Study Guide🥇

كاضافة بعيدا عني وعندي من قريت ...💜👇🏻: عندك اهم مراجع لي قراو عندهم داو علامة في سيونس لازمك في مدة تختار واحد او زوج منداك تلقي بروف داير دروس ملاح اخر تمارين ملاح تسما عادي تقدر تقرا عند اكثر من استاذ وحتى تلقى الاستاذ لي تفهم عنده مليح لازمك تجربهم كامل وتشوف متبقاش تبع كلام الناس شوف انت واش يخرج عليك ... منهم : 🔴كتفي شريف زينة 🔴ربيع ياسين 🔴شاوش 🔴ايوب 🔴مصطفي بدد

اولا المراجع المعتمدة : كنت نقرى من عند الاستاذ شاوش بالدرجة الأولى فيديوهات تاعه الكل تفرجتها من الاول للاخير 🤗 بديتها بكري بزاااااااااف وكتبت كلش بلا ما ننسى واش يشرح لان مرات لب الدرس يمكن ف الشرح معلومات اكثر اضافة اخرى اسلوب افضل بسيط تقدر تعقل عليه ربما حتى اسلوب مميز ! صراحة ومش مجاملة لان قريت عنده دقيقة بدقيقة وحدة بوحدة اشكره من هذا المنبر المهم لا علينا كيما قوتلكم قريت معاه كل الوحدات من تركيب بروتين إلى غاية تركيب الضوئي تفرجت فيديوهات السابقة تاع باك 2021 وكانت بالنسبة لي كافية قريت كأني لم اقرأ من قبل كأني لم اتحصل على علامة ممتازة فيها ( باك 1) المهم لا علينا شهور الاول كنت فقط لاهية مع الدورس نكتب ونفهم ونسترجع المعلومات بحكم اني بقيت عام مقريتش المهم وراهاا كي شفت ان وقت التمارين بقيت نراجع الوحدة كاملة استظهر الاهم والاهم اركز على المهم ! وبعدها انتقل الى سلاسل استاذنا الغني عن التعبير سلاسل الاستاذ بوريش هايلة مكانش كفاه نحكي عليها بالرغم من وجود بعض الصعوبات فيها يقولك المورال يهبط وهيا نن كل عثرة اليوم هيا نوضة للغد اي خطا تقع فيه تاكد انك تستفاد منه وتتعلم وتزيد المعلومات مش دبرس وتستريساا اصلا العلوم دروسها مرتبطين والحل السليم لازمه تفكير وتركيز وتحليل وربط للمعلومات تركز على كل حاجة قدمها ليك تستغلها على اكمل وجه مثال برك كاين لي السند من يمدوه لينا في التمرين هداك بمثابة مفتاح لحل التمرين مهما كان شغل راك فغرفة فيها بزاف صوف ونقلك حوسلي على ابرة تخيلوا كفاه راح تلقاها مستحيل ولكن كي نقلك الابرة راهي في الزاوية هديك أكيد راح تتوجه مباشرة و تلقاهاا بسهولة و في وقت اسرع نفس الشيء العلوم كاين صوالح يمدوهم مش خضرة فوق الطعام انما مؤشرات ترشدك حتى تلقى الحل فقط لازم تكون ذكي تقراا ما وراء الاسطر ✅

السلام عليكم ان شاء الله كامل بخير وعلى خير 🤗 اليوم ان شاء الله نحكيلكم على حب قلبي في ميزكم شكون 🥰 #العلوم اولا دروس تاع الباك حلوة سكر واتفق الجميع على ذلك مكانش حاجة صعيبة ف الدورس شويا تركيز وفهم لما يقدم لك وحفظ ما يجب حفظه كاين لي يقولك العلوم مش حفظ ! واناا نقولك فيها حفظ من لخر ! مثلا المراحل الالياات التجارب الرسوم دور كل عنصر الى غير ذلك ومنه مش حفظ فقط ومش فهم فقط خلونا من المنهجية كلامها من بعد 😇 + كاين واحد السؤال راه يطرح بزااف واش نراجعوا ؟ حسب رأيي متراجع والو ! اني نحكي على العلوم لان الدروس من تحتاجوا تاع تارميناال متروحش تقرى بروغرام تاع سنة الثانية تدخل تقرى راسك منتفخ بالقراية صفاااا بااا ! درك نقولكم واش تقراو وتراجعوا مراجعة خفيفة برك مش حاجة قاع للناس لي حابة تراجع ✅

خاوتي تفاعل باطل مش بدراهم ها مالكم 🥲🥲🥲😭؟ شويا من عندكم وبزاف من عدنا ☺️👌

. 🟥 #الأخطاء_الشائعة التي يرتكبها التلميذ أثناء السنة الدراسية و تكون لها نتائج كارثية 👌👇 : 💟 #التسويف ⬅️ ينجم عنه تراكم الدروس 📚وراكم تعرفوا كلما اجلتوا كلما زاد عليكم الدروس الحفظ وتحصلوا فمن الاول قراو ونظموا وقتكم و كاين مقولة قالتالي استاذتي ربي يجازيها { من عاش بـ سوف مات بـ ليث } يعني راح يندم فاحذر ✅👌 💟 #عدم_تجهيز_مكان_الدراسة ⬅️ ضياع الوقت و الملل من الدراسة ديما خلي مكان دراستك نظيف وواش تحتاج برك مش قدام مكتب فيه 20 كراس اناا شخصيا كان الشيء هذا يقلقني ومزال لدركا كي نجي نحفظ مثلا نخرج معاي برك بوليكوب لي راح نحفظه منخرجش كامل واش عندي مثلا عندي 10 نخرج 3 لي نحفظ ولا لتجنب القلق والضغط ونولي نشوف شحال باقيلي وهكدا حفظي يكون مش مليح وبدون تركيز وكدااا ما درنا والو ولا واش قلتوا🙂🥲 💟 #المراجعة_العشوائية ⬅️ عدم بلوغ الأهداف المرجوة فاحذر منها دائما خطط ونظم وقتك وصوالحك... 💟 #الدراسة_في_مجموعات و مع الأصدقاء انت علبالك ان تاع ضحك وقصرة برك ⬅️ ضياع الجهد و الوقت و تشتيت الذهن ولكن ان كان مجموعات تاع خباشين انصحكم بهذه المجموعات تستفادوا وتفيدوا✅☺️ 💟 #الاهتمام_بالمواد_الأساسية_فقط ⬅️ معدل لا يعكس القدرات الحقيقية لتلميذ وراح يهبط معدلكم بزاف وتندموا اامنح لكل حق حقه ما تفضل حتى مادة على حساب الاخرى وتهمشها من اراد التفوق عليه بجميع المواد يقراهاا و بنفس الاهتمام مع بعض التفاوت على حسب المعامل طبعااا ❤️‍🔥 💟 #مراجعة_الدروس_دون_التطبيق = النسيان و أخطاء بالجملة أثناء الإجابة وانعدام الثقة خلال الحل لان تكون موسوس اسك صح اجاباتك أم لا بما ان اول مرة تقوم بحل تمرين او موضوع ... 💟 #عدم_المراجعة و التطبيق على الفراغ دون معلومات ⬅️ إكتساب معلومات خاطئة 💟 #عدم_تنويع_الأفكار عند حل التمارين نفس التمرين يتكرر برك الارقام تتبدل = فهم محدود 😔هنايا ما درت والو ❗️

#هام_لأصدقائي_الطلبة #التسجيلات_النهائية 🔴 #صديقي_الطالب التسجيل النهائي سيكون #إلكترونيا_وبصفر_ورقة، إبتداء من يوم 10 أوت على الساعة (00سا00) إلى غاية 15 أوت 2024. لذلك عليكم #إتباع_المراحل التالية: 1- الدُّخول الى الأرضيّة الرقميّة عبْرَ مَسْح رمز الاستجابة السّريع ( QrCode) ، 2- الوُلُوج عن طريق الحساب الظّاهر في شهادة البكالوريا، 3- التّأكد من التّوجيه، حسب الموعد المخصّص لكلّ طالب، المبَيّن في بطاقة التّوجيه، 4- دفع حقوق التّسجيل باستعمال البطاقة الذّهبيّة حصرًا، 5- دفع حقوق النّقل للمعنيّين بالاستفادة من النّقل الجامعي باستعمال البطاقة الذّهبيّة حصرًا، 6- تقديم طلب الإيواء للمعنيين بالإقامة عبَرْ نفس الأرضية، وهذا باختيار ( 03) إقامات على الأكثر، 7- يتحصّل المعنيّ على بطاقة الطالب الافتراضيّة مباشرةً عبر هاتفه الذّكي بعد إتمام عمليّة التّسجيل.

دعواتكم لـ امي بالشفاء... زاد عليها لحال 💔

أين التفاعل راني رايحة 😭 لقدم يعرفوني 🙂🔪

طرق فعالة للحفظ 🧠 💟اختيار مكان مريح : ناس تحب في غرفتها فالهدوء وناس تحب في مكان عام او مساحة خضراء ..المهم وين ترتاحو قراو اناا كنت دار بالكل نقرا فيها حتى لكوزينة المهم نقرا 😂😂🥲 💟تسجيل الدرس المراد حفظه 🗣️: باه تقدر تسمعو لما تكون تقضي في شغل آخر او ماشي او حتى قبل الحفظ باه تركز مع الكلمات والافكار لان كاين لي يحفظ سمعااا بالخف حاجة مليحة ✅ 💟كتابة النقاط الاساسية 📃🗒️: والاساااسية فقط تخليها بمثابة مفتاح للدرس هذاك ولي تفكرك بباقي التفاصيل شغل برك لي مو كلي تخليك تستذكر درس بكامله برك اعرف كفاش تخرجها وكون ذكي في مراجعتك وحفظك تان ✅ 💟 مرحلة التكرار : الحاجة الأساسية في مواد الحفظ هي التكرار تقرا الدرس تلخصو مبعد تقرا كل فقرة عدة مرات مع مراعاة الفهم وتبقى تكرر حتر تلقى نفسك حفظتها كرر كرر حتى لي معاكم فدار يقولوا هبلتوا صدقوني والله ما تنساو اناا من كثرة ما كنت نكرر بقيت عام ماعودتش صح نسيت ولكن كي جيت نحفظ من جديد مطولتش بزاف يعني الا حابين حفظكم ميرحش هكك وتساو كرروا على فترات متباعدة 💟 الكتابة📑: الان الشي لي حفظته عاود اكتبه رح يترسخ في ذهنك مليح ورح تكتشف وين راك ناقص شوية من هادي لدركا مزال نستعلملها نكتب كلش والله ديجا درك نحطلكم صور تشوفوا ✅ 💟الاستعراض📋🗂️: استعرض وش حفظت على شخص اخر وحاول تفهمه وش فهمت كيما قتلكم من قبل ،او القاءه أمام مرآة ،هذا سيكسبك ثقة عالية في حفظك✅ تذكر 💜: من يهب صعود الجبال يعش أبد الدهر بين الحفر....🔑

💟 #نصائح للمقبلين على البكالوريا : 1✨ #البدء_مبكرا_بالتحضير : ابدأ بالدراسة والتحضير مبكرا ,كي لا تضطر للضغط على نفسك 👌🏻 صدقوني تتعبوا فاخر العام كلما بديتوا سيريو من الاول كلما كان الضغط قليل فاخر سنة لان متنساوش في بداية العام العامل النفسي يكون هايل و متكونش خايف بزاف ولكن يبداا يقرب كاين لي يخافوا ...الخ استغل اي دقيقة من اول العام للاخير ❤️‍🔥 2✨ #اعمل_نظام: رتب طاولة دراستك,وضع فقط الاشياء التي تحتاجها يعني برك لي تقراهاا حتى لا تضيع تركيزك مثلا قال ليوم راح نقرا علوم نخلي فقط دوزان العلوم ✅ 3✨#صفاء_الذهن: حاول انت تحلّ كل المشاكل التي يمكن ان توثر على دراستك قبل البدء بالدراسة ومدابيكم طيشو عليكم الخرطي نتوما فهمتوا واااناا راني فاهمة🙂🙂🤌 عام لقراية مش تمسخير ✅ و مهما كانت المشكلة حاول تحلها مش تزيد تعقدها وتدبرس وتزيد مشكل اخر على روحك لي هو تضيع قرايتك ✅ 4✨ #استراحات_ما_بين_الدراسة: حافظ على استراحات قصيرة خلال الدراسة , كي تجدد بعدها النشاط وتنعش تركيزك مشي تقراو ب ساعات متواصلة تتعبوا وتكونوا تطبلوا فلما برك🥲✅ 5✨ #تعذية_سليمة: الدراسة والتركيز تحتاجان لطاقة وقوة, لذلك حافظ على تغذية سليمة (خصوصا تلك الغنية بالجلوكوز) وداوموا على الفطور خاصة صباح مالغري لست من مطبقي النصيحة ولكن متديروش كيفي🥲😂😂 اياااا كولوا مليح العام عامكم تقلشواااا ✅ 6✨ #تجنب_الاستراحات_الطويلة: تجنب الاستراحات طويلة المدى , ادرس وتمرّن بعيدا عن الانقطاعات المتواصلة خلال اليوم لان مراحش تولي 😂✅ نتفكر وين كنت نقرا كي يجي وقت راحتي نروح ندور فدار نشوفهم واش يديروا نقصر شويا ونولي ولا نطلع ستوري فالصفحة 🙂✅ 7✨ #اغلق_جهاز_التلفاز: اغلق جهاز التلفاز او الحاسوب خلال دراستك , كي تستطيع التركيز اكثر هادي مفيهاش هدرة زيادة لازم تكون الهاتف مواقع التواصل الاجتماعي تضيع وقتك برك ✅ 8✨ #اختبر_دراستك: الدراسة مع طلاب آخرين لتبادل المعلومات واكيد بدون مزاح وتقصار وتنساو الهدف الاساسي لي هو الدراسة ✅ 9✨#ابدأ_بالسهل_أولاً: ادرس خطوة بخطوة,وابدأ دائما, بالشيء الذي تراه سهلا وسلساً في نظرك لان كاين لي يقرااا درس يروح يحل تمارين الصعبة ميقدرش يحل يدبرس ويخاف 🤌 وراكم تعرفوا تولي تقول خلاص مراحش نقدر نحل فلباك والافكار السلبية واجي انت وطلعله مورال وفهموا ان برك مجرد وهم نورمالمو كاين تحل تمارين من الاسهل لي تبث بيهم معلومات قوانين ...الخ من يعد تروح للصعب حتى تزيد افكار لجديدة لرصيدك ✅ 10✨ #التدريب_و_التمرّن: ضروري وما تكمل وحدة الا ولازم تكون حليت تمارين فيها كافية لان تقرا درس برك بدون تمارين كأن ما درت شيء✅ 🌠نصيحة مهمة: حاول خلال دراستك ليس فقط استخدام القلم الرصاص والورق الابيض للكتابة وانما قم بقراءة ما تدرس بصوت عالي او سجله على مسجل خاص بك وقم بالاستماع له مرارا وتكرارا ولا تخ شغل انسان قدامك تشرحله وتحاول تفهموااا طريقة جد ممتعة لدركااااا مزال نديرها نتفكر اختي كانت تدخل تلقاني نهدر وحدي نقلها جيتي جيتي اصبري نشرحلك هادي برك واخرجي 😂😂 تعاونكم بزاااااف ✅ 💟اعلم انه بعد أخذك بالاسباب والعمل كما هو مطلوب, ان التوفيق من الله جلّ وعلا وحده , ولا تنس الدعاء في الصلاة , ودعاء الله تعالى ان يبارك لك في الوقت وان ينفعك بما تدرسه. وقراءةالقرآن تساعد كذلك على صفاء الذهن والشعور بالارتياح في القلب لذا لا تبخل على نفسك من قراءة القرآن❤️‍🩹 وفي الاخير لا تنسى دعاء والديك لك , ورضاهما عليك 💜لان رضى الله من رضى الوالدين... احذر عقوقهما ❌ اسأل الله ان يوفقكم جميعا 💜🤲🥹

Let's start 💜☺️

نبداو ؟🥹

بارك الله فيكم لبنات صحيتوا اني درتلها ❤️🥹

جماعة فضلا نسقسيكم تعرفوا كاش عفسة طبيعية مليحة يشربوها ولا لسطر تاع ليستوما من غير دواااء ؟

أجمل ما ستسمعه سنة البكالوريا 💜🌺 : ▫️فهمت هذي؟ ▫️نبعتلك فوكال؟ ▫️استنى انا الكونكسيون عندي مليحة نبحث عليها ونبعثلك. ▫️معليش تفهمني الجزء هذا؟ ▫️اتفرج دا الفيديو لقيتو بزاف شباب ▫️ رح تفوت كيما كلهم فاتوا.. ▫️واش راك مليح دوك !! ▫️اصبر مش لازم تقراها انا رح نشرحهالك. ▫️شوف اختبار العام الماضي ممكن يطيح منو شوية.. ▫️عندي ريزيمي راح يساعدك ... بعض من هذه المواقف كفيلة انها تهون عليك اللي انت فيه 💜 اختاروا الزملاء والاصدقاء بعناية ✅

الوصفة لي يستفيد الجميع 🥹😍👇 بيضة زوج كيسان حليب دافيء نصف ملعقة ملح صغيرة ملعقة من خميرة لخبز كيس لافاني نصف فنجان زيت 4 ملاعق صغار سكر وفرينة حسب الحاجة أولا تخلطي بيض مع سكر مع ملح وتزيدي زيت وتخلطي بفوووي بعدها تزيدي لحليب شوي وتخلي منه شوي تديري فيه بزاف وتخليها تطلع بعدها تزيديها وتخلطي كل مع بعض ✅ اماا الفرينة عينك ميزانك ههه المهم كي شغل تتلم صاي ومتقصحيهاش خليها ترتاح نصف ساعة مغطية بعدها ديريها رشميها وخليها ترتاح تان نصف ساعة لا اكثر شغل تشوفيها عاود خمروا دوائر لدي تقلي مباشرة متخليهمش يهبطوا لان الخميرة تروح ✅ وبصحتكم شهية طيبة🙈😂😍 معاكم ام ما نعرف😂😂

اناا راني ندير لي بيني والناس راهي بدات تحط فالقنوات حفظ المصطلحات 🥲🤌🤌🤌 ياودي مزاال لحال على لحفاظة✅

عجبتوني هديك هيا 🥲😂 يادرا 🙈😂 المهم سخانة قتلتني وصاي ندمت لي تحمست ✅🥲

خاوتي اني اكتشفت أن نعرف نطيب تان مش برك نخبش ونقرا 🥲😂 يا قولولي ولش راح ندير 🙈👇