مقابلات التعليم الحكومي والبلاد 🌧️

س/ ماهي اختبارات نافس⁉️ ‏وهي اختبارات وطنية تركز على نواتج التعلم وتحصيل الطلاب للمرحلة الابتدائية والمتوسطة، وتركز على المواد الأساسية الرياضيات واللغة العربية والعلوم. س/ مامعنى استراتيجية التعليم ؟ ‏هي الطرق والخطط العامة المستخدمة لتوجيه عملية التعلم بشكل فعال لتحقيق الأهداف . س/ إذا معلمة نقصت طالبة درجة بقصد ماذا أفعل؟ ‏•أولاً أتحقق من الموقف بهدوء ‏•إذا ثبت الخطأ: أتحدث مع المعلمة باحترام لإصلاح الدرجة ‏•إذا كان بقصد غير تربوي (تحيز مثلاً)،أبلغ الإطار الإداري الصحيح (وكيلة أو قائدة المدرسة) س/ كيف تتعامل مع التغيرات في المناهج وأساليب التدريس؟ ‏•أبدأ بالاطلاع على التحديثات من المصادر الرسمية. ‏•أشارك في ورش المعلمين. ‏•أُجرب الاستراتيجيات الجديدة على مراحل، وأُعدل بما يناسب طالباتي. س/ ما هي أفضل طرق تدريس تناسب الصفوف الدنيا⁉️ ‏التعلم عن طريق الألعاب، والأناشيد، والأنشطة الحركية، والقصص، والتكرار والتعزيز، واستخدام المواد الحسية (كالصور والمجسمات). والألعاب التعليمية مثل تطبيق Quizzes ✅ س/ كيف تعزز المشاركات الوطنية لدى الطلاب⁉️ ‏غرس حب الوطن لديهم، وربط الدروس بالهوية الوطنية.✅ س/ مهمة وتريدين إنجازها وما عندكم وسيلة تواصل كيف الطريقة لإنجاز المهمة⁉️ ‏عن طريق اللقاءات والاجتماعات المباشرة بالتعاون مع زميلات الفريق في مجموعات التعلم التعاونية✅ س/ ماذا تعرفين عن برنامج إكسل؟ ‏إكسل هو برنامج يستخدم لإنشاء الجداول الحسابية وتحليل البيانات وعرضها باستخدام الرسوم البيانية.

هذا السؤال اليوم البنات مرسلينه بالقروب يقولون من اسئلة الذكاء جديد اول مره يجيهم

اسئلة الذكاء الاصطناعي اليوم ١- اذكر موقفاً بادرت فيه لتحسين البيئة الصفية أو تطوير أحد الأنشطة؟ ٢-كيف تتعامل اذا واجهت موقف صعب مع ولي امر او طالب؟ ٣-اذكر موقف ساعدت في تحسين طريقة تدريس او مشكله تتعلق بالطلاب؟ ٤-اذكر وسائل تعليميه تقنيه؟ ٥-كيف تتعاملين مع طالب عنده صعوبات تعلم؟

*نموذج المقابلة*📎 الادارة : القصيم اليوم : الاحد الساعة : اسئلة الذكاء: ٥ اسئلة نفس الي تتكرر بالقروبات عدد اعضاء اللجنة: ٣ اسئلة اللجنة: عرفي بنفسك ؟ وش اهم القيم الي راح تغرسينها بطلابك ؟ عطيني مبادرة لك بالمجتمع طورت منه؟ لو اختلفتي انتي ومعلمة بالتصحيح ايش تسوين؟ كيف تخططين لدرس جيد؟ لو ولي امر غاضب من درجة الطالب وش تسوين؟ موقف حصل لك تفتخرين فيه ؟ دورك كمعلم بتطوير المجتمع ؟ لو عندك فكرة صعبة ودك تطبقينها بالمدرسة كيف تقنعين زميلاتك ومديرتك؟ لو كان عندك طلاب مختلفين بالثقافات واللهجات كيف تعاملينهم؟ موعدي ١٢:٣٠ دخلت للمقابلة ٣ وثلث اخر بنت تقابل الانطباع العام: اللجنة بشوشين ومريحين ولا يقاطعونك واخذ وعطاء ومناقشة اكثر من كونها اسئلة واجوبة 🌿🌿🌿🌿🌿🌿🌿🌿🌿🌿🌿

سؤال. كيف تراعي الفروق الفردية بين الطلاب ؟

سؤال . اذا شخص مختلف بلون البشرة كيف تحلين مشكلة الله منبوذ ؟

بنات هذي مقابلتي كانت اليوم تخصصي رياضيات اول شىء جيت بدري الساعه 6 مهم الحضور بدري قبل حتى يجون دخلت لقيت في بنات موجودين من المرشحات على 20 :7 جاو المشرفات وزعت وحده ارقام علينا وورقه تعبيئه نعبيها وخذت انا رقم 6 عشان يجي دوري بدري المهم نادوني وطابقو اوراقي ثم بعدها قالو انتظري مقابله الذكاء الاصطناعي وانتظرت لين جاء رقمي ثم قمت وسويت مقابله الذكاء فاتحين كاميرا وقالت لي المشرفه ما عليه تقييم قوي بس تجريبي بس يبونه يشوف ملامح الوجه هل هي مشتت او لا كذا الغرض الاساسي منه النطق والحركه فقط وبعدها خلصت ثم انتظرت المقابله الاساسيه نادو رقمي قمت واول شىء قالو عرفي عن نفسش : ليه اخترتي مهنه التعليم ؟ سالوني عن لو جاء ولي امر معصب عشان ابنه كيف تتصرفين ؟ استراتيجيات التعلم ؟ اذا صارت مشكله بين معلمات عشان حصه احتياط وانتي موجوده كيف تتصرفين ؟ واذا جات ام وتقول الاختبارات لرابع ابتدائي مو مهم كيف تردين عليها ؟ كيف تتعاملين مع طالبه عندها انحراف فكري او تطرف ؟ مارايك بالرؤيه وكيف تشوفين دور المعلم فيها ؟ ماهي محاور 2030 ؟ وش دور الرياضيات في الرؤيه وكيف تربطينه بتعليم الرياضيات ؟ اذكري مناسبه وطنيه وحده وكيف تتربطينها مع تخصص الرياضيات ؟ طالبه بالثانوي ما تحب تحتفل باليوم الوطني ولا تشوف انها شىء مهم ؟ اذا شفتي طلاب سعوديين يتنمرون على طلاب اجانب كيف تتصرفين معاهم ؟ وش التغيير الي صار بالتعليم جديد ؟ اذكري ايه قرانيه ممكن تستعلمينها في درس بالرياضيات ؟ هذي اتوقع كل الاسئله واذا تذكرت شىء قلته وبالتوفيق ودعواتكم لي 🤍🤝

رجعت اتاكدت ثاني لا مااخذو مني اوراق كان عندي ملفين ملف حاطه الاصول وملف الصور طابقتهم وتاكدت منهم بالنظام وعملت لي الاقرار ووقعت على الصور بااسمها وتوقيعها وقالت لي تسلميها لمكتب التعليم اللي راح تترشحي فيه *كلام البنت*

كلامها انه ما اخذو نسخ غير منطقي جهزو اوراقكم كاااامله لا تسمعون ل احد 👌

مساء الخير جميعًا اليوم خلصت مقابلتي الحمدلله بـ ادارة مكة المكرمة تخصص رياضيات (كان الاغلب تخصصه انجليزي وتربية بدنية) دخلت عندهم أخذت رقم وسألوني اذا سويت الذكاء الاصطناعي ولا لا ( البنات اللي طلع لهم مشكله ارسلو لهم الرابط ثاني ودخلوهم في مكان عشان يرجعون يسوون المقابلة من جديد ) اما انا قلت لهم سويت الرابط على طول جلسوني انتظار ماطولت على طول رحت طابقت اوراقي تاكدت من البيانات كلها ورجعت لي اوراقي قالت في حال القبول النهائي تجيبي معاك هذي الاوراق لادارتك اللي ترشحتي لها وجلست انتظر دوري في المقابلات مع اللجنة. وبالنسبة للمقابلة؟ كانت فيه ٣ لجان في غرف زجاجية كل غرفة فيها ٣ موظفات كانو جدا بشوشين ومرحبين ومريحين الله يسعدهم الكل طلع مبسوط ابدا ماشفت احد تضايق او متوتر فتطمنوا من هذي الناحية 💞💞💞💞 وانا رايحة للجنة كلهم كانو مركزين وانا متجهة لهم انتبهوا لمشيتكم ودخولكم لغرفة اللجنة كانت المقابلة سواليف يقطعون بكلامي ويتناقشون معاي كاننا في مناقشات ودية مو سوال وجواب وبس اول مادخلت عرفو عن انفسهم كانو ثلاثة (وحدة رئيسة قسم الرياضيات - الثانيه من الوزارة - الثالثة اشراف تربوي ) قالو عرفي عن نفسك قلت لهم اسمي ، عمري ، تخصصي ، الجامعة اللي تخرجت منها ، متى تخرجت منها، ثم علمتهم كلللللللللل شيء سويته من بعد التخرج، حرفيًا كل شيء وعلمتهم عن الدورات اللي أخذتها، وايش التجارب اللي مرت علي خلال السنه في وظيفتي كمعلمة بشكل عام وانا اعرف عن نفسي سألوني تربوي ؟ قلت لا وبدات اكمل قاطعوني ثاني قالو عندك خبره ؟ قلت اي خبرتي في التعليم سنه، سالو ايش سويت خلال سنوات العطالة وخبرتك قديمه ولا جديده قلت لهم السنه اللي فاتت قالو حلو ، ايش كمان حابه تقولي كملي ؟ قلت لهم حابه جدا مهنة التعليم وشايفة نفسي فيها وقاطعوني قالو دام عندك خبرة اعطينا من المواقف اللي حصلت لك ايش الاشياء اللي استفدتي منها في دروسك ايش المواقف والاستراتيجيات اللي مريتي فيها ؟ قلت لهم مواقف تعليمية حصلت معاي تقريبا قلت لهم ٣ مواقف واسترسلت بالحكي 1 تكلمت عن مواقف مع اختلاف مستويات الطالبات وكيف تصرفت فيها 2 تكلمت عن الاستراتيجيات اللي استخدمتها ( رئيسة قسم الرياضيات سالتني عن الدروس وكل درس ايش الاستراتيجيات اللي اتبعتها 3 قلت لها عن استراتيجية محدده قالت في اي درس تحسي يناسبها هذي الاستراتيجيه ؟ وجاوبت (نصيحه بنات جهزوا امثلة كثير ومواقف كثير اكثر شي ركزوا عليه ) حلو تكون المقابلة حسب توجهك وانتي بنفسك تقدري تحوري المقابلة لصالحك في نقاط انتي قادرة تغطيها فجهزوا نفسكم وجهزوا أمثلتكم ومواقفكم من خلال تجاربكم وخبرتكم العملية ( حاولوا اثناء المقابلة يكون نظركم على الكل مو تتجاوبون مع وحده وتطنشوا باقي اللجنه ، خلي عينك على الكل احس هالشي مرا يفرق ) لاحظت وحدة من اللجنة ماتكلمت معاي ولا سالتني الا لما وجهت نظري لها وبدات تسألني وتغيرت نظراتها نظرات ايجابية فخليكم بشوشين مرحبين لكل سوال ونظركم موزع على كل اللجنة. نصيحة استرسلو بالكلام وقولي كل شي عندك ولو استوقفوكم بنقطه وماقدرتي توضحين وجهة نظرك عادي اذا استرجعتي افكارك ورتبتيها ارجعي تكلمي عن النقطه اللي وقفتي عندها وصحيحها خليكم بشوشين وروحكم بالمكان قد ماتقدروا مرا يفرق اللي حافظه واللي فاهمه ماعطيتهم فرصة يسالون انا طرحت مواقف حصلت معاي وايش كان تصرفي ايش كان اسلوبي في التدريس ايش الاستراتيجيات اللي اتبعتها وهم صاروا يناقشوني ويوقفوني بنقاط معينة يستفسرون منها ويطلبون مني امثلة عن الدروس او الاستراتيجيات او تصرفي بهذا الموقف. وانا كنت الحمدلله محضرتها وفاهمه ايش اقول فنصيحة جهزي مواقف مرت عليك وتجارب ممكن تخدمك في المقابلة الشخصية حرفيا انا قدت الحوار بطريقة استرسالي وتعبيري في المقابلة وهم كانو مريحين ومتجاوبين معاي الله ييسر لهم ويسعدهم 😩💞💞💞 كمان موظفة الوزارة ركزت مرا على الهوية الوطنية سالتني أنتي ك معلمة كيف تساهمين باليوم الوطني؟ يعني كيف تعززين شعور الفخر بالهوية الوطنية عند الطالبات؟ ولا هو يوم واحد والسلام !! رديت عليها بعدها سالتني كيف اربط الهوية الوظنية خلال دروسي اعطيني مثال درس وكيف ربطتيه ( جهزوا دايما أمثلتكم بنات ) كمان سألوني ايش القيمة الانسانية اللي تؤمني فيها بحياتك ( اعطيني قيمه انسانيه واحده ) قلت لهم الامانة والرقابة الذاتية دايما اذكر نفسي ومن حولي وطالباتي باهمية هذا الشي مايحتاج احد يراقبني او يكون فوقي رقابة عشان التزم بقيمي والتزم بالأنظمة والقوانين. هذا اللي أذكره من اسئلة المقابلة المقابلة كلها على بعضها ماخذت اكثر من ٥ دقايق خليك قد ماتقدري تكوني على طبيعتك ارتاحي وانتي بتتكلمي خلي كلامك راكز موزون وواثقه من نفسك ومن تجربتك وكلها سهالات ان شاء الله بالتوفيق للجميع ❤️

ربط الرياضيات بالرؤية السعودية 2030 يمكن أن يتم من خلال عدة محاور رئيسية، حيث تلعب الرياضيات دورًا أساسيًا في تحقيق أهداف التنمية والابتكار. إليك أبرز الجوانب التي توضح هذا الربط: 1. الاقتصاد والتنمية المستدامة الرؤية تهدف إلى تنويع مصادر الدخل، وهذا يتطلب استخدام التحليل الإحصائي والنماذج الرياضية في التخطيط الاقتصادي. الرياضيات تُستخدم في التنبؤ المالي وتحليل المخاطر وتقدير الميزانيات. 2. الذكاء الاصطناعي والتحول الرقمي الرياضيات هي الأساس في علوم الحوسبة، تعلم الآلة، وتحليل البيانات، وهي مجالات محورية في الرؤية. العديد من المبادرات الرقمية تعتمد على الخوارزميات الرياضية لتحسين الأداء الحكومي والخدمات. 3. التعليم والتدريب الرؤية تركز على رفع جودة التعليم، والرياضيات تُعد من المهارات الأساسية في تعزيز التفكير النقدي وحل المشكلات. الاستثمار في تعليم الرياضيات يدعم بناء جيل قادر على الابتكار والمنافسة عالميًا. 4. البنية التحتية والمشروعات الكبرى مشروعات مثل نيوم والقدية تحتاج إلى استخدام النمذجة الرياضية والهندسية في التصميم والتنفيذ. إدارة الموارد واللوجستيات تتطلب تحليل رياضي دقيق لضمان الكفاءة. 5. الطاقة والبيئة الرياضيات تُستخدم في حسابات الطاقة المتجددة وكفاءة الاستهلاك. النماذج الرياضية تدعم تقييم الأثر البيئي والتخطيط المستدام.

السلام عليكم اذا ممكن ابغى اسألك كم سؤال اذا تقدرين تعطيني فكره عن اجوبتها كيف نربط الرياضيات بالرؤية وكيف نربطه بالمواطنه واعتذر اذا ازعجتك