الإمبراطورية 3sec ❤️🏩🩺

- روي عن النبي ﷺأنه قال : خير دعاء يوم عرفة وخير ما قلت أنا والنبيون من قبلي: ''لا إله إلا الله وحده لا شريك له، له الملك و له الحمد و هو على كل شيء قدير''. {وذكر فإن الذكرى تنفع المؤمنين}. ولا تنسونا من دعواتكم يا رفاق ولكم المثل.))"

مش عشان أنت تستاهل، بس عشان هو كريم! كتير مننا واخد باله أننا في عشر ذي الحجة، وأن النهارده بعد مغرب يوم الاثنين هيبدأ يوم عرفة، ويوم التلات هو يوم عرفة، بس أحيانا الإنسان من كتر ذنوبه بيحس أن اليوم ده مش ليه.. مع أن أصلا اليوم ده معمول مخصوص عشاني وعشانك، عشان المقصرين والمحتاجين والمذنبين اللي نفسهم يترحموا ويتغفر ذنوبهم. في يوم عرفة سنة ٢٠١٦ ، كنت لسه في ثانوي ومكنش حالي أفضل حال، كنت مقصر في حق نفسي وحق ربي، ومكنتش أعرف حاجة عن يوم عرفة غير أنه بنصومه وبنفتح التلفزيون نشوف الحجاج ونقول يا رب اوعدنا، وأن اليوم ده مرتبط ببكاء أمي ساعة وقوف الناس على عرفة وهي عمالة تدعي: يا رب ارزقني حج بيتك قبل الممات.. وتبكي كنت بحس أنه أوفر شوية! كل سنة في نفس المعاد ونفس المشهد بنفس الدعاء من ساعة ما وعيت ع الدنيا، ويشاء ربك السنة دي، سنة ٢٠١٦ الساعة ٢ بعد الضهر، ربنا يريد أني أتعلم قيمة اليوم فعلا، لقيت حد بيرن عليا: السلام عليكم يا هيما، انت فين ؟ هتعمل ايه بعد العصر؟! .. فقلتله مفيش.. هقعد! ... زي كل سنة! قالي لا، تعالي صلي العصر معايا وخلينا نقعد احنا والشباب ندعي لحد المغرب، فقلت ماشي، منا معنديش حاجة أعملها أصلا، ورحت وصلينا، الناس مشيت، ببص لقيتني أنا وهو بس في المسجد!! فحسيت بغدر كده، اللي هو فين الناس!؟ وقلتله أنا همشي وبتاع.. قالي لأ، اقعد بس هناك هناهو وادعي بكل حاجة نفسك فيها.. لحد المغرب، وأنا كل اللي ف بالي: أدعي تلت ساعات؟! أدعي بايه؟ وبعدين هو ربنا هيستجيبلي أنا؟؟ أكيد لأ.. بس لقيت نفسي بقول: ليه لأ؟ منا مش ورايا حاجة ومش خسران حاجة، هقعد وهضغط ع نفسي وأخشع وأركز وأمثل وأتذلل لربنا يمكن يصدقني وتيجي معايا (دي كانت دماغي وقتها) وقعدت أدعي، أدعي، أدعي، دعيت لكل الناس في حياتي تقريبا، لنفسي وأمي وأبي وأخواتي وصحابي وأساتذتي، وجيت عند زمايلي وركزت وفضلت أدعي ليهم بالاسم، فلان وعلان وفلانة، ودعيتلهم كلهم أنهم(يجيبوا أعلي مجموع في ثانوية ويبقو أوائل) .. مرّت ٣ ساعات هوا والمغرب أذّن وأنا والله ما خلصت دعاء ولا أعرف جبت الأدعية كلها منين! (اكتشفت لما كبرت إني كنت في أشد احتياجي لربنا في الوقت ده بس كنت بهرب، وللآن مش عارف كنت بهرب ليه!) تمر الأيام، ندخل الامتحانات، تطلع النتيجة، أبص في قايمة الأوائل ألاقي أسماء زمايلي اللي دعيتلهم (بالاسم) في أوائل البلد في الثانوية!! ساعتها دماغي عملت ايرور!! ولقيت حاجة بتقولي: مش عشان أنت تستاهل، بس عشان هو كريم! ومن ساعتها مبنسهاش: مش عشان أنت تستاهل، لكن عشان هو كريم.. وبعيشها في كل حاجة، في كل إنجاز وكل خطوة، في كل شهادة باخدها وكل احترام بلاقيه، مش عشان أنت تستاهل، عشان هو كريم.. وكل ما آجي أتوب ترن نفس الجملة في ودني عشان ترد هلى وساوس إبليس اللي رايح جاي يقولي ربنا مش هيغفرلك! وبدأت أتعلم عن يوم عرفة، اكتشفت إني مش أول واحد يحصل ده معاه! اكتشفت أن الصالحين كلهم بيخبو دعوات السنة كلها لليوم ده، اكتشفت أنه الناس اللي فهمت وعرفت بتعتكف اليوم ده عن كل شيئ، ويقبلوا على ربنا بضعف وحاجة وافتقار، اكتشفت أن النبيﷺ قال: مَا مِنْ يَوْمٍ أَكْثَرَ مِنْ أَنْ يُعْتِقَ اللهُ فِيهِ عَبْدًا مِنَ النَّارِ، مِنْ يَوْمِ عَرَفَةَ، وَإِنَّهُ لَيَدْنُو، ثُمَّ يُبَاهِي بِهِمِ الْمَلَائِكَةَ، فَيَقُولُ: مَا أَرَادَ هَؤُلَاءِ؟. أكتر يوم ناس بتتعتق فيه من النار، وأكتر يوم بتستجاب فيه دعوات، طلعت مش ولي ولا حاجة، وافتكرت تاني: مش عشان أنت تستاهل، عشان هو كريم! وبقيت بصوم عرفة عشان صيامه بيكفّر ذنوب سنة مضت وسنة قادمة، وبقيت أستنى اليوم ده عشان كل حاجة معصلجة معايا أدعي بيها اليوم ده.. يوم أوكازيون الدعوات وغفران الذنوب ومحو الخطايا. - متضيعيش اليوم ده، لأنه فعلا ممكن يكون محطة تغيير حياتك كلها (لو صدقت مع ربنا) - أكثر من قول: لا إله إلا الله وحده لا شريك له، له الملك وله الحمد وهو على كل شيئ قدير، خليلها وقت من اليوم - الصلوات كلها في موعدها وفي جماعة، ومتنساش السنن والأذكار، لا تضيعهم في يوم زي ده - بعد صلاة الفجر اقعد جلسة الشروق وخد أجر حجة وعمرة - جهز دعواااااتك، كل ما تتمني في الدين والدنيا، جهزها - أقبِل على الله ولا تعطيه ظهرك يا صديقي.. هذا يوم رحمات إياك أن يفوت وأنت لم تنالك فيه رحمة من ربك - استغفر ربنا من كل ذنب، واستحضر ذنوبك واندم وابكي وقوله سامحني وتوب عليا.. أظهِر ضعفك وذلك لله - وقولها لربك من قلبك: عارف إني مستاهلش، بس أنت كريم! #الساخر_الهادف #يوم_عرفة

'_⁨يا باغي الدعاء هاك⁩ (1).pdf'

'_⁨يا باغي الدعاء هاك⁩ (1).pdf'

‏قال الإمام الأوزاعي رحمه الله : ‏"أدركتُ أقوامًا كانوا يخبّؤن الحاجات ليوم عرفة ليسألوا الله بها" ‏غدًا يوم عرفة ، فاقصدوا محاريبكم وألحّوا على الله ، وأغدقوا على أنفسكم وأحبابكم من طيب الدّعاء 🤍

‏"لنا حق التمنّي، وهمة السعي، وحُسن الظن.. ولله سرُ التوقيت، وسرُ الإجابة، وسرُ الدهشة."

امتحان لغة عربية ثانوية عامة 2022 دور اول 3ث TOOPSEC@ ❤️⚠️

امتحان لغة عربية ثانوية عامة 2021 دور اول 3ث TOOPSEC@ ❤️⚠️

امتحان ٢٠٢٢ احصاء 🖤

امتحان ٢٠٢٢ احصاء 🖤