𝕒𝕪𝕗𝕒_𝕝𝕠𝕧𝕖❤💍

كيما تُدين تدَان ،و كيما تُعين تعَان و كيما ترحم تُرحم و كيما تزرع تحصد ! هاد الكلام خبيه مليح في بالك و الوقت هو لي راح يثبتلك الصحة تاعوا في يوم من الأيام و كل حاجة درتيها راح ترجعلك ، حتى و لو بعد حين ” كيما تدين تدان و إذا ما صراتلكش في نفس الموقف راح تصرالك بنفس الوجع نهار تظلمي راح تتظلمي و نهار تكذبي راح تجي اللي تكذب عليك ونهار تخوني راح تتخاني مالا ديري درك واش تحبي يصرالك غدوة ! الدنيا عندها قانون إسمو الدوران ، كلش راح يرجعلك سواء كان خير و لا شر alors أحسني واش راكي تديري درك باش يرجعلك الخير غدوة ”parce que أفعالكم راح تزوركم يوماً ما ،مالا ماتستغربوش فكل ساق سيسقى بما سقى به غيره 🤎✨

حقيقة أسوء sentiment ممكن يفوت بيه الإنسان ويجربو في لحظة ما من الضعف أنو يحكي شحال راه مضغوط لكن الشخص اللي مقابلوا يحتقر من إحساسوا بكلمات من هذا القبيل ” كامل الناس تفوت بفترات la pression ! كامل الناس يصرالها واش راه يصرالك ،ماشي أنتي الأولى و لا la dernière ! أنا مارانيش نحكي باش تتكرمي و تمدي تقييم لحالتي و تعطيني تقرير عن عدد الناس اللي مضغوطة ،كان من باب جبر الخواطر “ يعني و من الذوق تاعك و أخلاقك يا سيدي خليونا من باب المحبة و العشرة بكل بساطة تسمعي الهدرة و تقولي ربي ييسرلك ربي يجبر بخاطرك ! أيام و تجوز أضعف الإيمان تسكتوا و ما تزيدوش الضغط الله المستعان ✨🤎

اللي يمشيو “بالوجوه” (المعريفة) غالباً ما يعتمدوش على قدراتهم بقد ما يعتمدوا على العلاقات. يعني بدل ما يخدم ويطوّر روحو باش ينجح، يفضّل الطريق الساهل: يعرف فلان، يقرب لفلان، ويقضي مصالحو. المشكلة هنا ماشي غير في الطريقة، بل في النتائج: يطيحو قيمة الخدمة الحقيقية، لأن اللي يخدم مليح ما يلقاش حقو. يخلقو جوّ ظلم: واحد يتعب، وواحد آخر يدي نفس النتيجة بلا مجهود. ومع الوقت، حتى هو يولي ضعيف، خاطر ما تعلّمش يعتمد على روحو. وزيد حاجة: بزاف منهم يخافو من الناس اللي تخدم بجهدها وتفرض روحها، لأنهم يعرفو باللي المقارنة ماشي في صالحهم. لذلك تلقاهم دايماً يحاولو ينقصو من قيمة الآخرين ولا يهمّشوهم. بصح لازم تكون واضح في نقطة: هاد النوع يربح وقتياً برك، بصح ما يقدرش يبني حاجة ثابتة. كي تتبدل الظروف ولا الناس اللي كان يعتمد عليهم، يطيح بسهولة. في المقابل، اللي يخدم على روحو ويعرف قيمتو، حتى لو يتأخر شويا يربح على المدى الطويل

🩷 ختي عندك دراهم البسي اللبسة لمخيرة ، كولي الحاجة لمخيرة ، اشري صباط دوريجين ، روحي للحفافة اصبغي شعرك وديري مشطة شابة ... اشري البيجامات وقش الدار غير الحاجة العزيزة ، اشري الذهب وقولي حبيت الألماس كي تجي تختاري عفسة تلبسيها ولا تاكليها اختاري الجودة مش الكمية ٱحترمي جسمك ، رآه نعمة من عند ربي لكان قادرة تغطيه بالحرير غطيه مش خسارة فيك الحرير والذهب .... أغلى منك نتي ؟ وما تقوليليش ماكانش خدمة وماكانش دراهم هذو مجرد أعذار ، الناس راهي بالتليفونات تخدم ودير فالثروات ونتي اقعدي تتعڨني نهار تحبي الحاجة تلقايلها ألف طريق باه تجيبيها من تحت الأرض تجبدي الدراهم .. المهم تكون طريقتك حلال 🥹🤎🫂

اللهم اقضِ حاجتي ويسّر أمري وارزقني من حيث لا أحتسب اللهم صل وسلم على نبينا محمد عليه الصلاة والسلام دعائكم لي بتوفيق جزاكم الله خيرا

سبحان الذي خلق فسوى🤍