- حَمادِي الصنعَانِي .

في ناس تقولك اصبر، لكن محدش يقولك لين امتى، تعيش مستني كلمة، مستني موقف، مستني شخص يثبت إنه باق، وكل يوم يمر، تعلق أملك على شرط جديد، لو صار كذا بنرتاح، ولو رجع بنفرح، ولو اعتذر بنسامح، لكن العمر ما يستناش شروط حد، وأصعب انتظار، لما تربط راحتك بحاجة مش بيدك، تقعد تحسب الأيام، وهي تحسب منك العمر، ومع الوقت تكتشف إنك كنت مستني سراب، لا جا اللي تستناه ولا رجعت الأيام، وقعدت بروحك تجمع في تعب السنين، يمكن مش كل انتظار يستاهل، ويمكن بعض النهايات أرحم من ألف بداية معلقة، تعلم تعيش لنفسك قبل ما تعيش على وعد غيرك، لأن الانتظار المشروط يتعب القلب أكثر من الفراق، وأحيانًا أول خطوة للراحة إنك تبطل تستنى .