ИШКИН ОГЛУ / ISHKIN TV

Эртенгиниң мендизи-биле. Мегечи сарыг өртемчейде олчаан мээң дептер чүве чок. Бо хүнде чурттап орар оран-сававыс, ынак киживис, ажы-төлүвүс, эш-өөрүвүс, төрелдеривис, эрге-дужаалывыс, ат-алдарывыс, шупту өнчү-хөреңгивис чүгле түр када бистерниң-биле. Үези кээрге шуптузун дөмей каапкаш чоруур апаар бис. Харааданчыг-даа бол, каржы-даа бол алыс шын. (с) Ишкин оглу. Эртенги бодал

Кежээкиниң мендизи-биле! Тоянай чаа чоргулаптайн ынчап-мынчап турар эвес чоорул ону чонум. Чүгле ам аъттаныр бертинде төк кээп дүшкен төрээн Ишкинимге эртен октябрь 29-та концерттепкеш кээйн. Ооң соонда☝ 🟥ЮЖНО-САХАЛИНСК Ноябрь 2-де 🟦П-КАМЧАТСКИЙ НОЯБРЬ 3-те Ырак дээш канчаар ынак чаңгыс чер-чурттугларым бар шээжил Тывамның кожууннарынче концерттеримни удавас база чарлай бээр мен✊ Ужурашкыже👋

Чаа амыр-менди! Удаа-дараа концерттер дээш арай чай алынмайн бардым. Эки чоруп тур силер бе, бөлүүм? Чедиишкинниг чедиликти ортун Монгуш-биле күзедивис😎

ЕКИ ЖИРЕН (ийи аът) Ишкин оглу Делегей чергелиг “VOICE OF TURAN” мөөрейинге "Еки жирен" деп казах чоннуң ырызын бараалгадып күүсеттим.

Делегей чергелиг “VOICE OF TURAN” деп казах ыры мөөрейинге киришкен түңнелимде дипломант болган мындыг-ла, чонум. #Казахстан #ТуркестанХоорай #моорей #Ишкиноглу

Ойнадыышкын Вк-да бөлүкке каш-ла минута болгаш болуп эртер. https://vk.com/club227148399

Кежээкиниң мендизи-биле! 2024 чылдың октябрь 18-22 хүннеринде Казах күрүнениң Туркестан хоорайга Делегей чергелиг “VOICE OF TURAN-2024” деп казах ыры мөөрейинче киришкеш чедип келдим.

Орукта чоруур болгаш интернет арай шоолуг эвес иин. Бөгүнгү ойнадыышкынны эртен октябрь 24-түң 21:00 шакче чыллырып тур мен.

Амыр-менди, чонум. Уран-чүүлдүң ачызында кайгамчыктыг каас-чараш черлерге чеде бээрим өөрүнчүг. Казах чоннуң мурнунга бараалгаар аас-кежиктиг болдум. "Жоргатай" деп чыраа аът дугайында ырыны Руслан Ахинбеков-биле күүсеттивис. Чер-черинге чеде бергеш бодум ырым ырлавас эвес, "Чонум, Тывам"-ны чоргаарал-биле ырладым. Туркестан деп хоорайны онзасынып чарашсындым. Кижи чурту чараш-даа бол төрээн черим дөмей эргим. #Казахстан #ТуркестанХоорай #Ишкиноглу

Октябрь 27-де 19:00 шакта ам база бир немелде концертти чарлап тур мен! Билеттер ДНТ-ниң кассазында база https://tuvabilet.ru/event.php?id=568 деп сайтта. СОЛУН МЕДЭЭ☝️ Эртен бо бөлүүмге октябрь 27-де болур чаа оюн-көргүзүүмче 2 билетти ойнадыр мен. Дүрүм бөдүүн: 1. Бо бижикти бодунче үлежир 2. Айтырыгга шын харыыны мурнап бээр. Бижикти эртен октябрь 23-түң 15:00 шакка чедир үлешкен турар ужурлуг☝️ албан хынаар мен! Ойнадыышкын октябрь 23-те кежээ 21:00 шакта Вк-да бөлүүмге болур! https://vk.com/club227148399 Ужурашкыже👋

Чаа амыр-менди. Удавас болур күскү концердимге чедир каш-ла хонук артып кагды. Бо кежээ солун чарлал кылыр мен, белен турар силер✊ Немелде концертче халас билеттер ойнадыр мен Чедиишкиннерни күзедим! Меңээ база күзеп каар болзуңарза артык эвес-ле харын, ылаңгыя бөгүн☝️

Эртенгиниң мендизи-биле, чаңгыс бөлүкчүлерим! Ам база бир чай карак чивеш аразында эрте берди. Чедиишкинниг чедиликти күзедим

Ишкин султан даадым:) Если б я был султаном… Ии кадай-даа номчуп кааптайн😅

Амыр-менди, хүндүлүг чонум Көшкүн чоннарнвң национал хептеринге тааржыр байдал бар чүве бо. Казах 🇰🇿 чоннуң хеви, холумда эзир куш 🦅 #Ишкиноглу #ТуркестанХоорай #Казахстан

Амыр-менди. Бистер дыштаныр хүннерни амыр-чаагай эрттирип турдувуста, бо хүнде чуртувустуң дидим оолдары дайын шөлүнде тулчуп турар болгай. Ада-чуртувус дээш, ак-көк дээрлиг Тывавыс дээш, салгалдарның амыр-тайбың келир үези дээш амы-тынын берген маадырларывыстың саны көвей, биске биче буурай чонга чидириглерниң улуун, харааданчыын...😔 бир-даа кижи биске херек. Маадырларывыска алдар, мөңге мөгейиг! 2024 чылдың улуг Наадым хүрежинден үзүндү

Хайлыг-ла рейтинг диин бо😄

Амыр-менди. Мээң чанымда орар хүндүлүг кижилеривисти танып-ла тур боор силер

Бурунгаар Ишкин оглу! Тыва хевин кедип чоруур, сыгырга дег өткүт үннүг. Тываларның чоргааралы Сылдызы боор Ишкин оглу. Тыва аъдын дерип мунган Тыва черин эргип чорткан, Арат-чонга бараан болган Артизивис Ишкин оглу. Тырың мөчек мага-боттуг Тыва хүреш чарлакчызы, Мөгелерниң оранындан Мөөң күштүг Ишкин оглу. Кадырларның ирбижи дег, Каскактарның кырын тевер. Ураанхайлар изин часпаан Уран, мерген Ишкин оглу.

Тываның алдарлыг артизи Монгуш Айдың Шораан оглу- Ишкин оглунга. Торгу маңнык хорагайы шыва алган, Тоолчунуң тоолунче чайгаар кирген, Тос-ла чүзүн эртине даш шыва алган, Тоолчургу Сүт-ле Хөлүм оглу-дур сен. Игил ойнаан игилчиниң ырлаан ыры Ишкин суурга чаңгыланып турар өйде, Иең күжүр шак ол ынчан чиигээн болгаш Ишти-хөңнүң уян болган дуңмам-дыр сен. Аваң сени доруктуруп азырааштың, Авыралдап аржаанынга чундургаштың, Арат-чонуң аразынга чоргаар чор!-дээш, Арыг чаагай ак-ла кадаан сеңээ сөңнээн. Хензиг бичии чажыңдан-на Ишкиниңге Хевис ышкаш ногаан шыкка хүрешкилеп, Херелденген Алдыы-Соорга аъттар дозуп, Хенче чаштан ырың ырлап ойнап өстүң. Дадайым-ай, кончуг сергек үрен-дир! - деп, Даайларың сени чаптааш магадаарлар. Даглыг черге чурттун тудар оол-дур дээш, Дагылгага хөөрежип-даа орган чүве ийин. Хөр-Тайга, Кызыл-Тайга, Чоорганыгның Хөлүң болган Сүт-ле Холдүң Ишкиннерниң Хөрээ делгем, хөгжүм ойнаар оглу болгаш Хөөретпедим, Ишкин оглу, чоргаар-дыр сен! Ам бо хүнде арат-чоннуң өөртүп чоруур Амдыы бичии оолак эвес, түрлүг-дүр сен Хүнү-хүнүң болуп турар хүрештерниң Хүндүткелдиг чарлакчызы болуп чор сен! Ырлап чоруур ыры-шүлүүң ачызындан Ыраажылар аразындан ылгалдыг бооп, Тыва чурттуң алдар-аттыг артизи дээш Тыва чонуң бо хүн сени хүндүлеп чор! Тимур Сергеевич Кадын-Нава. Февраль-15. 2019.чыл

Кылып, бүдүрүп чоруур хензиг үүлем чаңгыс чер-чурттугларымның бедик үнелелин ап чоруурунга өөрү тейлеп чор мен🙏 Чер-чуртумнуң чечен-мерген кижилери-биле байын шуут-ла магадап ханмас-тыр мен. Тимур Кадын-Наваның бижээн чараш шүлүктериниң чаңгыс эвес удаа маадыры болганымга өөрүп чор мен. Хүндүлүг Тимур Сергеевич. Өг-бүлемниң база бо бөлүүмнүң мурнундан өөрүп четтиргенимни хүлээп ап көрүңер! Хүндүткел-биле, Ишкин оглу.