Фақиҳ Абулайс жоме масжиди

Тупроқ бўл... Молик ибн Динор айтади: “Хоҳлардимки, қиёмат куни Аллоҳ таолонинг ҳузурида турганимда бир марта сажда қилиб олишим учун рухсат берса эди. Шунда Аллоҳ мендан рози бўлганини билсам эди. Кейин менга айтади: “Эй Молик, тупроқ бўл”, деса эди”. Изоҳ. Қиёматда ҳисоб-китоб қаттиқ бўлади. Жаннатга кирганлар энг катта ютуқни қўлга киритган бўлади. Ҳайвонлар тупроққа айланиб кетади. Дўзахга кирадиган одамлар ҳайвонларга ҳавас қилиб “Мен ҳам тупроққа айланиб кетсам эди”, деб орзу қилади. Молик ибн Динор ҳам “Бир бор сажда қилиб Аллоҳ таоло мендан рози эканини билсам-у, кейин Аллоҳ таоло мени тупроққа айлантириб юборса”, демоқдалар. 👉@abulays_masjidi

Эртага 9- муҳаррам индинга 10- Муҳаррам Ошуро рўзаси ўтган бир йилга каффоротдир. 👉@abulays_masjidi

So'zboshi Solihalar gulshani Nadiya Ramazon va G'iyosiddin Yusuf @abulays_masjidi

САМАРҚАНД ВИЛОЯТИ  12 июл - 18 июл 🕋⏲ Бомдод 04:35 🕋⏲ Пешин 13:00 🕋⏲ Аср 17:45 🕋⏲ Шом 20:05 🕋⏲ Хуфтон 21:40 إِنَّ الصَّلَوٰةَ تَنْهَى عَنِ الْفَحْشَاءِ وَالْمُنكَر. "Албатта, намоз фаҳш ва мункардан қайтарур”. (Анкабут, 45-оят) "Албатта, намоз мўминларга вақтида фарз қилингандир". (Нисо сураси, 103-оят). Яқинларингизга ҳам улашинг! 👉 @abulays_masjidi

Икки олам сарвари Набий соллаллоҳу алайҳи васалламга ҳамда У зотнинг суннатларига ошиқ уммат учун ЖУМА МУБОРАК бўлсин . Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Ким Аллоҳга ва охират кунига иймон келтирган бўлса, яхши гап айтсин ёки жим турсин. Ким Аллоҳга ва охират кунига иймон келтирган бўлса, қўшнисини икром қилсин. Ким Аллоҳга ва охират кунига иймон келтирган бўлса, меҳмонини икром қилсин». Имом Бухорий ва имом Муслим ривоят қилишган. @abulays_masjidi

Икки олам сарвари Набий соллаллоҳу алайҳи васалламга ҳамда У зотнинг суннатларига ошиқ уммат учун ЖУМА МУБОРАК бўлсин. Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам шундай дедилар: «Ким Аллоҳга ва охират кунига иймон келтирган бўлса, яхши гап айтсин ёки жим турсин. Ким Аллоҳга ва охират кунига иймон келтирган бўлса, қўшнисини икром қилсин. Ким Аллоҳга ва охират кунига иймон келтирган бўлса, меҳмонини икром қилсин». Имом Бухорий ва имом Муслим ривоят қилишган. 👉 @abulays_masjidi

САМАРҚАНД ВИЛОЯТИ  5-ИЮЛ 11-ИЮЛ 🕋⏲ Бомдод 04:30 🕋⏲ Пешин 13:00 🕋⏲ Аср 17:50 🕋⏲ Шом 20:10  🕋⏲ Хуфтон 21:45 إِنَّ الصَّلَوٰةَ تَنْهَى عَنِ الْفَحْشَاءِ وَالْمُنكَر. "Албатта, намоз фаҳш ва мункардан қайтарур”. (Анкабут, 45- оят) Албатта, намоз мўминларга вақтида фарз қилингандир». (Нисо сураси, 103-оят). Яқинларингизга ҳам улашинг! 👉 @abulays_masjidi

Ризқимиз қаердан келишини У ҳал қилади... Ривоят қилинишича, ҳазрат Сулаймон пайғамбар (алайҳиссалом) денгиз қирғоғида ўтирган эди. Дон кўтариб денгиз томон кетаётган чумолига кўзи тушди. Уни кузата бошлади. Чумоли денгизга етиб борди. Шунда сув ичидан бир қурбақа бошини чиқарди ва оғзини очди. Дон кўтарган чумоли унинг оғзига кириб олди. Қурбақа шу бўйи бир соатча йўқ бўлиб кетди. Сулаймон (алайҳиссалом) бу ҳолдан таажжубланиб фикр юритиб ўтирарди. Бир пайт қурбақа сувдан чиқди. Оғзини очган эди бояги чумоли чиқиб келди. Бироқ дон йўқ эди. Шунда ҳазрат Сулаймон (алайҳиссалом) чумолини чақирди ва ундан донни нима қилгани, қаерда бўлганини сўради. “Эй Аллоҳнинг пайғамбари! – тилга кирди чумоли. – Мана шу денгиз тагида катта тош бор, унинг ичида кўр қурт яшайди. Ризқ талабида ташқарига чиқолмайди. Аллоҳ таоло унга озуқа етказишни менга, сув тубига шўнғиб, мени манзилга элтишни қурбақага вазифа қилган. Қурбақа оғзини ўша тош тешигига қўяди. Мен тешикдан ичкарига кираман. Қуртга донни бергач, яна қурбақанинг оғзига ўтиб оламан. У эса мени денгиздан ташқарига олиб чиқади”. Ҳазрат Сулаймон (алайҳиссалом): “Ўша қуртнинг бирор тасбеҳ айтганини эшитганмисан?” деб сўради. Чумоли жавоб берди: «У мана бу дуони айтар эди: “Эй раҳмати ила мени тўлқинлар остида ётган мана бу катта тош ичида ҳам унутмайдиган Зот! Ўз раҳматинг ила мўмин бандаларингни ҳам унутмагин!» 👉 @abulays_masjidi

Ким ўлим даҳшати ва қиёмат куни қўрқинчидан нажот топишни истаса, унинг махфий амали ошкорасидан кўп бўлсин. Имом Молик раҳимаҳуллоҳ. 👉 @abulays_masjidi

Султонга дарс берган қул Аёз исмли бир қул тақдир бўлиб, Султон Маҳмуднинг хизматкори бўлибди. Султон қулининг одоб-ахлоқини кўриб, уни яхши кўриб қолибди. Шунчалик ишончини қозонибдики, бутун салтанатнинг хазинабони этиб тайинланиб, саройнинг барча хазина-бойликлари унга топшириладиган бўлибди. Бу ҳолатни кўрган саройдагиларнинг баъзилари бунга ҳасад қилишибди. Ҳасад ва кибрлари туфайли “шундай оддий бир қулга бунчалик катта мавқеъ берилиши”ни ва ўзларининг шу даражада ҳам обрўлари йўқлигини ўзларига сингдира олмабдилар. Ҳолат шундай давом этгач, Султонга ҳар куни, ҳар хил баҳона билан Аёздан шикоят қила бошлашибди. Унинг обрўйини тушириш учун қўлларидан келган ҳамма йўлни синаб кўришибди. Кунларнинг бирида Султоннинг ҳузурида бир сарой аъёни иккинчисига: “Қул Аёз хазинага тез-тез қатнайдиган бўлиб қолди, биласанми? Менимча у гавҳарларимизни ўғирлаб юрибди. Бунга аминман”, дебди. Буни эшитган Султон қулоқларига ишонмай “Ҳақиқатдан ҳам шундаймикин, шундай бўлса ўз кўзим билан кўрайин” деб, хазина хонаси деворига кичкинагина тешикча тешдирибди. Шундай қилиб, ичкарида бўлаётган нарсаларни томоша қилишни бошлабди. Кеч тушибди, қул секин сарой хазинасига бориб, эшикни ҳам билдирмасдан ёпиб ичкарига кирибди. Султон қулнинг сандиқ олдига яқинлашганини кўрибди. У ерда яшириб қўйгани кичкинагина бир тугун экан. Тугунни ўпиб, пешонасига суртиб уни очибди. Ичидан қуллик пайти кийган эски-туски кийими чиқибди. Уни кийиб ойнанинг олдига ўтибди. Ўзига ўзи: “Авваллари шу кийимни кийиб юрганингда ким эканлигингни эслайсанми?” – деб сўрабди. – Ҳеч ким… Бор йўғи сотиладиган қул эдинг, холос. Аллоҳ сенга Султоннинг қўли билан, лойиқ бўлмасанг ҳам Ўз раҳматидан шундай неъматларини лутф қилди. Асло қаердан келганингни унутма! Чунки мол-мулк инсоннинг ақлини олади, унутишга мажбурлайди. Шундай экан, сен ҳам сендан камроқ неъматга эга бўлганларга паст назар билан қараб, кибрланма! Буни асло унутма, эй Аёз! – деб сандиқни ёпиб, қулфлабди ва секингина эшикдан чиқибди. Хазинадан чиқар-чиқмас, Султон билан юзма-юз келибди. Шунда Султон Аёзга қараб туриб, кўзидан дона-дона ёш оқа бошлабди. Султон гапиришга ҳам қийналиб, томоғи ҳам тиқилиб қолибди ва ўзини мажбурлаб бўлса ҳам қулига шундай дебди: — Бугунга қадар бойликларимнинг хазинабони эдинг. Энди… Қалбимизнинг ҳам хазинабонига айландинг. Менга, ҳақиқий Султоним олдида ҳеч ким эканлигимни ва унга қандай муносабатда бўлишим кераклигини ўргатдинг… Жалолиддин Румийнинг “Маснавий” китобидан. 👉 @abulays_masjidi