تعلم احكام التجويد وتفسير القرأن 🤍🪞🧸

مبروووك لاصحاب لبيام لي عندهم خاوتهم هنا جوزوا البيام ديتوه ؟

السلام عليكم واشم الكتب لي راكم تقراوهم وعجبوكم حطولنا باش استفادوا كامل 💡

الجزء 2: بما أنو قريت في ورقلة راح نحكيلكم وش كاين بعدما يوجهوك لمحروقات ورقلة وتكون خيرت تخصص إما إنتاج أو تنقيب أو ميكانيك الورشات البترولية راح تقرى في كلية المحروقات والطاقات المتجددة موجودة ف القطب 3 بجانب محطة المسافرين تنقيب والميكانيك يقراو مع بعض الانتاج مع بعض تقراو بالانجليزية ومن المقاييس ل تقراوهم: Mathematique 1 Physic 1 Chemistry 1 Computer science Etic .. الاساتذة تقدر تقول كاين الملاح وكاين مادون ذلك 😂، قراية تقرى تدي يعني من ناحية القراية قاع تقراو وتنجحو مي التكوين كل طالب وكفاه الحمد لله يبعتوكم خرجات. علمية ويبعتوكم سطاج وكذلك كاين نوادي علمية كفاش ندبر سطاج؟: هي ترسلك الجامعة اذا مكاش دير دموند صطاج وخير شركة مثل entp واديهالهم يكاشولك عليها (مقر الشركة ف لاباز نور بحاسي مسعود وباذن الله راح يوافقو ) كفاش نتمكن ف المجال: اقرى على المعلومة وتعلم الانجليزية وشوي اعلام الي وباذن الله راح تتمكن ماذا عن التوظيف؟ لازم تكون مقيم ف ولاية جنوبية مثل اليزي او ورقلة او الاغواط او تيميمون ومبعد تسجل ف بيرو موندافر وتقريبا كل عام او عام ونص تجي مسابقة وبيرو موندافر يوجهك للمسابقة تحضر روحك وباذن الله تنجح (خريجي كلية مجروقات قاع ل شاركو اغلبية توضفو) اذا ماشي مقيم وش ندير؟ عليك بالكراء يعني تكري مقر مدة 6 اشهر بعقد ايجار تخرجلك شهادة اقامة ومبعد تكمل تسجل ف بيرو موندافر ، حاجة خلاف (شوف الحكم تاعها ف شرع ربي) خدمة كفاه؟ اذا تدخل تخدم بلاليسانس تدخل تخدم تيكنيسا تخلص حوالي 10 ملاين الى 12 مليون وخدمة شهر بشهر ف شركات الوطنية وخدمة 12 ساعة ف اليوم مي تتعب شوي اذا دخلت بالماستر تدخل اطار اي انجينيور (مهندس) خلصة حوالي 15 مليون تخدم شهر بشهر ف شركات وطنية وتخدم 12 ساعة مي رايح جسديا اي سؤال نقدر نحاوبكم . هذا مكان ودعواتكم لي 🤍

#تخصص_محروقات: (الجزء 1 ) يسمى تخصص هندسة البترول أو هندسة النفط في جميع جامعات العالم ، باينة من اسمو انو تكون قرايتك على البترول ومكوناته وكل ما يخص هذا المجال. وين كاين هذا التخصص؟ : كاين في جامعة ورقلة وكاين في جامعة بومرداس . وش الفرق بين الجامعتين؟: في ورقلة: من عامك الأول تتخصص حسب اختيارك في قائمة اختيارات البكالوريا وحسب معدلك(داروها عام لفات كانت تتخصص ف سنة ثانية ) ، كاين 4 تخصصات( إنتاج مهني، إنتاج أكادمي، ميكانيك الورشات البترولية ، تنقيب) وتقرا بالانحليزية وشوي فرنسية دبلوم ل تديه مهني يعني تقرى على تخصص ديراكت مكانش قراية زايدة كيما رياضيات 3 ورياضيات 4 ... معدلات القبول في ورقلة : عام 2022 كان14.16 للشعب الرياضية و 14.88 لشعبة علوم تجريبية عام 2023 اصبح كل تخصص ومعدل قبوله التنقيب 14.14 انتاج 13.63 ميكانيك ورشات بترولية 13.4 ايجابيات: جامعة تبعثك دير سطاج وتقدر تلقى عادي بحكم انك ف ورقلة ، التكوين جيد السلبيات: السخانة معندي وش نقلك 😂 في بومرداس: كاين محروقات f04 كيما تاع ورقلة ومحروقات s21 تقرا 3 سنوات فقط نحكو على f04: معدل قبول للشعب رياضية عام لفات 15.02 والعلمية 15.78 تقرى بالفرنسية وتتخصص في عامك الثاني تخصصات كلية المحروقات والكيمياء بومرداس: *ميكانيك الورشات البترولية LAMC *ميكانيك الوحدات البترولية LAMU *التنقيب Forage. *تخصص الإنتاج Production *الجيولوجيا *جيوفيزياء *تخصص اقتصاد المحروقات *الكهرباء الصناعية *هندسة الطرائق بتخصصاتها الثلاثة في الماستر : *التكرير *البيتروكيمياء *أمن صناعي وبيئة *نقل المحروقات *Automatisation الدبلوم اكادمي عكس ورقلة يعني تقرى شوي رياضيات رقم 3 ورقم 4 ايجابيات: تكوين جيد ، والجو رائع سلبيات : ممكن سطاج صعيب بش تلقاه رغم انو كاين طرق بش تلقى عادي مبعد نحكو عليها

تخصص محروقات من إعداد احد زملائكم دعواتكم له 🫶

ملاحظة أخرى على التخصصات الجامعية ابداو من ضوك تضربو طلة على كامل التخصصات ماتستناوش حتى نهار يمدولكم ليشوا و هذووك اليومين مايكفوش باش تجمعوا كامل المعلومات