മനസ്സ്

ചിന്ത _നിമിഷം സുന്ദരമായൊരു  നിദ്രയില്‍ ആകാശ ചെരുവിലൂടെ  മഴമേഘപാളികളില്‍ കുരുങ്ങി ദിക്കുകളില്‍  തട്ടി തകര്‍ന്നു ചിതറുമ്പോൾ  എൻ്റെ ഹൃദയത്തിലൊരു നിറ പൗർണ്ണമി വിടരും..... പ്രിയനേ നീ മറന്നു വച്ച  പ്രണയാക്ഷരങ്ങളില്‍ നിന്ന് ഒന്നെടുത്ത് നിന്റെ പവിഴ ചിരിിയിൽ പൊതിഞ്ഞ് എന്‍റെ ഹൃദയത്തിൽ നിക്ഷേപികൂക. കാറ്റേ കലിതുള്ളി ചിരിച്ച് നേര്‍ത്ത അഹങ്കാരത്തോടെ ഈ തിരകള്‍ക്കു മേല്‍ നിന്റെ കാമനകളിലാറാടൂ.... ഇനി ഞാനെന്റെ പ്രണയ ശലഭത്തെ ഉമിനീര്‍ ചൂടിനാൽ പൊള്ളിച്ചു പൊള്ളിച്ചു ഒരു ഹര്‍ഷരോമ കുപ്പായം പുതപ്പിക്കട്ടെ ..... ഞാൻ എന്നെ മറക്കട്ടെ. നീയായി മാറട്ടെ....

കഥ പറഞ്ഞുറങ്ങിയ ഏതോ  കനവിൽ നിറഞ്ഞു നിന്ന അർഹതയില്ലാത്ത ഭീതിയുണ്ടായിരുന്നു മനസ്സിൽ, എപ്പോഴും. കാലം വരമ്പുകൾ തകർത്തപ്പോൾ പേടിയുടെ കാരണവും മാറി. പോകാൻ മറന്ന വഴിയമ്പലം ദീപങ്ങളിൽ മുങ്ങിനിന്നത് നോക്കി നിന്നുപോയി വിശന്നുവന്ന വണ്ടുകൾക്ക് തേൻനൽകിയതും, കല്യാണവീട്ടിലെ അലങ്കാരക്കൂട്ടത്തിൽ ചേർന്ന് വാടിയതും പലരും കൈകൊണ്ടു ഞരിച്ചു വലിച്ചെറിഞ്ഞതും നുള്ളിനോവിച്ചതുമായ കഥകൾ മറന്നു നിന്നുപോയി. ഒടുവിൽ അണഞ്ഞ ദീപങ്ങൾ തീർത്ത ഇരുട്ടിലേക്കോടിപ്പോയതും പരിഭവമേതും പറയാതെ മണ്ണിലേക്കടർന്ന്  വീണതും മാത്രമാണ് വിടരാതെ കൊഴിഞ്ഞയെന്നിലെ ശരി.

ഹിമ_himam എവിടെയാണ് പിഴ ഇന്നലെ തുറന്നിട്ട ജാലകം, ഒരു സ്വപ്നതിന് ചിറകുവിരിച്ച നിലാവിന്റെ കിരണങ്ങളെ മെല്ലെയായിരുട്ടിനെ മുറിച്ചു കടന്നു പോകാൻ അനുവദിച്ചു. കരുതിയ ജീവിതം പിച്ചവച്ച വഴിയരികിൽ എവിടെയോ ചിതറികിടക്കുന്ന മുള്ളുകൾ തട്ടി എന്നെങ്കിലും ആ ഹൃദയം കീറി നിണം പൊടിഞ്ഞിട്ടുണ്ടാവാം. വിദൂരതയിലേക്ക് മറഞ്ഞു പോയ കണ്ണിലിരുട്ട് കേറുന്നുണ്ടെന്ന് ഞാനറിഞ്ഞു. എന്നിൽ തുളുമ്പിയ അശ്രുവും ചലനമറ്റ് നിന്നു .

ശബ്ദം പോയ വീണക്ക് ഭ്രാന്ത് പിടിച്ചു വോ?

ചിന്ത_നിമിഷം എന്തൊക്കെ തകർന്നാലും എത്രതവണ തകർന്നുവീണാലും, ഒരിക്കലും തകരരുതാത്ത ചിലതുണ്ട്; തിരിച്ചുപിടിക്കാനുള്ള തന്റേടവും തിരുത്താനുള്ള താൽപര്യവും...., സംഭവിച്ച ഒന്നിനെയും തിരുത്തി എഴുതാനാകില്ല; സംഭവിച്ചതിനോടുള്ള മനോഭാവത്തിൽ തിരുത്തൽ വരുത്തി അതി ശക്തമായി മുന്നോട്ട് പോയാൽ വിജയം നിശ്ചയം..... അനുകൂലസാഹചര്യങ്ങളെ എങ്ങനെ ഉപയോഗിക്കുന്നു എന്നതിനെക്കാൾ, പ്രതികൂല സാഹചര്യങ്ങളെ എങ്ങനെ പ്രതിരോധിക്കുന്നു എന്നതിലാണ് സ്ഥിരതയുടെ രസതന്ത്രം.... അവശേഷിച്ചതെല്ലാംവാരിക്കൂട്ടി അവസാനിച്ചിടത്തുനിന്നു വീണ്ടും തുടങ്ങാൻ തയാറാകുന്നവനോട് പ്രകൃതിക്കും ഈശ്വരനും ബഹുമാനമുണ്ടാകും ......

ചിന്തനീയം ചിന്താശകലം. അനർഹതക്കും വിവേചന ഭാവം