MASSAR BEMAC

- رحم الله شهداءنا. عاشت الجزائر حرّة أبيّة مستقلّة. المجد والخلود لشهدائنا الأبرار🤲❤️- وعقدنا العزم أن تحيا الجزائر❤️😍🇩🇿🇩🇿

هاذي انااا حاليا 🥲🙂🙂 كي ننصحكم ونموتيفكم ومن بعد نتفكر ان راح تتحفزوا ليوم برك غداا تصبحوا راقدين 😴 😭؟

بزاف عليكم 🥲🙂 - كاش ما ناض شوي ضميركم الدراسي ؟🥲💙 -

نولي لنقطة مهمة جدااا هي اسك معدلي السنوي او الفصلي يحدد معدلي فالباك ؟ نقلك يحددك بنسبة تقريبية او احتمال برك لكن ليس حتمي ✅ قادر تدي 12-13 الباك تديه 16-17 حسب ارادتك و كيفاش تقرااا وواش تقراااا ..الخ قادر تدي 17-16 الباك 14,13 ودي حالات نادرة تقدر تصرا كي يكون عندك ظرف لان مستحيل واحد قرا مليح اختبارات نقاط مليحة ميديش أكيد كاين سبب✅ وكاين بعض الاستتناءات يعني لي متكنش تنتظرها اماا شخص مقراش كامل شويا حفظ شويا فهم وادااا الباك دا دعاوي والدين لاحقيينه😂😂 ولا لي مسكين قرااا ولكن معرفش كفاه يقرااا و منجحش دركااا مثال اناا الرياضيات كنت ضعيفة فيها لان ببساطة منحبهاش و جامي حبيتها ولكن نقاطي ف فيزياء ممتازة ومنها استنتجت ان انااا لي مش حاطة نقراهاا لان لي ميعرفش مات ميقراش من فيزيك ميديش فيها. فقررت ان نقرااهااا لازم نعفس على قلبي ونغلب عقلي لان يقلك عاكس شهوتك ديما وواش تحب تنجح لان هو الصح ✅ المهم فالفصول كنت ندي 9,10,11 كي نكثر وننقل من صاحبتي 13🥲 دي فسنوات اولى وثاني ليسي بصح كنت نقرااهتا فدار مي منكسرش راسي قاع واحد عام قريتها ملبح اديت مليح 19 عام الباك كيف كيف كنت نقرااا نقراا بصح الاختبار منديش مليح مفهمتش خلل وين املا تعبت نحوس وين غلطتي لقيت ان نتسرع فالحل ونغلط وليت بشوي وكملت حتى للباك ومخممتش طول فالنقطة اناا المهم نقرااا مليح ووقتها تبان وهكاا كيف كان الحال مفشلتش مخليتش نقاطي تاثر عليااا و نفس الشيء علوم تخيلوا فرض اول ديت 12🥲🥲😂😂 ومشكلة تقلي اشرحي الوحدة دي نشرحها كثر من بروف لدرجة دي ولكن نقطة هكك كانت بروف مزيرة بزاف وزيد قنعت ب تبريرهاوهكدا ومفشلتش وزدت كملت وكأن ديت 19 مش 12😂😂 نقرا ونفهم ناس وكلش بياااا وصل اكزامان ديت 14 وسوجي خارجة منه كالية سوجي ماكلة لان جاناا ساهل بزااف🙂 ونقلكم نقطة لي يعرفوا علوم بزاف وممتازين فيها ميعرفوش يتعاملوا مع موضوع سهل فيها ويجيبوا فيه نقطة عالية ونتحدى اي واحد يقلي لا دي بروفا وقتها كي ردت علينا قاتلي ليا ولصاحبتي نتوما والفتو مواضيع صعاب تتعاملوا معاهاا لدرجة ولات تمارين سهلة بسيطة متعرفوش تدرسوها وتتعاملوا معااهااا وصح كلامها لان شغل نتعاملوا منمنحوهاش فالاجابة حقها نقول مثلا دا ساهلة راح تفهم وحدها قصدي مش نتعمق كيف سوجي صعب ندور لبروف من وين دار يلقاني شرحت مليح هكا ندي علامتي مليح ملخصها فروض ديت 12 اختبار 14 الباك ديت17 باكي لول اي كنت نظامية موضوع فالقمة لي خيرت والحمد لله باكي التاني ديتها فروحي شويا فالعلوم قريتها صح ولكن مش كيف اول باك اهملت تمارين في وحدة الاعصاب ولي خيرت موضوعها وحصلت فيها وهكك وديت 15,5 ومنه نقاطك متقدرش تتنبا بيها تنبا مطلق انما نسبي ✅ و تاني تعلمت ان منعاودش نديها فروحي 🙂😂😂 نولي نقرا كلش مالغري كونت ليبر ولافاك وهكدا وكان لازم اما الرياضيات ديت 17 باك اول وتاني 17,5 اللهم بارك 🙈والعاقبة لكم ما اكثر . ملخصها = نقطتك فالفصول متخلوهاش تاثر عليكم لا بالايجاب لي يديك للتكبر وشغل ثقة زايدة لي تدخلك فحيط وتخليك تتراجع في دراستك وتقول صاي حكمت دنيا ولا تديها بالسلب تخليك تفششل وتقول صاي مش راح ندي خلاص وتستسلم 👌 ان شاء الله تكونوا ديتوا اللب 🤌☺️

اصحاب العلاقات مندخلكش عليكم من كوتي الدين 🤌☺️ لان عبالكم وعبالي حرام بصح لمخير فيكم كي يربح لباك كل واحد فطريق هو يتخلع بلافاك وهي كثر 🙂وقولوا مقلتش ✅ يعني كون وقت التفاهة داك تستغلوه فالقراية افضل من ذنوب 👌

- عام الباك راح تكون بين خيارين من لخر واسمحولي العاطفة نعل جدها🙂 وقاع متغبضونيش لما الامر يتعلق بمستقبلكم أكتيفوا العقل وللامام✅ راك بين خيارين اماا تبكي والديك سكت او حزنااا كي تبكي اهلك وناس لي يحبوك حزنااا اماا فرحااا وصدقوني مهما بلغت انت من كسر وقت راح تشوف روحك امام والديك ولا شيء مجربتش الاحساس دااا ولكن جربت احساس العجز فترة معينة لكن كنت وقتها لا حيلة لي لان لي فيدي درته وقتها استودعت نفسي مستقبلي عند الله لحمدلله حمدااا كثيراااا الان ❤️ انتوما اسعاااو وقراو اولا على جال مستقبلكم الان مكانش لي يقيمك بلا ما يكون عندك نيفو بيناتنا ☺️🤌 شحال عندك في عقلك وفي سيرتك على اساسه تعامل من الطرف الثاني والاهم دراهمك ✅

نزيد ولا صاي مزال خاصكم كلام نقنعكم بيه ا الخاوة🤌 ؟؟

منيش نهدر باه نهدر وتانب ني نهدر بلا ما نوجد نقاط هدرة خرجت من قلب و عن تجربة فانستاا صفحتي مئات الرسائل من من فيفري ل جوان اسك يكفيني وقت ام لااااا علاه توصلوا رواحكم بيديكم وتندمو فلآخر؟ بغيت جواب برك حابين تجربوا الموقف داك لي راح تصادفوه ؟ موقف لا يحسد عليه من لخر موقف سيء جدااااا ومنيش نخوفكم ولا نطيح مورال للناس ولا حتى شيء سلبي راني نحكي الحقيقة لي بزاف منكم عافلين عليها مزال لحال مزالل معليش الصح فالباك لوقتاااااااش 🤌🤌؟؟؟ حابين تجربوا شيء فيه مغامرة فيه تحدي تتحداااو انفسكم لي معدله 13/11 يطلع طموحه ندي 15 علاش لا ؟ كونوا اذكياء مع رواحكم لي يقراااو مليح مش خير منكم ونقلها ونعاودها انا و اي شخص اخر داي مونسيو ليس خير منك كلانا ربي انعم علينا بالعقل الحمد لله ملا علاه تتصرفوا هاااك ؟ منيش نخاطب قبيلة الخياشين نتوما نبغيكم خاوتي 😂😍 راني حابة البقية تلحق بيكم لان صدقوني فرحة تاع الباك وحدها وراح وحدكم تتاكدوا منها .

هاااااي واش حوالكم 🥲😍 قالولي ديتو عطلة 🙂 عطلة للنوم ،نتفليكس، مواقع تواصل ،...الخ ❌❗️ عطلة لتنظيم ودراسة بجدية لان فرصة لا تعوض ✅ كلما قربتوا للباك كلما الضغط يزيد الخوف يزيد القلق يزيد الدروس بزاف تتراكم الا معرفتش تنظم روحي وتقراااا بجد هذا واش راه يستناك او مقريتش اصلااا ✅ بمجرد يلحق عليكم جانفي فيفري خلاص مبقاش يعني نصارحوا بعضانااا درك انت برك خمم مع نفسك عندك عدة فرص تعزز نجاحك وتزيد من احتمالية النجاح والتفوق لما لا !!! انت لاه متقراوش واش خاصكم اوواش عذركم!!!!🙂🙂 اسمعوااا منيش نقصر لان شفت ان لازم البعض منكم نغسلهم غسيل لان راكم راقدين 😴🔪🔪 وفلخر تبدااو تندبوا السيناريو صاي حفظتوا اناا وقت عندكم منقراوش✅ يبقى سمانة على لباك تبداو تندبو علياا 🥲 وتحبوا تقراو مادة تاع عام ف سمانة او يومين وتروحوا تبعوا اشباء الاساتذة اصحاب دورات عام كامل ف 3 ساعات 🙂🙂 وعشرين فلجيب🙂🤌 نتا عام كامل مقريتش محفظتش وفلخر حاب تدي منيتك ؟ منطقي دااا ؟ بيناتنااا الدراسة فشهر الاخير ياربي توصلك ل 8-9 الا كنت شويا موالف تتبع فالقسم ممكن تلحق ل 10 اكثر من هاك لا تحلم اسمع اسمع والله ثم والله ثم والله ان راكم راح تندمو و تدخلوا فمرحلة الضياع كون متعدلوش رواحكم ومتقدروش تتقدموا في مارس من لخر لي يقرااا يقرا من الاول متديرش على لي يقلك نقرا دقيقة لخرااا ندي مليح او نربح عقلك وعقله مش كيف كيف ✅

🔷 افكار مهمة جدااا في وحدة تركيب بروتين 🧬 - متنساوش صحابكم يستفادو معاكم 👊☺️ https://t.me/bac1with13positivity