nursultan_ustazdan

Махаббат азайғанда, шарт көбейе бастайды.

«Алдамшы үмітті күтіп жүрген пенденің қазіргі амалы құрдымға кете бастайды». ©️Хасан әл-Басри (рахимаһулла) Әйтеуір қазір емес, бірақ болашақта іске асырамын. Оқуды, дамуды, жаттығуды қолға аламын. Руханиятымды қалыпқа келтіремін. Намаздарымның қазасын өтеп, тіл үйренермін, саяхаттармын. Әйтеуір қазір емес, күндердің бір күні… #бос_үміт

Шейх М.Ғазали айтады: “Пайғамбарымыз ﷺ айтқан сөзін қастерлеп, естіген сөзін құрметтейтін адам болған. Бұл нағыз ерлерге тән қасиет!” 📚 Мұсылманның мінезі Яғни, тек қана шындықты айтады, берген уәдесін ешқашан бұзбайды. Себебі ол өзінің аузынан шыққан сөздерді қастерлі санайды. Сол сияқты басқалардың да айтқан сөздерін құрмет тұтады.

Әс-соләту хайрун мин ән-нәум… Не себепті “Намаз ұйқыдан хайырлы”? Өйткені: * Ұйқы – нәпсінің шақыруына жауап беру, намаз – Алланың шақыруына жауап беру * Ұйқы – кіші өлім. Намаз – тіршіліктің бастауы. * Ұйқы – тәннің ләззаты. Намаз – рухтың ләззаты. (ابتسم للحياة) #берекелі_таң

Айт күні ренжіскен бауырлардың бір-бірін кешіруі әрі кешірім сұрауы ұнамды амал екенін ұмытпаңыз. Нәпсіңнің семіргенінің үлкен бір белгісі – соңғы рет қашан кешірім сұрағаныңды ұмыта бастайсың. “Қателесіп кетіппін” деп те айта алмайтын жағдайға жетесің. Одан да ауыры – кешірім сұрап келген бауырыңның өзін кешіре алмайтын жағдайға тап боласың. Бұның бәрі айналып келгенде жүрек дерттері екенін ұмытпайық.

Айт күні көңілсіз жүру – мүмінге күнә ретінде жеткілікті. ©️Ізгілер даналығы

Нені күтіп жүрсің?! Пайғамбарымыздың ‎ﷺ мына бір хадисіне назар аударыңыз: «Бастарыңа 7 түрлі бәле келмей тұрғанда салиқалы амал-әрекеттеріңді жасауға асығыңдар. Әлде салиқалы амалдарды ұмыттыратын кедейлікті күтіп жүрсіңдер ме?! Әлде сендерді азғындыққа итермелейтін байлықты күтіп жүрсіңдер ме?! Әлде сендердің ағзаларыңды құртатын ауруды күтіп жүрсіңдер ме?! Әлде қаусаған кәрілікті күтіп жүрсіңдер ме?! Әлде аяқ-асты келе қалатын өлімді күтіп жүрсіңдер ме?! Әлде жаманшылықтың бастауы дәжжәлді күтіп жүрсіңдер ме?! Әлде қиямет сағатын күтіп жүрсіңдер ме?! Әлбетте, қиямет сағаты одан да ауыр…» (сунан әт-Термизи)

Өмір бойы тек тұтынушы болып өтіп кетпе. Жаңа фильм қашан шығады, жаңа сериясын асыға күтіп жүрмін, жаңа киім коллекциясына аз қалды, жаңа тренд қашан шығады екен деп әйтеуір болмашы бірнәрсе күтіп өмірің босқа өтіп кетпесін. Тек тұтынушы емес, өндіруші болуға да талпын.

Иә, біз еркін өмір сүреміз. Алайда еркіндік деген – өзіңе ұнайтын салада білім алу. Кофеңнің қантпен немесе қантсыз болуын талап ету және т.с.с. Бірақ Алланың бұйрығына келгенде әсте олай емес. {Біз естідік және қалтқысыз бойұсындық!} (Бақара 285) Алла Тағала: “Уа, Мұхаммед өзің қалағандай тура бол” деп айтқан жоқ. Алла Тағала: {(Уа,Мұхаммед!) Ендеше, өзіңе бұйырылғандай тура бол} – деп айтты. ©️Әл-Ғәнзи

Адам бұл өмірде барлық қалағанына жетпейді, өйткені ол - құл. Оны Раббысы шектейді.