Газета "Таатта"

🍀☀️Үрүҥ күнү көрсөр, күүс-уох ылар, айылҕалыын алтыһар Үрдүк Айыыларга сүгүрүйэр Уйгу Быйаҥ ыһыаҕынан. @taattagazeta @ulusmedia

🌿2023 сылга Таатта улууһун ыһыаҕа бэс ыйын 16-17 күннэригэр буолан аастылар. Быйылгы халаан уустук түгэннэри үөскэтэн, дьон-сэргэ санаатын көтөҕөр, сайыҥҥы үлэҕэ-хамнаска кынаттыыр дьоһуннаах сиэр-туом. Ийэ айылҕабытыгар, Үрүҥ күммүтүгэр, Аар Айыыларбытыгар сүгүрүйүү толорулларын ытык иэспит курдук ылынабын. Онуоха сахалар түҥ былыргыттан тутан кэлбит үгэспит, итэҕэлбит да буоларынан, Олоҥхо уонна ыһыах саха норуотун духуобунай култуууратын мэҥэ өйдөбүллэрин быһыытынан дьон өйүгэр-санаатыгар бигэтик киирбитин илэ итэҕэйдим… 🌿Сырдык ыраас санаалаах дойдум ыһыаҕар тиийдим. Улуус ыһыаҕын туруоруута киэҥ, ис хоһооно дириҥ, олоҥхолоох улуус ыһыаҕа диэх курдук. Күп-күөх ньаассын оттоох киэҥ Хадаайы эбэ хонуутугар сүүһүнэн туналы маҥан ырбаахылаах эдэркээн дьахталлар, кыталык кыргыттар кынталдьыһа хааман киирэннэр быйылгы ыһыаҕы астылар. ✍️Екатерина Петровна Чехордуна, педагогическай наука кандидата. ✔️Сиһилии ↩️↩️↩️ @taattagazeta @ulusmedia

🚌 Бэс ыйын 15-16 күннэригэр Ытык –Күөл Хадаайы алааһыгар улуустааҕы ыһыахха, автобус сүүрэр бэрээдэгэ. @taattagazeta @ulusmedia

Ытыктабыллаах Таатта улууһун олохтоохторо! Бука барыгытын кэтэһиилээх, долгутуулаах самаан сайыммыт салаллан кэлбитинэн, Үрүҥ Тунах Ыһыах күннэрэ тосхойбуттарынан эҕэрдэлээн туран бэс ыйын 15 күнүгэр Ытык-Күөл Хадаайы алааһыгар улуустааҕы Ыһыахха ыҥырабыт. Үрүҥ тунах ыһыаҕы ыһыы, сиэри-туому тутуһан толоруу - саха норуотун биир сүрүн үгэһэ. Томороон тымныылары туораан, күөххэ үктэнэн, сахалыы саҥа дьылы көрсөр биир бэлиэ күммүт үүнэр күнэ. Улууспутугар Таптал. Эрэл. Итэҕэл сылынан, Ытык Итэҕэлбит сиэрин-туомун толорон ыһыах буолар түүнүгэр күн көрсүүтүн, ыһыах күн бука бары Үрдүк Айыыларга, айылҕа күүһүгэр сүгүрүйүү, күүс ылыы алгыһын иҥэринэн инники олохпутугар сырдыгы, эрэли олохтуоҕуҥ! 1944 с. Улуу Кыайыыны түстээбит ыһыаҕы холобур оҥостон, билиҥҥи уустук кэмҥэ, анал байыаннай дьайыы Кыайыынан түмүктэнэригэр, уолаттарбытыгар сүрү көтөҕөр алгыс тылларын хаһааҥҥытааҕар даҕаны күүскэ анаан, өйбүтүн-санаабытын, турукпутун бөҕөргөтөр, айылҕабыт ача күөҕүнэн алларын туһугар, дьол-соргу тосхойорун, байылыат олох барҕарарын туһугар анаан-ааттаан алгыспытын арыылыыр-сыалыыр Ытык Күммүтүн ыытыах тустаахпыт. Күндү талыы-талба мааны Тааттам дьоно-сэргэтэ! Сир ийэ иччилэригэр сүгүрүйэн, Аар Айыылар чугаһыыр кэмнэригэр арчыланан, оһуохайдаан, үтүөнү түстээн түмсэн туран Ыһыах күнүн үөрүүлээхтик атаарыаҕыҥ! Барыгытыгар чэгиэн туругу, үтүө санааны уонна этэҥҥэ буолууну баҕарабын! Айаал Бурцев, Таатта улууһун баһылыга

Сиппит хатыҥ сэбирдэҕэ Күн уотугар килэбэчийэр, Бэҕэһээҥҥи быстах ардах Сууйбут оту маһы. Күн тахсыытын көрсө От мас чэмэлийэн , Сынньаммыт курдук көстөр Араас өҥүнэн оонньуур. Туймаадам улуу хочото Харах ыларынан кэрэ, Чээлэй күөх мыраана Ахса биллибэт арыы мастара. Дулҕа үүммэт сыһыылара Үрүҥ сибэкки симэхтэрэ Саҥа түспүт хаардыы Киэргэтэллэр дойдубутун. Айылҕа ситэр тупсар Иэйэхсит илбиһин ылан, Кэлэр кэскили түстээн Кэрэни, сырдыгы үксэтэн. Артыамый. Эҕэрдэ ! Саҥа күн дьолу үксэттин.

Халлаан туруга Бэс ыйын 14 күнэ Ытык Күөл Сарсыарда+14, күнүс+22 Салгын баттааһына 738 мм. Уларыйыылары ugms14.ru, www.gismeteo.ru көрөр сөп. @taattagazeta @ulusmedia

Сегодня в администрации улуса чествовали тренеров по результатам спартакиады учащихся Республики Саха Якутии «Спортивные якутяне». Команда Таттинского улуса заняла третье место, улучшив прошлогодние результаты. Благодарственные письма вручили глава улуса Айаал Бурцев и начальник управления образования Иннокентий Дягилев. Также на этом мероприятии команда тренеров провела рефлексию по итогам соревнований, обсудили что можно изменить, чтобы в следующем году улучшить свои показатели. Гордимся нашими спортсменами и тренерами!

🌿Саха өрөспүүбүлүкэтин оһуохай үтүөлээх этээччитэ, олоҥхоһут Афанасий Попов күнү көрсүү сиэрин-туомун туһунан бэйэтин санаатын истиҥ, сэҥээриҥ. 🌿Буолаары турар Хадаайы ытык сиригэр күнү көрсүү түһүлгэтигэр кэлэн кыттыһыҥ. @taattagazeta @ulusmedia

🌿Сайын уонна ыһыах саха киһитигэр сүрүн суолталаах кэминэн буолаллар. Сайыҥҥы биир күн дьылы аһатар, онтон ыһыах түмүк таһаарынар, инникини түстүүр киэҥ ѳйдѳбүллээх түгэн, кэлин ѳссѳ национальнай бырааһынньыкпытынан буолла. Ыһыах ѳйдѳбүллэрин туһунан алгысчыт Иван Федотович Ивановтан, Тааттааҕы норуот айымньытын дьиэтин исписэлииһиттэн кэпсииригэр кѳрдѳстүм

Ыһыах диэн биһиэхэ сахаларга, айыы дьонугар, айылҕа оҕолоругар биир сүдү итэҕэлбит, сиэрбит — туоммут. Бу куннэргэ күнүспүт уонна түүммүт тэҥэһэр, айыылар сиргэ чугаһыыллар, онон ыһыах сир-дойду иччилэригэр, айыыларбытыгар сүгүрүйэр үтүѳ кэммит.

✔️Сиһилии ↩️↩️↩️ ✍️Александра Прудецкая @taattagazeta @ulusmedia