Sevgi haqida maʼnoli sheʼrlar

Eng shirin hislarim senga atalgan, Yuragingga kirsam so'zlarim bilan, Ismingni takrorlab charchamaydigan, So'zlarim uchun ham sog'indim seni! Ko'zlarim o'rgatib ko'zlaringga sen, O'rgatib qo'ygansan o'zginangga sen, Bugun muzlab muzlab sensizlikda men, Ko'zlarim uchun ham sog'indim seni! Jonimga ishq bo'lib kirgansan netay, Bu darddan bosh olib qayga ham qochay? Seni ham ishq degan o'tlarda yoqay Shu ishqim uchun ham sog'indim seni! Tonglarni kutardim bo'lib intizor Seni bir ko'rmoqlik umidiga zor Tong kutib, tunlarni o'tkazib bedor Tonglarim uchun sog'indim seni! Seni armon uchun sevgan edimmi, Hijronlarga solding bir so'z dedimmi?! Shuncha chekkan ohim bekormi, kammi, Ohlarim uchun ham sog'indim seni! Mohsanki qalbimda ohlar chekaman, Yo'qsanki o'zimdan butkul tonaman, Sensiz dunyolarda qanday qolaman, Sevgan ruhim xaqqi sog'indim seni! Umrim o'tib borar daryo misoli, Bir zum tark etmaydi diydor xayoli, Nima bo'lsa hamki ko'narman mayli, Qolgan umrim xaqqi sog'indim seni

Yuragim og'rig'iga ming davo izlab Yugurib tinmayman yashab, kulyabman Tananing og'rig'in menga so'zlamang Bedavo dardimni ichga yutyabman So'zingiz befavo yordan noliydi Bundayin rishtalarga hayron qolyabman Nahotki dunyolarcha dardingiz shumi Bedavo dardimni ichga yutyabman Ko'zimga emas siz qalbimga qarang Ma'yuslikni yuzimdan asta yulyabman Kulyabman jilmayib yana kulyabman Bedavo dardimni ichga yutyabman

Qaygadir yo'qolgan ko'ngil xohishi, Azob libosini kiymagandekman. Mening kayfiyatim juda ham yaxshi - Hech kimni hech qachon suymagandekman. Yashayapman bugun tanti, zo'r bo'lib, Uxlayapman sokin,hayol surmasdan - Muhabbatning ko'zi ko'ppa ko'r bo'lib, Yonimdan o'tgandek meni ko'rmasdan. Ey to'pori dardlar,mengachi - tegmang, Endi yoqmas menga yurak shovqini. Shu bugun tushunib qolgandekman - ey Sevmay yashamoqning ajib zavqini.

Kimni bildim, kimni bilmadim, Gox tanidim, gox tanimadim. Tug'ilganda yig'lab kelganman, Hali hamon to'yib kulmadim ! Hech kim uchun baxt bo'lolmadim, Yuragida axt bo'lolmadim. Yo'q...sevdilar jondan kechguncha, O'sha jonni men sevolmadim ! Dunyo bilan bo'ldim hamnafas, To'xtamadim, tinmadim birpas. Umr o'tib bo'libdi bilsam, Dilchi hamon qulfini ochmas ! Kun sanabman, yil sanamabman, Izlarimga xech qaramabman. Xatto o'zim, o'z ko'nglim ovlab, Bir bor undan xol so'ramabman ! Titrabgina yashabdi sho'rlik, Ko'zlarida qotgancha xo'rlik. Uvoliga qolgan yuragim, CHarchamabdi qilgancha zo'rlik ! O'zi yig'lab, o'zi kulibdi, Gox tirilib, goxo o'libdi. Men beparvo yashayveribman, Unsizgina shunga ko'nibdi ! Muhabbatmi...?, U hamrox edi, Yuragimda bir giyoh, edi. Faqat unib ochmadi gullar, Tomirida dil siyox, edi ! Yurak dildan so'ramadi, xech, Yoshlariga qaramadi, xech. Yurak boshqa, dil boshqa, ekan... Bir birini ayamadi...xech !!

Menmidim ko'nglingda barq urgan chaman, Va, yo, oyog'ingda toptalgan maysa? Meningdek yo'lingdan toshlarni tergan, Meningdek ahdiga sodiq topmaysan! Menmidim, ordan ham, g'ururdan kechib, Sening mushkulinga chora izlagan?! Achchiq sog'inchlarning bodasin ichib, O'zini "sensirab", seni "sizlagan"? Menmidim, xanjardek so'zlarga chidab, Ko'ksidan qon oqqan, ko'zlaridan yosh? Menmidim, gunohkor bolaga o'xshab, Kelar jazolarga berayotgan dosh? Menmidim, sengina nodondan mudom, Bir qatim mehrni kutib tolmagan. Azaliy qo'shiqdek etganu davom, Seni der ko'nglidan kecha olmagan? Menmidim, hislari osmondan ulkan, So'rasang, umrini qilguchi tortiq? Menmidim, javob ber vijdoning bilan, Seni yaxshi ko'rgan jonidan ortiq? Bilmading! Bilishni istamading yo, Qadrimni ustidan yurding bemalol! Ammo, tugamadi hali bu Dunyo, Meni ham sevarlar hali, ehtimol! Sevgimga hiyonat qilgan bo'lsang ham, Oliy baxt tilayman, tilayman iqbol! Mendan ortiq sevgan yuraklar bilan, Meni deyolmagan ko'ngling bilan qol! ✍Malika Tavfiq