ንቁ ህይወት

የምትፈልገውን ሰው ለመስራት ! መመጥፎ አመልን ለመተው ስትነሳ እነዚህን ሁለት ስህተቶች አትሳሳት ፦ ☝️ ከመነሻው ስህተት የፈጠርክበት ቦታ ላይ ሆነህ ስህተቱን ለማስወገድ አትጣር ! ☝️ በአንዴ ያልጀመርከውን ነገር በአንዴ ለማቆም ብለህ አትጨነቅ ! የተባረከ ቀን ይሁንላችሁ እወዳችኋለሁ 🥰🙏

ከትላንትህ ጋር ተወዳደር ! በህይወት ሩጫ ውስጥ የሚያሸንፈው ቀድሞ የደረሰ ብቻ አይደለም ውድድሩን የጨረሰም ነው። የግድ በዙሪያችን ካሉ ሰዎች ቀድመን ወይም እኩል መድረስ አለብኝ ብለን ራሳችንን ማስጨነቅ የለብንም። ራሳችንን ካወዳደርን አይቀር ከሰዎች ጋር ሳይሆን ከትላንቱ ማንነታችን ጋር መሆን አለበት። ስኬት የሚለካው በራስ መነፅር እንጂ ከሌሎች ጋር ባለን ንፅፅር አይደለም። ደስታ የሞላበት ቀን ተመኘሁ 🙏

🥏 ከመጥፎ ልማዶች ለመላቀቅ ! እንዴት አድርጌ ላቁም የምንል ከሆነ መጀመሪያ ለምን ማቆም እንደምንፈልግ ለራሳችን ብዙ ምክንያቶች መደርደር አለበን፤ ምክንያቶቹ ልባችንን አልፈው ሲገቡና ሲያሳምኑን ያኔ ለማቆም አይከብደንም። ነገር ግን አንድ ነገር እናስታውስ በሂደት የጀመርነውን ልማድ በሂደት ነው ምናቆመው። በሱስ ውስጥ 4 ዓመት የቆየ ሰው በ 2 ዓመት በሂደት እየቀነሰ እየቀነሰ ይሄዳል እንጂ ለምን ባንዴ አላቆመውም ብሎ ራሱን ማስጨነቅ የለበትም። 'ያዋከቡት ነገር ምዕራፍ አያገኝም' አይደል የሚባለው? 😁 ደስ የሚል ምሽት ተመኘሁ 🙏

ፈጣሪ ሲሰጥ ቆጥሮ አደለም ! የሚያስገርመን የምንደነቅበት ይሆናል አይሆንም እያለ የሚያንገበግበን ነገር በሙሉ በፈጣሪ አይን በጣም ጥቂት ነገር ነው እኛ ከጠየቅነው በላይ እርሱ ብዙ አለው ! ስጠን ስንለው ሰስቶ ሳይሆን ሰፍሮ ነው አርግልን ስንለው የሚሰጠን ውለታ እየቆጠረብን አይደለም እናም በአለም ላይ ያለ ሁሉ እርሱን እስከያዝን ፍፁም አያስገርመን ከጠየቅነው በላይ ብዙ የሆነልን ገናም የሚሆንልን አለን ! ተመስገን 🙏 ግሩም ቀን ይሁንላችሁ ውዶች 🫡

ከትላንትህ ታረቅ ! ትላንት ምንም ነገር አጋጥሞህ ሊሆን ይችላል ዛሬ ግን ሁሉ አልፎ እዚህ ተገኝተሀል ዛሬ ላንተ አዲስ ምዕራፍ ተከፍቶልሀል 😄 ነገር ግን አሁንም ትላንት ስለነበረ ነገር እየተከፋህ እያዘንህ እያማረርህ ከሆነ ዛሬህን ብቻ ሳይሆን ነገህንም እያበላሸህ ነው ስለዚህ ትላንትህን ታረቀው እንዳለፈ ሁሉ አንተም እለፈው ዛሬን ላሻገረህ እያመሰገንህ ውብ ህይወት ኑር 💪 የተባረከ ምሽት ተመኘሁ 🙏

ትልቅ ማሰብ ! "ትንንሽ ሀሳቦች ሁሌም ትንንሽ ናቸው ግን የትልቁን ቦታ ይይዛሉ" ይለናል አዘርግ የተባለ ደራሲ። ሰዎች ስለኔ ምን ያስባሉ ብሎ ከማሰብ በላይ ምን ትንሽ ሀሳብ አለ? በዚህ አለም አንድ ነገር አትርሳ ዋናው አንተን ደስ የሚልህ ወንጀል ወይ መጥፎ ተግባር አይሁን እንጂ.....የምትሰራው የምትማረው አንተን ደስተኛ የሚያደርግህ ነገር ከሆነ እኮ ትልቅ ሀሳብ ነው! በትንሽ ሀሳብ አትጠመድ፤ አለዛ የትም አትደርስም! አስደሳች ቀን ተመኘሁ

የህይወት ወቅቶች ! ህይወት ምንጊዜም በጋ እና ክረምት የሚፈራረቅባት መድረክ ናት፤ አስተዋይ ሰው ሁለቱም ወቅቶች በህይወት ራሳቸውን እንደሚደግሙ ስለሚያውቅ ምንም ቢመጣ አይገርመውም። አንዳንዴ ከባድ ቀን ማሳለፍ ያለ ነው፤ የዋንጫ ቡድንም እኮ ይሸነፋል። ግን ለትናንት ውድቀት ዛሬውን መስዋዕት የሚያደርግ ሞኝ ብቻ ነው። ራስህን መውቀስ አቁም ወዳጄ! የሚገርም ምሽት ይሁንልን 🫡

ትንሿን ጠብቅ ! በህይወት ውስጥ ትልቁን ለውጥ የሚፈጥሩት ትናንሽ ነገሮች ናቸው፤ ዝሆን ገጭቶት የሞተ ሰው ታውቃላችሁ? በትንሿ የወባ ትንኝ ግን ተነክሶ የሞተስ ። ታዲያ እንደ ቀላል የምታየው ቸልተኛ ፀባይህ ምን እንደሚያሳጣህ የምታውቀው ዘግይተህ ነው። በቀን ውስጥ አደርጋለው ያልከውን ሳታደርግ ቀጣዩን ቀን አትጀምር! አለዛ ከነገ ላይ እየሰረክ ነው፤ ስንፍናን ማሸነፍ ቀንህን ከማሳመር ነው የሚጀምረው። መልካም እሁድ 🙏

🧤በዚህ አለም 3 አይነት ሰዎች አሉ 1⃣  ነገሮችን በጥረታቸው የሚያሳኩ 2⃣  ነገሮች ሲሳኩና ሲበላሹ ቆመው የሚመለከቱ 3⃣  ጭራሽ ምን እየሆነ እንዳለ የማያውቁ ይሄን ፅሁፍ የምናነብ ሁሉ ምርጫችን የቱ እንደሆነ ይታወቃል፤ ግን ታዲያ ምን እያደረግን ነው?  °እየጣርን ነው? ወይስ °ቆመን እያየን ነው? ወይስ °ጭራሽ አንቀላፍተናል? ዳይ ወደ ጥረታችን! የተባረከ ምሽት ተመኘሁ 🙏

ጠብቅ ! አንዳንዴ ከጓደኞችህ ወይ በዙሪያህ ካሉ ሁሉ ኋላ መቅረትህን አትጥላው፤ ምክንያቱም ረጅም ርቀት ለመወርወር ወደ ኋላ በደምብ መንደርደር ወሳኝ ነው። እየታሸህ ያለኸው በደምብ እንድትበስል ነው፤ እድል ጓዟን ጠቅልላ እጅህ እስክትገባ ጥረትህን እንዳታቆም! የዚህ አለም እድለኞች አብዝተው የሚለፉ እንጂ አብዝተው የሚመኙ አይደሉም። ሰናይ ምሽት ተመኘሁ 🙏