និយ័តករបរធនបាលកិច្ច Trust Regulator

នាថ្ងៃព្រហស្បតិ៍ ១១កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែមិថុនា ឆ្នាំ២០២៦ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តមអគ្គបណ្ឌិតសភាចារ្យឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.), និយ័តករបរធនបាលកិច្ច (ន.ប.ធ.) បានរៀបចំកម្មវិធីសិក្ខាសាលាផ្សព្វផ្សាយស្ដីពី “នីតិវិធីនៃការរៀបចំនិងការគ្រោងថវិកា និងគោលការណ៍ណែនាំបើកប្រាក់បេសកកម្មក្នុង និងក្រៅប្រទេស របស់ ន.ប.ធ” ក្រោម​អធិបតីភាព​របស់​លោក ឃុន វាសនា អគ្គនាយករងនៃ ន.ប.ធ. តំណាងរបស់ ឯកឧត្តម សុខ ដារ៉ា អគ្គនាយកនៃ ន.ប.ធ. នៅសណ្ឋាគារ អេមព្រីស អង្គរ ខេត្តសៀមរាប ដើម្បីជាត្រីវិស័យក្នុងការតម្រង់ទិសការងាររៀបចំកញ្ចប់ថវិកាឱ្យមានសង្គតិភាព ឆ្លើយតបទៅនឹងតម្រូវការជាក់ស្តែងរបស់ស្ថាប័ន ព្រមទាំងធានាបាននូវប្រសិទ្ធភាពខ្ពស់ក្នុងការអនុវត្តការងារហិរញ្ញវត្ថុ សំដៅរួមចំណែកជំរុញការអភិវឌ្ឍវិស័យបរធនបាលកិច្ចនៅកម្ពុជាឱ្យកាន់តែរីកចម្រើន​។ 📱 និយ័តករបរធនបាលកិច្ច | JOIN ⬇️ 📱 Youtube | ⬇️ 📱 Facebook | ⬇️ 📱 Instagram | ⬇️ 📱 Website | ⬇️ 📱 TikTok | ⬇️