معلمة || Muallemah

​​Пайғамбаримиз соллаллоҳу алайҳи васалламдан ривоят қилинади: Қиёмат кунида дўзахдан бир чаён чиқади. У хориш деб номланади. Узунлиги ер билан осмонча. Кенглиги машриқдан мағрибгача. Унга Жаброил алайҳиссалом айтади: "Эй хориш қаердан келяпсан? " " Дўзахдан ". "Қаерга кетяпсан?" "Аларсотга". " У ерда нима қиласан? " "Беш тоифа инсонни қидиряпман: намозни тарк қилган, закот бермаган, ота- онасига оққ бўлган, хамр ичган ва масжидда дунёвий сўзларни сўзлаган инсонни". Демак азизлар мана шу оғир гунохларни орасида биз эътибор бермайдиган, оғир гунохларга тенглаштириладиган гунох бу- масжидда дунёвий сўзлар экан. Бундай масиятлардан Аллоҳ таоло Ўзи асрасин! “Албатта, (барча) масжидлар Аллоҳникидир. Бас, (масжидларда) Аллоҳ билан қўшиб яна бирор кимсага дуо (ибодат) қилмангиз!” (Жин сураси, 18-оят). Muallemah | Telegram

Buyuk Allohning mo‘jizasi: ko‘ring, tafakkur qiling! Muallemah | Telegram

Ҳижрий 700 санада мусулмон уламоларига намоз ўқимайдиган кишининг ҳукми зикр қилинганида, «Бу масала ифтирозий, яъни ҳали воқеликда содир бўлмаган иш», деб жавоб беришган, чунки улар намоз ўқимайдиган мусулмонни тасаввур қила олишмаган. Ваҳоланки ҳадисларда шундай дейилади: Пайғамбаримиз соллаллоҳу алайҳи васаллам: «Мусулмон билан куфрнинг ўртасида, намозни тарк қилиш бордир», деганлар. Муслим ривоят қилган. Muallemah | Telegram

☀️Бу фоний ва гўзал дунёда, икки дунё саодати учун яшанг... Унутманг, яхшилик қилиш, меҳр ила ширин сўз улашиш ҳам савобли амаллардандир. Бундай савобли амалларнинг энг улуғи яқинларингиз ва аҳли оилангизга қилганингиздир! Бугунги кунингиз хам яқинларингиз даврасида файзли ўтсин Ассалому алайкум! Muallemah | Telegram

​​«Тоат-ибодати билан Аллоҳга яқин бўлганлар одамлар орасида ғариб бўладилар», дейишган. JaloliddinRumiy Muallemah | Telegram

​​ЛУҚМОНИ ҲАКИМДАН СЎРАДИЛАР: - Одамларнинг доноси ким? - Ҳаёт ташвишларидан дилтанг бўлмагани. - Баланд ҳимматлик кимдур? - У неъматларини бу дунё неъматларидан устун қўйган киши. - Одамларнинг қудратлиси ким? - Ақли комил бўлгани. - Ул қандай шаробки, ичувчисини яланғочлайди? - Шаҳват. - Ул қандай оловки, ўз ёқувчисини куйдиради? - Ҳасад. - Ул қайси биноки, ҳеч хароб бўлмас? - Адолат. - Ул қандай аччиқликки, охири ширин бўлур? - Сабр. - Ул қандай ширинликки, охири аччиқ бўлур? - Тезлик. - Ул қандай беморликки, табиблар унинг муолажасидан ожиздур? - Аҳмоқлик. Muallemah | Telegram

ОЛИЙЖАНОБЛИКМИ ЁКИ СОХТА САХИЙЛИК Ёшгина аёл тухум сотаётган кампирдан тухумнинг нархини сўради. Кампир: “Донаси 2000 сўмдан”, деб жавоб берди. "1 500 сўмдан олтита тухум берасизми”, салкам қарзини сўрагандай баландроқ овозда деди аёл ва қўшимча қилди: “Бўлмаса, кетаман-да, бошқа жойдан ҳам олавераман”. Кекса кампир бир муддат дам тухумларга, дам аёлга қаради-да: "Майли, олақолинг, эрталабдан бери биттаям сотолганим йўқ, ҳарна сотилгани”, деб тухумларни халтага солиб берди. Аёл гўё катта ғалаба қилгандек, тухумларни ва сумкаларини кўтариб машинаси турган жойга қараб юрди. Янгигина автомобилга ўтириб, дугонаси билан учрашиши белгиланган ресторанга келди. Дугоналар кўнгиллари тусаган таомлардан еб, хоҳлаган ичимликларни ичиб, маза қилишди. Туриб кетишаётганда, ҳисоб келтиришди. Ҳалиги аёл ҳисобда кўрсатилгандан ортиқча пул бериб, “қайтими керакмас”, дегандек қўли билан официантга имо қилиб қўйди . Бу воқеа ресторан хўжайинига арзимаган фойда келтирган бўлса-да, тухум сотаётган кампирга катта зарар эди. Нега биз кучимизни ожизлардан нарса сотиб олаётганда кўрсатамиз? Нима учун бизнинг сахийлигимизга муҳтож бўлмаган одамларга хайр қилгимиз келиб қолади? Илгари қаердадир ўқигандим: "Менинг отам муҳтож одамларнинг сотаётган нарсасини керак бўлмаса ҳам сўраганидан ортиқ нархда сотиб оларди. Мен ундан бунинг сабабини сўрасам: “Мана шу ХАҚИҚИЙ ОЛИЙЖАНОБЛИК”, деб жавоб берганди. Хулоса сиздан... Muallemah | Telegram

📖 ИЛМ ЎРГАНИНГ У мўжизадир, улашганингиз сайин кўпаяди, сарфлаганингиз сайин мустахкамланади. 🎙Муҳаммадали Эшонқулов Muallemah | Telegram

​​Қалб шишаси синганда овози чиқмади, дема. Чунки, бу овоз қиёмат куни баланд бўлади. Инсон қалби сал нарсага синадиган ўта нозик, бебаҳо шиша. “Агар у шиша бўлса, нима учун синганида овози эшитилмади”, дема. Бечора мазлумнинг қалб шишаси бу дунёда синади-ю, жаранги қиёмат куни эшитилади. Яна бир гап. Бировнинг қалби синганида ундан чиққан садони эшитиш учун сенинг қалб қулоғинг очиқ бўлиш лозим. Агар бу даражадаги яхши инсон бўлсанг эди, бошқанинг қалби синишига сабаб бўладиган ишни қилмаган ҳам бўлар эдинг. Muallemah | Telegram

🌸АССАЛАМУ АЛАЙКУМ!🌸         ☀️ ХАЙРЛИ ТОНГ! Биласизми?!   Энг яхши, энг чиройли ризқ   мол - мулк эмас. Балки... ❤️ Хотиржам, қаноатли қалб, 🌸 Равшан ақл, соғлом фикр, 🌸 Тан сиҳҳатлик, 🤲 Онанинг дуоси, 🥰 Отанинг меҳри, ☘ Ака - уканинг борлиги, ☘ Фарзанднинг кулгуси, ❤️ Дўстнинг эътибори, 🌸 Аллоҳ учун яхши кўриб дуо қилувчи инсоннинг борлиги сиз учун энг афзал ризқдир. 🤲 Аллоҳ бу неъматларни сиздан канда қилмасин! Қайси биридир узилган бўлса, ўрнини ундан яхшиси билан тўлдирсин! Muallemah | Telegram