مرّباع

"والله لو تجلس على رمش عيني ما عاد اشوفك مثل ما كنت اشوفك كنت في قلبي اغلى من روحي وعيني واليوم جرحك بقلبي صار يذبح ويفوقك صحيح احفظلك اللي كان بينك وبيني بس كرامتي ماهي رهينة ظروفك"

‏اللهم اجعل هذا الوطن عزيزًا لا يُضام، آمنًا لا يُستباح، محفوظًا لا يناله سوء، وردّ عنه كيد كل من أراد به شرًّا🇸🇦

"لقيتّك ما تشابهني ولا ديارك هي دياري ولا طبعك مثل طبعي ولا مثلك يناسبني شريت البعد واخترت الفراق اليوم اجباري وانا الي ماهقيت بيوم زماني عنك يبعدني فمان اللّه يا قلب عطيته أجمل أسراري فمان الله حتى لو ضميرك ماستحى مني"

سمّي علي واحضنيني لين ادّل الطريق انا من الشوق ضايع .. فالعيون النجل عوامل البُعد .. ما خلّت لقلبي صديق ماغير طيف يجي رحمه ويقفي عجل محبوبك اللي تحمِّل منك ما لايطيق راضيه بالكلمه الزينه .. لو انها دجل مدّي يدينك .. وداوي كل جرح عميق لين اونس العافيه قبل .. يحين الاجل وان ملتي بعودك المبري ياعون الغريق احس بيني وبين الموت .. خطوة رجل حتى لو الفاتنات ب كل شارع .. فريق جمال وجهك فرقه .. اللّٰه عزّ وجل الليله اللي تجيبك .. ولعيّها حريق ماتكمل الليله اللي في طرفها خجل

‏"أنا على ما تشتهي نفسي و وين ألقى هوَاي ‏محدٍ يوجه وجهة شراعي على السبع البحور ‏ليّا رضيت أطير الحاجة و أوصلها سماي ‏و ليّا زعلت أخلي الحاجة دبورٍ في دبور"

‏"الحرم، والنفط، وأنتي في بلادي ‏أعظم الثروات وأعلاهن مكانه" 💚

‏"تعالي .. والطّريق اللي تجينه تزهر أوراقه ‏ أجل وش ظنّك بقلبي لو الليلة تمرّينه"

‏«جيتك وبي لفحة ضما ‏واقفيت كبدي ناشفه»

‏"كم ليلةٍ كنتَ فيها ‏النجمَ يُدهِشُني ‏والآن لا نجمَ ‏لا نُورٌ، ‏ولا سُحُبُ"

"من متى كانت إجابتنا على قد السؤال ومن متى كانت سوالفنا سوالف باردة ومن متى الوعد يتأجل ويتأجل الإتصال ومن متى أسولف على عينك وعينك شاردة ومن متى كلمة أحبك شهر كامل ما تقال تكسر جناحي من عنادك وأنا اللي فارده للأسف كنت الفراق أشوفه أقرب للخيال صرت أشوفه واقعي جداً وفكرة وارد"

‏"عسى صبحٍ نوى كسرك ‏يموت ‏وما طلع به شمس ‏و عسى ‏منهو نوى ‏جرحك , يموت الحظ ما طاعه"

‏"غفى بصدري عتب يوازن قيمة غلاك لكن ما عاد له قيمه"

فمان الله يا أول من سكن بين الضلوع العوج عسى دربك سفير و ياعسى الله ما يخليني توكل لا توادع رح عسى درب الجفا المسهوج يصادف درب فرقى عقبها ما تلمحك عيني سمحت من الهوى ومن القصيد ومن زراق الموج ورميت أغلى مجاديف الغـرام وجيت بيديني أبغرق في عذابك لا رحلت و يصبـح المنتوج قصيد في حياتي سلوتي و أن مت يرثيني واذا هبن بنات الريح للذكرى بدون سروج أبسرج مهرة النسيان و أرحل من عناويني وبنسى لين أسج و برسل الونات فوج وفوج وبنسى دمع عيني ينتثر و أنساك مـن حيني صبور؟ أي و الله اني ما ثنيت العزم قبل أدوج بريضان الجفا و أظما لوصلك لين تسقيني شجاع؟ اي و الله اني ما عرفت الذل قبل أسوج قدم رجلي على درب لبيت أهلك يوديني كريم؟ اي والله اني ما عرفت الشح قبل تروج دموعي في عيوني ثـم أشـح بحسرتي فيني أحبك؟ حسبي الله ليت مالك في سماي بـروج و لا لك بالبسيطه كود شي بينك وبيني دخيلك لا تلتفت رح بفالك و أترك المرجوج تغانم ما بقى لك و لا أنا ما عاد يمديني فمان الله سق ركبك على درب السنين العوج و لكن طالبك لا أقفيت عني .. لا تخليني

‏"لو كلهم بالغرب و انت بشرقا ‏ركايبي يمّمتها لك بتشريق"

‏"كنتي أرق وأحلى وأجمل الحاضرين ‏فيك زين ودلال وكبرياء .. وخجل ! ‏يوم شفتك وقفتي والعرب جالسين ‏قلت فديت كبد أم العيون النجـل ‏طالعيني وشوفي العالم بنص عين ‏انتي أجمل بنات الأرض وأنا . . رجل"

"يا وجود اللي عشق له فلانيه في صلات الرحم ماهوب وياها من تحبه لو تحبه على النيّه برّكت بأقصى ضلوعه مطاياها ذوقتني هجرها ثاني ضحيّه واصطلت روحي على حرّ فرقاها طيّرت من غصن الأشواق قمريّه ورهنتني في هواها ولا ماها حايل من دونها حول وشويه مير مالله حايلٍ دون ذكراها كل حاجه باقيه مثل ماهيّه ماسرا معها على درب مسراها غير عضوٍ في جهتي الشماليه فاع من عوج الحنايا وخاواها ودمعةٍ نطحّتها راحة ايديّه اف يا ماحرّها واح مقساها"