لطف ┋🤎🌱

#يحكي_ويقول.. مراتي ضايقتني في أمر نصحتها فيه كتير وكانت كل مرة تقولي مش هعمل كدا تاني، آخر مرة! وكنت كل مرة بنصحها بنفس الهدوء، لحد ما جات مرة وعملته، مزعقتش، متكلمتش، محاولتش أعاتبها، حاولت كتير تصالحني وتحلف إنها نست، وأنا مكنتش برد، ساعات كنت بسيبها وأروح أنام عند أمي، أو بسهر مع صحابي لوقت متأخر عشان أرجع وهي نايمة، كنت مقرر أعاقبها عقاب قاسي، هي تعبت من المحاولة معايا فبقت ساكتة، خاصمتها عشرين يوم بالظبط، صالحتها لما وحشتني! ولما صالحتها لاقيت حاجات كتير فيها اختفت، فجأة زوجتي بقت تحب تنام لوحدها بعد ما كانت مبتعرفش تغمض عنيها وأنا بره البيت، مبقتش تعمل تصرفاتها الغبية اللي كنت بنزعج منها، طول الوقت شاردة، ضحكتها اختفت، رمت دور الطفلة وراها وبقت ست هادية لدرجة قلقتني عليها، بقيت أقرب منها وأقولها: « ارجعي اعملي كل حاجة بتحبيها وأنا مش هضايق منها » كانت تبصلي وتسكت، تبتسم بوجع وكأنها بترد عليا وبتقول: « بعد إيه؟ بتطلب مني أطير بعد ما كسرت جناحي بقسوتك في الخصام، وهجرك ليا كأني عملت مصيبة، دلوقتي تصرفاتي بقت توحشك؟ نفس التصرفات اللي خليتني بسببها أنام لوحدي عشرين يوم رغم إني كنت دايمًا بقولك مبعرفش أنام بعد عنك؟ » زهدت العتاب، نظراتها شرحت كل اللي جواها، لما كنت برجع البيت وأحضنها كانت بتخضني بدون لهفة، كأنها كرهت ريحة نفسي، كنا نقعد ناكل سوا مبقتش تزعقلي على الحاجه الساقعه الكتير اللي كنت بشربها، حسيت إنها مكملة بس عشان محدش يشمت فيها، لإنها يتيمة ومامتها مريضة، كانت دايمًا تقولي: « أنت أكتر حد بحسه جنبه بالأمان! » إزاي مركزتش في الكلمة دي؟ مكنش ينفع أسلب منها الأمان لمجرد إني منزعج من تصرف صدر منها، حتى لو في بينا خصام، بس كان لازم أكون حنين، أحسسها إني دايمًا هكون حنين عليها حتى لو مختلفين على حاجة نحاول سوا مرة واتنين لحد ما نشوف الصح ونعمله، هي قبلت الصوت العالي كتير، بس البُعد زرع بينا جَفا مبقتش قادر أشيله خلاص! الوقت اللي كانت بتستناني أخلص فيه شغل عشان تقعد تتكلم معايا، بقت بتقعد تقرأ فيه كتب، وتسمع فيديوهات. فكرت إن خصامي هيخليني انتصر ويخليها تبطل تتصرف بطفولة وغباء، هي بقت كدا فعلاً وبقت عاقلة لدرجة مخوفاني عليها، نفسي ترجع تعمل دوشة حواليا، تتكلم بالطفولة اللي حبيتها فجأة! أنا حسبتها غلط وفكرت إني هكسب بس خسرت كتير! لو سُلب الأمان بقسوة مرة واحدة، لن يرجع لو حاولت ألف مرة! ستكتشف يومًا أن بعض الصفات المُزعجة فيها سعادتك، وأنَّ النعم التي اعتدت عليها ستذهب لغيرك يحفظ قدرها جيدًا ♥ كسرة النفس لا تُنسى، لا تُنسى أبدًا. القسوة مش حل، العتاب محبة ♥ أفق قبل فوات الآوان ♥. #واقعيه..

اوعى تضيع الأجر العظيم والفضل الكبير لليوم ده ! ... يوم عاشوراء ❤️ - قال ﷺ "َصِيَامُ يَوْمِ عَاشُورَاءَ أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ .." - وقال ﷺ "لئن بقيتُ إلى قابلٍ، لأصُومنَّ التاسع .." 👈 فالسنة صيام تاسوعاء (9 محرم) وعاشوراء (10 محرم) ، وصيام عاشوراء خُص بفضل عظيم وهو أنه يكفر ذنوب السنة التي قبله 😍 ⏪ بكرة الاثنين : تاسوعاء ⏪ ويوم الثلاثاء: عاشوراء #نحن_أحق_بموسي_منهم #شهر_الله_المحرم ❤️

الشيخ الوحيد اللى لما بفتح مقطع ليه مبقدرش اطلع منه نهائي واتجول فى كل المقاطع اللى نا شوفتها قبل كده كتيير الشيخ أحمد حمادى❤️‍🩹

صُحابي إتخطبوا و إتجوزا و خلفوا و أنا لِسة ضِرس العَقل بيطلعلي😂😂

والحقيقه ان فعلا ناس كانت مكسب من الرحله وللأسف ناس كنا محتاجينهم وخذلونا ومكنتش أتخيل منه كده ف نهاية الرحله والمواقف لا تنسي………والأفضال لا تنسي والسلام😢

ياعزيزي عشان تعتبر نفسك شخص ناجح مش لازم تقارن نفسك بأشخاص تانية وتشوف هما وصلوا لفين، وأنت وصلت لحد فين وقدرت تحقق كام إنجاز! 🩶 كده كده هتحس بخيبة الأمل طول الوقت لأن دايمًا هيكون فى حد متقدم عليك ووصل لأكتر من اللي أنت وصلته وبالطريقة دي هتفضل مُحبط طول الوقت، نجاحك مش أنت قدرت توصل لحد فين المقارنة الوحيدة اللي بنصحك بيها هي إنك تقارن نفسك وحياتك دلواتي بحياتك ونفسك من سنة فاتت ووقتها هتعرف أنت ناجح ولا لاء ❤️ نجاحك هو المشوار اللي مريت بيه وقدرت تتخطى فيه كل حاجه صعبة وقفت قدامك المسافة اللي مريت بيها من وقت ما بدأت لحد دلواتي هو ده نجاحك، مينفعش تقارن نفسك بالحواليك، كل واحد فينا عاش ظروف وحياة مختلفة خلت طريقنا مختلف •الدحيح

هنا الدُّنيا وهُناك .. هناك الجنَّة ‏حيثُ لَا شَيء يَسلُبهُ الزَّمَانُ مِنك.

الصيام تطهير للنفوس وتشجيع للكف عن المعاصي❤️‍🩹

اللهم اجرنا من حر نار جهنم ❤️‍🩹