Format | Mohirdev

👋 “Botirov, yaxshimisan? Akang yaxshimi? Oʻzi eng aʼlochi oʻquvchilarimda edi-da. Ishga kiroldimi? Bugun maktabda oyingni koʻrgandim, gapirmadi. Oʻtir-chi mundoq …”, – deb gap boshladi koʻchada oʻquvchisini koʻrgan ustoz. 🤔 Ustoz oʻquvchini koʻchada koʻrib qolsa, nima qilishi kerak? Bu arzimasdek koʻrinadi, lekin bu siz oʻylaganchalik sodda emas. Hozir shu vaziyat misolida ustoz va oʻquvchi umumiy munosabatlarini ham koʻrib chiqamiz. 🤝 Qoʻl berib koʻrishish yoki qoʻlni koʻksiga qoʻyib salomlashish normal tushunarli holat. Biroq bizda salomlashish shu bilan tugamaydi, u uzoq va iliq davom etadi. Rivojlangan davlatlarning ayrim taʼlim muassasalari esa favoritizm yoki poraxoʻrlikni oldini uchun shaxsiy suhbatlarni qisqa qilish qoidasini kiritgan.

⚠️ Ustozlar uchun shunday taqiqlarga yana misollar keltirsak: – Oʻquvchini ota-ona yoki maktab maʼmuriyati ruxsatisiz mashinasiga chiqarish – Ustozga “aka”, “opa” kabi soʻzlar bilan murojaat qilish – Oʻquvchilardan sovgʻa olish – Shaxsiy akkaunti orqali oʻquvchilar bilan gaplashish

🫂 Ammo ustoz va oʻquvchi doʻst boʻlishi kerak degan gaplar qayerda qoldi? Yoʻq, ular hali ham doʻst boʻlishlari kerak, faqat professional chegaralarni saqlab qolgan holda. ⏱ Koʻchada koʻrishib qolishga qaytadigan boʻlsak, suhbat sababsiz uzoq davom etmasligi va masofa saqlagan holda boʻlishi kerak. Bunga amal qilinmasa, ustoz oʻziga yaqin boʻlib qolgan oʻquvchiga dars oʻtganda talabchanligini yoʻqotishi mumkin. ✅ “Salom, Botirov. Seni koʻrganimdan xursandman. Koʻrishguncha”, – dedi bu postni oʻqigan ustoz oʻquvchisini koʻchada koʻrib. @format_mohirdev

🏖 Dam olgandan keyin yana dam olish(ni xohlamaydigan ustozlar uchun) ⏰💲 Uzoq safar va koʻngilochar joylar juda dinamik va serxarajat boʻladi. Bunaqa templi "dam" olishdan keyin yana bir dam olish kerak. Qani endi shundoq ham energiyaga boy oʻquvchilar orasidagi ustozlar sokin va kamxarj hordiq chiqara olsalar. Demak, eng arzon va kamtarin dam olish yoʻllari: ⚙️ Modellar yasash (kema, samolyot, mashina…) Professionalroq yondashilsa, 400-2500$ yoki bir necha 10 soat sarflashga toʻgʻri keladigan bu mashgʻulot bilan bepul shugʻullansa boʻladi. Siz ulkan oq yelkanlari bor kemani uydagi keraksiz buyumlar yordamida yoki yogʻochga ishlov berib yaratishingiz mumkin. Jarayon bor eʻtiborni oladi hamda yigʻilib qolgan streslarni chiqarib yuboradi, ish bitgach faxr hissini uygʻotadi va butun umr koʻzingizni quvontiradi. (Qoʻli gul odamlar bu rohatli jarayondan yaxshigina pul ham ishlashlari mumkin). 🗺 Mini sayohat (turli madaniyatlarga) Sayohatga odatda 700-5000$ pul va haftalab vaqt kerak. Lekin u bularsiz ham bitishi mumkin. Masalan, Toshkentda koʻplab davlatlarning madaniyat markazlari bor. Viloyatlarda esa universitetlar bu vazifani bajaradi. Yoz faslida bunday joylardagi festivallar va tadbirlarga borish orqali chiptaga pul toʻlamay “dunyo kezishingiz” hamda kam energiya va vaqt bilan katta taassurotlar olishingiz mumkin. 🤩 Starjayzing (yulduzlashish) Bu mashgʻulotning maksimum summasi cheklanmagan, butun umrni sarflab yuborsa boʻladi. Ustozlar esa buni arzimagan pulga qoʻlga kiritishlari mumkin. Avval internetdan eng yaqin muhim kosmik hodisa sodir boʻladigan tun aniqlashtiriladi. Osmonni toʻsiqsiz koʻrish mumkin boʻlgan joy topiladi (bogʻ yoki hovli). Soʻng bitta kosmos haqidagi kitob, yopinchiq, qahva bilan oʻsha tunni esda qolarli qilish mumkin. Shunda, cheksiz koinot sizga sokinlik beradi va streslaringiz aslida qanchalik kichikligini eslatadi. Xullas, minimal sharoitlarda maksimal dam olishning shunday qiziq usullari bor. Post oʻz egalariga yetib borishiga hissa qoʻshing ✈️ @format_mohirdev

🤔 Faqat “a” va “b” sinflarni solishtiraveramizmi? 👀 Bugun bir katta-katta davlatlarning maktablari bilan oʻzimizdagilarni taqqoslaylik. @format_mohirdev

🤔 Nimaga "katta-katta" odamlar koʻproq kambagʻal oilalardan yoki ogʻir paytlarda chiqadi? Sabablaridan biri bu — ular hali koʻp narsaga ershishi kerakligi. Hamma sharoiti zoʻr bola esa nimaga intiladi?

Shunda oʻquvchilarni oʻqitish uchun sunʼiy qiyinchiliklar yaratish kerakmi?

🙅‍♂️ Yoʻq, albatta. Bor imkoniyatlardan foydalangan maʼqul. Yaxshisi bir-ikkita vazifalar bilan ularga oʻrganish mashaqqatini eslatib turish kerak. Masalan, 🟡uzoq vaqt talab qiluvchi loyihalar; 🟡maʼlumot kam mavzularda izlanishlar; 🟡qiyin tushunchalarni yoritish kabi topshiriqlar yengil tizimga oʻrganib qolgan oʻquvchilar “qulogʻini choʻzib qoʻyishi mumkin.” Natijada oʻquvchilar muammolarga yechim izlab komfort zonasidan chiqishga majbur boʻlishadi.

🤔 Oxirida bitta savol: oramizda oʻquvchi taltayib ketmasligi uchun urib turish kerak, degan fikrda yurganlar bormi?👊

@format_mohirdev

🤔 Nimaga "katta-katta" odamlar koʻproq kambagʻal oilalardan yoki ogʻir paytlarda chiqadi? Sabablaridan biri bu — ular hali koʻp narsaga ershishi kerakligi. Hamma sharoiti zoʻr bola esa nimaga intiladi?

Shunda oʻquvchilarni oʻqitish uchun sunʼiy qiyinchiliklar yaratish kerakmi?

🙅‍♂️ Yoʻq, albatta. Bor imkoniyatlardan foydalangan maʼqul. Yaxshisi bir-ikkita vazifalar bilan ularga oʻrganish mashaqqatini eslatib turish kerak. Masalan, 🟡uzoq vaqt talab qiluvchi loyihalar; 🟡maʼlumot kam mavzularda izlanishlar; 🟡qiyin tushunchalarni yoritish kabi topshiriqlar yengil tizimga oʻrganib qolgan oʻquvchilar “qulogʻini choʻzib qoʻyishi mumkin.” Natijada oʻquvchilar muammolarga yechim izlab komfort zonasidan chiqishga majbur boʻlishadi.

🤔 Oxirida bitta savol: oramizda oʻquvchi taltayib ketmasligi uchun urib turish kerak, degan fikrda yurganlar bormi?👊

@format_mohirdev

🤔 Nimaga "katta-katta" odamlar koʻproq kambagʻal oilalardan yoki ogʻir paytlarda chiqadi? Sabablaridan biri bu — ular hali koʻp narsaga ershishi kerakligi. Hamma sharoiti zoʻr bola esa nimaga intiladi?

Shunda oʻquvchilarni oʻqitish uchun sunʼiy qiyinchiliklar yaratish kerakmi?

🙅‍♂️ Yoʻq, albatta. Bor imkoniyatlardan foydalangan maʼqul. Yaxshisi bir-ikkita vazifalar bilan ularga oʻrganish mashaqqatini eslatib turish kerak. Masalan, 🟡uzoq vaqt talab qiluvchi loyihalar; 🟡maʼlumot kam mavzularda izlanishlar; 🟡qiyin tushunchalarni yoritish kabi topshiriqlar yengil tizimga oʻrganib qolgan oʻquvchilar “qulogʻini choʻzib qoʻyishi mumkin.” Natijada oʻquvchilar muammolarga yechim izlab komfort zonasidan chiqishga majbur boʻlishadi.

🤔 Oxirida bitta savol: oramizda oʻquvchi taltayib ketmasligi uchun urib turish kerak, degan fikrda yurganlar bormi?👊

@format_mohirdev

👩‍🏫👨‍🏫 Hamma pedagog boʻlishi kerak! 👊 Aksariyat tushunmovchiliklar bir-birini toʻliq anglay olmaslikdan kelib chiqadi. Buning oldini olish uchun tushuntirish qoidalarini — pedagogikani har bir kishi qisman boʻlsa ham bilishi kerak. Shu orqali ota-ona va farzand, ustoz va oʻquvchi, doʻstlar, qoʻshnilar, xullas hammaning oʻrtasidagi munosabatlar yaxshilanadi. Chunki endi ular bir-birlarini toʻgʻri tushunishadi-da! Bunday yaxshi munosabatlarni yoʻlga qoʻyish uchun quyidagi 3️⃣ tavsiyani yodda tutish kerak:

Monosillabizm leksemasidan foydalaning Shunaqa qiyin atamalarni ishlatmang. Ular siz tushuntirmoqchi boʻlgan fikrni yanada murakkablashtiradi.

Gapiring yetarlicha tartibli tushunishmaydi boʻlmasa Tepadagidek bogʻdan-togʻdan gapirmang. Fikrlaringizni boshlanishi, oʻrtasi va oxirini tartib bilan izohlang.

Alla aytmang Faqat siz gapirsangiz, tinglovchini diqqati chalgʻishi mumkin. Ora-orada savol yoki fikr soʻrab turing.

Qisqa qilib aytganda, mana shunaqa ☝️ tushuntiring!

⚫️ Motivatsiya — bu illyuziya 💪Siz bir ish boshlashdan oldin motivatsiya izlaysiz. Lekin bu foydasiz. Ishonmasangiz yangi yilda oldingizga motivatsiya bilan qoʻygan “vazifalaringizni” eslang. Oʻshalarni bajaryapsizmi? Necha marta yangi til oʻrganishni boshlagansiz yoki ertalab yugurishga odatlanmoqchi boʻlgansiz? Shunaqa! Lekin intizom hammasini hal qiladi. ✅ Albatta, yozni ham katta maqsadlar bilan boshlaganingiz aniq. Faqat endi motivatsiyani kutmang, davomiylikka — intizomga urgʻu bering. Qoʻygan maqsadingizni eslang, uni kichik qismlarga boʻlib chiqing va bajarganingizda oʻzingizni mukofotlang. Yaqinlaringizga maqsadlaringizni aytib, masʼuliyatni oshiring. 👏Hurmatli bitta ham postni qoldirmay, intizom bilan layk bosib chiqayotgan obunachilarimiz, bu gap sizlarga tegishli emas. @format_mohirdev

Informatika darsida barcha chiroqlar oʻchiriladi 💡. Doskada tortdagi shamlarni oʻchirayotgan bola surati turibdi. Surat bolaning ijtimoiy tarmoqdagi sahifasidan skrinshot qilib olingan. Oʻquvchilar oldidagi topshiriq esa oʻsha bolaning akkaunt parolini topishdir. Hamma bahsga kirishadi.

🤔 Juda qiziq, toʻgʻrimi? Bu Disraptiv dars oʻtish usuli. Unda oʻquvchilar anʼanaviy darslardan tubdan farq qilgan yoʻnalishda oʻrganishadi. Bu uslub oʻqituvchining kreativligiga qarab turlicha boʻlishi mumkin. Masalan, yana informatika darsi misolida oladigan boʻlsak, uy vazifasini shifrlangan koʻrinishda berish yoki Google xarita yordamida xona koordinatasini topish boʻlishi mumkin. 🗺 Bunday darsdagi bilimlar emotsional xotiraga muhrlanib qoladi, jismoniy faollikni oshiradi, jamoaviy ishlash va moslashuvchanlikni oʻrgatadi. Yuqoridagi topshiriqning javobini va dars maqsadini esa izohlarda qoldiring 💬 @format_mohirdev

🌵 ⚡️ 💻 Kaktus kompyuterga qarshi Kaktus kompyuter oldida turib nurlanishni kamaytirishi haqida gap bor. Ammo bu maʼlumot toʻliq isbotlanmagan. Hatto himoya koʻzoynaklarining ham foyda berishi shubha ostida. 🔽 Lekin kompyuterdan foydalanuvchilarni koʻzga bogʻliq muammolardan haqiqatan ham asraydigan tavsiyalar mavjud: 🖥 20-20-20 qoidasi: Kompyuterdan har 20 daqiqada koʻzni uzib, 20 soniya 20 qadam uzoqdagi narsaga (balki shu narsa kaktus boʻlar) qarash kerak. Bu koʻzni uzoq vaqt monitorga qaragandagi zoʻriqishini kamaytiradi. 💡 Chiroqning pulini vaqtida toʻlang: Agar chiroqni oʻchirib qoʻyishsa, qorongʻuda yorugʻ ekranga tikilib turishga majbur boʻlasiz. Kompyuter nurini xona yorugʻligidan farq qilishi esa koʻzni qattiq toliqtiradi. Shuning uchun ekran nurini doim xonaga moslang. 👀 Koʻzni namlab turing: Koʻzga suv quyish shart emas, kompyuter bilan ovora boʻlib kiprik qoqishni kamaytirmasangiz boʻlgani. Koʻz ochib yopilganda oʻzini oʻzi namlay oladi. Sizda ham biror tavsiya boʻlsa, izohlarda yozmang. Uni ham oʻqishga koʻz nuri ketadi. 😉 @format_mohirdev