النيابة العامة - ملازم تحقيق

السلام عليكم ، انتهيتُ من المقابلة اليوم والحمدلله ، قلت افيدكم بهالمعلومات: ١- المقابلات على كلام الموظف اللي يدقق الاوراق يقول انتهت ولاعاد فيه دفعة مقابلات جديدة. وءاخر موعد للمقابلات هو يوم السبت ( بعد غداً ) ٢- المطابقة اجراء من اجراءات القبول المبدئي وفيها مقابلة شخصية ايضاً وفي حال اجتياز مرحلة المطابقة بنجاح ف انت مقبول نهائي ٣- نتائج المقابلات الشخصية تظهر بمدة اقل من شهرين ، ف اذا كنت مجتاز ارسلولك مطابقة واذا اجتزت المقابلة اللي في المطابقة ف انت مقبول نهائي هذا اللي فهمته من كلام موظف تدقيق الاوراق. والله يكتب اللي فيه خير للجميع ويصرف الشر. موفقين.

ما يحتاج اكتب لكم تجربتي لأنها تقريبا مكرره بتكون . فلذلك ابختصرها لكم الموضوع : الاعتداء على رجل الأمن. الوقت كامل من 6:30 ل3:30 تقريبا عشر ساعات. المقابلة الأولى : أسئلة شخصية وسأل سؤال واحد اللي هو عن اختصاصات النيابة. المقابلة الثانية : أسئلة شخصية وحشر شوي هههههههههههههههه لكنهم حبيبين + أسئلة شرعية س/ من هو إمام مدرسة الرأي ؟ وعلى ماذا كانت تبنى أحكامه أو زي كذا السؤال معقد شوي بس إجابته ( المالكي - عمل أهل المدينة) ترى ساعدني في الإجابة مع إني كنت مفوت بسبب الطريق والسهر بنفس الوقت . * لازم الواحد يكون نايم بدري ومروق ع الآخر لأن الانتظار متعب مره. طبعا كانت فيه لجنه ثانية في المقابله الثانيه والظاهر إنهم شدوا على الشباب اللي كانوا يخشون عليهم لأنهم يطلعون ووجيهم مو بطبيعية كأنهم زعلانين .

اول شي دخلت النيابه الساعه ٦ ونص اخذت رقم من تحت وقفلت جوالي واخذوه واي شي الكتروني ترا بياخذوه طلعت فوق لقيت ٤ قبلي وكان فيه مكتب بالغرفه عليه موظف جداً متعاون وحبوب الله يسعده ويحاول يفك التوتر طلبنا الوثيقه والصوره الشخصيه بعدين عطانا ورقه نكتب البيانات وسبب الالتحاق بعدها قال اقلبو الورقه واكتبو عن الاختلاس معكم ربع ساعه وعادي اذ امدد لكم الوقت بعدين اخذها ورجع الوثيقه ويسال اذ عندك دورات او ساعات تطوعيه وكيف الانقلش معاك متوسط ولا جيده مره فيه واذ اختبرتي ستيب وكم درجتك وطبعاً عن الخبرات والشغل انا لان متخرجه من شهرين ما سالني عن الخبرات ويرجع لك وثيقتك بس ياخذو منك صورتك ويعلقوها ع الورقه الي كتبتي عليها وقال لنا فيه مقابله ١٠ وفيه ١ وراح وتركنا كنا ١٩ بنت بس بعدها ٣ ساعات اخذو ارقامنا بالترتيب ودخلنا للمقابله النفسيه يركزو ع الجلسه واليدين مره البنت رحبت فيني وقالت لي الحمدلله ع السلامه لاني جايه سفر وسكتت وبدا الرجال يتكلم طبعا ما يعطي اي ردة فعل وهذا الي وترني منه شوي قال لي تكملي عن نفسك بعدين قاطعني وقال الجريمه متغيره ولا ثابته ولما جاوبت قال اذكري مثال سالني عن ساعاتي التطوعيه وباي مجال وانا اذكرها قاطعني وركز ع مجال معين وقال وش كنتي تسوين فيه بالضبط سالني عن الاختصاصات وايش الوظايف الي قدمت عليها وذكرت له نزاهه وقال لو النيابه ونزاهه قبلتك وش تختارين ؟ قلت النيابه قال ليه قلت لان اهدافها تتشابه مع اهدافي شوي راح قال ليه وش اهداف النيابه؟ ( الزبده انه من كل اجابه يطلع سؤال ويقاطعك فيه لا تتفلسفو) وسالني عن درجتي في ستيب وقال انها مو حلوه وان مفروض اخذت دورات قبلها وليه ما اخذت وقلت له اصلا انا افكر اعيده وقال ليه ما اخذتي دورات انقلش وقت الجامعه قلت صحيح كان مفروض اخذ الزبده انه يستفزك وهو ما يعطي اي تعبير ع وجهه ولما قمت البنت قالت لي بكل لطف وهدوء ان عندها ملاحظه اني حطيت رجل ع رجل وانها ما راح تاخذها علي لكن نصيحه للمستقل في المقابلات وقلت لها ما انتبهت معليش وطلعت ( طبعا البنت طول المقابله كانت عينها بالورق حرفياً وما درت عني ) بعدها ٣ ساعات تقريباً نزلونا للمقابله الثانيه كانو ٢ شيوخ كويسين و وجهم فيه قبول كان فيه لصق جروح ع يدي سالني وش ع يدي وقلت له جرح😅 مره يدققو والثاني ساكت قالت تكلمي عن نفسك من ولادتك الى الان قاطعني وقال لي اذكري اسامي مدارسك كلها - ايش هو القانون الاداري- فيه شي اسمه محكمه اداريه اصلاً؟- هل النيابه تتولى قضيه في محكمه اداريه؟- وش اخذتي باصول الفقه قلت اتوقع الحدود لكن ما تحظرني الاجابه ناسيه لان زمان اخذته- قال طيب الحدود باصول الفقه ولا المدخل الى الفقه- اذكري المذاهب الاربعه بالترتيب قلت ما اعرفها بالترتيب وسالني وش الفرق بينهم قلت ما اعرف - سالني اسمه حد شرب مسكر ولا شرب خمر وايش تعريفه وايش الحد عليه - وقال طيب فيه شي اسمه شرب حشيش يتشابهو هم - سالني وش فعياليات بالجامعه شاركتي ذكرت اسم نادي كنت فيه وخلاني اتكلم عنه وايش سويت فيه - سالني عن دوره اخذتها ذا الي اذكره الزبده التوتر يخرب كل شي ونامو ونامو ناموووو زين وجيبو اكل والمقابله الثانيه اسهل من الاولى بكثير ومتعاونين بس يدققو بكل كلمه وتختلف الاسئله عن الي قبلك ما عندهم مقياس الي قبلي كل اسئلتها شخصيه ما في شي علمي ما اتوقع نسيت شي😅 وطلعت وحده وربع

عنوان القطعة: التحرش اللجنة الاولى: • تحدث عن نفسك ومن كلامكم وخبراتكم يسألونكم اسئلة • سألوني ليش تبين النيابة وانتي شقيتي طريقك بمجال ثاني "توظفت في وظيفة مالها علاقة بالتخصص" • اختصاصات النيابة • انتي عارفه ان النيابة ممكن توظفك خارج منطقتك؟ عادي عندك؟ اللجنة الثانية: • عرفي عن نفسك من الولادة لين اليوم :) • الوالد وين يشتغل والوالدة والاخوة • كم عدد الاخوة • درستي الحدود والتعزيرات اذكريهم واذكري الفرق بينهم • سألني اذا اطّلعت على نظام الاجراءات الجزائية، بعدين قال لي مصطلح معين يخص القذف ما اتذكره وقال لي مر عليك؟ وقلت مايحضرني الآن • سأل عن الجرائم الموجبة للتوقيف، وذكرت له مثال عليها، بعدين قال هل تقدرين توقفين المتهم ١٠ أيام؟ هل هو من صلاحيات المحقق؟ ومتى توقفينه؟ طوّل بهذا الموضوع ويحاول يشككني.. قال طيب اذا قال المتهم ليش توقفيني انتي تعاقبيني؟ والجواب الصح انه ماهو عقاب بل هو لمصلحة التحقيق • اختصاصات النيابة • اذا لكم احد بالنيابة بيسألونكم هل عادي تشتغلون مع بعض وليه "انا ذكرت اني ما افضّل العمل مع بعض واعتقد انه اساسًا النظام يمنع ذلك لكن ماني متأكده فاللي عنده شخص بالنيابة يتأكد اذا النظام يمنع هذا الشي او لا"

بسم الله الرحمن الرحيم اليوم : السبت التاريخ : ١٤٤٥/٠١/٠٤ هـ وصلت ٦ ودخلنا ٦:١٥ تقريبًا أول شيء نزلنا جوالاتنا والساعات الذكية صعدنا للدور الثاني قاعة إنتظار، وفيها موظف يطابق الأوراق وعطانا ورقة نكتب فيها البيانات الشخصية وتحت فيه سؤال ماسبب التحاقك بالنيابة العامة؟ وتحته توقيع وتاريخ والموظف سألني اذا عندي سجل تجاري + اسمي في التأمينات + لدي ساعات تطوع ومن ثم طلبوا مننا قلب الورقة وكتابة تعبير في موضوع ( الجريمة ) والوقت كان طويل كافيء جدًا لكتابة التعبير فوق ٢٠ دقيقة ومن بعد على الساعة ١٠ تقريبًا نادونا وانا رقمي من ١ الى ١٠ كلنا دفعة واحده على المقابلة الأولى بنتين وولد ،، أول ماجلست قالت البنت تحدث عن نفسي؟ قلت نفسك انتي أعلم بها وضحكت ضحكة قوية وقالت عفوا تحدث عن نفسك؟ وعلى ماعتقد انه غير مستقصد منها لأن صوتها كان جهوري لو بتغالطني قصرت صوتها شوي المهم تحدثت عن نفسي ووصلت للخبرات سألني في وظيفة معينه وتفاصيلها ايش طبيعة عملك وكملت وقال الآن تعمل قلت لا، وتناقشنا بموضوع التجارة لأن عندي سجل تجاري شطبته من فتره وقالوا بالتوفيق .. سهله المقابلة ولا شفت همس ولا صوت خافت ولا اي حركات منهم ( مدتها ٣ دقايق ) رجعنا للقاعة وصلينا الظهر وعلى الساعه ١ ونص بدأت المقابلة الثانية وكان الاختيار عشوائي مقابلتي الثانية تقريبا ربع ساعة فيها رجالين مشايخه اسلوبهم وترحيبهم طيب جدًا وكلامهم منمق قالوا تحدث عن نفسك وقالوا ليش ماكملت في التجارة ومن ثم قال ايش افضل مقرر لديك قلت مقرر الاجراءات الجزائية قال ايش تعرف عنه؟ قلت النظام الذي يعتني بالدعوى الجزائية منذ نشوءها وقال كيف تنشأ الدعوى الجزائية؟ قلت ببلاغ او شكوى قال فقط؟ قلت لا واذا رآى رجل الضبط حادثة امامه قال ماذا تسمى الحادثة هذه؟ قلت حالة تلبس قال كيف تحدث حالة التبلس؟ قلت ضبط مرتكب الجريمة اثناء ارتكابها او بعد ارتكابه بوقت قصير وكذلك اتباع عامة الناس له بالصياح او وجود دلالات على الجاني كأن يحمل شيئًا أو عليه آثار بعدها قال متى تكون سعيد؟ قلت يومي العادي احيانا اكون سعيد واحيانا بلا شعور وهذه هي الحياه قال لا متى تكون سعيد جداً؟ قلت اذا انقبلت بهذه الوظيفة ضحك قال متى تكون حزين؟ قلت في حالات وفاة او مرض قال متى تكون في أوج عصبيتك؟ قلت إن وصل الأمر للكرامة قال كيف يصل؟ قلت سخرية شخص او كلامه و و قال كيف ؟ قلت مثل القذف او قذف الأهل وغيره اي شيء توقف عليه يسألك فيه واسألته سريعه بعدها قال لو تعينت في الحدود ما رائك؟ قلت لا مانع لدي وانا غير مرتبط لا في اهل ولا زواج هنا واعيش لحالي وسأل عن الوالدين وفصل كثير قال لو تزوجت وقالت زوجتك ماراح اروح معك لمنطقة التعيين قلت لا مانع لدي قال ايش تسوي قلت اسكنها قريب اهلها ضحك قال شكلك مناصر للمرأة قلت المرأة امي واختي و و ليش ما اناصرها بعدها قال بالتوفيق وانا امشي بطلع قال لي خطك جميل جدًا ماشاء الله وقفت والتفت له وقلت الحمد لله نعمة من الله عشان يسهل عليك قراءته تقريبًا اللي يسأل واحد الثاني يكتب كنت متوتر نوعا ما ولكن رددوا هذه الآية { رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي } كل الاجوبة جاوبتها بسرعه واحسها تطلع مني لا إراديا كله بفضل الله وبفضل الدعاء والله يوفقنا وإياكم

‏-الموضوعي(يتكلم عن الحقوق والالتزامات) كنظام الشركات والأوراق التجارية. ‏-الإجرائي يعلمك(طريقة الوصول الى حقك) بدءا من كيف تشتكي وتقيد وتعترض إنتهاء بالحكم، كنظام المحاكم التجاربة والاجراءات الجزائية والمرافعات.

مقابلتي كانت اليوم ١٤٤٥/١/١ هـ، دخلت الساعة ٧. طبعاً التعبير كان عن جريمة ترويج المخدرات مقابلتي الأولى كانت تقريباً الساعة ١١:١٥ لكن للأسف اللجنة مشت الموضوع بسرعة عشان يخلصون قبل الصلاة 🥲💔 الأسئلة: عرف بنفسك، وش اختصاصات النيابة، وكم سؤال بناء على تعريفي بنفسي، وبس هذه الأسئلة. أقل من ٦ دقايق. المقابلة الثاني كانت بعد الساعة ٤: الأسئلة: عرف بنفسك. وش يشتغل ابوك وامك واخوانك من الأكبر إلى الأصغر (وظهر لي من هذا السؤال يبغون يشوفون سردك وهل انت متردد او لا). وش الصفات الي فيك تخلينا نختارك وتشوف ان النيابة مناسبة لك؟ في أي نظام ذكرت اختصاصات النيابة العامة وكم رقم المادة؟ الجواب نظام النيابة العامة المادة ٣. وش يحتوي نظام الإجراءات الجزائية؟ (يعني تحدث عنه بشكل عام) وش الفرق بين نظام الإجراءات الجزائية ونظام المرافعات الشرعية؟ وش هي الأنظمة الأساسية في المملكة العربية السعودية؟ (هي خمسة لكن ما تذكرت الا ثلاثة فقط، وقلت الباقي ما يحظرني) وش الفرق بين المطلق والمقيد، والعام والمطلق ؟ (هذي في أصول الفقه) كم المدة الي يحق للمحقق ايقاف المتهم فيها؟ كم يحق للنيابة العامة إيقاف المتهم؟ (طبعاً ذا يختلف عن الي قبله) هذي الاسئلة الي اتذكرها، أهم النصائح: ١- وقت الانتظار حاول تتعرف على الي جنبك وتسولف معه لا تجلس لحالك لان السوالف بتخفف التوتر وتخلي الوقت يمشي أسرع. ٢- تراك بتجلس اقل شيء ٧ ساعات افطر زين ونام زين، اهم شيء النوووومممممممممم. ٣- المتقدمات راح يخلصون أول شيء حتى لو جو متأخر يتقدمون على المتقدمين. ٤- لا تتوتر ابداً ولا تجلس بطريقة انضماميه، اجلس بهدوء يدينك كل يد على فخذك. ٥- خلك واثق من جوابك واذا ما تعرف قول ما أعرف او ما يحظرني. اتمنى لكم التوفيق جميعاً 🤍

السلام عليكم و رحمه الله و بركاته مقابلتي يوم الثلاثاء بتاريخ 1444/12/30 هـ التخصص : قانون القروب : 4B حضرت الى مقر النيابة العامة الساعة ٧:٢٠ صباحاً سلمت الجوال عند الامن و اخذت رقم و صعدت الدور الاول ثم دخلت القاعة و وجدت الزملاء و الموظف الذي يطابق البيانات و يسجلها جلست امام الموظف اعطيته الاوراق المطلوبة للمطابقة و عندما انتهى منها اعطاني ورقة يوجد بيانات تعبيها الاسم ، الهوية ، المؤهل العلمي ، التخصص و يأتي اسفلها سؤال ما سبب تقديمك للنيابة العامة ؟ بعدها يأتي موظف اخر و يعطينا موضوع نعبر عنه في خلف الورقة و لا يوجد وقت محدد للاجابة عن التعبير عندما تنتهي تسلم الورقة و تنتظر اجراء المقابلة ، اجريت المقابلة الاولى بعد صلاة الظهر المقابلة الاولى اجريتها بالدور الثاني يوجد بها رجل على اليمين و حرمتين على اليسار دخلت و القيت عليهم تحيه الاسلام و سلمت الوثيقة و السجل الاكاديمي و الهوية للرجل و جلست على الكرسي سألني عرف بنفسك ؟ اثناء التعريف بنفسي وحدة من الحريم اللي بالنصف معطيتني ظهرها و تكلم بالجوال و تطالع مع الدريشة و بعدها قامت و غادرت المكتب و بقي الرجل على اليمين و حرمة على اليسار . و سألني ايضاً ماهي اهتماماتك ؟ ماهي هواياتك ؟ << هنا اجبت نوع من الرياضة وجه لي سؤال بعدها قال وش رايك في تطور الرياضة بالمملكة ؟ بعدها وجه لي سؤال اخر وش رايك في التحول الرقمي بشكل عام في المملكة ؟ و بعدها قالي بالتوفيق مرتين و قمت استلم وثائقي من الحرمة و قالت لي خطك حلو ما شاء الله و قلت فضل من الله و قالي الموظف مره اخرى بالتوفيق بعدها انتظرت المقابلة الثانية حتى حان وقتها و اجريتها بالدور الارضي دخلت يوجد بها رجل مطوع كبير في السن لابس غترة بيضة على اليمين و رجل اخر على اليسار القيت التحيه و قالي عطنى الوثيقة و خل الهوية معك اعطيته و جلست على الكرسي ( الشخص اللي باليسار بس يطالع فيك و يراقب تصرفاتك ) سألني المطوع عرف بنفسك ؟ عرفت بنفسي بعدها سأل متى تخرجت و اجبت حديث تخرج هذا العام ١٤٤٤ و قال عمرك ٢٦ وش سبب التأخير فذكرت له السبب بعدها سأل الوالد و الوالدة وين يشتغلون ؟ كم عدد اخوانك ؟ هل لك معارف بالنيابة ؟ بعدها بدا يسأل اسئلة علمية درجات التقاضي ؟ هل المحكمة العليا درجة تقاضي ؟ مراحل الدعوى الجزائية ؟ هل التنفيذ من مراحل الدعوى الجزائية ؟ حد الزنا ؟ حد السرقة ؟ حد المسكر ؟ عطني نظامين اجرائية و نظامين موضوعية ؟ و انتهت المقابلة و الله ولي التوفيق

خلصت مقابلتي اليوم الموضوع الحمله الامنيه ضد التطرف بالنسبه للجنه الاولى يسألونك عن الي سويته بعد تخرج سواء تدريب او مشروع تخرج بسس وبناء عليه يستخرجون اسئله في واحد منهم اسئلته مو واضه يعني شوي مو راكب السؤال واصواتهم م تنسمع فحاولوا تركزون مرا بذي نقطه المقابله الثانيه كانت علميه بحت ويسألونك عن اهلك وشغلهم افضل المقابله ثانيه من ناحيه المواضيح يطرحوها ( انتبهوا من ناحيه السؤال لان بيسأل اسأله مثلا لو كنت محقق واسندت لك نيابه قضيه لكن انت قد ترافعت عليها لما كنت محامي وش بتسوي؟؟؟ لو م كنت منتبه بتكمل تجاوب لكن الاجابه ان هذي القضيه لايجوز للمحقق لتوفر احد الحالات وانه رح تطلع من اختصاصه بعدين قال طيب وش يسوي قلت يخبر رئيس فرع نيابه ( هذي اجتهاد مني بس تقريبا صح) يعني بسؤال لو كنت محقق السؤال فيه خدع كثير ولفات انتبهوا لها الباقي سهلللل مرا