𓊆𝖬𝖺𝗌𝗌𝖺𝗀𝖾𓊇

الخير لا يذهب سدى! افعل الخير وليقع حيث يقع، فإن وقع في أهله فهم أهله، وإن وقع في غير أهله فأنت أهله. ربنا سبحانه وتعالى قال (وما تُقدِّموا لأنفسكم من خيرٍ تجدوهُ عند الله هو خيرًا وأعظم أجرًا). لو وضعت معنى هذه الآية في عقلك دائمًا لن تحزن على خيرٍ فعلته ولن تشعر أبدًا أنك تم استغلالك، بالعكس، ستقتنع أن الخير الذي تفعله لا علاقة له بالناس، إنما هو لنفسك، وفي ميزان حسناتك، لا تنتظر مقابل له، ولو لم تجده في الدنيا على هيئة كرم، توفيق، بركة، أو تساهيل في أمورك؛ فهو محفوظٌ لك كأجر وثواب عظيم من الله تعالى في الآخرة، وما عند الله خيرٌ وأبقى.

سيدنا عمر قال جملة عظيمة جدًا: "ستمضي أقدارك على كل حال، فاجعلها تمضي وأنت راضٍ عنها، فلربما ثواب رضاك يرضيك!." فمهما كان حظك قليل في أي أمر من أمور الدنيا، الله سيجزيك لا لشيء إلا لأنك رضيت، سيعوضك لأنك صبرت، سيعوضك بشيء أعظم مما تتمنيت جزاء لرضاك فقط، فارض بقدر الله ودع أقدارك تسري كما كتبها الله لك.. (والله يعلمُ وأنتم لا تعلمون).

‏كانت مواساتي لنفسي دائمًا أن هذا قدر الله، وما شاء فعل. الحمد لله على ما فقدنا وعلى ما أضعنا، والحمد لله على أي شيء حدث وكل شيء سيحدث، فكل ما يأتي من الله خير. أعلم أن الله سيعوضني عن كل شيء، فاختيارات الله صائبة مهما حدث، وهي كل الخير. اللهم عوضني عن كل شيء انكسر في نفسي، واجعل لي النصيب الأجمل من كل شيء ."))

الحمد لله الذي أعطاني ما تمنيت وإن كنت أنسى فضله حين يشتد الثقل عليّ. الحمد لله الذي أعطاني ما أظن نفسي لا تسعه ولكنه يمر بفضله وكرمه. الحمد لله الذي قدر الخير كله ظاهره وباطنه. الحمد لله أنه الله ربنا❤️

لما جيت أسأل نفسي إيه هي الحاجة اللي تستاهل إن الواحد يحارب عشانها؟ فالإجابة كانت "راحة البال"؛ وفعلًا الراحة هي الحاجة الوحيدة اللي المفروض كُلنا نحارب عشان نوصل لها، لإن من غير شُعور الراحة مُستحيل تستمتع بأي حاجة في حياتك، لا فلوس ولا شُغل ولا نجاح ولا أي حاجة طالما بالك مش رايق، فحرفيًا الراحة هي أكتر حاجة إنت مُفتقدها في حياتك، ووجودها هيفرق معاك كتير جدًا.

"الإكثار من قول لا حول ولا قوة إلا بالله عبادة عظيمة، فإذا لزِمتَها أنارَ الله بصيرتك، وألهمَك رُشدك، وثبَّت قلبك، وسدَّد رأيك، وقوّى عزيمتك، وأعزَّ نفسك، وجمع أمرك، وفرّج همّك، وسدَّ فاقتك، وشرَح صدرك، وفتَحَ لك وأعانَك. إننا نقوى بالله، ونتعافى بالله، ونطمئن بالله. نحن لا قوة لنا إلا بالله.

مساء الخير النهاردة أول يوم في شهر مايو، شهر جديد ما نعرفش مخبيلنا إيه لكننا عارفين إن ربنا مُدبّره وواثقين تمام الثقة في تدبيره. ربنا يجعله بداية للفرح والخير ولأيام جميلة نفتكرها بكل حب. اللهم إنا نستودعك أنفسنا وأهلنا وكل أحبتنا فاحفظهم، ونستودعك أيامنا القادمة فاجعلها مليئة بالفرح والخير والتوفيق يا ربّ.

مرّة سمعت جملة وفضلت معلّقة في دماغي، بتقول: "الراضي ربنا بيراضيه في أي حتة، واللي مش راضي دنيته ضيقة عليه في كل حتة". الكلام ده حقيقي لأقصى درجة بجد، مفيش مرّة هترضى فيها بوضع صعب أو ابتلاء تقيل إلا وهتلاقي ربنا مقدّرك تستحمله وبيراضي قلبك في جوانب تانية في حياتك، مفيش مرة هترضى بأمر واقع أو فقدان عزيز إلا وهتلاقي ربنا منزّل عليك صبر وعوض جميل من عنده.. وعلى النقيض مفيش مرة هتسخط على حالك وتبقى مش راضي عن أقدار الله والابتلاءات اللي بتواجهك إلا وهتلاقي قلبك دايمًا مهموم وروحك تعبانة ونفسيتك في النازل والدنيا حواليك ضيقة رغم وسعها.. ربنا يرضينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته ♥️

فيه نوع كده من الصحاب؛ ما ينفعش نخسره ولازم نعمل كل حاجة علشانه والله! اللي لما تقوله أنا تعبان شوية يقولك سلامتك ويتابع معاك مرحلة المرض لحد ما تخف.. اللي تقوله أنا حزين شوية تلاقيه كل يوم يسألك عامل إيه النهاردة.. اللي تقولة عندي مشكلة مثلاً يفضل وراك متابع إيه التطورات ولو يقدر يساعد.. اللي تقوله إنك مسافر تلاقيه قبليه بيوم بيقولك رحلة سعيدة وفاكر إنك مسافر النهاردة.. اللي تقوله خايف من الامتحان يقولك ما تخفش وتاني يوم يتطمن عليك. النوع ده من الصحاب بنتطمن طول ما هو موجود.. بنحس دايمًا إن فيه حد معانا مهما الكل اختفى و بعد من حوالينا. الله يديم لينا أصحابنا اللي مهوّنين علينا الحياة بوجودهم.♥️

لو ركزت شوية هتلاقي إن عمرك في حياتك ما كنت جاهز لأي حاجة بتحصل لك! بس سبحان الله أول ما بتبقى في الموقف وتقول يا ربّ؛ بتعمل حاجات مكنتش تتخيل أبدا إنك بتعرف تعملها! التوكل والتسليم الكامل لله مبهر ومش ببالغ إن بسببه بتحصل معجزات والله.. "وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا". الحمد لله رب العالمين ♥️ @R_IU_II

الناس في هذه الحياة لا يمشون إلا في دروب أقدارهم، فلا تقتل نفسك بكثرة التفكير، ولا تشغل قلبك بما ليس لك يد فيه. أمر الله نافذٌ لا محالة، مهما بدت لك الطرق عسيرة، والأبواب مغلقة! ليس لك إلا السعي، وما عليك إلا أن تمشي، أما متى تصل، كيفَ، وأين؟ فهذا غيبٌ لا يعلمه إلا الله.

هو ممكن يكون إيه أجمل شعور في الدنيا؟ إنك ما بتهونش.. ما بتهونش.. كمان مرة ما بتهونش. في أمان مهما غلطت.. مفهوم بدون شرح.. ملكش بديل.. غير قابل للاستبدال او الاستغناء.. هو في أجمل من كده؟ ما أعتقدش إن في شيء أبدًا أجمل من إنك تبقى واثق إن خاطرك هيشترى على طووول الخط.. وإن دموعك عزيزة وهتتمسح مهما كان الظرف.. وإن إيدك مش هتتساب مهما حصل. مفيش شيء في الدنيا أجمل من إحساس إن إنت.. "غالي".

يُكرم المرء لأجل صلاح أبويه. رضيَ الله عن والدي ووالدتي بِقدرِ رمال الأرض، بقدر كل ثقلٍ سانداني على حمله، بقدر كل مواساةٍ أطفئا بها قلقي، بِقدرِ كل قطرةِ نُورٍ سكباها على نار الروح، بقدر سِعة قلبهما لي. رضيَ الله عنهما وأرضاهم وجزاهم كل خير ورزقهم الجنة.

للتفاؤل وحسن الظن برب العالمين عايز تتأكد ان ربنا سبحانه وتعالي هيستجيب دعوتك!! انت عارف لمًا ادعي بحاجه ليل ونهار دا علامة من علامات الاجابه لأن سيدنا عمر بن الخطاب كان بيقول : "إذا أُلهمت الدعاء أيقنت الإجابة" يعني مجرد ما ربنا يلهمك تدعي بحاجه معينه دا علامة من علامات الإجابة ❤️ شوفت كرم ورحمة ربنا ازاي ربنا سبحانه وتعالي لما أراد أنه يتوب علي سيدنا آدم علمه شوية كلمات يدعي بيها "فتلقي آدم من ربه كلمات ٍ فتاب عليه إنهُ هو التواب الرحيم " خليك واثق بقي وانت بتدعي بيقين ان الإجابة جاية جاية لأن ببساطه ربنا ألمهك الدعاء ورزقك بيه ❤️❤️

عزيزتي التي هي أنا / أتمنى لكِ بعد بِضع سنواتٍ من الآن، أن تكوني في حالٍ أفضل، وأن تكون أيامك بِخفة الفراشات مِثل قلبك الجميل، خالية من القَلق والخَوف والانتظار .. أن تُصبح جميع أحلامك حقيقة، وكُل دعواتك مُجابة ألا يعرف الحُزن لكِ بابًا، ولا تشعر روحك بالذبول يومًا ألا تُصيبك لَـعنة الفَقد، ولا ينقص من أحبابِك أحد أتمنى ألا تبكي عيناكِ مرة أخرى، أعلم أنها بكت كثيرًا .. أتمنى لكِ مُستقبلًا مليئًا بالسلام والأمان والكثير من الحُب

بحب الصاحب الخفيف؛ اللي بيكون متفهم وما يفضلش يلومني على قله السؤال وعارف إني بحبه حتى لو ما بنتكلمش كتير وبيقدر ظروفي لو مش فاضي واللي وقت ما أحتاجه بلاقيه أول الموجودين وبيحبلي الخير ودايمًا داعم ليا ومش مستني مقابل ويسمعلي حتى ولو كلامي متكرر وممل. الصاحب اللي معاملته بتكون مريحة نفسيًا واللي جدعنة الدنيا فيه ويسد معايا في أي حاجة. ربنا يجعلنا صحاب خفاف على الناس.

بين عشراتِ الصِّفاتِ الطيِّبةِ، يأخذُ الأدبُ بمجامعِ قلبي! أحبُّ أصحابَ الصوتِ الهادىء والقولِ الحسنِ والطِّباعِ السَّمِحة، الذين يحترمون الجميعَ حولهم؛ فيحفظون بذلك قدرَهم وقدرَ غيرِهم. أولئك الذين يعرفون أثرَ الكلمةِ ومعناها ومتى تُقال ولمن تُقال، ويرأفون بالناسِ في كلِّ حالٍ.. قد يمتازُ الإنسانُ بألفِ مزية ولا يرفعُه عمَّن سواه إلا نصيُبه من الأدبِ! ياربِّ، ارزقني حُسنَ الأدبِ ووسِّع لي رزقي فيه.

صباح الخير.. لو قال الإنسان كل يوم: (أستودعُ الله الذي لا تضيع ودائعه نفسي وأمانتي وخواتيم أعمالي وبيتي وأهلي وأحبتي ومالي وجميع ما أنعمَ الله بهِ علي)، لحفظ الله لهُ كلّ ذلك. الحمد لله الذي أذِنَ لنا بيومٍ جديد لنعبده ونشكره ونتوب إليه 💗

الحياة عنيفة اوي والله.. كل واحد بيمر بظروف صعبة الصعب ده ساعات بيجي كومبو خبط خبط خبط لدرجة إن بيجي وقت فعلاً بتهزك! بتهز ثقتك في نفسك! بتهز ثقتك في قدراتك! بتهز ثقتك في اللي حوليك! الحياة صعبة كل واحد بيحارب وكل واحد حربه وجعاه وجايبة أخره لذلك .. البوست ده دعوة للرحمة! بالله عليكم رحمة رحمة لنفسكم من جلد الذات واللوم والضغط طول الوقت رحمة لنفسكم من المثالية رحمة للناس من حوليكم من معايركم العالية رحمة للناس من أحكام مسبقة رحمة للناس بالقبول والحب رحمة يا جماعة كلنا في أشد حاجة للرحمة من نفسنا ومن الناس وفوق كل شيء من الله وأعلم عن الله أنه يبسط الرزق للمتصدقين ويجزي بالإحسان إحسانًا فخليك منبع رحمة .. عشان ربنا يوصلك في الدنيا برحمته وفي الآخرة بجنته. اللهم إني اسألك ان تنزل في قلوبنا رحمة نرحم بها انفسنا وكل نفس حولنا.