Bio 1st year K.M.S 🧪🧬

مُبارٓكٌ علٓيْكم شّٓهرُ رٓمٓضٓان 🌒 وكل عام وأنتم بخير وصحة وعافية ❤️ اعاده الله علينا وعليكم بالخير واليمن والبركات ♥️🌙

بالنسبه للفارماكولوجي -بالنسبه للقسم عندنا ف انا لن ابدي رأيي اطلاقا وانتوا لما تحضروا هتشوفوا بنفسكم. -طيب الفارما صعبه؟ الفارما حفظ كميه الادويه الكتير اوي الي فيها هو الي مصعبها لكن ك محتوي ف معظم الكلام سهل لكن زي ما قلتلكم الصعوبه كلها ف حفظ الادويه وكل دواء بيشتغل ازاي وكدا. -طيب نسمع مين خارجي؟ -بلا نقاش د عبدالمتعال فوده. -عشان تسهل الماده علي نفسك شويه حاول تلخص المحاضرات ب النقط المهمه الي فيها لان كتاب القسم مش احسن حاجه اطلاقا واعتقد هتلاقوا في مذكرات للفارما موجوده ف الاحسن تجيبوها عن الكتاب. -القسم بينزل اسئله مع الكتاب وكل سنه بيجيب اسئله الامتحان بالنص منها ف ضروري تجيبوها. -السكاشن للفارما الي حد ما بسيطه والدنيا فيها تتلم قبل الامتحان بس عشان بردو منزنقش نفسنا نذاكر اول ب اول احسن. -اخيرا اعتقد الموديول دا هيكون من اتقل الموديولات الي اخدتوها ف سنه اولي لان ل اول سنه الفارما والباثو يبقوا مع بعض ف موديول واحد بس حقيقي طول منتا مش مراكم عليك الدنيا هتبقي كويسه ونصيحه بلاش تراكموا الموديول دا بلاش تراكموا الموديول دا لان الدنيا هتبقي صعبه ومش هتقدر تلم المنهج.

اي الاخبار يا شباب اتمني تكونوا بخير💙 هتكلم معاكم شويه عن الموديول الجديد:- بالنسبه ل الباثولوجي ف هيا تعتبر من اتقل مواد الاكاديمي بسبب ان كميه الحفظ فيها كبيره شويتين. بالنسبه لشرح القسم عندنا ف الي حد ما الشرح فيه كويس و د ايمان سعيد هيا الي هتبقي معاكم ف شرح محاضرات الباثو كلها. طيب لو حبينا نسمع شرح خارجي؟ عندك د سامح غازي. -الاسئله بتيجي ازاي للنظري؟ كل مرض من الامراض الي هتاخدها هيكون ليه كلمات مميزه ف هتجيلك احد الكلمات دي ف السؤال وانت المفروض تعرف هيا الكلمه دي كانت مع اي مرض. -اسئله المقالي بتيجي في صوره توصيل او اكمل او complication هيعملها مرض معين من الاخر اي سؤال ف الكتاب مترقم تحته ١-٢-٣-٤ وهكذا ممكن يجيلك مقالي عادي. -الماده بإيدك تخليها سهله وبإيدك تخليها معقده زي ما قلتلكم ان الحفظ فيها كتير اوي ف لازم تعدي علي المحاضرات اكتر من مره قبل فتره ما قبل الامتحان وحوار انك تلم الماده ف ليالي الامتحان صعب الصراحه. -اخر حاجه بالنسبه للنظري الكتاب لو مثلا ١٠٠ ورقه ف انت هتمتحن عليهم كلهم لان د ايمان مبتلغيش ولا كلمه من المنهج بل اوقات بتزود. -نظام السكاشن عامل ازاي؟ بيبقي في شرايح ل organs فيها امراض معينه والي هيا هتتشرح ليكم ف النظري في من الصور دي gross وفي منها microscopic و دكاتره السكاشن بيشرحوا الكومنت الي موجود تحت كل شريحه من دول. طيب نظام الامتحان للعملي عامل ازاي؟ الشرايح الي اخدتها ف السكاشن هتيجي ف الامتحان طبعا لو gross هتبقي مطبوعه علي ورقه ولو ميكروسكوب ف هتتعرف انت عليها تحت الميكروسكوبات او ممكن تجيلك بردو صوره مطبوعه علي حسب ومطالب منك تكتب اسم الشريحه و تكتب الكومنت الي تحتها. -ضروري تحفظ ف الشرايح اول ب اول لانهم ف الجينيرال كتير علي ما اتذكر كانوا ٣٥ اسلايد ف هتبقي الدنيا صعبه عليك لو سيبتهم للفتره الي قبل العملي. واخيرا دي الماده الوحيده الي مفيهاش تشغيل دماغ او اني هجيب سؤال فيه فكره الاسئله كلها بتبقي موجوده نصا ف الكتاب وضروري تحلوا علي كل محاضره هتاخدوها عشان تعرفوا شكل الامتحان.

تحبوا نتكلم شويه علي مواد الموديول الجديد الباثو و الفارما؟

مبارك يا شباب علي النتيجه💙 حابب اقول للناس الي مكنتش موفقه في الترم دا بسبب انها مكنتش فاهمه النظام الكليه او مكنتش عارفه ازاي تذاكر او ايا كان السبب ان الترم الاول وسنه اولي كلها لا تعني شئ والله من المجموع الكلي والي مكنش موفق في النتيجه عنده لسه ٤ سنين ونص تعوض فيهم وبنسبه ٩٠٪؜ اوائل الترم الاول في سنه اولي هيتغيروا علي مدار السنين الجيه ف كل ما في الموضوع انكم تعملوا الي عليكم في السنين الجيه وان شاء الله تقدروا تعوضوا كل الدرجات الي نزلتوها دي فيها.

https://t.me/Med_Circle اخباركم يا شباب اتمني تكونوا بخير💙 دي قناه د محمد الشامي ان شاء الله هينزل ليكم شرح لمادتين الفارما والميكرو علي مدار السنتين ونص دول و محاضرات انهارده هتنزل ليكم انهارده بإذن الله ف تابعوا معاه.

شباب لو حد فيكم ادمن ف ميديكو اولي ممكن يبعتلي

الحمد لله يا شباب الامتحان عدي نركز ف الي بعده علي طول بس حقيقي محتاج اعرف الفيدباك بتاعكم عن فيديوهات الشرح والحل وكل حاجه نزلت ليكم الموديول دا💙 http://kms00.sarhne.com

شباب الي فاكر اسئله من الامتحان يبعتها