်း သက်သေပြဖို့ကြိုးစားနေတာလည်းဖြစ်ပါတယ်။ ဒါကို မယ်ရီကက်သရင်းက အဓိပ္ပါယ်မရှိဘူးဆိုပြီး မယုံကြည်ဖြစ်နေရာက သူကိုယ်တိုင် လူအသေးလေးတွေနဲ့တွေ့ကြုံလိုက်ရတဲ့အခါမှာ | ဘယ်လိုစွန့်စားခန်းတွေ ဘယ်လိုပြဿနာတွေရင်ဆိုင်ရမလဲဆိုတာကို စိတ်၀င်စားဖွယ်ကြည့်ရှုရမှာပါ။ သိပ်ကောင်းတဲ့ဇာတ်ကားတစ်ကားဖြစ်တာမို့ အညွှန်းတွေများပြီး အရသာပျက်မှာစိုးတာကြောင့် လူအသေးလေးတွေကဘာလုပ်ကြတာလဲ၊ မယ်ရီနဲ့လူအသေးလေးတွေဘယ်လိုဆက်စပ်မှုရှိတာလဲ၊ သူတို့ဘာကိုရင်ဆိုင်နေကြရတာလဲ ဆိုတာကို ကိုယ်တိုင်ပဲ ကြည့်ရှုခံစားကြည့်ဖို့ တိုက်တွန်းလိုက်ရပါတယ်ခင်ဗျာ။

ရိုးရိုးသားသားပြောရရင်တော့ ဒီတရုတ်ကားက သာမန်ကျောင်းသားအချစ်ကားပါပဲ။ You’re the apple of my eyeတို့လို စတိတ်ကျောင်းမှာတွေ့ ကြိုက် ကောလိပ်မှာဇာတ်လမ်းဆက် ဒီလိုပုံစံပါပဲ။ ရိုက်ကူးပုံတို့ စီနီမာတို့ အရောင်တို့ကလည်း ထိုနည်းလည်းကောင်းပဲပြောရမယ်။ You’re the apple of my eyeလောက်ကြီးတော့ မကောင်းပေမဲ့ အခြေခံအရသာအရတော့ ခပ်ဆင်ဆင်ပါပဲ။ You’re the apple of my eyeက မဆုံလိုက်ရတဲ့ဘဝတွေအကြောင်းဆိုတော့ ပိုနတ်ကြီးတာပေါ့။ ဒီရုပ်ရှင်က ပစ်မှတ်ထားတဲ့ ပရိသတ်ကတော့မတူဘူးရယ်။ အဲဒီလိုပုံစံခပ်ဆင်ကိုမှ LDRSအချစ်အကြောင်းကို ဦးစားပေးထားတာဆိုရမယ်။ မင်းသား မင်းသမီးတွေကလည်း ချောပေမဲ့ မြင်နေကြုံနေကျ ရုပ်တွေလိုနဲ့ မထူးခြားနားပြထားတော့ သဘာဝကျတယ်လို့တော့ ခံစားလို့ရတယ်။

ဗုဒ္ဓသာသနာတော်ကို ပြန့်ပွားအောင် စွမ်းဆောင်ခဲ့တဲ့ ဘုရင် အာသောကမင်းကြီး အကြောင်းကို ရိုက်ကူးထားတဲ့ Action, Drama, History အမျိုးအစား Bollywood ဇာတ်ကားဖြစ်ပါတယ်။ နာမည်ကြီးမင်းသား ရှာရွတ်ခန်းနဲ့ မင်းသမီး ကာရီနာကပူးတို့ အဓိကသရုပ်ဆောင်ထားပါတယ်။ ဇာတ်ဝင်ခန်းထဲက စာသားတချို့နဲ့ပဲ ညွှန်းလိုက်ပါတယ်။ (ဘီစီ ၂၆၀ တွင် ကလ္လိဂတိုက်ပွဲပြီးဆုံးပြီးနောက် သူအနိုင်ရခဲ့တဲ့ အောင်မြင်မှုတွေက ဓားသွားပေါ်ကအောင်မြင်မှုတွေမှန်း သူနားလည်သွားပါပြီလူတွေကို ချစ်ခြင်းမေတ္တာနဲ့အနိုင်ယူမယ့်နည်းကိုရှာဖွေဖို့ခရီးထွက်ခဲ့ပါတော့တယ်။ အာသောကမင်းဟာဗုဒ္ဓဘာသာကိုယုံကြည်သက်ဝင်ခဲ့ပြီဘီလူးအာသောက မှ ဓမ္မအာသောကအဖြစ် ပြောင်းလဲသွားခဲ့ပြီ။)

ပေချီတိုင်းပြည်မှ ဘုရင်မင်းကြီးဟာ နန်းတော်ထဲမှာ အတီးအမှုတ်အကအခုန်တွေနဲ့ ပျော်မွေ့ပြီး တိုင်းရေးပြည်ရေးမှာ လစ်ဟင်းနေပါတယ်..နန်းတွင်းမှာ ဩဇာအာဏာကြီးမားတဲ့ အမတ်ချုပ်ကြီး ဟဲရှိခိုင်ဟာ ဘုရင်နဲ့ မှူးမတ်တွေကို သူ့ရဲ့ထိန်းချုပ်မှုအောက်ရောက်အောင် စီမံဆောင်ရွက်ပါတော့တယ်… ပြည်သူတွေအတိဒုက္ခရောက်ပြီး အမိမဲ့သား ရေနည်းငါးဖြစ်နေတဲ့အချိန်ကာလပေါ့…တိုင်းပြည်ချို့ယွင်းပျက်စီးနေချိန်မှာ တိုက်ရည်ခိုက်ရည်နဲ့ ဉာဏ်ပညာကြီးမားတဲ့ မင်းမျိုးမင်းနွယ် စစ်သူကြီး လန်လင်ဘုရင်ဟာ သူ့ရဲ့အမိတိုင်းပြည်ကို ဘယ်လိုကယ်တင်မလဲဆိုတာ …….။

ငယ်ငယ်ကတည်းက အတူတူကြီးပြင်းလာကြပြီး အရမ်းချစ်ခဲ့ကြတဲ့သူငယ်ချင်နှစ်ယောက်.. ကိုယ်ပိုင်ဆိုင်ထားတဲ့ အရာအားလုံးသာမက ကိုယ့်အချစ်ဆုံးရဆုံးသူကိုပါ ကိုယ့်အချစ်ဆုံးသူငယ်ချင်းက လုယူသွားသောအခါ... ဒီကားလေးကတော့ 2016 ခုနှစ်မှာပဲ ထွက်ရှိခဲ့တဲ့ တရုတ်ကား soulmate နဲ့ ဇာတ်လမ်းကျောရိုးဆင်ပါ တယ် soulmate ကားကို ကြည့်ပြီး ကြိုက်နှစ်သက်တဲ့ သူတွေက တော့ ဒီကားလေးကို အကြိုက်တွေ့မှာသေချာပါတယ်... ဒီဇာတ်ကားလေးကတော့.. ကိုရီးယားနိုင်ငံ လွပ်လပ်ရေးမရခင် မှာ အခြေတည်ထားပါတယ် အဓိက ဇာတ်ကောင်တွေကတော့.. အမေက သဘင်သည်မလို့ သဘင်ပညာကိုအထုံးပါရမီပါပြီး ရှေးသီချင်းတွေဆိုရတာကြိုက်နှစ်သက်တဲ့ ဂျန်ဆိုယူး အဖေက သဘင်သည်တွေဆီမှာ အောက်ခြေသိမ်းလုပ်ဖို့ ရောင်းစားလိုက်ပြီး pop သီချင်းတွေကို ကြိုက်တဲ့ ယွန်ဆိုဟီး အမေဖြစ်စေချင်တဲ့ အစိုးရအရာရှိမလုပ်ပဲ ပြည်သူတွေအတွက် pop သီချင်းတွေပဲရေးစပ်ချင်တဲ့ ဂျန်ဆိုယူးရဲ့ ချစ်သူ ကင်ယွန်ဝူး... Soulmate နဲ့မတူတာကတော့ ဒီကားလေးက ပိုပြီးရင်နင့်ဖွယ်ကောင်းပါတယ်

မီယာဆိုတာ အဖေရော အမေရော မရှိတော့တဲ့ ၁၂ နှစ်အရွယ် လူသားကောင်မလေး ဖြစ်ပြီး သူ့အဖေ ထားခဲ့တဲ့ မှော်ကာတွန်းစာအုပ်လေးကနေတစ်ဆင့် Unicorn နဲ့ Elf တို့ရဲ့ ကမ္ဘာ Centopia ဆီ အသွားအပြန်လုပ်နေတဲ့ သူပါဒီကားမှာတော့ Centopia ကို မကောင်းဆိုးဝါး ဖားပြုတ်ကြီး လက်ထဲကနေ မီယာနဲ့ Centopia က သူ့သူငယ်ချင်းတွေပူးပေါင်းပြီး ကယ်တင်ကြပုံကို ကြည့်ရှုကြရမှာပါ Animation ကားတွေရဲ့ ထုံးစံအတိုင်း အရောင်အသွေးစုံစုံလင်လင်နဲ့ မျက်စိပသာဒဖြစ်အောင် တင်ဆက်ထားတာဖြစ်လို့ ပေါ့ပေါ့ပါးပါးနဲ့ အနားယူရင်း ရှုစားလိုက်ကြပါဦး

အဖွဲ့သားတွေကို စုဆောင်းပါတယ် အဖွဲ့ဝင်အဟောင်းတွေ ပါသလိုအဖွဲ့ဝင် အသစ်တွေလဲ ပါဝင်ပါတယ်။ Amanda ဟာ ပစ္စည်း တစ်ခု အတွက်Gotham မြို့မှာ ရှိတဲ့ Arkham စိတ္တဇအကျဉ်းထောင်ကို သူ့ရဲ့ Suicide Squad အဖွဲ့သားတွေကို ချိုးဖောက်ဝင်ရောက်စေပါတယ်ဒါပေမယ့် သူတို့အတွက် ခက်ခဲတဲ့ အဟန့်အတားတစ်ခုကတော့ Gotham မြို့ဆိုတာကအားလုံးသိတဲ့ အတိုင်းပဲ Batman ရဲ့ မြို့တော်ဖြစ်တဲ့အတွက် သူတို့လို Villianတွေခြေရှုပ်ဖို့သိပ်မလွယ်ကူပါဘူး ဒီလို စိတ်လှုပ်ရှား စရာတွေ နဲ့ ပြည့်နေတဲ့ ဒီဇာတ်ကားမှာAmanda ဟာ Arkham မှာ ဘာပစ္စည်းကိုယူခိုင်းတာလဲဘာအကြံအစည် တွေရှိလဲ SS အဖွဲ့သားတွေကရော missionကိုအောင်မြင်အောင်စွမ်းဆောင် နိုင်ပါ့မလား SSရဲ့ထုံးစံအတိုင်း Mission အပြီးမှာ ဘယ်သူတွေက အသက်ပေးလိုက်ရမလဲဆိုတာကိုတော့ဇာတ်ကားလေးထဲမှာပဲ ဆက်လက်ရှုစားပေးပါခင်ဗျာ………