فريق قادة المستقبل || فرقة أولى حقوق.

*معادلة الفرنساااااااوي* 🤔🤷🏻‍♂️ -طبعا دي بتكون للي مدرسش فرنساوي في ثانوية عامة يعني كانت اللغة التانية مش فرنساوي ، وطبعا مش هينفع تاخد شهادتك من غيرها *بالنسبة لمعادلة الفرنساوي فتحت من يوم الاحد ٩/٦ ولازم تكون دافع المصاريف ومعاك اثبات قيد انك مقيد بالكلية ورسومها ٣٠٠ ج* ✅ امتحانها يوم 10/7 باذن الله ⏳ #فريق_قادة_المستقبل

أنت و أنت بتذاكر فصل حقوق الإنسان..

إجابات جميع السنوات السابقة مادة منظمات من ٢٠٢٣ تخلفات ل ٢٠١٨ تخلفات #فريق_قادة_المستقبل

السلام عليكم و رحمة الله وبركاته هنزلكم بإذن بناء على طلب الجماهير جميع حل السنوات السابقة من ٢٠٢٣ تخلفات إلي ٢٠١٨ تخلفات الملف ممكن يخضك بحجمه الكبير بس زي ما قولتلك دي إمتحانات السنين إلي فاتت كلها و أكيد أنت كنت شاطر بصيت على إمتحان أو أتنين على الأقل ممكن تبص مثلًا فالسؤال الصعب أو ألي وقف قدامك و ممكن تراجع سؤال سؤال بإجابته إلي يريحك المهم عايزاك تراجع من ٢٠٢٣ لحد ٢٠٢١ كاملين دول أهم إمتحانات عشان دول إلي حاطتهم د.محمد صافي بنفسه ركز على الأسئلة المقررة الأسئلة المقررة مش بجاوبها تاني بتلاقيني كاتبها موجوده فإنهي إمتحان سابق عشان الملف يبقاش أكبر من كده وبس كده دمتم موفقين #فريق_قادة_المستقبل

السلام عليكم ورحمة الله وبركاته بنسبة لحوار تنبيه الصبح بتاع أسئلة صح وغلط بتاعت دكتور صافي وعشان في كذا حاجة عصبت وحرقة دم الواحد🙂 أحنا لما بنبهكم على حاجة أكيد بنبهكم من حاجة متأكدين منها وبعدين خلينا نتكلم حبة بالمنطق أشطا؟ أشطا لو أحنا بنقولكم الدكتور هيجيب صح وغلط وجابلكم مقالي أنتم كده كده مش مضرورين لإنكم بقالكم أسبوع على الحال ده وبتحالوا وتحفظوا كل المقالي فكده كده أنتم مظبطين الجزئية دي. طب لو هو بقى طلع جاب صح وغلط؟؟ طبعا هتطلعوا بتعيطوا لإن سؤال صح وغلط شكل إجابته وتركيزه فالأسئلة مختلفة فلما تعملوا حسابكم يبقوا مين المستفيد؟! تاني حاجة بقى الجماعة بتوع "أصل بتوع السناتر مقلوناش كده" جدعان والله العظيم أنتم لو حالفين تاخدوا كل مره نفس الخازوق بنفس العبقرية بجد مش هتعملوا كده!😂 مش هما دول نفس الناس إلي قالكم ده دكتور طه هيجيب صح وغلط وتوقعات الذهبية اللولبية والسؤال ٥ هيبقى كذا و٦ كذا ، وفي الاخر اساسا اساسا دكتور طه جاب ٦ اشرح 😂👍 ولا لما كانوا بيقولكم على تعريفات الاقتصاد الي هما اساسا كتبينها غلط!😂 وبردو مش بتتعلموا مهما تتدلعوا بتموتوا فاللدع وإلي بقى مش واثق فكلامنا ده كوم تاني بقى ، بقالكم سنة دراسية كاملة بتعتمدوا الكلام بثقة ويوم فالحاجة الاكيده تقعدوا تشككوا وعلى فكرة مش بلوكم حقكم بس انتم ليه مش بتتاكدوا من المصادر الي بنزلها ليكم على الاقل؟ وليه الثقة العمياء دي فبتوع السناتر رغم انك عارف ومدرك كويس انه على الله! وكمان الي الغريب ان دايما نقولكم ذاكروا من الكتب ونجيبلكم مصادر من الدكتور نفسه و مع ذلك النصاحة تيجي معانا😂 طب ليه بتثقوا فالناس بتاعت الورقة الذهبية الي مش هيطلع منها الامتحان ويبقى يإما كاتبلك توقعات غلط او من الملغي اصلا او يإما كاتب المنهج كله فالورقة ما لازم ميطلعش منها يغالي ما ده المنهج😂😂 وعمتًا كان ممكن نحتفظ بمعلومة زي دي لينا أحنا كأدمن ونذاكر أحنا وناخد بالنا وملناش دعوه بباقي الدفعة، بس مهانش علينا وقولنا المادة اساسا صعبة ويتنبهوا جيه صح وغلط كان بيها واديكم اتدربتوا عليه ، جيه مقالي فل الفل كده كده انتم مدربين على المقالي وبس كده. نسأل الله التوفيق لنا ولكم ورفقًا بينا شوية يا أحباب الله يباركلكم😃 #فريق_قادة_المستقبل

تنويه هام يا شباب 💥 دكتور محمد صافي قال هيجيب ٦ أسئلة صح وغلط مع التعليل و هنختار منهم ٤ تاني بقرر دكتور صافي هيجيب صح وغلط مع التعليل نبه غيرك #فريق_قادة_المستقبل

في نصيحة و تنبيه مهم لوجه الله عايزينكم تاخدوا بالكم منها مش غريبه شويتين أن دكتور محمد صافي  أول مره هيغير فيها الامتحان هتبقى على الدفعه بتاعتنا السنين اللي فاتت كلها لحد 2023 كان بيجي الامتحان مقالي ودا ب معناه ان في ناس بتاخد ب مبدأ انهم يذاكروا جزء من الماده ويستبعدوا الباقي بحيث انو لو جه يختاروا اللي ذاكروه بس حركه انو يتعمل 6 اسئله و4 منهم اجباري دي هتوقع الناس اللي بتفكر بالشكل اللي قولته فوق عشان الاربع اسئله هيبقوا شاملين 80% من القسم الاول ف محدش يستبعد اسئله او يذاكر جزء ويسيب جزء والماده دي بالذات مفيهاش توقعات محدش يصدق اللي يقول ورقه دهبيه والكلام التعبان دا دكتور صافي هيفلتر الناس اللي بتذاكر من اللي مبتذاكرش وهيعرف يعمل كدا بالحركه اللي عملها في الامتحان #فريق_قادة_المستقبل

دعوة حلوة بقى وإتفاعل يا عسل😏

المحاضرة الأولى لدكتور صافي ملخص أبسط و أوضح #محمد_صافي_منظمات_دولية #فريق_قادة_المستقبل