Hurfikr.uz

МАКТАБГАЧА ВА МАКТАБ ТАЪЛИМИ ВАЗИРЛИГИ ДИҚҚАТИГА! ДИРЕКТОРЛАР НЕГА НОРОЗИ? Бу ҳаётда директор ва ўқитувчилардек ўта андишали инсонлар бўлмаса керак. Чунки улар доим фидойи ва олижанобдир. Аммо ноҳақликка дуч келишганида ўз ҳақ-ҳуқуқларини талаб қилишда андиша қилишади. Андишанинг оти қўрқоқ бўлдими? Менга шикоят қилган бир мактаб директори исм-шарифини сир тутишимни тайинлади. Шунинг учун унинг исм-шарифини ва аниқ иш жойини кўрсатмасликка қарор қилдим. “13 апрель куни менга туман мактабгача ва мактаб таълими бўлимининг  кадрлар бўлими ходими қўнғироқ  қилиб “Опа, малакангизни оширгани Вазирлар Маҳкамасининг 681-сонли қарорида кўрсатилган яъни қўшимча  50 фоиз устама учун менежерлик курсига борасиз”, деди. “Ие, бу ариза асосида бўладику”, дедим. У эса “Билмадим, шунақа буйруқ келди”, деди. 15 апрелдан Абдулла Авлоний номидаги малака ошириш институтига ўқишга бордик. Шаҳар мактабларидан 60 нафар директор, республика бўйича 150 нафар директор ўқишни бошладик. Бизларни гуруҳларга бўлишди. Ўқий бошладик. Якунийда тақдимот қилишимиз керак. Тества кейс синовларига кирамиз. Тақдимот  10 кун олдин берилди. Тайёргарлик кўрдик. Тақдимотга кирдим. Комиссия аъзолари 5 кишидан иборат. Тақдимот вақтида икки маротаба фикримни бўлишди. Чунки комисссия аъзоларига кофе ва ликобчада нимадир олиб киришди. Чалғидим. Тақдимотим яхши эди. Аммо улар менга жудаям паст яъни 20,2 бал қўйишди. Кейин тест синовларига кирдим.  41 бал олдим. Ўтолмадим. Кўпчилик ўтолмади тестдан. 11 майда  тақдимот бўлди. 12 май куни соат 12:00 да тест бўлиши керак эди. Аммо соат 14:00 га, кейин яна 16:00 га тестни кўчиришди. Хуллас, асабларимиз қақшаб, тестга кириб чиқдик. Директорлар ҳайрон. “Нимага энди битта тест билан, тақдимот ҳаётимизни, ишимизни ҳал қиладими?” дея директорлар ҳайратланишди. Комиссия аъзолари “Қайта топшириш бўлади”, дейишди. Аммо жим. Бизни гуруҳдагиларга жудаям паст бал қўйишди. Бошқа гуруҳга эса юқори бал қўйишди.Нега, табақалаштириш бўлдими? Бу нарса таниш-билишчиликка бориб тақаляптими? Таълим вазири қаёққа қараяпти? Ота-онаси, таниш-билишини шаҳар мактабгача ва мактаб таълими  бўлим  бошлиғи  қилиб қўяверса, таълим нима бўлади? Таълим ботқоқликка чўкиб кетмайдими? Ҳайрон бўлганим, нима сабабдан мактаб директорини ариза ёзмасада, регистрациядан ўтмасада уни мажбурлаб ўқишга юборишади? Нима асосида буйруқ чиқаришди? Мактаб директорини мажбурлаб  ўқишга юборишди? Йил охири бўлса.Ҳамма ўз мактабида бўлиши лозим эмасмиди? Директорни шаъни шу 25 та тест, кейс ва тақдимотга қараб қолдими? Қайта топшириш деганда бошқа тақдимот ва бошқа тест берилиши керак эди. Аммо ноҳақлик бўлди. Қачонгача? Негадир қайта топшириш учун тақдимот ва тестдан ўтолмаганларни чақиришмаяпти. Нега? Ўзбекистон Республикаси Вазирлар Маҳкамасининг 25.12.2023 йилдаги 681-сон қарори билан тасдиқланган “Давлат умумий ўрта таълим муассасалари директори лавозимига номзодларни менежерлик ўқув курсларида ўқитиш ва уларга менежерлик сертификатини бериш тартиби тўғрисида”ги низомининг иловасидаги 12 бандида “Ўқув курсларига жалб этилган номзодлар рўйхати уларнинг аризалари асосида Институт томонидан шакллантирилади ҳамда тасдиқланади” дейилган. Шу ўринда ҳақли савол туғилади: Директорлар ариза берганмиди? Кимнинг аризаси қайд этилган? Юртбошимиз директорларни “...мактаб таълими соҳасидаги ислоҳотларимизни амалга оширишда мен сизларни ўзимнинг энг яқин ёрдамчим, деб биламан. Мен сизларнинг тимсолингизда ўз ҳаётини дунёдаги энг улуғ ва олижаноб ишга – янги авлод тарбиясига бағишлаган, ўз касбига содиқ ва фидойи инсонларни кўраман. Ватанимиз, халқимиз сизларнинг бундай олижаноб хизматларингизни ҳеч қачон унутмайди” дея таъкидлаганди. Бироқ юртбошимизнинг айтганларига айримлар амал қилмаяпти. Директорларнинг меҳнатини қадрламаяпти! Директорнинг шаъни, қадр-қиммати, ишчанлик обрўсини ким ҳимоя қилади? Бу ҳолат қачонгача давом этади? Мутасаддилардан жавоб кутамиз! Хонбиби Ҳиммат қизи, Ҳурфикр.уз сайти мухбири https://t.me/Hurfikruznews

Тошкент тумани Келеси йўлида содир бўлган ЙТҲ натижасида Toyota Land Cruiser ҳайдовчиси вафот этгани маълум бўлди Расмий хабарга кўра, 24 май куни соат таҳминан 08:00 ларда Тошкент вилояти Тошкент тумани ҳудудидан ўтган 4Р4 «Тошкент ш-Келес-Қозоқкентсой қ» автомобиль йўлининг 1 километрида ҳайдовчи 31 ёшли Р.Р «Toyota Prado» русумли автомобилини Келес-Тошкент йўналиши бўйлаб бошқариб келаётган вақтида бошқарувни йўқотиб, қарама-қарши йўналишга чиқиб кетган ва «Cobalt», «Damas» ҳамда «Spark» билан тўқнашув содир этган. Натижада «Toyota Prado» ҳайдовчиси воқеа жойида вафот этган. Қолган ҳайдовчилар туман марказий шифохонасига олиб борилиб, биринчи тиббий ёрдам кўрсатилди. https://t.me/Hurfikruznews

ФЕСТИВАЛ БЎЛИБ ЎТДИ Тошкент вилояти Бўстонлиқ тумани “Greeh Hills Resort” оромгоҳида Ўзбекистон Қаҳрамони, Халқ шоири Эркин Воҳидовнинг хотирасига бағишланган “E VOH” анъанавий ижодий фестивал бўлиб ўтди. 1952 йилда Э.Воҳидов адабиёт майдонига “Мен жилғаман” дея кириб келди. Сўнгра дарёга, уммонга айланди. Фестивалда устозларимиз Иброҳим Ғофуров, Аҳмаджон Мелибоев, Эркин Аъзам, Нодир Жонузоқлар Эркин Воҳидов ҳақида сўзлашди. Фарғонада келган Эркин Воҳидов ижод мактаби ўқувчилари баҳру байт айтишди. “Руҳлар исёни” асаридан бир кўриниш намойиш этишди. Юртбошимиз табригини Президент матбуот котиби Шерзод Асадов ўқиб эшиттирди. Тошкент вилояти ҳокими Зойир Мирзаев шахмат челленжда ғолиб бўлган Иброҳим Ғофуровни табриклади. Шоирнинг ўғли Хуршид Воҳидов  Эркин Воҳидов ижод мактаби ўқувчиларига фестивал статуэткаси ва совғалар топширди. Ташкилотчиларга ўз миннатдорчилигимизни билдирамиз. Хонбиби Ҳиммат қизи, Ҳурфикр.уз сайти мухбири https://t.me/Hurfikruznews

Имконият ҳаммага берилади... Эълонда шундай ёзилганди: - Денгиз бўйидаги уч қаватли вилла сотилади. Бассейн ва боғи бор. Нархи бир доллар. - Бемаънилик! - минғирлади дайди ва газетани ирғитиб юборди. Кўчада егулик излаб юриб, деворга осилган эълонга кўзи тушди: - Денгиз бўйидаги уч қаватли вилла сотилади. Бассейн ва боғи бор. Нархи бир доллар. - Адашиб ёзишганмикин? - ўйлади у ва йўлида давом этди. Шоҳкўчага чиққач, катта қилиб ёзилган эълонни кўрди: - Денгиз бўйидаги уч қаватли вилла сотилади. Бассейн ва боғи бор. Нархи бир доллар. Дайди ўйланиб қолди. У бундай эълонни қайси аҳмоқ ёзганлигини билишга қизиқди ва текшириб кўрмоқчи бўлди. Унинг чўнтагида бир долларидан бошқа йўқотадиган нарсаси йўқ эди. Эълондаги манзилга бориб, виллага кўзи тушди. Эшик қўнғироғини чалди. Эшикни бир гўзал аёл очди. - Кечирасиз, эълон бўйича келувдим. Бу ҳазилми? - Нима деяпсиз! Асло, ҳазил эмас. - Нархини айтаман: бир долларми? - Ҳа бир доллар. Агар сотиб олишни истасангиз, марҳамат, кириб кўришингиз мумкин. Кўрганларидан қувончга тўлган дайди сўнгги долларини аёлга берди ва муҳташам вилла соҳибига айланди. Лекин барибир унинг нархи нима учун бунчалик арзонлигини билишга қизиқди. Аёл унга жилмайганича жавоб берди: - Марҳум эрим ўлимидан олдин қилган васиятида ушбу виллани сотишимни ва пулини унинг маъшуқасига беришимни айтган. Эримнинг васиятини бажаришим керак-ку. Эълон ярим йил осилиб турди ва биргина сиз ушбу эълонга қизиқиб келдингиз. https://t.me/Hurfikruznews

Дунё давлатларининг 70%и Фаластин давлатини тан олади. https://t.me/Hurfikruznews

​​Путиннинг қайта сайланганидан кейинги сафарлари нимани англатади? ...Хитой – Белaрусь – Ўзбекистон. Бу Путиннинг қайта сайлангандан кейин сафар қилган, қилаётган давлатлари. Айни рўйхат яна кенгайиши мумкин. Масалан, сафга посткоммунистик давлатлардан яна бир иккитаси ёки Африка, балки Жанубий Америка қитъасидан баъзи мамлакатлар қўшилар, аммо бу сафарлар характер нуқтаи назаридан, дейлик, бундан беш-олти йиллардаги "визит"лардан фарқ қилади. Нега? Чунки бугун рус сиёсий элитаси жуда яхши биладики, уларга ҳеч кимнинг "кўзи учиб тургани йўқ". Жаҳон давлатлари Россия билан пинҳона "кўз уриштиришдан" тийилишга ҳам тобора кўпроқ эҳтиёж сезмоқда. Буни биз Хитойга қилинган илк ташриф натижалари мисолида ҳам кўрдик. Унда сафарлардан кутилган наф нимада? Назаримда, бу ерда гап "сиёсий нафсоният"ни тиклаб олиш ёки биз, ўзбеклардаги қадриятга ўхшаш "элнинг назаридан ўтиш" ёки "белги бериш", сиёсий лисонда гапирганда, янги бошқарувнинг легитимизацияси  ҳақида бўлиши мумкин. Яъни мен қайта сайландим ва мени ҳамон тан олишмоқда, деганга ўхшаш. Аммо бир нарса тобора очиқ-ошкор кўриниб бораётирки, бугун Россия билан ҳамкорлик қилиш ҳар қачонгиданда ўнғайсизлик туғдиради. Бунга эса фақатгина Путин шахсияти эмас, балки рус сиёсий элитаси, зиёлиларининг империяпарастликка мойил дунёқараши мой пуркаб турибди. Айни қараш рус маданий оламининг авангардлари, рус дунёсининг маънавий пирлари бўлган А.Солженицин  ва, ҳатто, И.Бродский ҳам рус империясини "тақдирнинг унга берган инъоми" эканидан шубҳаланмаган. Энг таассуфлиси, Путиннинг ашаддий танқидчиси бўлган, рус мухолифатчиси Алексий Навальнийнинг беваси Юлия Навальная ҳам рус империализмини қўллайди. Путин ҳокимиятини танқид қиларкан, у Россиянинг империя сифатидаги ролини қўллаб-қувватлайди. Хуллас, бугун гап сиёсатчилар, шоирлару зиёлилардан кўра кўпроқ мафкурада, бир неча аср илгари Пётр томонидан ишлаб чиқилган ва рус маданий тафаккурига қўрғошиндай қуйилган   "империячилик" даъвосида... Таассуфки, рус жамиятида бугунги глобал дунё нуқтаи назаридан ўша эски концепцияни қайта кўриб чиқишга илҳомлантирадиган куч мудом кўзга ташланмаётир. https://t.me/Hurfikruznews

Кун фотоси Намозшомгул Муаллиф: Хонбиби Ҳиммат қизи https://t.me/Hurfikruznews

#Диққат ⚡️Бугун Тошкентда кун бўйи ёмғир ёғиши кутилмоқда Синоптикларнинг хабарича, Тошкентда бошланган кучли ёмғир фақат соат 17:00 атрофида тўхтайди. https://t.me/Hurfikruznews

Камбағалларга аталган "текин" қуёш панели қайси ўғри олигархни бойитади? 20 мингга яқин муҳтожларга 1.5 -2,0 кВтли қуёш панеллари бепул ўрнатилади, дебди Энергетика вазири Мирзамаҳмудов. Мирзамаҳмудов "бепул" панель бўлмаслигини яхши билади. Ўтган йилги панель кампаниябозлиги эсингиздами? Мажбурий ура-ура ортидан каррасига қимматлаган панеллардан ким триллионлаб фойда кўрди, деб ўйлайсиз? Энергетиками, йўқ. Бизнесми, йўқ, бюджет ташкилотларими, йўқ. Фақат паразитлар. Бу сафар бошқача бўлади, нимадир ўзгаради, деб ўйлайсизми? 15 млн. лик 1.5 -2,0 кВтли қуёш панелларини камида, ундаям инсоф қилишса, 30 млн.дан уришади. Бу 600 млрд.сўм бюджет пули дегани. Сиз нима деб ўйлайсиз, Алабамада ўқиган Мирзамаҳмудов ўша 600 млрд.сўмни муҳтож оилаларга 30 млн.сўмдан тарқатса, шу 30 млн.сўмга муҳтож оилалар, ижтимоий норма эмас, тижорий тарифларда 5 йил свет ёқишини билмайди, дейсизми? Яхши билади. Лекин 600 млрд.сўмга ўғри олигарх кўз тикса, у нима қилсин? Отабек Бакиров, иқтисодчи https://t.me/Hurfikruznews

Ўзингда йўқ бўлган нарсани эмас, ўзингда бор нарсани фикрла! Зеро, сенда бор нарса Аллоҳнинг марҳамати, сенда йўқ нарса Аллоҳнинг эса ҳикматидир. https://t.me/Hurfikruznews