𝙼𝙰𝙻𝙰𝚉_♡ﻣ‌‌ﻟﺂذ

شئتم أم أبيتم الوش بعد ما بتعيطي بيطلع صافي وجميل ومشرق كده و بتبقى عايزة تبصي ل نفسك لحد عشرين سنه قدام.

كل ما أقول على حد قلبه أبيض يطلع أنااا اللي مخي أبيض ربنا يحرّسني.

عاملين option رهيب عندنا في الكليه ، بدل ما تقرأ انت ال pdf لوحدك في البيت تقدر تروح الكليه تحضر مخصوص عشان تسمع حد بيقرأه.

قاعده جمب واحده فالمدرج بتعزم عليا اكل معاها بقولها شكلك بتصحي بدري عشان اللانش بوكس قالتلي جوزي اللي عملهالي(اللهم انظر في امري)

نفسي احط صورتي بروفايل فيس زي الناس بس خايفه ع قلوبكم الضعيفه من جمالي _ههه بهزر معاكم ابويا هيعمل معايا الصح.

الرجاله دول اوقات بيبقي ليهم طلبات غريبه يعني مثلا يقولك صدقيني.

بابا كل ما ارفض عريس يقولي تلاقيكي بتكلمي حد ف قولت اوافق علي الاخير عشان مناسبني قام بابا رافضه وقالي تلاقيكي دا اللي بتكلميه.

الناس وهي بتقدملك قلة زوق بيبقوا مستنيينك تقدملهم كيكه بالفراوله

محدش يتخرج يجماعه اعمل اي حاجه ماجستير ، دبلوم ، اسقطلك سنتين تلاته بس متتخرجش.

إيه الدنيا مفيش طبيب نفسي عامل عرض الصحاب أو عرض الشلة ؟

اولي جامعة عاملين موسم جامد السنه دي كارفين للمحاضرات وقاعدين تحت ف الكليه، فين حماس البدايات ؟

ساعات بحس إني عجوزة صغيرة ، مش بسمع حلو وبنسى كتير ، وركبي بتطقطق ، ولو سكت شوية بنام.

عندي مسؤليات هتبدأ احب جداً إني اهرب منها.

على فكرة أنا ممكن أقدّم لكم كورس مجاني في الانفلات الانفعالي. اللي هو ازاي لمّا اللي قدّامك ييجي يقلب عليك الترابيزة تقوم شايلها وكاسرها على دماغ اللي خلّفوه بكل خِفّة ومهارة.

الواحد خايف لتكون دي أجمل أيام حياته.