طلاب مستر محمد طارق دفعة2024 |الكيمياء مع الدوك

مساء الخير يا ابطال ❤️ بما إنكم في نهايه المشوار والشهر دا شهر مراجعه وحل ف في كام حاجه وجب التنويه عليها (المراجعه والحل) يعنى اللي إنت مطالب بيه الفتره دى إنك تراجع طيب إيه الحاجات اللى تساعدنى فى المراجعه؟🤔 أول حاجه يا جميل هى إنك توحّد مصدر المراجعه، بمعني إنك متجيبش مثلاً تلات كتب مختلفه وتحطهم قدامك، دا هيخليك تتشتت، ركّز ع مصدر واحد تراجع منه ويفيدك، وكدا كدا هى نفس المعلومات اللى موجوده فى الكتاب الفلانى موجوده فى الملزمه الفلانيه، فخليك ع حاجه واحد وركّز عليها. _تانى حاجة "الحل": حل إمتحانات وتدريبات وأسئله متنوعه كتير قدر المُستطاع، الحل هيساعدك تراجع أسرع، والسؤال اللى يقف قدامك أقف معاه علشان جدع إنت😂 أكيد هتفكر وتشوف إجابته🙄 وبكدا تبقى بتراجع على المعلومات وبتحل الإتنين. ربنا يوفقكم.😍

طبعاً عارفين إن الأيام دي ضغط عليكم وفي اللي خلّص المنهج مع المدرسين، وإنتو گـ طلاب مقسّمين لِـ ثلاث فِئات: 1_يا متابع مع المدرسين وفُل الفُل ومذاكر تمام وربنا يكرمك 2_يا واقع في النُص في شوية أجزاء 3_يا واقع خالص طيب اللي واقع دا يعمل إيه؟ هقولك تعمل إيه.. هنتكلم عن تاني فِئتين: طبعاً أول سؤال هتسأله لنفسك أو لحد غيرك (هل قدامي وقت)؟! أيوه طبعاً قدامك وكتير كمان وتقدر تخلص وتراجع وتحل، بس اللي يستغل الفترة دي صح. طب أستغل الفترة دي صح إزاي؟! بكل هدوء كدا إنت مش هتمسك ورقه وتعمل جدول وتذاكر ٢٤ ساعه لا طبعاً، أمال أعمل إيه🤔؟! بُص يا صديقي: أولاً: إنت هتبدأ تلتزم بالجديد وتذاكره كويس جداً وتحلّ عليه خلصت مذاكرة الدرس الجديد وخلصت حل، خُدلك درسين من اللـ قُدام راجع عليهم وراجع على أسئلتهم. ثانياً: مش معنى إنك كنت مقصر إنك تتكسف تسأل المدرس على الأسئله القديمه، لا إسأل عليها مره وإتنين وتلاته دا من حقك. ثالثاً: مفيش حاجه إسمها أذاكر ٢٤ ساعة أو ١٨ ساعة أو ١٥ ساعه متواصلين، ذاكر ٢٥ دقيقة وخد بريك ٥ دقايق وذاكر ساعه وخد بريك ربع ساعة (في البريك متستخدمش الفون علشان هيضيّع وقتك)🙂 رابعاً: لو إنت واقع خالص هيبقى الموضوع صعب أول مرتين بعدين هتتعود إنك تحاول تذاكر الجديد وتلم القديم في نفس الوقت علشان مينفعش توقّع الجديد برضو، ومش هقولك قلِل نومك بس نام ف المعقول وعيش حياتك ف المعقول وذاكر جامد.😁 خامساً: في سؤال متكرر كتير (هل ربنا هيساويني باللي بدأ من أول السنة كويس)؟! اللي إنت ممكن تعمله ف الفترة دي ممكن يبقي أضعاف اللي عمله زميلك من أول السنة وربنا يكرمك، وفي الأول والآخر دا رزق ونصيب، إنت عليك بالسعي بس أما نتائج السعي عند ربنا وربنا كريم خليك واثق ف نفسك وإنك تقدر وإن لسه ف وقت وفُرصه قدامك مضيّعهمش. بالتوفيق.❤

"النوم" في الغالب لو نمنا عدد ساعات كافي بنقوم حاسين اننا مش واخدين كفايتنا من النوم أو جسمنا تعبان وده بيكون بسبب ان للجسم تكنيك معين في النوم. الجسم ليه دورات معينه وقت النوم الدوره عباره عن 90 دقيقه لو قطعنا الدوره وقمنا في نصها بنحس اننا ما نمناش كويس وبنقوم جسمنا تعبان، لو قمنا في اخر دوره قبل ما نبدأ دوره نوم جديده وقتها حتى لو نمنا عدد ساعات قليل هنحس اننا فايقين ونمنا عدد ساعات كويس، طيب ده علشان نعرف نصحى امتا على حسب وقت نومنا هندخل على جوجل تكتب حاسبة النوم وهنكتب الوقت اللي احنا محتاجين نصحى فيه بالظبط هيدينا أربع مواعيد للنوم نشوف أي اللي يناسب معانا ونستخدمة، وعشان بنحتاج حوالي ربع على ما ننام ف الحاسبه دي حاطه الربع ساعه دي ف الوقت اللي هي ادتهولك. وعندنا عادة أغلبنا بيعملها بنقوم نطفي المنبه ونكمل نوم ولا كأن حاجه حصلت 😅 هنعمل كام تركاية كدا بحيث منديش لنفسنا فرصه نرجع ننام تاني : 1ـ بعد ما نظبط المنبه من بليل هنحطه بعيد عن السرير بحيث لما نقوم نطفيه نقوم من على السرير. 2ـ أول ما تصحى وتطفي المنبه متديش لنفسك فرصه أنك تفكر ف أي حاجه أدخل اتوضى وصلي. 3ـ خد دش بارد، الدش البارد هيفرق معاك جداً ف المزاكره بعد كدا. 4ـ مهم جدًا تكون محضر التودو ليست بتاعتك من بليل، عشان تبقا عارف أنك لو مصحيتش في الوقت اللي محددة في حجات هتتراكم (واحنا اصلا في فترة مراجعه). 😂 5ـ أبدأ مذاكرة بحاجة خفيفة تخلص على طول عشان تفوق وتدخل في مود المذاكرة بسرعة. في كام نصيحة كمان مهمين جدا عشان تستفاد من عدد الساعات اللي بتنامها صح: 1.تثبيت ميعاد النوم والصحيان. 2.تجنب النوم المتقطع، والنوم القليل. 3.تجنب التليفون قبل النوم بفتره. 4.تجنب النوم في الضوء.

بمناسبة قُرب الإمتحانات.. الفتره دي لازم تجهز نفسياً للإمتحانات إزاي؟ يعني لازم يبقى عندك ثقة إنك قدرت تعمل كل اللي عليك، إتخلص من حتة الخوف والتوتر اللي عندك لأنها غير مبرره، إنت ذاكرت وتعبت طول السنة ومستحمل ضغط ما يعلم بيه إلا ربنا، فمفيش داعي للخوف من الإمتحانات، لإن إنت جهزت نفسك ليها فعلاً طول المدة دي، فبلاش توتر، خلي ثقتك في ربنا وفي نفسك وفي تعبك فوق ما تتخيل، لإن دا اللي هيريحك في اللجنة وإنت قاعد بتحل. ربنا يگـرمگـوا بإذن الله وتحققوا كل أحلامگـم.❤️

عاوزه أقول بس حاجه لأي حد في تالته ثانوي بكره متذاكروش بجد والله اطلعوا اقعدوا مع أهلكم أو اخرجوا واتفسحوا وانبسطوا وانسوا اليوم دا إنكم في ثانويه بجد انتوا محتاجين تاخدوا راحه و يوم مش هيأثر يعني لو قعدتوا من غير مذاكره و تاني يوم العيد شدوا بقا و ذاكروا جامد بس بجد محدش يفتح كتاب بكره ♥️

"أنواع الردود ع البشر بكرا فاعل خير أنا 🥰😄". ڪـل عـام و أنتـم بخـير و صـحـه و عافـيه و جـعل الله ڪـل أيامڪم خـير و فـرح و سـرور  • اللـهم وفـق طـلاب الـثـانـوية الـعـامة و جـمع شـتتاهـم و اجـبـر بخـواطـرهم و حـقق مـرادهـم و يـسر الطـريق لأحـلامـهم يـارب 🤎 " ڪــل عــام و أنـتم بــخــيــر♥️ " متنساش تبعت العيديه ليا.. 👀 علشان ربنا يباركلك بكرا ف الفلوس اللي هتلمها 🦦👨‍🦯

أمامنا ليلة مصيرية قد تكون خاتمة الشهر لا ندري هل نعيش هذه الأيام مرة أخرى،أسأل الله ألا يجعل ذلك آخر عهدنا برمضان ! رجاء اهتموا بهذه الليلة من الآن 🔥❤).

•لا تُثقلنَّكَ الصَّوارفُ عن غايتِك!🩵 •استعينوا بالله، الله عز وجل إن شاء بارك لكم في يومكم بركة أيام وأسابيع!🩵 •ادعوا دايماً تحبوا المذاكرة وتتلذذوا بها وبأوقاتكم معها! 🩵 •إن شاء؛ جمع المنهج في صدرك من حيث لا تحتسب، إن شاء الله؛ شرح لك صدرك المستثقلة للمذاكرة وحببها لنفسك! 🩵 •إن شاء _ سبحانه وبحمده_ ؛ وفقك لمواضع الأسئلة، وللطريقة الأصوب للإجابة.🩵 •وأخيرا.. والله والله لولا بركة القرآن ما كنا لنستوعب هذا الكم الهائل من المعلومات! •تشعر كأن المقررات تلين لك !، وتتعجب من عدد مرات المراجعة التي وصلت لها! لولا القرآن ما كنت لتتحمل! 🩵 لولا القرآن ما مرّت أبدًا!^^ 🩵 •أسأل الله أن يختم لكم بخاتمة الإخلاص، والإجتهاد، والقبول، وأن يجعل الشهور المتبقية بردًا وسلامًا عليكم! 🩵 عساكُم بخيرِ حالٍ يـ أحبَّه!🩵"

صبر جميل ثم جبر عظيم ❤️. دفعة 2024 بالتوفيق ربنا يحققلكم أحلامك قريب ان شاءالله ❤️

للصائمِ دعوةٌ لا تُرد سَلوه ما شئتم، خزائنهُ مليئه، ورحمتهُ وسِعت كُل شيء.)”