I support you

أعرف قدر نفسك صح = هتقدرها صح شغل بقا علاقات صداقات دا قانون أمشي عليه ما يخالفه اعتزله ومتفكرش نفسك وراحتك اهم من اي حاجه.🤎

متزعلش لو موتفقش بعد محاولات وسعي ازعل لو محاولتش

🤎.

شكل من أشكال الأمانة في العلاقات: انك متديش لحد من الجنس الآخر مساحة او اهتمام تضطر تسحبهم منه بعدين لما تدخل في علاقة رسمية! يعني بالمختصر: لو مضطر تتعامل بحكم الظروف (دراسة شغل، زمالة). خلي التعامل في حدود المطلوب وبس، وخلي حدودك وتصرفاتك ثابتة وواضحة من الأول، علشان متبقاش بتظلم حد معاك، ولا تظلم الشخص اللي هيكون نصيبك بإذن الله عافانا الله وإياكم من أي علاقات خارج النطاق الشرعي ليها .🤎

كيف حالك! لعلك بخير تقريباً الفترة دي من أرخم الفترات اللي عدت عليك جو صعب وامتحانات ومذاكرة وضغط ف أمور الحياة بشكل عام مبدئيا كدا فاهمه دا جدا ومقدراه ومقدرة إحساسك ومدي صعوبة اللي انت فيه بس خليني أقولك تخيل كدا اي اللي هيحصل بعد الفترة دي ؟ بالطبع هتكون نتيجة انت حاببها ونفسك توصلها ف بكل بساطة كدا المشكله اتحلت وما عليك إلا السعي وحسن التوكل ع الله النتيجه تستاهل والله تستاهل اكتر انك تحارب علشانها لو طالب جامعي ف هي فرحه التخرج وبهجتها ولو ثانوي ف الكليه اللي بتحلم بيها تستاهل ولو شغل ف أهدافك ف الحياة وما أكثرها تستاهل انك تحاول اكتر وتبذل كل ما ف وسعك ! والسلام عليك .🤎

السلام لقلبك .🤎

كمل سعي

وَلَقَدْ مَنَنَّا عَلَيْكَ مَرَّةً أُخْرَى

"متيأسش" كلمه تستحق أن نبدأ بيها الكلام وبتحمل ف طياتها خلاصه أي حاجة شايل همها ! متيأسش تبدأ من جديد ، متيٱسش تحاول تاني ، متيأسش تقع وتقوم اقوى بمراحل ، متيأسش من كل محاولاتك وحاول تاني وعافر تاني وبص أعمل كل اللي ف وسعك تعمله ! ربك الكريم مطلع ع كل محاولاتنا وكل سعينا و سبحانه هيجازينا ع كل دا بأفضل النتائج وأجمل التدابير مش شرط ف نفس الحاجه أو المجال اللي بنسعي فيه ولكن ف حاجه إحنا فعلاً هتكون الأفضل لينا رحمته منه وفضل حاول تاني ومتيأسش ف كل حاجه بتفكر فيها حتي لو خطرت ع ذهنك دلوقتى انت قدها وف يوم هتوصل!🤎

صباح الخير الامتحانات هتعدي بكرم ربنا اعمل ال عليك حتي لو فاضل ٥ دقائق ع الامتحان

ديما في اصعب الظروف والانسان مش قادر يقف بردد وبقول لنفسي "لعله خير" انا واثق جوايا ان رب الخير لا ياتي الا بالخير مهما حصل من ظروف صعبه كلها اختبارت والنهاية هتكون خير باذن الله. ف_لعله خير

خلص امتحاناتك ع خير وبعدها ركز ع تطوير ذاتك كويس اوي

صباح الخير اي أخبارك ؟ وصلنا لبعد العيد ولله الحمد ومرت أجمل أيام السنه وفرحه العيد وفصلت وأرتحت ولو شويه صغيرين شحنت طاقتك فيهم يلا بقا نشوف اي اللي علينا وأكيد أنت بدأت بالفعل لو عندك امتحانات أو شغل ف دي مسدج تشجيع ليك لمواصلة رحلتك من جديد وأتمنى انك تكون مفعم بالنشاط للبدء من جديد ربنا يجعل كل أيامك عيد ويعدي فترتك دي ع خير اللي ف الأغلب امتحانات ويتوج كل مسعاك بالوصول آمين يارب وإيانا .🤎

الدراسة مهمة ومهمة اوي بس لازم تكمل حياتك الدراسية بالمهارات ال محتاجها في سوق العمل انا بقولك" لازم" متكون تنين مجنح ف دراستك ومعلوماتك هتلاقي نفسك مرفوض بسبب انك مش عارف اكسيل او مش عارف تطبق ع السيستم الحياه ف مصر عقيمة فكرياً ف لازم تستعد لكل حد هيستني ليك غلطة ف الانترفيو

السلام عليكم من بداية الجامعة لحد ٥ سنين من حياتك بعد التخرج دي بوصلة لحياتك كلها لازم تقرر طريقك هيمشي ازاي كل سنه هتعدي عليك لازم تبحث وتشوف اكبر قدر ممكن من المجالات علشان تقرر انت هتبقي فين متكسلش الحياة مش دراسة بس لازم تسعي علشان توصل

ﷺ .♡゙

كل عام وانتم بخير

‏د .محمد الغليظ كتب تقسيمة حلوة للدعوات يوم عرفة منعا للتشتت ( خلاص يا شباب جينا لوقت الجد يوم عرفة هو اليوم إللي ممكن حياتك بعده تتغير جدا ) طب اعمل ايه؟ 1- تتوب لله عز وجل . لأن الإنسان قد يحرم الخير كله بذنب فابدأ يومك بالتوبة والاستغفار ‏2- تصوم يوم عرفة طبعا. عندما سئل النبي عن صيام يوم عرفة قال: ( يكفر السنة الماضية والسنة المقبلة) 3- تحفظ سمعك وبصرك ولسانك يعني لو قدرت تقضي اليوم بين البيت و المسجد أو أي عمل صالح تبقى فزت بإذن الله النبي قال : (إن هذا يوم من ملك فيه سمعه وبصره ولسانه غفر له). ‏4- تكثر من الذكر.. النبي -صلى الله عليه وسلم- قال: "خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له، له الملك وله الحمد وهو على كل شيء قدير". ‏5- الدعااااء العام النبي قال: (خير الدعاء دعاء يوم عرفة ) اقعد دلوقتي جهز كل اللي نفسك فيه من خيري الدنيا والآخرة متضيعش ولا لحظة قسم دعواتك عشان متتشتتش -دعوات الآخرة -دعوات للدنيا -دعوات لمن تحب -دعوات للآخرة: نفسك تكون إنسان صالح إنسان متدين قريب من الله ‏نفسك تخشع في صلاتك وتحسن إقامتها نفسك تحفظ كلام ربك وتفهمه وتعمل بيه نفسك ربنا يستعملك لنصرة دينه نفسك ربنا يهديك ويأخذ بقلبك إليه نفسك في قلب سليم نفسك ربنا يتوب عليك من المعاصي أو من معصية معينة مش قادر تسيبها نفسك ترزق بحسن الخاتمة نفسك قبرك يبقى روضة من رياض الجنة ‏نفسك تدخل الجنة بغير حساب ولا عذاب نفسك تشوف النبي و تحشر معه نفسك تشوف الله جل جلاله نفسك في الفردوس الأعلى .. -دعوات للدنيا .. ادعي بالتفصييييل .اطلب كل اللي انت عايزه نفسك تتجوز .. نفسك تتخرج .. نفسك تنجح.. نفسك تتفوق نفسك تنجب من البنين والبنات .. نفسك ف صحبة صالحة .. ‏عندك مشكلة في شغلك... في دراستك .. في عملك ... عندك أزمة مالية أو أسرية.. متخانق مع زوجتك أو زعلانة من زوجك.. خايف على عيالك ونفسك ربنا يحفظهم وتأمن حياتهم ومستقبلهم.. نفسك تكون حياتك أفضل أو تحسن من مؤهلاتك أو وظيفتك نفسك ربنا يشفيك.. خايف من حاجة .. بتتمنى حاجة.. ‏-دعوات لمن تحب : هات قلم وورقة ويلا اكتب أسامي صحابك وقرايبك وأهل الفضل عليك وأهل الحقوق عليك ومن وصاك بالدعاء.. خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه وأنه يغفر لهم ويجمعكم في الجنة. ومتنساش تدعي لمن مات ولم يدرك اليوم مثلك وتدعي للمسلمين ولأمة الإسلام .. وأن يفرج عن إخوانك المستضعفين في المشارق والمغارب أن يفتح لهذه الأمة وأن يفرج كربها. ولا تنسوني من صالح دعائكم 🤎

صباح الخير عليك يومك ملئ بالطاعات وذكر الله وحضور قلبك ف كل عمل صالح تعمله بإذن الله 🤎