❤بطلة الحكاية إيمان عماد الدين ❤

في البداية كده خلينا متفقين اننا في الجانب الديني بيحصلنا حاله من الفتور والكسل بيجي وقت علينا بنكون في فترة مش قرايبين من ربنا، كل ما نبدأ صلاة يوم او اتنين ومش بنكمل مثلا نصلي فرض ومبنكملش، كل ما ننوي نحفظ القرآن نبدأ بحماس وفجأة تحصل حاجه تخلينا منكملش والشيطان يوسوس في دماغنا حاجات كتيره جدا عشان منكملش طيب نعمل ايه؟ عشان تتخلصي من الكسل والفتور وعدم الالتزام في اي شئ سواء في الصلاة، حفظ القرآن، ذكر الله، اي عبادة بتكوني حاسة بعجز وكسل وفتور وكل ما تبداي تحصل دروبات تخليكي ترجعي لنقطة الصفر!! يبقي الحل السحري انك تلزمي " الأستغفار"♥️ اشمعنا الاستغفار؟ الأستغفار بيمحي كل المشاكل دي وبيخليكي من جواكي خفيفة وبترتاحي نفسيا وبيمحي كل الذنوب ، ولأن سبب كل المشاكل دي هي الذنوب دائماً الأنسان بيكون حاسس بتقل جامد والذنوب عنده كتير سواء ذنوب كبيرة او صغيرة هي اللي بتخليكي واقفة من كل حاجه ومش قادره تقاومي. عشان كده بقولك إلزامي الأستغفار ♥️ #إيمان_عماد_الدين نسالكم الدعاء ل إيمان بالرحمه والمغفرة وان يسكنها الفردوس الأعلى يارب العالمين 🤲🏻🥺💔

✨ انت ربنا خلقك عشان غاية وهدف تسعي عشانه ولكن انت نسيته ! وانا جاية افكرك إنك ليك أسمي وأعلي هدف وغاية ربنا خلقك تسعي وتجاهد نفسك عشان توصلها وهي " الفوز بالجنة "✨♥ عملت ايه عشان تبني حياتك الأبدية اللي هتروحلها في اي وقت ؟ دنيتك فانية وبتبكي وزعلان عشان معندكش هدف حققته ولا سعيت عليه ! كل همك أهداف دنيوية صح هي دي اللي حزين عليها صح ؟ طيب تعالي نرتبها مع بعض واصلح معاك واوضحلك رؤية حياتك 💜✨ عرفت إنك نسيت هدفك اللي ربنا خلقك عشانه واديني فكرتك ! هتجاهد نفسك وتبني وانت عايش في الدنيا " الحياة الأبدية " ازاي ؟ هتجاهد نفسك :- ✨ بالصلاة الفروض والسنن ✨تغذي نفسك دين وعلم وتسمع عن الجنة عشان تقرب من ربنا وتتلذذ بدينك . ✨اعمل كل اللي أمرك بيه ربنا سبحانه وتعالي عشان تكسب رضاه والجنة . ✨ضحي في كل حاجة مترضيش ربنا "بطل اغاني ، اللبس الضيق ، الاختلاط بالشباب او البنات " ضحي عشان الجنة تستاهل انك تتغير عشانها وتفوز بيها ✨ تتقن وتتمعن في طاعاتك اليومية ،الأسبوعية ، الشهرية "العمل الصالح والنافع " لما ربنا سبحانه وتعالي يحاسبك علي اعمالك ويسألك " عن عمرك فيما أفنيته "؟ " عن وقتك فيما أفنيته "؟ هترد تقوله ايه ؟ " أعد للسؤال جوابا يا ابن آدم "! استعد للسؤال ده بإنك تشتغل علي نفسك وطورها وساعد الناس بالخير واعمل اعمال صالحة في علمك و وقتك ومذاكرتك ونافع بيها غيرك ♥✨ "أهدافك الدنيوية " كل شخص فينا بيسعي ويحاول انه يلاقي هدف في حياته بس مش هتلاقيه طول ما انت واقف في مكانك وبتشكي ! الحل إنك تجرب كل حاجة قدامك واي فرصة تجيلك في مجال كويس ومناسب ليك امسك فيها بإيدك لحد ما تلاقي عقلك وقلبك ونفسك في المكان ده وشوف بقا أبواب الخير والأهداف اللي هتتفتح في حياتك ♥ بس انت استعن بالله ، زود شوية ثقة ويقين في نفسك وقدراتك ، ابدا ، اسعي ، عافر ، اجتهد ، ابذل مجهود وسيب النتايج علي ربنا سبحانه وتعالي ✨♥ بس الأهم تكون أهدافك والحاجات اللي نفسك تحققها ف رضي ربنا وتكون نافعة في اخرتك متكونش حاجه حرام ! عرفت انت ربنا خلقك عشان غاية وهدف ليه ؟ وعرفت الاهداف اللي انت المفروض تكون بتشتغل عليها في الدنيا ✨♥ يلا بقا قوم رتب حياتك واعمل update من النهاردة وراجع كل أعمالك واعرف الصح واعمله واعرف الغلط وابعد عنه " أنت تستاهل الجنة "✨♥ " الحياة الأبدية ، العمل الصالح والنافع ، أهدافك الدنيوية تكون في ميزان أعمالك الصالحة "✨♥ ~#إيمان_عماد_الدين فضلآ وليس أمرآ ادعوا ل إيمان بالرحمه والمغفرة 🥺💔

التسبيحة في رمضان خير من ألف تسبيحة في غيره. كُنْ من الذاكرين:' - سبحَان الله. - الحمدُلله. - لا إله إلا الله. - الله أكبر. - سبحان الله وبحمدِه. - سبحان الله العَظيم. - لا حَول ولا قُوة إلا بالله. - أستغفر الله و أتُوب إليه. - اللهُم صلِّ وسلم على نبينا مُحمد. - لا إله إلا الله وحدهُ لا شريك له، له المُلك وله الحمد وهو على كُل شيء قدِير. - حسبي الله لا إله إلا هو، عليه تَوكلت وهُو ربّ العرش العظيم. - اللهم اجعلنِي من التَوابين واجعلنِي من المُتطهرين. - لا إله إلا أنت، سبحانك إني كُنت من الظَالمين. - اللهم قلبِي ومن بقلبِي. - اللهم نُورك إذا حلت الظُلمه، اللهم نجنِي من عذابِك يومُ يبعث عبادك. - اللهم اغفر لِي، ولمن اغتبتُه وظلمتُه وأسأتُ اليه، اللهم تجاوز عنا وعَنه. - رضيتُ بالله رباً، وبالإسلام ديناً، وبمحمدٍ صلى الله عليه وسلم نبياً. - اللهم ارزقني حبك، وحب من يحبك، وحب عملاً صالحاً يقربني إلى حبك. - اللهم اقضي حوائج كل من وكلني لدعائك. مررها 🌙

‏                 ♥️🕌 🌙                   ايام قليله                         و               ساعات قليله         وتبدأ القصة الجميلة    وتعلو المساجد بأصوات الدعاء        وتسكن السعادة قلوبنا *اللهم أرزقنا رمضان وبارك لنا فيه* الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ .♥️🌛🍀                        مُبارٓكٌ علٓيْكم شّٓهرُ رٓمٓضٓان        ♥️🌙 وكل عام ؤآأنتم  بخير🌙♥️ و كل عام وانتم الى الله اقرب...♥️

السلام عليكم ورحمة الله وبركاته 🌸 فضلآ وليس أمرآ ادعوا ل إيمان بالرحمه والمغفرة في هذا الأيام المباركة 🤲🏻🥺💔 يلا نشوف مقال إيمان 🙂 🌸🌸🌸🌸 ايه قصتك مع سورة البقرة ومدوامتك عليها يوميا يا "إيمان" وازاي مداومة عليها؟🤎 سورة البقرة من أحب وأقرب السور إلي قلبي حرفيا هي سبب لراحتي النفسية و استجابة دعائي والأمل لكل شئ، قصتها معايا مش مجرد سورة في القرآن..هي بمثابة سورة كل ما انوي قرأتها بتزرع فيا قلبي وروحي من جديد بتديني روح الطمأنينة والسكينة والإيجابية كل ما ابقي في ضيق ومخنوقة من اي شئ وعندي مشاكل تهد جبال بلاقي "سورة البقرة" بتسندني وبتقويني علي الحياة "🤎 ليه ملتزمة بيها يوميا ودايما مداومة عليها :-✨ ✨ لأنها بتديني دافع قوي إني اكمل ف اي حاجه . ✨ لأنها بتحيي فيا الأمل والحياة من اول وجديد . ✨لأنها بتطمني دايما ان ربنا سبحانه وتعالي قادر علي كل شئ " قادر انه يقلب موازين حياتي كلها للأفضل "♥ ✨ لأنها زرعت فيا الصبر • الصبر علي الإبتلاءات • الصبر علي وفاة خالي " الله يرحمه " • الصبر علي الطاعة • الصبر علي الكرب والضيق والظروف • الصبر علي المجاهدة •الصبر علي التعب النفسي والجسدي •الصبر علي دراستي • الصبر علي الدنيا " ربنا يعيني اني اصبر واستحملها لحد اخر لحظة ف عمري" ✨لأنها لما بدعي بحاجة نفسي فيها بتطمني الأيات دي إنها هتستجيب :-♥ 🌿﴿ وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ ﴾ 🌿 ﴿ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ﴾ 🌿 ﴿ إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ ﴾ ✨ لأنها بتديني الرزق والبركة في يومي ✨لأنها بتحل كل مشاكلي في لحظة ✨لأنها بتدفع عني الشر والعين والحسد وبتحميني من الأذي ✨ أنها بتحققلي كل شئ احلامي واهدافي من قبل ما اكمل قراءة السورة بلاقي كل دعائي "استجاب"واتحقق🌼 انا لو فضلت اتكلم عن سورة البقرة وفضلها عليا مش هيكفي الوصف " الحمد لله علي نعمة وجود سورة البقرة والقرآن كله "♥🙏 " ازاي مدوامة عليها يوميا فيه 3 طرق سر مدوامتي عليها"🌼 🌿» الطريقة الأولي • سورة البقرة فيها 286 آية...بقسمهم علي ال 5 صلوات مع كل صلاة باخد الجزء اللي قسمته بعد او قبل الصلاة بنوي النية وببدا القراءة فيها. 🌿» الطريقة الثانية • قرأتها كاملة في قعدة واحدة وبتاخد مدة قرأتها 1:20 في اولها هتكون صعبة شوية لكن مع الأستمرار والتعود هتاخد مدة اقل من ساعة . 🌿» الطريقة الثالثة • اسمع سورة البقرة فقط مجرد استمعي ليها بتغذي عندي مهارة أستماع أصوات القرآن..وده لأني ساعات بلاقي يومي مضغوط او حصلت ظروف طارئة بشغلها بصوت القارئ واسمعها..المهم اني مسيبش يومي يعدي من غير سورة البقرة")♥ نصيحتي لأي حد اقرأ سورة البقرة يوميا ومتسيبهاش ابدا وشوف التغييرات اللي هتحصل في حياتك بعد التزامك عليها ♥ هتبقي صعبة شوية لأنها طويلة بس لما تستمر عليها هتبقي سهلة جدا وهتختمها اكتر من مرة وهتحس انك حفظتها بدون اي مجهود ♥ استمرارك والتزامك عليها يوميا حقيقي اي دعوة نفسك تحققها...عندك مشاكل كتير جداً...بتعاني من الكسل والخمول او العين والحسد والسحر..كل ده مع سورة البقرة تقدر تغير حياتك بيها "🌸 #تحدي_قراءة_سورة_البقرة_يوميا #إيمان_عماد_الدين 🌸🌸🌸🌸 #بطلة_الحكاية #فقرتي_الثابتة

السلام عليكم ورحمة الله وبركاته 🍀 ايمان من ابسط الناس اللي معظمكم عرفها من خلال السوشيال ميديا 📱 وكانت دايما سبب ف تشجيع ناس كتير جدا وانا واحدة من الناس دي برغم أنها أصغر مني لكن اتعلمت منها حاجات كتيرة جدآ ربنا يجعله في ميزان حسناتها يارب 🤲🏻🥺 ايمان ليها مقالات كتيرة جدا عبارة عن نصائح من دهب .. وكان في مقال ليها أجبر بخاطرك أزاي ياريت نرد الجميل ليها 🥺❤ احنا محتاجين نرد الأثر الطيب دة 😍❤ كل واحد فينا ينوي من انهاردة يطبق حاجة ايمان كانت بتقولناًً عليها وياخذ عهد ع نفسه وقدام ربنا انها تكون ف ميزان حسناتها 🤲🏻 هو دة الأثر الطيب والهدية اللي نقدر نقدمها لحد دايما كان بيتعب معانا .. ومتنسوهاش من دعواتكم 🤲🏻🥺 يلا شوف كلامها ونفذه 🙂 🌸🌸🌸🌸🌸🌸🌸 ازاي تستمتع بالإجازة وتستغلها بشكل مفيد! ♥ لما بكون ف إجازة يوم او شهر او حتي في ايامي العادية ببقي لازم استغل يومي واجازاتي في حاجة مفيدة وعشان كده جايلك النهاردة اقولك ازاي تستغل إجازاتك صح ✅ • ابدا احفظ اجزاء من القرآن الكريم. • أقرأ ورد قرآن وفسر آيات لمست قلبك ♥ •اسمع فيديوهات دينية تعرفك علي دينك. • اعرف عن حبيبك ورسولك سيدنا محمد صل الله عليه وسلّم واتبع سنته. • اعرف قصص الأنبياء. •اتدرب علي مدوامة عادات دينية زي "سورة البقرة يوميا، الأذكار" •اتعلم مهارات جديدة وطور من صفاتك الشخصية. • جرب تتعلم هوايات بتحبها. • اتعلم الطبخ وابدا بأكلات بسيطة. •استمر علي نظام غذائي صحي • ممارسة التمارين الرياضية واليوجا وروح الجيم • اتعلم السباحة و الكاراتية والألعاب المدافعة. • خطط للأسبوع واعمل إنجازات اسبوعية حتي لو بسيطة 🌸 • اكتب يومياتك واللحظات اللطيفة في يومك 🌸 •طور من لغتك الأساسية واتعلم لغات جديدة { English ~ Turkey ~Francais }. • طور نفسك في مجالك واعرف شغفك وميولك. • خد كورسات ودورات تدريبية تعلمك. • اخرج واتفسح وابسط نفسك لوحدك " اتعود تعمل كل حاجه لوحدك هيفيدك جدا " • اعمل اجواء حلوة انت بتحبها مع مشروبك المفضل في قعدة جميلة لوحدك او مع حد بتحبه. •اتعلم كل لحظة معلومات جديدة. • اعرف اخطاءك واتعلم منها واعرف الغلط وصلحه و اعرف الصح وطوره. • فكر انك تخطط لمشروعك الخاص بيك. • حوش مبلغ بسيط كل شهر. •اشتغل حتي لو هتاخد مبلغ بسيط. • اكتب عن نفسك وانجازاتك وافتخر بيها. ♥ • اعتني بنفسك وحبها من قلبك وحفزها وخليها قوية 💪🏻 • خطط لمغامرات تثير عقلك. • ثقف نفسك عن طريق الكتب والفيديوهات المفيدة. • اتعرف علي اصدقاء و ناس إيجابية واقرأ قصص نجاح. • تابع جروب free courses&books اكبر مجتمع إيجابي علي السوشيال ميديا. ♥ " استغل إجازاتك و وقتك في انك تقوي علاقتك بربنا واعرف عن دينك، اتعلم حاجات مفيدة، اعمل حاجات معملتهاش قبل كده، اتعود متسيبش وقتك ويومك يضيع علي الفاضي خلي يومك مميز وجميل حتي لو هتعمل حاجات بسيطة:) ✏إيمان عماد الدين #بطلة_الحكاية #فقرتي_الثابتة

الا عايز يحمل " القرآن تدبر وعمل " يتفضل صدقة جارية لإيمان 🥺 متنسوش تدعولها بالرحمة والمغفرة 🤲🏻