និយ័តករបរធនបាលកិច្ច Trust Regulator

នាព្រឹកថ្ងៃអង្គារ ៣រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែកញ្ញា ឆ្នាំ២០២៦ ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច (ន.ប.ធ.) និងជាសមាជិកក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) អមដោយ ឯកឧត្តម នង ពិសិដ្ឋ, ឯកឧត្តម ណី សាកល, លោក ឃុន វាសនា អគ្គនាយករងនៃ ន.ប.ធ. និងសហការី បានអញ្ជើញចូលរួម "វេទិកាផ្សព្វផ្សាយសមិទ្ធផលអាណត្តិទី១របស់អាជ្ញាធរសេវាហិរញ្ញវត្ថុមិនមែនធនាគារ និងសន្និសីទមូលបត្រប្រចាំឆ្នាំ២០២៦" ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ (កសហវ) និងជាប្រធានក្រុមប្រឹក្សា អ.ស.ហ. នៅសណ្ឋាគារសុខាភ្នំពេញ។ ក្នុងវេទិកានេះ ឯកឧត្តម សុខ ដារ៉ា​ អគ្គនាយកនៃ ន.ប.ធ. រួមជាមួយថ្នាក់ដឹកនាំនៃនិយ័តករ និងអង្គភាពក្រោមឱវាទ អ.ស.ហ. និងនាយិកាប្រចាំប្រទេសកម្ពុជានៃធនាគារអភិវឌ្ឍន៍អាស៊ី (ADB) ព្រមទាំង​តំណាងសភាពាណិជ្ជកម្មកម្ពុជា​​ បានអញ្ជើញចូលរួមធ្វេីជាវាគ្មិនកិត្តិយសនៅក្នុងវគ្គនៃកិច្ចពិភាក្សាស្តីពី "វិស័យហិរញ្ញវត្ថុមិនមែនធនាគារ៖ សមិទ្ធកម្មអាណត្តិទី១ និងទិសដៅអនាគត" ផងដែរ។​ 📱 និយ័តករបរធនបាលកិច្ច | JOIN ⬇️ 📱 Youtube | ⬇️ 📱 Facebook | ⬇️ 📱 Instagram | ⬇️ 📱 Website | ⬇️ 📱 TikTok | ⬇️