M23-SECTION D ( channel )

🔴 إضراب طلبة الصيدلة بقسنطينة مستمر حسب رأي الأغلبية الساحقة التي حضرت اليوم للجمعية العامة (29/10/2024)

🔴 إضراب طلبة الطب بقسنطينة مستمر حسب رأي الأغلبية الساحقة التي حضرت اليوم للجمعية العامة (29/10/2024)

📍 من رأيي الشخصي : أكبر حاجة ربحناها بعد تحقيق المطالب الوطنية تعنا هو أنو ولينا طلبة طب واعيين، نعرفوا القانون، حقوقنا وواجباتنا، طلبة منظمين و يد وحدة ونسعاو باه نتطوروا ونكونوا أفضل ديما بشتى الطرق... ومن أفضل الطلبة وبشهادة الجميع طلبة طب قسنطينة، دمتم متميزين ومتألقين !

🟥 بيان توضيحي من طرف تكتل وطني للطلبة حول الاجتماع...

السلام عليكم ورحمة الله ( إن شاء الله تكونوا كامل بخير..) كل النقاط التي تمت مناقشتها في إجتماع اليوم مبهمة وغير واضحة، وعليه فإننا مواصلون في أضرابنا في كل كليات الوطن إلى غاية وجود نقاط عملية ودقيقة في أرض الواقع.. على مستوى كلية الطب في حي الصنوبر ( الشالي )، ستنعقد جمعية عامة يوم الغد على الساعة 10:00 صباحا بوجود ممثل طلبة كلية طب قسنطينة، ستتم مناقشة وسرد ما حدث في إجتماع اليوم مع الوزير، تقديم حلول وإقتراحات، قرار طلبة طب قسنطينة بإكمال الإضراب من عدمه.. حضوركم ضروري و واجب للقاء الغد، لأن مصير تخصص الطب في الوقت الحالي مرتبط بالطلبة المنتسبين إليه..، كلنا مسؤولون وربما لن تتاح لنا الفرصة بمثل هذه الظروف للقيام بالتغيير نحو الأفضل.. ليلة سعيدة إن شاء الله عن ممثلي الدفعة !

🔴 بيان توضيحي

🔴 بعد التواصل مع جميع ممثلي الطلبة اعلمونا انه ليس هناك جديد يذكر بخصوص اجتماع اليوم كل النقاط لاتزال مبهمة و غير واضحة و لذلك فاننا مواصلون في الاضراب مع كل كليات الوطن حتى يثبت العكس سننتظر بيان ممثلي الطلبة عبر الوطن و الذي سيتم نشره بعد قليل لمزيد من التفاصيل. #الرسمي

السلام عليكم، 🔴 غدا ستكون جمعية عامة في الشالي على 10. 🔴 نحتاجوا حضور الجميع (طلبة ال3 و طلبة الشالي و les internes) خاط ثم راح يتم طرح مستجدات واش صرا اليوم. حاجة تهمكم جميعا. 🔴 خاوتي، أكدولنا على الحضور خاطر غدوة يوم مصيري!!

🔴 تحذير لسلامة الطلبة خاصة المقيمين قصة صرات اليوم في الصباح الباكر طالبة كانت خارجة فاتت بجانب كلية الطب هجموا عليها الكلاب لي كانو تم و عضوها و حتى صاكها قطعوه طاحولها لي كارت تاعها و الدراهم فرجاءا من جميع الطلبة لي يلقى  بطاقة الطالب "معمر أحلام" و بطاقة الصحة و كارت ناسيونال بهذا الإسم يديها عند لي زاجون وكذا المبلغ المالي ( 50 الف مع شوية صرف معاها ) باش نرجعوها لزميلتنا وأجركم على الله

📍 جميع الأخبار المتداولة عبر الصفحات والمؤثرين عن إجتماع الوزارة ماديروش عليها.. ( حتى نحطولكم الأمور الرسمية كي لعادة ).

🔴 السلام عليكم: _بخصوص لرولفي للمعيدين قالتلكم الإدارة معندكمش رولفي تديو غير شهادة مدرسية.

🔴 السلام عليكم ورحمة الله عساكم بخير جميعا .. 🙌🏻 _ غداً إن شاء الله الوقفة كي العادة ، نبداو على 10:00 صباحا و نديروا شعارات صوتية منطولوش بزاف _ أرسلنا الشعارات في قنوات التلڨرام مكتوبة ليسهل ترديدها و بش كامل مام لي بعاد يعرفو وش راهم يقولو المنظمين 🙌🏻 _ غدوة راح يكون إجتماع مع الوزارة تسما حرفيا راهو يوم مصيري بالنسبة لينا و لمستقبلنا و لي كامل لازم نكونو حاضرين فيه بش نوصلو صوتنا و بش يشوفو قوة اتحادنا .. _ متنساوش إحضار المآزر و الكمامات _ لي يقدر يساهم في إحضار الماء ، العصير ، الحلوى ، او ماكولات خفيفة يجيب و له الأجر بالتوفيق وليلة سعيدة ⚡

السلام عليكم، تمت دعوة ممثلي الطلبة إلى اجتماع يوم غد على الساعة العاشرة صباحًا بمقر وزارة التعليم العالي، بحضور الأمين العام وممثلي طلبة عن مختلف الأقسام: الطب، الصيدلة، وطب الأسنان. ستمثل قسنطينة في الاجتماع ب: محمد حمزة بن عيدة عن قسم الطب، بكيري أمين عن قسم الصيدلة، وحمادو هارون عن قسم طب الأسنان. ندعوكم للحضور غدًا بأعداد قوية لدعم موقفنا وتأكيد استمرارية إضرابنا، برسالة واضحة مفادها أن إضرابنا أقوى مما كان عليه في بدايته و أننا لن نرضى بأقل مما نستحق. تسما جماعة لازم غدوا يكون الحضور بقوة تاني 🤝 كونوا على الموعد، حضوركم مهم لصوتنا ومطالبنا!

🔴 السلام عليكم ورحمه الله وبركاته ! مساء الخير للجميع 🙌🏻 🔹 بارك الله في حضوركم اليوم ، كان يوم ناجح بامتياز من كل الجوانب .. و أنتم قبل كل شيء السبب في نجاحه بوركت مساعيكم أطباء المستقبل و بالأخص promo kardia و أكيد مننساوش زملاءنا من السنة اولى و من الصيدلة 👏🏻 🔹 و أخص شكري و تقديري لممثلي الطلبة و المنظمين الأكفاء ، أناس ذوي همة عالية و طاقة جبارة .. منذ بداية الإضراب و إلى حد الآن و هم الركيزة المتينة التي لولاهم لما نجحنا و لما وصلنا إلى ما نحن عليه الآن 🙌🏻 🔹 و شفتو بلي حضور كل واحد فيكم صنع الفرق و صنع النجاح ، كون كل واحد قال انا منروحش كاين لي راهم يوقفو كون مشفناش نتائج تعب أيام اليوم ( تعب المنظمين لي مضحيين اكثر من أي واحد ، سهرة و عمل و تبكار ) 🔹 و أخيرا حبيت ننوه لحاجة جد مهمة و لي معظمنا متخاذل فيها .. نحن نسعى للتغيير صح ؟ لكن هل السعي يكفي وحدو ؟ ولا كاينة حاجة نسيناها ؟ نعم كاينة حاجة لازمها تكون مصاحبة للسعي و لي هيا "الدعاء" ، هل رانا ندعيو بش حالنا يتغير نحو الأحسن و بش إضرابنا و تعبنا كل يوم و تضحيتنا في كثير من اساسيات حياتنا راح يجيبو نتيجة ايجابية لي تخلينا نحسو صح بتعبنا و نحسو صح بلي حنا كتبنا  التاريخ و غيرنا مستقبلنا .. الدعاء ثم الدعاء ، كل واحد فينا يدعي بإصلاح الوضع لي رانا فيه دركا ، لأنو كلنا معنيين بيه ، إذا محسيتش بلي حقك راه يروح و استشعرت الوضع لي تحطينا فيه و العجز لي وقعنا فيه و دعيت بتضرع من اجل إصلاح هذا فأنت غير مبال صراحة لازم كل واحد فينا يستشعر ثقل الأمانة لي تحط فيها و يسعى بما لديه يدعي من قلبو من أجل وضع حل لمصيرنا .. رانا أطباء و للي خيرنا ربي واحد واحد و اصطفانا بش نعالجوا المرضى لازم نكونو قد المسؤولية لي تحطت على عواتقنا و منخذلوش بعضنا و نخذلو شعبنا 🙌🏻 ولا تنسوا أننا من أشرف خلق الله مدام القدر ساقنا لمسار الطب و الحمدلله 🤲🏻

TOUS UNIS ✊ قوتنا في وحدتنا، هذا هو السبيل الوحيد لتحقيق مطالبنا.

🔴 بخصوص كشوف النقاط : بسبب عطل إداري سيتأخر توزيع الكشوف إلى ما بعد الوقفة انتظروا رسالة هنا تؤكد التوقيت

🔴 هام !!! إضغط هنا

🛑 - خاص بالملحقات اضغط هنا ‼️

🔴 بخصوص كشوف النقاط غدا نبدأ على الساعة 9:00 صباحا A1 و B1

🔴 السلام عليكم مساء الخير لكم جميعا زملاءنا لي جايين للـ3 غدا إن شاء الله نحتاجوكم كامل واعيين وكامل متبعين تعليمات المنظمين، راح تكون حاجة مميزة بالزااف إن شاء الله تخلينا نوصلوا صوتنا لأبعد مدى✨ كاين تضحيات كبيرة راهم يديروا فيها المنظمين باه يصلحوا الأفكار لي حابين يطبقوها ولي رايحة تعجبكم كامل وتخلي صوتنا يوصل لأبعد مدى إن شاء الله، فحاولوا تكونوا قدها وتحضروا غدوة بقوة. و نزيدوا نأكدولكم على الللباس الأسود (خمار/veste/t-shirt/casquette...) لأنو حاجة ضروريا جدا في تطبيق الفكرة. كلمة وحدة 🗨️ يد وحدة ✊ صوت واحد🔊 #اضراب_الكرامة #الأحد_الأبيض