⚖️Advokat yurist maslahati

❗️ИККИ ВА УНДАН ОРТИҚ 12 ЁШГА ТЎЛМАГАН БОЛАЛАРИ БЎЛГАН ОТА-ОНАЛАРГА ҚЎШИМЧА ТАЪТИЛ БЕРИЛАДИ 📄 Меҳнат кодексининг 401-моддасига асосан, ➖ ўн икки ёшга тўлмаган икки ва ундан ортиқ боланинг ёки ўн олти ёшга тўлмаган ногиронлиги бўлган боланинг ота-онасидан бирига ҳар йили давомийлиги камида тўрт календарь кун бўлган ҳақ тўланадиган қўшимча таътил берилади. ✅ Ушбу таътил йиллик меҳнат таътилига қўшиб берилиши ёки иш берувчи билан келишиб белгиланадиган даврда ушбу таътилдан алоҳида (тўлиқ ёхуд қисмларга бўлиб), лекин фақат тегишли иш йили давомида фойдаланилиши мумкин. ❗️Ушбу таътилни кейинги иш йилига кўчиришга ёки уни пулли компенсация билан алмаштиришга йўл қўйилмайди. 👉 Bizning ijtimoiy tarmoqlarimiz Telegram | Instagram | Tiktok

❗️АЛИМЕНТ ТЎЛАШ МАЖБУРИЯТИНИНГ ТУГАТИЛИШИ ⚡️САВОЛ; Суднинг ижро хужжатига асосан ундириладиган алимент тўлаш мажбурияти қандай ҳолларда тугатилади ? ⚡️ЖАВОБ; Оила кодексининг 147-моддасига асосан, суд тартибида ундириладиган алимент тўлаш: ➖ бола вояга етганда ёки вояга етмасдан туриб тўла муомала лаёқатига эга бўлганда; ➖ фойдасига алимент ундирилаётган бола фарзандликка олинганда; ➖ суд алимент олувчининг меҳнатга лаёқати тикланган ёки уни ёрдамга муҳтож бўлмай қолган деб топганда; ➖ меҳнатга лаёқатсиз, ёрдамга муҳтож алимент олувчи собиқ эр ёки хотин янги никоҳга кирганда; ➖ алимент олувчи ёки алимент тўлаши шарт бўлган шахс вафот этганда тугатилади. 📩 Юристга савол юбориш @Jasurbek_Yurist @Yuristka_Mubina_03 https://t.me/advokat_yurist_advakat_maslahat

❗️ИШГА ҚАБУЛ ҚИЛИШНИ НОҚОНУНИЙ РАД ЭТИШ ТАҚИҚЛАНАДИ !!! 📄 Меҳнат кодексининг 119-моддасига асосан, ишга қабул қилишни қонунга хилоф равишда рад этишга йўл қўйилмайди. ❗️Қуйидагилар ишга қабул қилишни қонунга хилоф равишда рад этиш хисобланади: ➖ меҳнат ва машғулотлар соҳасида камситишни тақиқлаш тўғрисидаги талабларни бузиш; ➖ иш берувчи томонидан ишга таклиф этилган шахсларни ишга қабул қилмаслик; ➖ иш берувчи қонунга мувофиқ меҳнат шартномасини тузиши шарт бўлган шахсларни (иш ўринларининг белгиланган энг кам сони ҳисобига ишга юборилган шахсларни, иш берувчи алоҳида асослар бўйича меҳнат шартномасини бекор қилган шахсларни, улар қайта ишга қабул қилинган тақдирда ва бошқаларни) ишга қабул қилмаслик; ➖ ҳомиладорлик ёки фарзандлар борлиги билан боғлиқ сабабларга кўра ишга қабул қилмаслик; ➖ судланганлиги, шу жумладан тугалланган ва олиб ташланган судланганлиги сабабли шахсларни ишга қабул қилмаслик, бундан қонунчиликда назарда тутилган ҳоллар мустасно, ёхуд шахсларни уларнинг яқин қариндошлари судланганлиги, шу жумладан тугалланган судланганлиги муносабати билан ишга қабул қилмаслик; ❗️Ишга қабул қилиш рад этилган тақдирда, иш берувчи ишга қабул қилиш ҳуқуқига эга бўлган мансабдор шахс томонидан имзоланган ишга қабул қилишни рад этиш сабабларининг ёзма асосини ишга қабул қилиниши рад этилган шахснинг талабига кўра уч кунлик муддатда тақдим этиши шарт. 👉 Bizning ijtimoiy tarmoqlarimiz Telegram | Instagram | Tiktok

❗️ БИЛИБ ҚЎЙГАН ЯХШИ ☑️ Қонунчиликка кўра, товушли ишоралар фақат қуйидаги ҳолларда қўлланилиши мумкин: 🔹аҳоли пунктларидан ташқарида бошқа ҳайдовчиларни қувиб ўтиш ҳақида огоҳлантириш учун; 🔹зарур бўлган ҳолларда йўл-транспорт ҳодисасининг олдини олиш учун. 🚫 Юқорида кўрсатилган ҳоллардан ташқари товушли ишоралардан фойдаланиш тақиқланади. ⚠️ Шунингдек, товуш сигналини сабабсиз бериш, транспортларга уни ишлаб чиқарган корхона назарда тутмаган товуш чиқарувчи ва ёритувчи қурилмаларни ўрнатиш, худди шунингдек уларни ўзгартириб ўрнатиш, БҲМнинг 1 баравари (340 минг сўм) миқдорида жарима солишга сабаб бўлади. 👉 Bizning ijtimoiy tarmoqlarimiz Telegram | Instagram | Tiktok

1.8. - «Светофор тартибга солади». Ҳаракатланишни светофор тартибга соладиган чорраҳа ва пиёдалар ўтиш жойи йўл шароити туфайли ҳаракатланиш хавфсизлигини таъминловчи масофадан кўринмаса, у ҳолда ўша хавфсизликни таъминловчи масофада 1.8 йўл белгиси ўрнатилади. 👉 Bizning ijtimoiy tarmoqlarimiz Telegram | Instagram | Tiktok

❗️АЛИМЕНТ УНДИРИШ БЎЙИЧА АРИЗА БЕРИЛГАНДА ДАВЛАТ БОЖИНИ КИМ ТЎЛАЙДИ ? ⚡️САВОЛ: Мен собиқ турмуш ўртоғимни алиментга бермоқчи эди. Алиментга ариза берсам давлат божини мен тўлайманми ёки турмуш ўртоғимми ? ⚡️ЖАВОБ: Ўзбекистон Республикасининг 06.01.2020 йилдаги ЎРҚ-600-сон Қонунида, ➖ Фуқаролик ишлари бўйича судларда давлат божини тўлашдан озод этиладиган шахслар рўйхати келтирилган бўлиб, унга кўра, даъвогарлар — алиментлар ундириш тўғрисидаги даъволар юзасидан судларга мурожаат қилганида давлат божидан озод этилиши белгиланган. ❗️Демак, алимент ундириш тўғрисида фуқаролик ишлари бўйича судларга мурожаат қилган шахслар давлат божи тўламайди. Божни жавобгар тараф тўлайди. 👉 Bizning ijtimoiy tarmoqlarimiz Telegram | Instagram | Tiktok

❗️Фирибгарлар учун қандай жазо белгиланган? 📃 Фирибгарлик – бу ўзганинг мулкини ёки мулкга бўлган ҳуқуқини алдаш ёки ишончни суиистеъмол қилиш йўли билан қўлга киритишдир. ❗️ Фирибгарлик учун қонунчиликда жиноий жавобгарлик белгиланган. 📃 Жиноят кодексига кўра, ушбу жиноятни содир этган шахс: ➖ БҲМнинг 50 бараваридан 100 бараваригача (17 млн сўмдан 34 млн сўмгача) миқдорда жарима; ➖ 2 йилгача ахлоқ тузатиш ишлари; ➖ 1 йилдан 3 йилгача озодликни чеклаш; ➖ 3 йилгача озодликдан маҳрум қилиш билан жазоланиши мумкин. 👉 Bizning ijtimoiy tarmoqlarimiz Telegram | Instagram | Tiktok

⚠️Навоийда автомашина бошқарувига ўтирган мактаб ўқувчилари ва уларнинг ота-оналарига нисбатан қонуний чоралар кўрилмоқда Навоий вилояти ИИБ ЖХХ ЙҲХБ Ахборот хизмати 👉 Bizning ijtimoiy tarmoqlarimiz Telegram | Instagram | Tiktok

❗️ПЕНСИЯГА ҚЎШИЛАДИГАН УСТАМАЛАР ⚡️ Ким аслида қанча пенсия олиши керак ? Буни пенсияга қўшиладиган устамаларни хисоблаш орқали хам билиб олиш мумкин! 📄 "Фуқароларнинг давлат пенсия таъминоти тўғрисида"ги Қонуннинг 28-моддасига кўра, белгиланган тартибда ҳисоблаб чиқарилган пенсияларга устама ҳақлар қуйидаги миқдорларда белгиланади; ✅ I гуруҳ уруш ногиронларига — пенсияни ҳисоблаш базавий миқдорининг 150 фоизи; ✅ II гуруҳ уруш ногиронларига — пенсияни ҳисоблаш базавий миқдорининг 125 фоизи; ✅ кўзи ожизлик бўйича I гуруҳ ногиронлиги бўлган шахсларга — пенсияни ҳисоблаш базавий миқдорининг 100 фоизи; ✅ I гуруҳ ногиронлиги бўлган шахсларга — пенсияни ҳисоблаш базавий миқдорининг 75 фоизи; ✅ II гуруҳ ёлғиз ногиронлиги бўлган шахсларга — пенсияни ҳисоблаш базавий миқдорининг 75 фоизи; ✅ уруш қатнашчилари ва уларга тенглаштирилган шахсларга — пенсияни ҳисоблаш базавий миқдорининг 50 фоизи; ✅ 1941 — 1945-йиллардаги уруш даврида мамлакат ичкарисида ишлаган ва ҳарбий мажбуриятни бажарган шахсларга — пенсияни ҳисоблаш базавий миқдорининг — 30 фоизи; ✅ вафоти ҳарбий хизмат ёки ички ишлар органларидаги, Миллий гвардиядаги хизмат мажбуриятларини бажариш билан боғлиқ бўлган ҳарбий хизматчиларнинг ҳамда ички ишлар органлари, Миллий гвардия ходимларининг ота-оналарига ва янги никоҳдан ўтмаган бева хотинларига (бева эрларига) — пенсияни ҳисоблаш базавий миқдорининг 30 фоизи. ✅ Ўзбекистон олдида алоҳида хизматлари бўлган шахсларга — пенсияни ҳисоблаш базавий миқдорининг 100 фоизидан 150 фоизигача. ✅ ёшидан қатъи назар имтиёзли пенсияга чиқиш ҳуқуқига эга бўлган артистларга — пенсияни ҳисоблаш базавий миқдорининг 75 фоизи; ✅ театр-концерт ташкилотлари артистлари ва бадиий ходимларига, театр ва мусиқа санъати ижодий ходимлари тайёрловчи ўқув муассасаларининг профессор-ўқитувчилари ва концертмейстерларига, Вазирлар Маҳкамаси белгилайдиган рўйхатга кўра — пенсияни ҳисоблаш базавий миқдорининг — 50 фоизи. 👉 Bizning ijtimoiy tarmoqlarimiz Telegram | Instagram | Tiktok