ضـوءٌ مـا...

اكيد التربية من أصعب الأمور الي ممكن يمارسه الإنسان بحياتو بس التربية مهارة وغاح تنغرس بروح المولود لحد ما يكبر ويبدي هو أيضاً ينقله للجيل الآخر، بس من يغلط الطفل ومثل ما تقولون يحرجكم بالأماكن العامة اعغفو انو لازم تصححون مسار تربيتكم خذوا ريست من الشغل من أي شي خلاكم تنشغلون عنو واقعدو معانو حاولو تلعبون معانو تخلونو يرتاح ويحس بالأمان وخلونو يطلع طاقتو كلته داخل منزلكم ولازم ما يشوف الخلافات اليي تحدث بين الأب والأم أبد ولا حتى يحس بيها خلو كلشي عل جانب واظهروا الحب والحنان قدامو ولا تتلفظون بألفاظ سيئة ولا حتى أفعال غير لائقة حتى لا ينقله بغير صورة وعلى فكرة الشي الييي يطلع من الطفل صدقوني هو تراكمات لأشياء عتصيغ بل بيت ويعكسه هو بالعناد والسلوكيات غير الصحيحة، ممكن اكون تكلمتو بشأن الموضوع زيادة بس من رأيي ينغادلو كتاب كامل ويكون اي احد مقبل على الارتباط يقرانو لا بس تفكرون بالزواج واش يصيغ بعدو مامهم وتذكروا انوو انتم عتنشأون جيل كامل ومجتمع وصلاحكم يعني صلاح المجتمع وسوء تصرفكم يعني فساد المجتمع وشكراً 🤎

لا تولدون ثغرة بداخل أطفالكم تكبر معاهم وتتحول إلى فجوة فيما بعد.

مثلاً.. تمنعوا من شي متعلق بينو او تخاصموا ايام لحين ما يجي ويعتذر منك ويعغف انو غلط بحق ماما وبابا ولازم يصحح خطأو المخاصمة من قبل الوالدين هوو أقسى العقوبات من وجهة نظري واحسنها وأفضلها،

طابت اوقاتكم يا حلوين! بدون مقدمات لان ماأحبه 😁💔 الشي الي عدشوفو بكثرة هالفترة هو الضرب من قبل الآباء والأمهات لاولادم وأمام الأخرين وبمكان عام والاردى من هالامر انو يتباها قدامي الأب 😍💔 طيب انا لو بيدي بذاك الوقت كان معغف اشعمل بالاب يعني التعنيف والضرب والاحراج ونشوء ثغرة داخل الطفل (هسه اوضحه) قدام الآخرين صاغ محط تباهي؟! هسه يجي يقلي لكن عادي الطفل يحرج اهلو قدام الكل بس ماعادي الاهل يحرجون طفلم غاح اقلك ما هو حصاد تربيتك وهاي نتيجة أفعالك وتعليمك الوا حتى لو كان صغير السلوك ينعكس هاي الجملة اليي غاح ابلش بيها كتابي الجديد بإذن الله انو (مولودك ورقةً بيضاء تُملي عليها ما سيكون في الغدِ) انت بيدك القلم ولا تنسى هالقلم حيكون حبر يعني من الصعب انو تمحينو الا بإرادة صغيرك بالتحرر من قيود العقد الي سببتلو هي بالطفولة زين خلينا نرجع للواقعية هل الطفل يتعلم ويُلقن بكثرة الضرب والإهانة ورمي أقسى العبارات والملافظ البذيئة ؟! ما ضر لو أخذت طفلك على جانب وحاولت تقنعوا بأسلوب لين وبنفس الوقت توجهو وتخلينو من الصغر يحس نفسو مسؤول عن تصرفاتو وانو الها عواقب إذا كانت سيئة مثلاً...

مساء الود! اليوم حابه افضفض بموضوع مهم فـ ترقبوا... طبعاً صاغلي كومة اغيد احكي بينو بس البيحة تكرر قدامي الموقف فا لزم الأمر 🥲😂💔

الصفقة الوحيدة اللي 100% مستحيل تطلع منها خسران هي لما تعز نفسك وتحط لها الأولوية .

صبـاح الخير، جمعة مباركة، لاتنسون سُنن يوم الجمعة و الصلاة على النبي بكل وقت وقراءة سورة الكهف واخر ساعة من يوم الجمعة الدعاء فيها بإذن الله مُستجاب طابت جمعتكم 🤎

قوموا لصلاتكم 🩵

جددوا حبكم لنفسكم بكل يوم، استمتعوا بأقل الأشياء الي تملكوها، استشعروا نعمة الله بكل ما تملكون وكونوا ممتنين لوا بشكل، اهتموا باحبابكم وبعلاقتكم مع ربنا، غاح تحسون بطاقة رهيبة