Bureau of Labor and Skills-Dire Dawa

የድሬዳዋ ፖሊ ቴክኒክ ኮሌጅ ለ30 ሰልጣኝ ተማሪዎች ኢንዱስትሪ ፓርክ ከሚገኝ አንድሪያ ሹ ጫማ ፋብሪካ ጋር የስራ ትስስር ፈጸመ፡፡ በሰልጣኝ ተማሪዎች የስራ ትስስር ጉዳያ ላይ ማብራሪያ የሰጡት የኮሌጁ ም/ዲንና የውጤት ተኮር ትምህርትና ስልጠና ኃላፊ አቶ ሰለሃዲን አብዱልሃሚድ እንዳሉት የቴክኒክና ሙያ ተቋማት ዋና አላማ ሰልጣኞችን ተቀብሎ በእውቀት፣በክህሎትና በአመለካከት የተቀረጹ ትውልዶችን ማፋራት ብቻ ሳይሆን በቴክኒክና ሙያ ተቋማት የሰለጠኑ ሰልጣኞችን ስራ ፈጣሪ ብሎም ከተለያዩ ኢንዱስትሪዎች ጋር በመስማማት የስራ እድል በመፍጠር እራሳቸውን እና ሀገራቸውን የሚጠቅሙ ትውልዶችን ማፍራት ነው፡፡ በዚህ መሰረት ኮሌጃችን በሳለፍነው አመት አቅዶበት ሲሰራበት የነበረውና በእቅዱ መሰረት በርከት ያሉ ሰልጣኞችን የስራ እድል ሲፈጥር ቆይቷል፡፡ዛሬም በአንድሪያ ሹ ጫማ አምራች ኢንዱስትሪ ጋር በተስማማነው መሰረት ቴክስታይል ሌዘርና ፋሽን ዲዛይን ትምህርት ክፍል ሰልጥነው የጨረሱ 30 ሰልጣኞችን ወደ ስራ አስገብተናል ብለዋል፡፡ም/ዲኑ በንግግራቸው በያዝነው አመት በርከት ያሉ ሰልጣኞች በተለያዩ ኢንዱስትሪዎች የስራ ትስስር የምንፈጽም መሆናችንን ለመግለጽ እወዳለሁ ብለዋል፡፡በመጨረሻም በያዝነው የስልጠና ዘመን በርከት ባሉ የሞያ ዘርፎች በቀንና በማታ እንዲሁም በአጫጭር ስልጠና ሰልጣኞችን ተቀብልን የምናሰለጥን ሲሆን ለእንዚህም ሰልጣኞች ስልጠናቸውን እንዳጠናቀቁ ወደ ስራ አለም የሚሰማሩበትን እድል ለማመቻቸት ከተለያዩ ኢንዱስትሪዎች ጋር በቅርበት የምንሰራ ይሆናል ብለዋል፡፡ በተያያዘ ዘገባ ዛሬ የስራ ትስስር የተፈጸመበት አንድሪያ ሹ የጫማ ፋብሪካ ምርቶቹን ወደ ተለያዩ አውሮፓ ሀገራት የሚልክ ሲሆን ከተቋቋመበት አመት አንስቶ ለሀገራችን ኢትዮጵያ የውጭ ምንዛሬ በማምጣት ግንባር ቀደም ፋብሪካ ሲሆን ይህ ፋብሪካ በተለያዩ ጉዳዮች ላይ ከድሬዳዋ ፖሊ ቴክኒክ ኮሌጅ ጋር እንደሚሰራ ይታወቃል፡፡ የኮሌጁ ኮምኒኬሽን ጥቅምት 14/2016 ዓ.ም ድሬዳዋ

ከፌደራል ቴክኒክና ሙያ ኢንትቲቲዩት(FTI) የEASTRIP ፕሮጀክት አስፈጻሚ ቡድን   አባላት  በድሬዳዋ ፖሊ ቴክኒክ ኮሌጅ   የልምድ ልውውጥና የመስክ የስራ ጉብኝት አደረጉ፡፡ በመስክ ጉብኝቱ ላይ በመገኘት የእንኳን ደህና መጣችሁ ንግግር ያደረጉት የኮሌጁ ም/ ዲን  እና የውጤት ተኮር ትምህርትና ስልጠና  ሃለፊ  አቶ ሰልሃዲን አብዱልሃሚድ  ሲሆኑ በንግግራቸውም እንኳን ወደ በረሀዋ ንግስትና የፍቅር ከተማ ወደ ሆነችው ድሬዳዋ ከተማ እንዲሁም  የምስራቅ አፍሪካ የልህቀት ማእከል ወደ ሆነው የድሬዳዋ ፖሊ ቴክኒክ ኮሌጅ   በደህና መጣችሁ ፡፡ ኮሌጁ ከተመሰረተበት ጊዜ አንስቶ ብዙ ሺህ ወጣቶች የሙያና የክህሎት ባለቤት ያደረገ ኮሌጅ ነው ኮሌጁ አሁን ለደረሰበት ስኬትም የከተማ አስተዳደሩ እንዲሁም የኮሌጁ ማህበረሰቦችና ባለድርሻ አካላቶች የማይተካ ሚና አላቸው ያሉ ሲሆን ኮሌጁ በቀጣይ የባቡር ምህንድስና የልህቀት ማእከል እንደመሆኑ መጠን ለድሬዳዋ መመስረት ምክንያት የሆነውን የባቡር ቴክኖሎጂ ለማዘመንና አሁን ያሉትን ባለሞያዎች የሚረከቡ ባለሞያዎችን እያፈራ የሚገኝ ተቋም ነው፡፡ በተጨማሪም በኮሌጁ እየተተገበረ ያለው ይህ የEASTRIP ፕሮጀክት መሳካት የከተማችን አስተዳደር እንዲሁም የአስተዳደሩ የስራና ክህሎት ቴክኖሎጂ ልማት ቢሮ ፕሮጀክቱ ከግብ እንዲደርስ ማቺንግ ፈንድ በመመደብ ለሌሎች ከተሞች አርአያ የሆነ ተግባር ፈጽመዋል ይህም ፕሮጀክቱ  ከግብ እንዲደርስ በቁርጠኝነት እንደሚሰራ ማሳያ ነው፡፡ በተጨማሪም የኮሌጁ ማኔጅመንት ቁርጠኛ ሆኖ  ለሚያጋጥሙ ችግሮች ሁሉ ፈጣን ምላሽ በመስጠት ፕሮጀክቱ ከግብ እንዲደርስ በቁርጠኝነት እንደሚሰራ በመስክ ጉብኝቱ እና በልምድ ልውውጡ  ወቅት ለተሳተፉ የFTI  ልኡክ ቡድን ገለጻ አድርገዋል ፡፡ በመስክ ምልከታውንና በልምድ ልውውጡ  መሰረት በማድረግም የልኡካን ቡድኑ ጋር በነበረው የጋራ ውይይት ወቅት ተሳታፊዎቹ  እንዳሉት አጠቃላይ የኮሌጁ እንቅስቃሴ እጅግ በጣም ጥሩ የሚባልና በኮሌጁ ውስጥ እየተገነባ የሚገኘውም የምስራቅ አፍሪካ የልህቀት መአከል ግንባታ በከፍተኛ ፍጥነት ተከናውኖ ለሚፈለገው አላማ መዋል እንዲችል የድሬዳዋ ከተማ አስተዳደር እየወሰደ ያለው ቁርጠኝነት ለሌሎች ከተሞች አራያ መሆን የሚችል ነው ብለዋል፡፡በተጨማሪምፕሮጀክቱ በሚተገበርበት ወቅት በከተማ አስተዳደሩና በኮሌጁ ማኔጅመንት የሚወሰዱት የመፍትሄ እርምጃዎች ለሌሎች ኮሌጆች እንደ መልካም ተሞክሮ የሚወሰድ ነው ብለዋል፡፡ በመስክ ጉብኝቱ እና በልምድ ልውውጡ   ወቅት የድሬዳዋ ፖሊ ቴክኒክ ኮሌጅ የEASTRIP ፕሮጀክት እንዲሁም የአዲሱ የSIFA ፕሮጀክት አፈጸጸም  እንዲሁም የልህቀት ማእከሉ የግንባታ ሂደት  እስካሁን የደረሰበት ደረጃ  በአቶ መሳይ ጥላሁን   የቀረበ ሲሆን በልምድ ልውውጡ ወቅት የተሳቱ አካላት ለሚያነሱዋቸው የተለያዩ ጥያቄዎች የኮሌጁ የፕሮጀክት ማስፈጸሚያ ቡድኑ አባላት ለተሳታፊዎቹ ገለጻ ያደረጉ ሲሆን በመቀጠልም በኮሌጁ እየተገነባ ያለውን የልህቀት ማእከል ግንባታ ሂደት ጉብኝት ተደርጓል፡፡ የኮሌጁ ኮምኒኬሽን ጥቅምት 12/2016 ዓ.ም  ድሬዳዋ

ማስተር ካርድ ፋውንዴሽን የተባለ ድርጅት በወጣቶች የስራ እድል ፈጠራ ላይ የሚሰራ ፕሮጀክት ለመተግበር በሚያስችሉ ጉዳዮች ላይ ከአስተዳደሩ ከንቲባ ጋር ውይይት አካሄዱ የካናዳ ድርጅት የሆነው ማስተር ካርድ ፋውንዴሽን በ2006 በፈረንጆች አቆጣጠር የተመሰረተ ሲሆን በዋናነት ፋወንዴሽኑ አላማ አድርጎ የተነሳው በ2030 በአፍሪካ 30 ሚሊዮን ለሚሆኑ ወጣቶችን አመርቂ እና ጥራት ያለው ሥራን እንዲያገኙ ማስቻል ነው፡፡ “ወጣት አፍሪካ በስራ ላይ” ከወጣቶች ፣ ፖሊሲ አውጭዎች ፣ እና ስራ ፈጣሪዎች ጋር በመመካከር የዳበረ ሲሆን በአፍሪካ 30 ሚሊዮን በኢትዮጵያ ደግሞ 10 ሚሊዮን ወጣቶች ሥራን እንዲያገኙ ለማስቻል የተነደፈ ስትራቴጂ ነው። የድሬደዋ አስተዳደር ከቡር ከንቲባ ከድር ጁሀርም በውይይቱ ሲገልጹ ከአስተዳደሩ እድገት ጋር በተያያዘ በተለይም ነጻ ንግድ ቀጠና ደረቅ ወደብ መጀመርን ተከትሎ ከፍተኛ የንግድ እንቅስቃሴ የሚካሄድበት በመሆኑ እንዲሁም ከአጎራባች ክልሎች የሚፈልሱ ዜጎች መተላላፊያ ከተማ በመሆኗ የስራ ፈላጊ ዜጎች ቁጥር እየጨመረ መምጣቱን ገልጸው ድርጅቱ በአስተዳደሩ የስራ ፈላጊ ዜጎች ቁጥርን ለመቀነስ ለሚያደርገው ድጋፍ ምስጋና አቅርበዋል፡፡ ለሴቶች እና ለወጣቶች የስራ እድል መፍጠር የአስተዳደሩን ኢኮኖሚያዊ ፣ማህበራዊ እና ፖለቲካዊ እንቅስቃሴዎችን በማፋጠን ረገድ የሚኖረው ሚና ከፍተኛ ነው ያሉት ከንቲባው ፋውንዴሽኑ ለሚያደርገውን ደጋፍ አስፈላጊውን እገዛ እንደሚያደርግ ተናግረዋል፡፡ የማስተር ካርድ ፋውንዴሽን ካንትሪ ዳይሬክተር አቶ ሳሙኤል ተድላ በውይይቱ እንደገለጽት ድርጅቱ በ7 ሀገራት ቅርንጫፉን ከፍቶ እየሰራ ሲሆን ዋና አላማው ወጣቶችን ከእድሎች ጋር ማገናኘት ነው ያሉት ሃላፊው በተጨማሪም የግል ዘርፉን እድገት ለማሻሻል እንዲሁም የዲጂታል ኢኮኖሚውን በማልማት በርካታ የስራ እድሎችን መፍጠር ነው ብለዋል፡፡ በሰላም ለማ ፎቶ፡- ይድነቃቸው አብርሀም

በድሬዳዋ አስተዳደር የድሬዳዋ ደወሌ ምድር ባቡር የባለሞያዎች ልኡክ ቡድን በድሬዳዋ ፖሊ ቴክኒክ ኮሌጅ የመስክ የስራ ጉብኝት አደረጉ፡፡ በመስክ ጉብኝቱ ላይ በመገኘት የእንኳን ደህና መጣችሁ ንግግር ያደረጉት የኮሌጁ ም/ዲን አቶ ሰልሃዲን አብዱልሃሚድ ሲሆኑ በንግግራቸውም እንኳን ወደ ምስራቅ አፍሪካ የልህቀት ማእከል ወደ ሆነው የድሬዳዋ ፖሊ ቴክኒክ ኮሌጅ በደህና መጣችሁ፡፡ ኮሌጁ ከተመሰረተበት ጊዜ አንስቶ ብዙ ሺህ ወጣቶች የሙያና የክህሎት ባለቤት ያደረገ ኮሌጅ ነው ኮሌጁ አሁን ለደረሰበት ስኬትም የከተማ አስተዳደሩ እንዲሁም የኮሌጁ ማህበረሰቦችና ባለድርሻ አካላቶች የማይተካ ሚና አላቸው ያሉ ሲሆን ኮሌጁ በቀጣ የባቡር ምህንድስና የልህቀት ማእከል እንደመሆኑ መጠን ከድሬዳዋ ደወሌ ምድር ባቡር ተቋም ጋር በርከት ያሉ ስራዎችን በጋራ የምንሰራ ይሆናል ብለዋል፡፡አጠቃላይ ኮሌጁ በትምህርትና ስልጠና እንዲሁም ከስራ ፈጣሪነትና ለኮሌጁ ተጨማሪ ገቢን ከማፈላለግ አንጻር የድሬዳዋ ፖሊ ቴክኒክ ኮሌጅ ከሌሎች አቻ ኮሌጆች አንጻር የተሸለ አፈጻጸም እንዳለው ያብራሩ ሲሆን በቀጣይም የድሬዳዋ ፖሊ ቴክኒክ ኮሌጅ ከድሬዳዋ ደወሌ ምድር ባቡር ጋር መምህራንን ከማብቃት እንዲሁም ኮሌጁ ላይ ያለውን እምቅ አቅም ከመጠቀም አንጻር ሁለቱም ተቋማት አብረው በጋራ መስራት ይኖርባቸዋል ለዚህም ደግሞ ኮሌጁ ቁርጠኛ ነው ብለዋል፡፡ በመስክ ጉብኝቱ ወቅት የድሬዳዋ ፖሊ ቴክኒክ ኮሌጅ የEASTRIP ፕሮጀክት እስካሁን የደረሰበት የፕሮጀክት አፈጻጸም ሪፖርት በአቶ መሳይ ጥላሁን የቀረበ ሲሆን በመቀጠልም በኮሌጁ የተለያዩ የትምህርት ክፍሎች ጉብኝት ተደርጓል፡፡ የኮሌጁ ኮምኒኬሽን ጥቅምት 9/2016 ዓ.ም ድሬዳዋ

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የኢንዱስትሪ ኤክስቴንሽንና ቴክኖሎጂ ሽግግር ዳይሬክቶሬት ከአራቱ የድጋፍ ማእቀፍ አንዱ የሆነውን የኢንተርፕሩነርሽፕ ስልጠና እየሰጠ ነው። ቢሮው በተያዘው የበጀት አመት ከሚያከናውናቸው ተግባራት መካከል አንዱ የአቅም ግንባታ ስልጠና መስጠት ነው። ይህን መሰረት በማድረግ ለመንግስት ፖሊ ቴክኒክና ለግል ኮሌጅ አሰልጣኝ መምህራኖች Business planning skills( የንግድ እቅድ ክህሎት እና Entrepreneural Culture(የስራ ፈጣራ ባህል ክህሎት ግንባታ) ላይ እየወሰዱ ይገኛል፡፡ በስልጠናው  ላይ ንግግር ያደረጉት የዳይሬክቶሬቱ ባለሙያ የሆኑት ወ/ሮ ውልታ ትልቅሰው ለመንግስት ፖሊ ቴክኒክና ለግል ኮሌጅ አሰልጣኝ መምህራኖች የኢንተርፕርነር ሺፕ ስልጠና መሰጠቱ ስራዎችን በተለይም የሚሰጡ ድጋፎችን በዕውቀትና በክህሎት ለመስራት  የሚያስችል እንደሆነ ገልጸዋል ። የሥራ ክህሎትና ቴክኖሎጂ ልማት ቢሮ ህዝብ ግንኙነት ጥቅምት 8/2016 ዓ.ም ድሬዳዋ

የድሬዳዋ አስተዳደር ምክር ቤት የበጀት ኢኮኖሚ ንግድና ኢንዱስትሪ ጉዳዮች ቋሚ ኮሚቴ የመስክ ምልከታውን ማድረግ ጀመረ በዛሬው እለት መካሄድ በተጀመረው የድሬዳዋ አስተዳደር ምክር ቤት ቋሚ ኮሚቴዎች የመደበኛ የመስክ ምልከታ የምክር ቤቱ የበጀት፣ ኢኮኖሚ፣ ንግድና ኢንዱስትሪ ጉዳዮች ቋሚ ኮሚቴ በድሬዳዋ አስተዳደር የስራ ክህሎትና ቴክኖሎጂ ልማት ቢሮ በመገኘት የመጀመሪያ ቀን መደበኛ የመስክ ምልከታውን ያካሄደ ሲሆን በተቋሙ የ2016 በጀት አመት የ1ኛ ሩብ አመት የዝግጅት ምእራፍ ስራዎች የሚገኙበትን ሁኔታ የተመለከተ ሲሆን የተቋሙን የ1ኛ ሩብ አመት የስራ አፈጻጸም ያለበትን ደረጃ በቢሮው አመራሮች በዝርዝር ቀርቦ ውይይት ተደርጎበታል ፡፡ በመሆኑም የተቋሙ የ2016 በጀት አመት እቅድ ተዘጋጅቶ እስከ ግለሰብ መውረዱንና የእቅድ ኦረንቴሽን ለተቋሙ ሰራተኞችና ለሁሉም ባለድርሻ አካላት መሰጠቱን ፣ የአቅመ ደካማ ቤቶችን ግንባታ ፣ የበጎ አድራጎት ስራዎች ፣ የአረንጓዴ አሻራ የችግኝ ተከላ ፣ የማእድ ማጋራት ስራዎች የተከናወኑ ሲሆን የስራ እድል ፈጠራ በተመለከተ በዝግጅት ምዕራፍ የግንዛቤ ማስጨበጫ እና የስልጠና መድረኮች መካሄዳቸውን፣ የስራ አጥ ልየታና ምዝገባን አውቶሜት የማድረግ ስራዎች የተከናወኑ ሲሆን በተቋሙ በ2016ዓ/ም የተያዙ ካፒታል ፕሮ ጀክቶች በዝግጅት ምዕራፍ ስራዎች እየተከናወኑ ሲሆን የካፒታል ፕሮጀክቶች ፈጥነው ወደ ትግበራ እንዲገቡ በወቅቱ በጀት መለቀቅ እንዳለበት እና አንዳንድ በቢሮው መሟላት የሚገባቸው ግብአት እንዲሟላላቸው ከሚመለከተው አካል መስራት እንዳለባቸው ገልጸዋል፡፡ በመጨረሻም የቋሚ ኮሚቴው ሰብሳቢ የተከበሩ ወ/ሮ አይናለም ተዘራ ባደረጉት ንግግር የተቋሙ የ1ኛ ሩብ አመት የዝግጅት ምዕራፍ እና የሪፎርም ስራዎች የስራ አፈጻጸም በጥሩ ደረጃ ላይ እንደሚገኝ ገልጸው የገጠርና የከተማ የስራ እድል ፈጠራ በቅንጅት መሰራት እንደሚገባው ፣ የወጣቶች ስልጠና ከቀበሌዎች ጋር በተቀናጀ መልኩ እንዲቀጥል እንዲሁም ተቋሙ ከሌሎች ተቋማት ጋር የሚያካሂደው የድጋፍና ክትትል ስራዎች ተጠናክረው እንዲቀጥሉ አቅጣጫ ሰጥተዋል፡፡ በአዲሱ ካሳ ጥቅምት 8/2016 ዓ.ም

የድሬዳዋ አስተዳደር የሥራ ክህሎትና ቴክኖሎጂ ልማት ቢሮ የቴክኒክና ሙያ ትምህርትና ስልጠና ኤጀንሲ የኢንዱስትሪ ኤክስቴንሽንና ቴክኖሎጂ ሽግግር ዳይሬክቶሬት በኦፊስ ካይዘን ትግበራ ዙሪያ ለቢሮው ሰራተኞች ስልጠና አዘጋጀ። በዚህም ስልጠናውን ከአስተዳደሩ የካይዘን ኢንስቲትዩት በመጡ ባለሙያዎች የተሰጠ ሲሆን በቀጣይም በቢሮው የሚገኙ ዳይሬክቶሬቶችና ክፍሎች በቀጥታ ወደ ትግበራ ከዛሬ ጀምሮ የሚገቡ ይሆናል። ቢሮው ለሪፎርም ስራዎች ትኩረት ሰጥቶ ሲሰራ መቆየቱ የሚታወቅ ሲሆን እነዚህም ስራዎች የሆነ ጊዜ ብቻ ተግባር አለመሆኑ በሚያሳይ መልኩ የዚህ ትግበራ አካል የሆነው ኦፊስ ካይዘንን በሁሉም የቢሮው ዳይሬክቶሬቶችና ክፍሎች ላይ ተግባራዊ ማድረግ በተለየ መልኩ ቦታ ተሰጥቶታል። በመሆኑም መጀመር ብቻ ሳይሆን ማዝለቅ እንደሚገባና ጥሩ አፈጻጸም የሚያስመዘገቡ ዳይሬክቶሬቶች፣ ክፍሎችና ሰራተኞችን ቢሮው እንደሚያበረታ በቢሮው የውጪ አገር ስራ ስምሪትና የሰራተኞች ደህንነት ጥበቃ ዳይሬክቶሬት ዳይሬክተር የሆኑት አቶ መሀመድ ኢብራሂም ተናግረዋል፡፡ የስራ ክህሎትና ቴክኖሎጂ ልማት ቢሮ ህዝብ ግንኙነት ጥቅምት 6/2016 ዓ.ም ድሬዳዋ

በድሬደዋ አስተዳደር ከተለያዩ ቢሮዎችና ከሚመለከታቸው አካላት የተወጣጣ የሱፐርቪዥን ቡድን የድሬዳዋ እና የኢትዮ ጣሊያን ፖሊቴክኒክ ኮሌጆችን የ2016 በጀት የመጀመሪያ ሩብ አመት የእቅድ አፈጻጸም ገመገመ፤ የድሬዳዋ እና የኢትዮ ጣሊያን ፖሊቴክኒክ ኮሌጆች የ2016 በጀት አመት የመጀመሪያ ሩብ ዓመት ሪፖርት ቀርቦም ሰፊ ውይይት ተካሂዶበታል። በመጨረሻም የሱፐርቪዥን ቡድን አባላቱ የቀረበው ሪፖርት አቀራረቡንና የተከናወኑ ስራዎችን አድንቀው በቀጣይ ሊተኮርባቸውና ሊስተካከሉ የሚገባቸውን ጉዳዮች ሀሳብና አስተያየቶች አክለው አቅጣጫ ሰጥተዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ጥቅምት 6/2016 ዓ.ም ድሬዳዋ

"የሰንደቅ ዓላማችን ከፍታ ለሕብረ-ብሔራዊ አንድነታችንና ለሉዓላዊነታችን ዋስትና ነው" በሚል መሪ ቃል የሰንደቅ ዓላማ ቀን ተከበረ፡፡ በዓሉንም የድሬዳዋ አስተዳደር የሥራ ክህሎትና ቴክኖሎጂ ልማት ቢሮ እና በስሩ የሚገኙ የድሬዳዋ እንዲሁም የኢትዮ ጣሊያን ፖሊቴክኒክ ኮሌጅ አመራሮችና ሰራተኞች በፓናል ውይይት አክብረዋል፡፡ ከመድረኩም ማጠናቀቂያ በአንድነት ለሰንደቅ ዓላማ  ክብር በሰጠና የህብረ-ብሄራዊነታችን መገለጫ እንዲሁም የብሔር ብሔረሰቦች የብሩህ ተስፋ ምልክት መሆኑን በሚያሳይ በኢትዮጵያ ህዝብ መዝሙር የታጀበ የባንዲራ መስቀል ስነ-ሥርዓት ተካሂዷል፡፡ የሥራ ክህሎትና ቴክኖሎጂ ልማት ቢሮ ህዝብ ግንኙነት ጥቅምት 5/2016 ዓ.ም ድሬዳዋ

ከSIFA ፕሮጀክት ማስተባበሪያ ጽ/ቤት እንዲሁም ከዋናው የ SIFA ፕሮጀክት ጽ/ቤት የተውጣጡ የSIFA ተወካዮችና የስራ ሀላፊዎች በድሬዳዋ ፖሊቴክኒክ ኮሌጅ የፕሮጀክት አፈጻጸም ግምገማና እና የእቃ ግዢ አካሄዶች ላይ ውይይት ተካሄደ፡፡ በግምገማ ሂደቱ ላይ በመገኘት የእንኳን ደህና መጣችሁ ንግግር ያደረጉት የኮሌጁ ም/ ዲን አቶ ሰልሃዲን አብዱልሃሚድ እንዳብራሩት እንኳን ወደ በረሀዋ ንግስትና የፍቅር ከተማ ወደ ሆነችው ድሬዳዋ ከተማ በደህና መጣችሁ ፡፡ ይህ በጀርምን መንግስት ድጋፍ የሚተገበረው የSIFA ፕሮጀክት ሙሉ በሙሉ ተግባራዊ ሲደረግ እንደ ሀገር የሚጠቅመው ጥቅም የላቀና ብዙ ወጣቶችን የክህሎት፣የስራ ባለቤት እንዲሁም የስራ ፈጣሪ የሚያደርግ እንደሆነ እና ከተማችንን ደግሞ ዲጂታል አሰራሮች ያሉባት ምርጥና ሳቢ ለማድረግ ለሚደረገው ጥረት ትልቅ አስተዋጽኦ እንደሚኖረው እተማመናለሁ፡፡ ኮሌጃችን አሁን ያለውን አሰራር ወደ ዲጅታል ለመቀየር በሚያደርገው ስራ ላይ ይህ ፕጀክት በኮሌጃችን በመጀመሩ እጅግ የላቀ ስራ ለኮሌጃችን ፣ለከተማችን ብሎም ለሃገራችን ኢትዮጵያ ማበርከት እንደንችል ያግዘናል፡፡በተጨማሪም በኮሌጁ እየተተገበረ ያለው ይህ የSIFA ፕሮጀክት መሳካት የከተማችን አስተዳደር እንዲሁም የአስተዳደሩ የስራና ክህሎት ቴክኖሎጂ ልማት ቢሮ ፕጀክቱ ከግብ እንዲደርስ ማቺንግ ፈንድ በመመደብ ለሌሎች ከተሞች አርአያ የሆነ ተግባር ፈጽመዋል ይህም ፕሮጀክቱ ከግብ እንዲደርስ በቁርጠኝነት እንደሚሰራ ማሳያ ነው፡፡ በተጨማሪም የኮሌጁ ማኔጅመንት ቁርጠኛ ሆኖ ለሚያጋጥሙ ችግሮች ሁሉ ፈጣን ምላሽ በመስጠት ፕሮጀክቱ ከግብ እንዲደርስ በቁርጠኝነት እንደሚሰራ ገልጸዋል፡፡ በግምገማ ሂደቱ ወቅት የድሬዳዋ ፖሊ ቴክኒክ ኮሌጅ የSIFA ፕሮጀክት የእቃ ግዢ ሂደቱ እንዲሁም እስካሁን የደረሰበት የፕሮጀክት አፈጻጸም ሪፖርት ቀርቦ ውይይት የተደረገ ሲሆን በግዢ ሂደቱ እና በአቅም ግንባታ እንዲሁም በህንጻ ግንባታው ሂደት ከSIFA ፕሮጀክት ማስተባበሪያ ጽ/ቤት እንዲሁም ከዋናው የ SIFA ፕሮጀክት ጽ/ቤት የመጣው ልኡክ ቡድን ከኮሌጁ አመራሮች እና ከፕሮጀክት ማስፈፀሚያ ዩኒት ጋር ውይይት ከተደረገ በኃላ በቀጣይ የእቃ ግዚው፣የመምህራን የአቅም ግንባታውና የልህቀት ማእከሉ የህንጻ ግንባታ ለማስጀመር ከስምምነት ላይ በመድረስ የግምገማ ሂደቱ ተጠናቋል፡፡ የ SIFA ፕሮጀክት በኢትዮጵያ በሚገኙ ሁለት ኮሌጆች የሚተገበር ሲሆን በድሬዳዋ ፖሊ ቴክኒክ ኮሌጅ የICT የልህቀት ማእከል እንዲሁም በሚዛን ቴፒ ኮሌጅ ደግሞ የግብርና የልህቀት ማእከልነት የሚተገበር ፕሮጀክት ነው፡፡ፕሮጀክቱ በዋናነት የእቃ ግዢ፣የመምህራን የአቅም ግንባታ እንዲሁም የህንጻ ግንባታን ያካትታል፡፡ የኮሌጁ ኮምኒኬሽን ጥቅምት 3/2016 ዓ.ም ድሬዳዋ

‹‹የድሬዳዋ ፖሊ ቴክኒክ ኮሌጅ የምስራቅ አፍሪካ ተማሪዎችን በመቀበል እና አሰልጥኖ በማብቃት ለቀጠናው ትስስር ከፍተኛውን ሚና እየተጫወተ ይገኛል።›› አቶ ሰልሃዲን አብዱልሃሚድ የኮሌጁ ም/ዲን እና የውጤት ተኮር ትምህርትና ስልጠና ኃላፊ **** የድሬዳዋ ፖሊ ቴክኒክ ኮሌጅ ከሶማሊያ የመጡ 18 አልጣኞችን በኤሌክትሪክ ኢንስታሌሽንና በፋሽን ዲዛይን የሰለጠኑ ሰልጣኞችን በዛሬው እለት አስመረቀ፡፡ በምረቃ ሥነ-ሥርዓቱ ላይ ተገኝተው ንግግር ያደረጉት እና ለሰልጣኞች ሰርተፊኬት የሰጡት የኮሌጁ ም/ዲንና የውጤት ተኮር ትምህርትና ስልጠና ኃላፊ አቶ ሰልሃዲን አብዱልሃሚድ ትምህርት እና ስልጠና ለአንድ ሀገር ኢኮኖሚያዊ ፖለቲካዊ እና ማህበራዊ እድገት ቁልፍ መሳሪያ ነው። ይህን መሳርያ ደግሞ ለከተማችን ወጣቶች ብቻ ሳይሆን ለምስራቅ አፍሪካ ወጣቶችም ማድረስ ይኖርብናል፡፡ለዚህም በዛሬው እለት በኤሌክትሪክ ኢንስታሌሽንና በፋሽን ዲዛይን ለ2 ወር ያክ ስልጠናቸውን የተከታተሉ የሶማሊያ ዜግነት ያላቸው ወጣቶች አንዱ ማሳያው ናቸው ብለዋል፡፡ የኮሌጁ ም/ዲን በማስቀጠል የድሬዳዋ ፖሊ ቴክኒክ ኮሌጅ የምስራቅ አፍሪካ ተማሪዎችን በመቀበል እና አሰልጥኖ በማብቃት ለቀጠናው ትስስር ከፍተኛውን ሚና እየተጫወተ ይገኛል።በቀጣይም ከሌሎች የምስራቅ አፍሪካ ሀገሮች የተለያዩ ሰልጣኞችን በመቀበል የምስራቅ አፍሪካን በትምህርትና ስልጠናው የማዋሃድ ስራን የሚሰራ ይሆናል፡፡ለዛሬ የምርቃት ቀን የደረሳችሁ ሰልጣኖች ለድሬዳዋ ፖሊ ቴክኒክ አባሳደር ናችሁ እንኳን ደስ አላችሁ ብለዋል፡፡ በመቀጠልም ንግግር ያደረጉት የEASTRIP የኢንዱስትሪ ላይዘን ከፍተኛ ባለሙያ የሆኑት መሀመድአወል ጠሃ ሲሆኑ ድሬዳዋ ፖሊ ቴክኒክ ኮሌጅ ከጎረቤት ሀገራት ሶማሌላንድ፣ ጅቡቲ፣ከኬንያ፣ከታንዛንያ እንዲሁም ከሌሎች የምስራቅ አፍሪካ ሃገራት ጋር በትምህርትና ስልጠና ለማዋሃድ በንቃት ሲሰራ መቆየቱ የሚታወስ ነው ያሉ ሲሆን አያይዘውም በዛሬው እለት ስልጠናችሁን አጠናቃችሁ ለምርቃት የበቃችሁ የሶማሊያ ሰልጣኝ ተማሪዎች ለዚህ ውህደት ማሳያ ናችሁ ብለዋል፡፡ከዚህ ኮሌጅ ስልጠናችሁን ጨርሳችሁ ወደ ሀገራችሁ ስትሄዱ በድሬዳዋ ፖሊ ቴክኒክ ኮሌጅ ያገኛችሁትን ስልጠና ሌሎች ወጣቶች እንዲያገኙ የአባሳደርነት ሚናችሁን እንድትወጡ አደራ እላለሁ ብለዋል፡፡ በመጨረሻም ንግግር ያደረጉት የEASTRIP M&E የሆኑት አቶ መሳይ ጥላሁን ሲሆኑ በንግግራቸውም ድሬዳዋን እንደ ሁለተኛው ሀገራችሁ በመቁጠር የድሬዳዋ ፖሊ ቴክኒክ ኮሌጅን ደሞ እንደ ምርጥ ኮሌጅ በመምረጥ ስልጠናችሁን ያለምንም እንከን ስላጠናቀቃችሁ እንኳን ደስ አላችሁ ያሉ ሲሆን በመጨረሻም ለዚህ ስልጠና መሳካት ትልቁን ሚና ለተወጣችሁ አካላቶች ምስጋና ማቅረብ እወዳሉ ብለዋል፡፡ የኮሌጁ ኮምኒኬሽን ጥቅምት 3/2016 ዓ.ም ድሬዳዋ

ቴክኖሎጂዎችን በመጠቀም መረጃዎችን ወደ ዲጂታል መቀየር ላይ በኢትዮ ጣሊያን ፖሊቴክኒክ እየተሰሩ የሚገኙ ስራዎች ተገመገመ። በኮሌጁ ውስጥ ከዚህ ቀደም ቴክኖሎጂዎችን በመጠቀም መረጃዎችን ከመያዝ ጋር ተያይዞ የነበሩ ክፍተቶችን የነበሩ ሲሆን ነገር ግን ባለፍት አመታት በተሰሩ ዘርፈ-ብዙ ስራዎች መረጃዎችን በቴክኖሎጂ በመታገዝ ዲጂታላይዜሽን የማድረጉ ስራ በአካዳሚክና በአስተዳደር ዘርፉ በስፋት እየተሰራ ይገኛል ። የኢ.ፌ.ድ.ሪ የስራና ክህሎት ሚኒስቴር የመንግስት ቴክኒክና ሞያ ስልጠና ተቋማትን መረጃዎች ወደ ዲጂታል ለመቀየር ይቻል ዘንድ የመንግስት የቴክኒክና ሞያ ስልጠና ተቋማትና የክልል የብቃት ማረጋገጥ ኤጀንሲ ሀላፊና ባለሞያች ተሳታፊ የሆኑበት የግንዛቤ ማስጨበጫ መድረክ መካሄዱ ይታወሳል። በአስተዳደራችን ላይ ያሉ ፖሊ ቴክኒክ ኮሌጆች እና የመንግስት ተቋማት ኮሌጆች ላይ ያሉ መረጃዎችን ወደ ዲጂታል በመቀየር ከዚህ ቀደም ከመረጃ አያያዝ ጋር ተያይዞ ይስተዋሉ የነበሩትን ክፍተቶች ማሻሻል ላይ ትኩረት ተሰጥቶ እየተሰራ እንደሚገኝ የሰልጣኝ ልማትና ተቋማት አቅም ግንባታ ዳይሬክቶሬት የሆኑት አቶ ጀማል አደም ገልጸዋል። የሥራ ክህሎትና ቴክኖሎጂ ልማት ቢሮ ህዝብ ግንኙነት ጥቅምት 2/2016 ዓ.ም ድሬዳዋ