Kyaikhto Information Organization

⚠️ကြည့်မြင်တိုင် 💬စစ်မှုထမ်းသတင်း စက်ဆန်းရပ်ကွက် ကြည့်မြင်တိုင် တဖက်ကမ်း စက်ဆန်းရပ်ကွက်မှာ စစ်မှုထမ်းဆက်ကြေး တစ်အိမ်ထောင် ၅၀၀၀နှုန်းကောက်မယ်လို့ကြေငြာထားတာကို ပြည်သူမှ တိုင်ကြားမှုကြောင့် KSCမှ ဖော်ပြပေးပြီး၊ ရှယ်တီးအဖွဲ့တွေ့က အရေးယူဖို့ စောင့်ကြည့်နေတာကြောင့် အုပ်ကြီးတွေက မကောက်ရဲတော့ဖူးလို့ သိရပါသည်။ ဒါကို အခု စက်ဆန်းရုံးက ခိုင်းဘက်ဖြစ်တဲ့ သရဲကြီး (နဝဒေးလမ်း)နှင့် ကယ်ရီမောင်းတဲ့ကရင် (ကရင်ခြံလမ်း)တို့ ၂ယောက်က ဦးဆောင်ပြီး ဆက်ကြေးလိုက်ကောက်နေတယ်လို့ သတင်းရရှိပါသည်။ "သူတိုကပြောသေးတယ်.. ဒီပြင့်ကောင်တွေမကောက်ရဲရင် သူတို့ကောက်မယ် ကြိုက်တဲ့ကောင်လာလို့ စိန်ခေါ်ပြီး ဆက်ကြေးလိုက်ကောက်နေတယ်" လို့ လည်း ပြည်သူများမှ KSCသို့ သတင်းပေးပို့တိုင်ကြားလာပါတယ်။ ကဲကဲ...........ရှယ်တီးအဖွဲ့တွေရေ ကျစိမ့်လေး order အမြန်ပို့ဖို့ လုပ်ကြရအောင်။ 1:50 PM @Skrillex191

ကျောက်ပန်းတောင်းတွင် "ကြိုက်တဲ့ PDF ပေါ်တင်လာခဲ့" ဟု စိန်ခေါ်ခဲ့သည့် တံခွန်တိုင်ရွာ အုပ်ချုပ်ရေးမှူး သိန်းမြင့်နှင့် သားဖြစ်သူ ပျူစောထီး ဝင်မင်းသန့် တို့ ပစ်ခတ်ခံရပြီး ၂ ဦးလုံးသေဆုံး ရန်ကုန်၊ ဧပြီ ၉ မန္တလေးတိုင်း၊ ကျောက်ပန်းတောင်းမြို့နယ်တွင် "ကြိုက်တဲ့ PDF ပေါ်တင်လာခဲ့" ဟု စိန်ခေါ်ထားသည့် တံခွန်တိုင်ရွာ အုပ်ချုပ်ရေးမှူး သိန်းမြင့်နှင့် သားဖြစ်သူ ပျူစောထီး ဝင်မင်းသန့် တို့ကို ပစ်ခတ် တိုက်ခိုက်ရာ ၂ ဦးလုံး ပွဲချင်းပြီး သေဆုံးခဲ့ကြောင်း မကွေး ပြောက်ကျားတပ်ဖွဲ့ တာ၀န်ခံ ကံကြီးမောင် က ရန်ကုန်ခေတ်သစ် မီဒီယာသို့ ပြောဆိုသည်။ ဧပြီလ ၈ ရက်နေ့ နံနက် ၁၁ နာရီ ၄၂ မိနစ်ခန့်တွင် ကျောက်ပန်းတောင်းမြို့နယ်၊ တံခွန်တိုင်ကျေးရွာ အုပ်ချုပ်ရေးမှူး ဖိုးထော် (ခ) သိန်းမြင့် နှင့် သားဖြစ်သူ ပျူစောထီး ဝင်မင်းသန့်ဆိုသူကို ၎င်းတို့ နေအိမ် အတွင်း သေနတ်ဖြင့် ၁၄ ချက် ပစ်ခတ်တိုက်ခိုက်ရာ ၂ ဦးလုံးပွဲချင်းပြီး သေဆုံးခဲ့ကြောင်း သိရသည်။ သေဆုံးသွားသော အုပ်ချုပ်ရေးမှူး သိန်းမြင့် ဆိုသူသည် ၈၈ မျိုးဆက် စီးပွားရေး ခရိုနီအရင်းရှင်တစ်ဦးဖြစ်ပြီး ကျေးရွာအတွင်း လျှပ်စစ် မီတာခများ အတင်းအဓမ္မ ကောက်ယူခြင်း၊ ပျူစောထီး ၁၃ ဦးကို ဦးဆောင်၍ သင်တန်းပေးခြင်း၊ "ကြိုက်တဲ့ PDF ပေါ်တင်လာခဲ့" ဟု စိန်ခေါ်ခြင်း၊ သားဖြစ်သူ ဝင်းမင်းသန့် ဆိုသူမှာလည်း ပျူစောထီး သင်တန်းဆင်း ဖြစ်ခြင်းတို့ကြောင့် ပစ်ခတ် တိုက်ခိုက်ရာ ပွဲချင်းပြီး သေဆုံးခဲ့ခြင်းဖြစ်ကြောင်း သိရှိရသည်။ အဆိုပါ တိုက်ခိုက်မှုကို Magway Guerrilla Warfare (မကွေးပြောက် ကျားတပ်ဖွဲ့) နှင့် ဒေါင်းစစ်သည် ပြောက် ကျားတပ် (နတ်မောက်) တို့က ပူးပေါင်းလုပ်ဆောင်ခဲ့ပြီး အကြမ်းဖက် စစ်ကောင်စီ ဒေါက်တိုင် မှန်သမျှကို ဖက်ဆစ် အဏာရှင်စနစ်ကျဆုံးသည် အထိ တိုက်ခိုက်ချေမှုန်းသွား ဖြစ်ကြောင်း၊ ပြည်သူ လူထုအနေဖြင့် ပြည်သူကာကွယ်ရေးတပ်ဖွဲ့ဝင်များနှင့် ပူးပေါင်း ပါဝင်ပေးကြရန် နှင့် စစ်သား၊ ရဲများ၏ အနီးကို အထူး သတိထား သွားလာကြရန် မကွေး ပြောက်ကျားတပ်ဖွဲ့ တာ၀န်ခံ ကံကြီးမောင် က ပြောဆိုသည်။

မန္တလေးမြို့၊ ချမ်းအေးသာဇံမြို့နယ်တွင် လေပြင်းတိုက်ခတ်ပြီး သင်္ကြန်ကြော်ငြာ မုဒ်ဦးပြိုကျကာ ကားတစ်စီး ပျက်စီး ရန်ကုန်၊ ဧပြီ ၇ မန္တလေးမြို့၊ ချမ်းအေးသာဇံမြို့နယ်တွင် လေပြင်းတိုက်ခိုက်ပြီး သင်္ကြန်ကြော်ငြာဆိုင်း ဘုတ် မုဒ်ဦး တစ်ခု ပြုတ်ကျခဲ့ရာ ကားတစ်စီးပျက်စီးခဲ့ကြောင်း ဒေသနေပြည်သူများက ရန်ကုန်ခေတ်သစ် သတင်းဌာနထံသို့ ပြောကြားသည်။ ယနေ့ ဧပြီလ ၇ ရက် ည ၇ နာရီ မိနစ် ၂၀ ခန့်က မန္တလေးမြို့တွင် လေပြင်းတိုက်ခတ်ခဲ့ရာ ချမ်းအေး သာဇံမြို့နယ်၊၂၆ လမ်း၊ ၇၃ လမ်းထောင့်ရှိ သင်္ကြန်ကြော်ငြာ မုဒ်ဦးဆိုင်းဘုတ်တစ်ခု ပြုတ်ကျခဲ့ကြောင်း၊ အဆိုပါ ဆိုင်းဘုတ်ပြိုကျမှုကြောင့် ဆိုင်းဘုတ်အောက်လမ်းပေါ်၌ ရပ်ထားသော ကားတစ်စီး ပျက်စီးခဲ့ကြောင်း သိရသည်။ “လေက ခဏလေးပဲတိုက်တာ၊ လေပြင်းပဲ ပြင်းလို့လား၊ ဆိုင်းဘုတ်ပဲ မခိုင်တာလား မသိဘူး။” ဟု မန္တလေးမြို့နေပြည်သူတစ်ဦးက ရန်ကုန်ခေတ်သစ်သတင်းဌာနထံသို့‌ ပြောကြားသည်။

၆.၄.၂၀၂၄ မုပ္ပလင်လမ်းဆုံဂိတ်နှင့် လက်ပံပင်သင်္ချိုင်းအား တိုက်ခိုက်ခဲ့သော ရုပ်/သံ မှတ်တမ်း Crd KRF #KIT

ကျိုက်ထို၊ မုပ္ပလင်စစ်ဆေးရေးဂိတ်၊ ရွှေစေတီ၊ ငွေစေတီဘုရားကုန်း အပါ အဝင် နေရာ ၅ ခုတွင် တပ်စွဲထားသော စစ်တပ်ကို ဒရုန်း၊ လက်နက်ကြီးများဖြင့် တိုက်ခိုက်မှု စစ်သားနှင့် ရဲ ၅ ဦး သေဆုံး ရန်ကုန်၊ ဧပြီ ၇ မွန်ပြည်နယ်၊ ကျိုက်ထိုမြို့နယ်၊ မုပ္ပလင်စစ်ဆေးရေးဂိတ်၊ ရွှေစေတီ၊ ငွေစေတီဘုရားကုန်းအပါအဝင် နေရာ ၅ ခုတွင် တပ်စွဲထားသော အကြမ်းဖက်စစ်သား၊ ရဲများကို ဒရုန်းများ၊ လက်နက်ကြီးများဖြင့် ပစ်ခတ် တိုက်ခိုက်ခဲ့ရာ စစ်သား၊ ရဲ ၅ ဦးသေဆုံးခဲ့ကြောင်းကျိုက်ထိုတော်လှန်ရေးအင်အားစု - KRF ထံမှ သိရ သည်။ ယမန်နေ့ ဧပြီလ ၆ ရက်နေ့ မွန်းတည့် ၁၂ နာရီ ၁၉ မိနစ်ခန့်အချိန် ကျိုက်ထိုမြို့နယ်၊ ပုပ္ပလင် စစ်ရေးဂိတ်၊ အကြမ်းဖက်စစ်သားများ တပ်စွဲထားသော ရွှေစေတီ၊ ငွေစေတီဘုရားကုန်းနေရာတို့ကို စစ်ရေး ပစ် မှတ် အဖြစ် သတ်မှတ်၍ ဒရုန်းဖြင့် ဗုံးကျဲချ၍ သော်လည်းကောင်း၊ ၆၀-မမ လက်နက်ကြီးဖြင့် ပစ် ခတ်၍ လည်းကောင်း အသီးသီး ပစ်ခတ်တိုက်ခိုက်ခဲ့ကြောင်း သိရသည်။ ထိုသို့ တိုက်ခိုက်မှုအတွင်း ဘုရားကုန်းပေါ်ရှိ အကြမ်းဖက်စစ်သားများကို ဒရုန်းဖြင့် ဗုံး ၂ လုံးပစ် ချ တိုက်ခိုက်ခဲ့ရာ စစ်သား ၂ ဦး ပွဲချင်းပြီးသေဆုံးခဲ့ကြောင်း၊ မုပ္ပလင်လမ်းဆုံဂိတ်ကို ဒရုန်းဖြင့် ဗုံးသီး ၂ လုံး အပြင် ၆ဝ မမ လက်နက်ကြီး ၃ လုံးဖြင့်ပါ ပစ်ခတ်တိုက်ခိုက်ခဲ့ရာ ရဲ ၃ ဦး သေဆုံးပြီး ၅ ဦးထိခိုက်ဒဏ်ရာရရှိခဲ့ကြောင်း၊ ထို့ အပြင် ရဲကား ၂ စီး ထိခိုက်ပျက်စီးခဲ့သည့်အပြင် ၎င်းတို့ တာဝန် ယူ လက်ခံထားသည့် လိုင်စင်မဲ့ ကား ၁ စီးပါ ထိခိုက်ပျက်စီးခဲ့ကြောင်း သိရသည်။ အလားတူ ကျိုက်ထိုမြို့နယ်၊လက်ပံပင် သင်္ချိုင်းကုန်းနှင့် အင်္ဂဘိုတာဝါတိုင်စောင့် အကြမ်းဖက်စစ် သားများကို ဒရုန်း၊ ၆ဝ မမ လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း သိရသည်။ ဧပြီလ ၆ ရက် ညနေ ၅ နာရီ ၁ဝ မိနစ် အချိန်တွင် လက်ပံပင်သင်္ချိုင်းကုန်းအား ဒရုန်းဖြင့် ဗုံးသီး ၅ လုံးအပြင် ၆ဝ-မမ လက်နက်ကြီး ၄ လုံးဖြင့်ပါ ပစ်ခတ်တိုက်ခိုက်ခဲ့ရာ စစ်သား ၄ ဦး အပြင်းအထန် ဒဏ်ရာရရှိခဲ့ကြောင်း၊ အရာရှိခွဲမှူး ၁ ဦးမှာ ဘယ်လက်မောင်းနှင့် ဘယ် နားရွက် ရှပ်ထိဒဏ်ရာရရှိခဲ့ပြီး ဒဏ်ရာ ရရှိ သူများကို ရန်ကုန်ဘက်သို့ သယ်ဆောင်သွားကြောင်းသိရသည်။ အလားတူ တာဝါတိုင်ကိုလည်း ဒရုန်းဖြင့် ဗုံး ၂ လုံး ကျဲချခဲ့ပြီး ထိခိုက်သေဆုံးမှုကို စုံစမ်းနေဆဲဖြစ်ကြောင်း၊ အကြမ်းဖက်စစ်သားများက အနီးအနား ကျေးရွာများသို့ လက်နက်ကြီးများဖြင့် ရမ်းသမ်းပစ်ခတ်ခဲ့ ကြောင်း သိရသည်။ အဆိုပါ တိုက်ခိုက်မှုကို ကျိုက်ထိုတော်လှန်ရေးအင်အားစု - KRF၊ KNU/KNLA ၊ Night Hawks ၊ YEF ၊ တပ်မဟာ ၁ - PDF တပ်ရင်း၊ တောကျီးကန်းအဖွဲ့၊ ခရမ်း PDF နှင့် ကျိုက်ထိုပကဖ ပူးပေါင်းအဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး တော်လှန်ရေးပူးပေါင်းတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ခြင်းဖြစ်ကြောင်း သိရသည်။ ကျိုက်ထိုတော်လှန်ရေးအင်အားစု - KRF အနေဖြင့်စစ်အာဏာရှင်စနစ် ကျဆုံး သည်အထိ ဆက် လက် တိုက်ပွဲဝင်သွားမည်ဖြစ်ပြီး ပြည်သူလူထု၏ အသက်အိုးအိမ် စည်းစိမ်ကို အသက်ပေး ကာကွယ် စောင့်ရှောက်သွားမည် ဖြစ် ကြောင်း၊ ပြည်သူလူထုအပေါ် တစ်စုံတစ်ရာ ထိခိုက် နစ်နာ ပျက်စီး ဆုံးရှုံးစေမည့် ဖောက်ခွဲမှု၊ ပစ်ခတ်မှုများအား ပြုလုပ်ခြင်း အလျဉ်းမရှိကြောင်း အသိပေးထုတ်ပြန် ထားသည်။

ကျိုက်ထိုတော်လှန်ရေးအင်အားစု(KRF) ရဲ့ မတ်လ ၇ ရက်နေ့ mission မှတ်တမ်းဓာတ်ပုံ

ကျိုက်ထိုတော်လှန်ရေးအင်အားစု(KRF) ရဲ့ မတ်လ ၆ ရက်နေ့ mission