ទីភ្នាក់ងារសារព័ត៌កម្ពុជា ខេត្តតាកែវ

ថ្នាក់ដឹកនាំខេត្តតាកែវ អញ្ជើញដឹកនាំប្រតិភូចូលរួមពិធីបុណ្យ បញ្ចុះសព ឯកឧត្តមបណ្ឌិតសភាចារ្យ ច័ន្ទ សារុន អ្នកតំណាងរាស្ត្រមណ្ឌលតាកែវ តាកែវ៖ នៅព្រឹកថ្ងៃព្រហស្បតិ៍ ទី០៣ ខែកញ្ញា ឆ្នាំ២០២៦ នេះ ឯកឧត្តម យស ណាស៊ី ប្រធានក្រុមប្រឹក្សាខេត្តតាកែវ និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានដឹកនាំប្រតិភូរដ្ឋបាលខេត្ត និងលោក លោកស្រី ប្រធានមន្ទីរ-អង្គភាព ជំនាញជុំវិញខេត្ត អញ្ជើញចូលរួមក្នុងពិធីបុណ្យបញ្ចុះសព ឯកឧត្តមបណ្ឌិតសភាចារ្យ ច័ន្ទ សារុន អ្នកតំណាងរាស្ត្រមណ្ឌលតាកែវ ។ ពិធីបុណ្យនេះ ត្រូវបានប្រារព្ធរៀបចំឡើងនៅភូមិត្បូងដំរី ស្ថិតក្នុងឃុំគ្រាំងធ្នង់ ស្រុកបាទី ខេត្ត តាកែវ ប្រកបដោយបរិយាកាសក្ដុកក្ដួល និងសោកស្តាយជាពន់ពេក ចំពោះការបាត់បង់ឥស្សរជនជាន់ខ្ពស់មួយរូប ដែលបានបន្សល់ទុកនូវស្នាដៃ និងគុណបំណាច់ជាច្រើនជូនជាតិ និងប្រជាជន ៕