Hodiy_uz | Расмий канал

Тунда туриб ҳеч бўлмаса икки ракъат намоз ўқишимга сабаб бўлган маълумот Тунда туриб намоз ўқиладиган уйдан нур чиқади ва бу нур осмон аҳлига ҳудди бизга осмондаги юлдузлар кўрингани каби юлдуз бўлиб кўринади. Фаришталар намоз ўқилаётганлиги учун нур чиқаётган уйларни кўриш учун ерга боқадилар. Энг ажабланарлиси, фаришталар ҳар куни нур чиқиб турган уйга қарашга одатланиб қолганларида ўша уйнинг аҳли бир кун намоз ўқимай қўйса, нур чиқмай қолади ва фаришталар бир-бирларидан бунинг сабабини сўрашади. Шунда уларга уйнинг эгаси касал бўлиб қолди ёки бирор ташвиш туфайли тунда туриб намоз ўқий олмади, дейилса фаришталар ўша уйнинг аҳлига шифо сўраб ёки ташвишларини аришини сўраб дуо қиладилар. Чунки, улар яна ўша нурнинг пайдо бўлишини истайдилар. @hodiy_uz

Уйланмоқчи бўлсангиз яхши аёлларни ахтарманг, балки яхши эркакларни ахтаринг. Яхши эркакларнинг уйларида яхши аёллар бўлади. Бу сўзнинг маъносини фақат озчиликкина тушунадилар. Қизларингизни назорат қилинг, зеро арслонлар қўриқлаган дарахтга маймунлар осилмайдилар. (Имом Шаъровий) @hodiy_uz

“... албатта, намоз мўминларга вақти тайин фарз бўлгандир” (Нисо сураси 103-оят) 2024 ЙИЛ 05 ИЮЛ (1445 ҳ - 29 Зулҳижжа ) ЖУМА КУНИ УЧУН НАМОЗ ВАҚТЛАРИ ТАҚВИМИ (Навоий вақти билан) ⏰ ТОНГ - 03:35 Жамоат вақтлари ⏰ ҚУЁШ - 05:15 Жамоат в. 04:35 ⏰ ҚИЁМ - 12:43 Жамоат в. 13:00 ⏰ АСР - 17:54 Жамоат в. 18:20 ⏰ ШОМ - 20:15 Жамоат в. 20:20 ⏰ ХУФТОН-21:47 Жамоат в. 22:00 @hodiy_uz

БОЛАНИНГ СИЙДИГИ ТЕГСА ТАҲОРАТИМ БУЗИЛМАЙДИМИ? #қисқа_савол_жавоблар ❓CАВОЛ: 2 ёшли болам бор, сийдиги тегса таҳоратим бузилмайдими? 💬 ЖАВОБ: Бисмиллаҳир Роҳманир Роҳим. Боланинг сийдиги тегса таҳорат бузилмайди, балки теккан жойини ювиб ташланади. Танага ёки кийимга четдан бошқа нажосатлар текканда ҳам шундай қилинади. Валлоҳу аълам. Ўзбекистон мусулмонлари идораси Фатво ҳайъати. Дўстларингизга ҳам улашинг: @hodiy_uz

#ҲАДИС Абу Қатода розияллоҳу анҳудан ривоят қилинади: “Мен Расулуллоҳ соллаллоҳу алайҳи васалламнинг: “Ким қарздоридан (мушкилини) аритса ёки кечиб юборса, Қиёмат куни Аршнинг соясида бўлади”, деётганларини эшитдим”, деди”. Аҳмад ривоят қилган. Дўстларингизга ҳам улашинг: @hodiy_uz

Жаброил алайҳиссалом айтадилар: Эй, Муҳаммад! Аллоҳ таоло мени яратганида ўн минг йилгача ўз исмимни нима эканлигини билмаганман. Сўнгра менга: Эй, Жаброил!-деди. Шундагина исмим Жаброил эканлигини билдим ва: Аллоҳим лаббай, дедим. Аллоҳ таоло: Мени улуғла, деди. Мен уни ўн минг йил улуғладим. Сўнгра: менга тасбиҳ айт, деди. Мен унга ўн минг йил тасбиҳ айтдим. Сўнгра: менга ҳамд айт, деди. Мен унга ўн минг йил ҳамд айтдим. Сўнгра менга Аршнинг пойи кўрсатилди. Унинг пойида ёзилган сатрни кўрдим. Менга уни тушунтирди. У "Ла илаҳа иллаллоҳу Муҳаммадун расулуллоҳ" деган жумла экан. Мен: Ё, Раббий! Муҳаммад расулуллоҳ ким у?-деб сўрадим. У менга: Ё, Жаброил! Агар Муҳаммад бўлмаганида сени яратмаган бўлардим. Балки, агар у бўлмаганида жаннатни ҳам, дўзахни ҳам, қуёшни ҳам, ойни ҳам, ҳатто бу коинотни яратмаган бўлар эдим. Ё, Жаброил! Муҳаммадга салавот айт, деди. Мен СИЗГА ўн минг йил салавот айтдим, деди. @hodiy_uz

Гапираётган гапларига бир кун келиб ҳисоб беришини билган одам жуда ҳам кам гапиради, зарур бўлганда гапиради. Умар ибн Абдулазиз (р.а) @hodiy_uz

#Ҳадис Анас розияллоҳу анҳудан ривоят қилинади:«Набий соллаллоҳу алайҳи васаллам:«Барча одам боласи хатокорлардир. Хатокорларнинг яхшиси сертавбалардир», дедилар». Термизий, Аҳмад ва Ҳокимлар саҳиҳ санад ила ривоят қилганлар. Дўстларингиз билан улашинг @hodiy_uz

#Оят Аллоҳ таоло марҳамат қилади: «Эй, имон келтирганлар! Аллоҳга чин тавба қилингиз, шоядки, Раббингиз сизларнинг гуноҳларингизни ўчириб, остидан анҳорлар оқиб турадиган (жаннатдаги) боғларга киритса!» (Таҳрим сураси 8-оят). @hodiy_uz