«ШАРҚ ЮЛДУЗИ» журнали

#Эълон 🔷Жорий йилнинг 25-июн куни соат 15-00да Алишер Навоий номидаги Ўзбекистон Миллий кутубхонасида бўлиб ўтадиган "Кутилмаган учрашув" номли адабий-бадиий, маънавий-маърифий тадбирга таклиф этамиз. Ушбу таниқли тожик адибаси, филология фанлари номзоди, Тожикистон Республикаси,  шунингдек, Россия Ёзувчилар иттифоқлари аъзоси, халқаро мукофотлар соҳибаси Гулсифат Шаҳидийнинг "Қўшнижонлар" ҳамда "Ахриман зулмат ҳукмдори" китобларининг тақдимоти бўлиб ўтади.

#Шарқ_юлдузи (2024/03) #Назм Фармон ТОШЕВ ХУШ ФАЗИЛАТ ЯХШИДУР Қилмайин ҳурмат, сира кутма ҳурмат ўзгадин, Шиддатинг борида сен сўрма ҳиммат ўзгадин. Эл сени топмоғи мушкул, гар ўзингни топмасанг, Келмагай умринга, бил, қадру зийнат ўзгадин. Аҳли оқил мушкулотда айбни ўздин ахтарур, Гар у огоҳ, феълига келмайди иллат ўзгадин. Шул азиз туфроғ – Ватан, бахт, иқбол шундадур, Кимса топганму шараф, тинчу хилват ўзгадин. Қалбу иймон пок агар, ҳазрати инсон бўлур, Бандага вожиб эмас ихлос ва сийрат ўзгадин. Англагай дунёни одам некбин нигоҳи бирла у, Ҳамда истаб излагай ибрат ва хислат ўзгадин. Бирлашинг, бирликдадур халқ обрў, қудрати, Оғзи бир эл титрамас келганда туҳмат ўзгадин. Фармоно, эл дардига малҳам бўларни ўйлагин, Неажаб, ўз шаънини олмайди миллат ўзгадин. Тўлиқ ўқиш

#Шарқ_юлдузи (07/2020) #Наср НОВ БОШИДА ИККИ МОМОКАЛОНИМ Эркин Аъзам

“Келинг, Эркинбой, бир гурунг қилайлик…” Ғойибона суҳбатдош саволсўроғини нимадан бошлаган бўларди дейсиз? Албатта: қачон, қаерда туғилгансиз? Ота-онангиз ким? Болалигингиз қандай ўтган? Эсингизда қолган бирор ёрқин, мароқлироқ воқеани айтиб берсангиз? Адабиётга қизиқишингиз нимадан бошланган? Илк машқларингиз нима ҳақда эди? Ва ҳоказо, ва ҳоказо. Бу каби саволларга мен бирда ёзма, бирда оғзаки (радио ва телевизор орқали) кўп марталаб жавоб қилганман. Илк севги, вафо-бевафоликка ўхшаган нозикроқ мавзуларга келганда эса ҳеч қачон тўғридан-тўғри жавоб берилмаган – одоб-ахлоқ ва шаън масаласи бор ўртада; мушкулроқ эса-да, буларни бадиий ёзмалардан “пайпаслаб” билиб олса бўлар.

Тўлиқ ўқиш

ТАЪЗИЯ Таниқли адиб, Ўзбекистон халқ ёзувчиси Эркин Аъзам ва у кишининг яқинларига оналари Рухсатой аянинг вафоти муносабати билан таъзия билдирамиз. Оламга Эркин Аъзамдек забардаст адиб, миллатимизга асл фарзанд берган момомизнинг ортида қолганларга Оллоҳ гўзал сабр берсин. "Шарқ юлдузи" ва "Звезда Востока" журналлари таҳририяти. Бизни кузатиб боринг: Telegram|  Facebook | web-sayt

#Шеърий_таржима #Байрам_Али *** Ёде дигар зи ишқу муҳаббат намекунам, Виҷдон дард мекашад, гар ёд мекунам. Шеъре дигар насароям ман зи умқи дил, Аз дарди шеър нолаю фарёд мекунам. Дар сӯхтан зи ишқ накунам гиряе дигар, Армон агар хуруҷ кунад, гуям, ки хоб буд. Чун шаб равам ба бистару хобам намебарад, Ин гиряи дарун ба чашмам сароб буд. Эҳсоси ман намонда ба ишқу ба зиндагӣ, Меҳрат намо ба дигаре тақдим, ёри ман. Дар хона интизор маро қалби ғампараст, Нохонда сад китоби дигар интизори ман. Таржимон: Давлат Қувват.

#Шарқ_юлдузи (2024/03) #Наср Байрам Али Икки ҳикоя Бу воқеага кўп бўлган эмас, олти йил бурун, атиги олти йил бурун бўлиб ўтганди. Эл ичра тирик афсонага айланган шундай бир одамнинг икки кундан бери оғзи кўпириб, мислсиз қийноқлар ичида жон талашиб ётишини кўрган одам ишонгиси келмайди. Ахир муқаддас китобларда номи ойдин, элнинг ияк суяган устунлари эмас, юзи туман, қилмиши қора кимсаларнинг қийналиб жон бериши ёзилган эмасми?! Тўлиқ ўқиш Бизни кузатиб боринг: Telegram|  Facebook | web-sayt

#Туғилган_кун Бугун "Шарқ юлдузи" журнали муҳаррири, серқирра ижодкор Байрам Али туғилган кун. Байрам АЛИ – 1991 йил, 23-июнда Қашқадарё вилоятининг Қамаши туманида туғилган. Алишер Навоий номидаги Тошкент давлат университетининг ўзбек тили ва адабиёти факультетини тамомлаган. Ижодкорнинг 📚“Болангман, Дунё” 📚 “Куз ёмғирлари” каби китоблари чоп этилган. Асарлари инглиз, рус, тожик тилларига таржима қилинган. "Босириқ" номли қисса ва ҳикоялар тўплами, "Эътиқод манзил эмас, йўлдир" номли публицистик китобилари нашр этилиш арафасида. "Шарқ юлдузи" ва "Звезда востока" бирлашган таҳририяти ижодий жамоаси ижодкорни ушбу сана муносабати билан самимий қутлайди.

#Шарқ_юлдузи (2024/03) #Наср ОЙДИННИСО ЧАП ҚОВУРҒА (ҳикоя) Қандай кечиради? Кечирмаса, қандай яшайди? Бир пайтлар мана шу озодликка қарши курашмаган эдими? Мана шу эркин қанотларини қайиришни, ихтиёрини унга топшириб, унинг хоҳиш-иродасига кўра иш кўриб бахт топишни, бу оламда чангини ҳам қолдирмай йўқ бўлиб кетиш ва унга айланишни, у билан бир жону бир тан бўлишни хоҳламаган эдими! Мана энди, ўзининг йўқлигини англаб қолган бир фурсатда нималар қилиб қўйганини, унинг учун нималардан воз кечганини, оқибатда эса қандай “эътироф”га раво кўрилганини ўйлаб, чидаб бўлмаяпти. Ўзидан воз кечиб кимга айланди?.. Тўлиқ ўқиш https://sharqyulduzi.uz/2024/06/22/%d0%be%d0%b9%d0%b4%d0%b8%d0%bd%d0%bd%d0%b8%d1%81%d0%be-%d1%87%d0%b0%d0%bf-%d2%9b%d0%be%d0%b2%d1%83%d1%80%d2%93%d0%b0-%d2%b3%d0%b8%d0%ba%d0%be%d1%8f/

#Шарқ_юлдузи (2024/02) #Назм Миразиз АЪЗАМ ҲАҚИҚАТНИНГ СУВРАТИ-ЛА ХАЁЛНИ ЁРИТ *** Мен қоя эканман, сен эса дарё, Менга бир урилдинг, кетдинг илгари. Сени деб балки мен қилганман хато, Балки илк севганлар адашса бари. Ҳар ҳолда, муҳаббат мўйқалам экан: Қалбимга сиймонгни нақшбанд этди. Ширин бир орзумни мағлуб этса ҳам, Ҳақиқий ҳаётдан дарс бериб кетди. Тўлиқ ўқиш

📹 Азиз Саид Абдували Қутбиддин ҳақида