Сарыада кыра тылдьыта🐮🌼

Хараҕа суох Сөдүөччүйэ эмээхсини ити кэм холбоһук уобараһын курдук көрөбүн. Кини хараҕынан сатаан көрбөт эрээри, кини өйүгэр саха норуотун дьиҥ баайа мунньуллан сырыттаҕа - ол мындыр санаата. Маайаны, Сүөдэри уһун уустук суолларыгар алгыстаан, кини омук инникитин эмиэ алгыстыыр. Ол курдук Сөдүөччүйэ эмээхсин төһө да кылгастык көһүннэр, кини бэлиэ уобараһа тутаах буолар. Онтон история тосту уларыйар. Саҥа революционер уобараһа кэлэр. Инникигэ бигэ итэҕэллээх, эрчимнээх, ол эрэн наһаа эдэр дьон. Холобур, роман устата кыралаан улаатан испит Сэмэнчик уол айымньы бүтүүтүгэр сүрүн дьоруой буолар. Сэмэнчик Сөдүөччүйэ эмээхсинтэн ураты төһө да «көрөр харахтаммытын» иһин, кини олоххо элбэҕи билэ-көрө илик, элбэххэ үөрүйэҕэ суох оҕо буоллаҕа. Ол да буоллар, кини саҥа олоҕу тутаары, эрдэттэн улаатарыгар тиийэр. Ити конфликт аны икки ураты толкуйга көстөр. Урут дьон «төлкө төннүбэт» диэн санаанан олорор буоллахтарына, Сэмэнчик кэмигэр киһи дьылҕатын бэйэтэ айыахтаах. Онтон норуот инники олоҕо эмиэ тутулуктаах. Ол эрэн айымньы саҕаланыытыттан көстөр дьоруойдар, кырдьык, дьылҕа оонньуутуттан сатаан куоппаттар: Маайа кыһалҕалаах олоҕо хомолтолоохтук быстар; Сүөдэр дьонун сүтэрэн, элбэх эрэйгэ түбэһэр; Сүөдэркэ иэстэбилгэ түбэһэн эмиэ түһүүлээх-тахсыылаах олоҕо быстар. Ити дьон дьылҕаларын ситимэ улахан историческай уларыйыы кэмигэр быстыбат. Онон сүрүн ыйытыы хоруйа суох хаалар курдук: төлкө күүһэ кэхтибэт, киһи бэйэтин кыаҕа эмиэ сүдү суолталаах. Ити иккиттэн кырдьыга ханныгый? Үс чаастаах роман атын историческай киэҥ хабааннаах айымньылары санатар.  Сэрэйбит курдук, Толстой «Война и мир» эпопеятын кытта тэҥниибин. Ол эрэн «Төлкөҕө» кыра киһи олоҕо улахан  историческай уларыйыы кэмигэр ойууланар дуу, эбэтэр история уларыйыыта тус киһи олоҕор хайдах курдук дьайбыта көстөр дуу? Мин көрдөхпүнэ, айымньы бүтүүтүгэр ааптар дьоруойдартан тэйэн иһэр. Ааптар «Хараҥа түүҥҥэ» Ылдьаана эмээхсин Бүлүү өрүс кытылыгар ытыырын, кини олоҕун аҕыйах тылынан киһи уйулҕатын долгутар гына хайдах курдук ойуулууруй! Маайа хайдах эрэйи көрөрүн, санаата уоскуйбатын, саҥаттан саҥа кыһалҕаны көрсөрүн дьиҥнээхтик да көрдөрбүт! Онтон «Күн тахсыытыгар» кыра киһи олоҕо инник болҕомтону ылбат. Үгүс политическай термин киирэр, дойду бэлиэ историческай хардыылара ааттаналлар. Бу айымньы тула элбэх санаа тахсан иһэр, ону манна сатаан батарбатым буолуо... Ол эрэн «Төлкө» роман уустук ыйытыылара, кистэнэ сылдьар идеялара  Николай Якутскай дириҥ толкуйун, муҥурдаммат ычатын көрдөрөр. Толстой эпопеятыгар тэҥнээбитим да иһин, син биир «Төлкө» ураты тыыннаах, үрдүк таһымнаах историческай эпопеялартан биирдэстэрэ буолар диэн түмүктүүбүн.

Ааҕа илик буоллаххытына, болҕойуҥ! Спойлердар бааллар! Хас биирдии киһи дьылҕата эрдэттэн сурулла сылдьар диэн санаа элбэхтэ иһиллэр. Ол курдук «төлкө төннүбэт» диэн саха этиитэ эмиэ баар. Киһи сатаан дьылҕа ыйааҕыттан куотар кыахтаах дуо? Эбэтэр киһи инникитин бэйэтэ быһааарар, дьаһанар дуу? Мин санаабар, бу хоруйа суох ыйытыы Николай Якутскай «Төлкө» романыгар сүрүн буолар. Ромаҥҥа икки атын өй-санаа, кэм, сиэр-майгы, дьон утары тураллар. Революция иннинээҕи ыарахан баттабыллаах олох ойууланарыгар, ааптар ону кытары саха судургу мындырын  эмиэ умнубат: киһини умсугутар үһүйээннэр, омуннаах кэпсээннэр. Ити кэмҥэ дьон аптаахха итэҕэйэр, ойууттар күүстэрин сөҕөр, эмиэ да кинилэртэн толлор. ⬇️

Саҥа ый – саҥа ойуу🌼

Саҥа ый – саҥа ойуу🐮

Дорооболоруҥ, доҕоттоор! Арыый иллэҥсийэммин, саҥа ылбыт кинигэбин дьэ ааҕан эрэбин – Николай Якутскай «Төлкө» арамаана. Онно көрсүбүт сонун тыллары таһаарар буоларым буолуо🌼 Ким ханнык айымньыны ааҕа сылдьар?🐮

Саҥа ый – саҥа ойуу🌼

Доҕоттоор, биир-икки киһи тиийбэт🙏🏻 (көрөргүт курдук, курсовой үлэбинэн аймана сылдьабын өссө даҕаны🦫🌼)

Саҥа ый – саҥа ойуу

Доҕоттоор, Саха Өрөспүүбүлүкэтин күнүнэн!🎊 Бүгүн мин ВКонтакте ситимҥэ бөлөхпүтүн көһөрөн саҕалаатым, онон барыгытын ыҥырабын! https://vk.ru/club238130281 ВК бөлөххө улахан хатылааһыны биллэрдим: урут бу ханаалга тахсыбыт тыллары барытын саҥаттаан үөрэтиэхпит, сөргүтүөхпүт🌼 Ону таһынан саҥа Ыам ыйдааҕы халандаар эмиэ онно тахсыаҕа🐮🤟🏻 Бу ханаалга салгыы таһаарылары эмиэ оҥоро туруоҕум, ол эрэн ВК быдан табыгастаах буоллаҕына, онно эмиэ киириэххэ сөп!

Дорооболоруҥ, доҕоттоор! Бүтэһик күннэргэ үөрэхпинэн дьарыгыраммын, таһаарыы оҥорботоҕум ыраатта :( Ол эрэн курсовой үлэм саха тылыгар сыһыаннаах🌼 Биһиги икки тыллаах (билингв) дьон буолабыт. Өйбүтүгэр икки хатана сылдьар тыллар ыкса ситимнээхтэр, бэйэ-бэйэлэригэр дьайсаллар. Ити дьайсыы хайдах "үлэлиирин" көрөөрү, сахалыы уонна нууччалыы этиини икки тыллаах дьон хайдах ааҕалларын чинчийэбит. Эһигини эмиэ бу кылгас, судургу эксперимены ааһарга ыҥырабыт!✨ Эксперимент 20-30 мүнүүтэ устата оҥоһуллар. - Ааһарга ноутбук (Firefox, Opera, Chrome браузер нөҥүө ордук) эрэ наада. - 18 саастарын туолбут эрэ дьоҥҥо аналлаах. Эксперимент сигэтэ: https://farm.pcibex.net/p/RaZEdw/ Үлэбитин ситэрдэхпитинэ хайаан даҕаны туох түмүккэ кэлбиппитин суруйуоҕум🫶🏻 Доҕоттоор, билим сайдыытыгар бэйэҕит кылааккытын киллэриҥ! Махтал!🌼