منبع الامل👀🤎

وفي يوم رجعت البيت ولقيت البيت هادي عرفت ان المجنون الصغير نايم بس استغربت إن اسراء مش باينة، وبعد شوية اخدت بالي إن باب البلكونة مفتوح عرفت إنها في البلكونة. دخلت البلكونة بهدوء لقيتها قاعدة على كرسي وقدامها ترابيزة وماسكة قلم وورقة وبتكتب حاجات فيهم من التليفون، جه في بالي إنها بتكتب مكونات طبخة جديدة أو طريقتها. قعدت جنبها وابتسمت: _بتعملي اي يا اسراء. _حمد لله على السلامة الأول. _يسلم قلبك. _أنا بكتب حاجات بتعلمها. _بتتعلمي اي وريني. حاستها متوترة أو محروجة توريني بتتعلم اي _مالك سكتي ليه. _بص هو في مدربة بتعلمنا إزاي نربي الطفل ونعلمه وإزاي اتعامل معاه.. فأنا بسمعها وبكتب وراها علشان احفظ. ابتسمت لا إراديًا رغم فرق التعليم إلي كنت باصص ليه الإ إنها بتفكر بطريقة ايجابية، وبتفكر في ابنها وعايزة تربيه كويس، جه في بالي سماح هل لو كانت خلفت كانت هتهتم بيه كدا!... _هو دي حاجة وحشة كدا تستدعي التريقة؟. _لا يا حبيبتي دي حاجة حلوة جدًا وفرحتني كمان. فرحت جدًا وسابتني وقامت علشان تجهزلي الغدا. بعد تلات سنين فاتو كانو أحلى أيام حياتي، عرفت فيهم معنى الأسرة والدفى، حبيت بل عشقت البنت إلي مَلت قلبي بضحكتها واهتمامها وعفويتها. في يوم كنت نايم وفجأة لقيت ايد بتخبط فيا وبينده: _بابا... يا بابا.. فوقت كدا وبصتله وابتسمت _نعم يا حبيب بابا.. هو أنا مينفعش ارتاح في البيت دا شوية. _لا يا بابا يلا علشان نروح نصلي في الجامع. ابتسمت وأنا عارف إن دا تعليم اسراء. _حاضر يا سيدي هلبس ونروح سوا. فعلًا لبست واخدته ونزلنا صلينا سوا، من ساعة ما اتعلم المشي وهو بيروح معايا الجامع ودا كان طلب اسراء إني احببه في الجامع. رجعنا البيت لقيت ريحة الاكل تجوع ابتسمت: _يابنتي حرام عليكِ أنا بقى كرشي مترين قدام ارحميني من واصفاتك الجديدة. ضحكت واتكلمت: _كل براحتك يا حازم متخافش مش هقولك طلقني علشان بقيت بكرش. _نعم نعم يا حبيبتي ماله الكرش يا عنيا دا حتى إلي معندوش كرش ما يسواش قرش. ضحكت على كلامي وقعدنا اتغدينا سوا، جه أنس ومعاه جزء صغير وادهولي _بابا اتفضل سمعلي. أخدت الجزء منه وبدأت اسمعله وبعد ما خلص بصلي: _يلا بقا أنا اسمعلك اوعى تكون محفظتش ماما مش هتديك الحاجة الحلوة. ضحكت عليه واتكلمت: _لا يا سيدي حفظت وهسمع بس هات ماما علشان تسمعلي معاك يلا. _حاضر. جري على اسراء وجابها وجه، قعدت جنبي واخدته على رجلها وابتسمت: _يلا يا حازم والإ مش هتاخد الحاجة الحلوة. ضحكت وبدأت ارتل القرآن قدامهم ومبسوط جدًا إن دي اسرتي وإن دا منهجنا وإن ابني بالتعلق الكبير بالله دا، اسراء مكنتش مناسبة ليا في التعليم بس طلعت اشطر مني في التربية، وأنا لوحدي مكنتش أبدًا هعرف اربي أنس على التربية السوية والدينية كدا، الفضل كله لربنا ثم ليها. كانت بتفضل طول الليل تجيب أحاديث من النت وتفسريها وتحفظها كنت بحسب إن دا ليها هي بس كنت باجي بالنهار من الشغل الاقيها بتردد الحديث هي وأنس سوا لحد ما أنس يحفظه. كانت بتخليه كل يوم بعد صلاة الظهر يقعد يسمع قرآن لحد ما بقى عادة في يومه ولازم يعملها. وفي يوم دخلت عليها الأوضة لقيتها مبسوطة أوي ابتسمت واتكلمت: _اي مفرحك أوي كدا؟.. _علشان شوفت أنس النهاردة واقف امام بزمايله وبيصلي بيهم. ابتسمت بحب _دي ثمرة نجاحك يا اسرائي. _تعرف أنا مبسوطة كمان من اي يا حازم. _من اي يا قلب حازم. _وأنا في الدبلوم واحدة قالتلي أنتِ مش بتاعة تعليم عالي مش هتعرفي تربي عيال.. أنا خوفت إن بجد دا يحصل بس دا كان تحدي ليا كبير. _اممم ونجحتي في التحدي يا أم أنس. الشهادة مش مقياس ❤. قال رسول الله " الدنيا مَتاع وخير مَتاع الدنيا المرأة الصالحة" ❤ ------------------------♡ لـ هاجر جمال " سندريلا "

_واخد بالك إنك مبقتش طايقني ولا بقيت تحبني؟. بصيتلها بغيظ مكتوم جوايا واتكلمت: _اي رأيك تحطي نفسك مكاني؟.. حطي نفسك مكاني وشوفي هتستحملي إلي أنتِ بتعمليه ولا لا. _أنا بعمل اي مضايقك يا حازم. _ولا حاجة يا سماح... ياريت تبطلي كلام بقا وتسكتي. سكتت فعلًا ومشيت من قدامي والحمد لله إنها مشيت لأن خلاص كنت جبت أخري منها وشوية وهقوم امسك في خناقها، مش شايفة نفسها غلطانة بعد كل إللِ بتعمله من اهمال ليا وللبيت، من رفضها للخلفة من.. من.. من.. لما بقيت خلاص مش طايق والكارثة إني كنت عارف إنها بتشتغل ووافقت على كدا من الأول. عدى كذا يوم ورجعت البيت بعد الشغل لقيتها قاعدة بهدوم خروج وواضح إنها لسة راجعة من الشغل بصيتلها واتكلمت: _مالك لابسة ليه وراحة فين؟. _مش راحة أنا لسة راجعة من الشغل. _ااااه يعني ممعملتيش غدا؟. __أكيد لسة معملتش يا حازم. _ومالك منشكحة أوي كدا ليه... قوليلي يا سماح يا حبيبتي. _خير؟. _لما ابقى راجع من الشغل جعان وطلعان عيني المفروض اقوم اعمل لنفسي غدا كمان؟.. علشان الهانم كانت في الشغل ولسة جاية وملحقتش تعمل اكل. _منا قولتلك مرة هات واحدة تساعدني في شغل البيت اي المشكلة في كدا ما أنا كل صحابي في الشغل بيعملو كدا. _أنا مال أهلي بصحابك أنا واحد مبيحبش ياكل غير من ايد مراته أنا حر ومفيش واحدة هتيجي تساعدك... ومن الأخر يا سماح يا تشوفي بيتك عايز اي وتقعدي من الزفت دا يا اما كل واحد يروح لحاله. _أنت بتساومني يعني ... بتقارن بينك وبين شغلي وأنت عارف إن شغلي أهم حاجة في حياتي أنا متعبتش وسهرت وذاكرت وصرفت اد كدا على تعليمي وفي الأخر اقعد في البيت. _وأنا كنت موافق من الأول ومقولتش إنك تقعدي في البيت الإ لما لقيت اهمالك في البيت وفيا حتى العيل إللِ عايزه مش عايزة تجيبيه أومال متجوزة ليه لما أنتِ مش عايزة تخلفي... سماح أنا قولت إلي عندي يا الشغل يا أنا. _تمام يا حازم وأنا هختار الشغل. _تمام أنتِ طالق وبالتلاتة. خرجت وسبتها مصدومة من انفعالي وطلاقي ليها، أنا عارف إنها مكنتش تتوقع النتيجة دي وبتحسبها خناقة عادية زي كل مرة بتخلص بإني اصالحها بس المرة دي أنا إلي جبت أخري وقررت ادوس على قلبي وابعد. نزلت لأمي وأنا وشي عليه الجمود والصدمة وقعدت، جات جنبي وكأنها كانت سامعة بإلي حصل: _مالك يا حبيبي. _ولا حاجة يا ماما. _منا يا حازم قولتلك وأنت مسمعتش كلامي.. قولتلك يا حبيبي اجوزك بنت خالتك بس أنت رفضت وقولت لا دي بدبلوم وأنا عايز واحدة بكلية تناسبني مبقاش أنا في هندسة وهي دبلوم. اتنهدت بصوت وسكت عندها حق أنا إلي جريت ورا التعليم ونسيت معايير تانية كتير، اقتنعت إن التعليم مش كل حاجة فيه حاجات بتبقى ظاهرة حلوة أوي بس في الجوهر أوحش من الواقع بكتير، تقبلت إنها تشتغل، اديتها حقوقها بس هي إللِ جات على حقوقي. بصيت لأمي وسكت بس هي اتكلمت: _هتعمل اي دلوقتي. _طلقتها. _منا عارفة إنك طلقتها هتعمل اي هتتجوز بنت خالتك. _مش هتجوز حد يا ماما فكك من الحوار دا. مشيت وعدى شهر واتنين وأنا مازلت عند كلمتي مش عايز اتجوز ومش عايز اجرب تاني، بس إلي اكتشفته إني مكنتش بحب سماح وعرفت إنه كان اعجاب بس والدليل إني متعبتش من بعدها. عدت الأيام وفي يوم كنت راجع من الشغل لقيت عندنا بنت خالتي، عرفت إن أمي هي إلي جابتها علشان اشوفها واخد بالي منها أكتر، دخلت اوضتي وقفلت الباب بعد ما رحبت بيها، بعد شوية لقيت الباب بيخبط وأمي دخلت: _اي يا حبيبي مش هتتغدا. _اه هتغدا. _طب يلا غير بسرعة وتعال دا اسراء إلي عملالك الأكل بإيديها. كنت عارف إنها بتضحك عليا بس حبيت مكسفهاش وابتسمت وسكت، بعد شوية خرجت وكلنا سوا ودخلت نمت. عدى يومين وجات أمي بالليل وخبطت على الاوضة ودخلت: _أنت صاحي يا حبيبي. _أه يا ماما صاحي في حاجة. _كنت عايزة اتكلم معاك.. مش ناوي تتجوز بقا وتفرحني بحتة عيل. _ماما أنتِ عارفة رَدي. _علشان خاطري يابني اسمع كلامي المرة دي وأنت هتكسب. سكت شوية وبدأت افكر في الموضوع، كنت في الأول ماشي ورا دماغي وكانت النتيجة طلاق، المرة دي همشي ورا كلام أمي يمكن ينفع. _ماشي يا ماما بلغي خالتو إننا هنروحلهم بس عرفيها إن هيبقى كتب كتاب وفرح عالطول. _من عيوني يا حبيبي. خرجت وكانت فرحانة جدًا ونفسها تزغرط من فرحتها وفعلًا اتجوزنا بعد شهر ومن يومها وأنا حاسس براحة كبيرة رغم إني مش واصل لدرجة الحب مع اسراء الإ إني مرتاح جدًا في وجودها في البيت في غيابي، ولما ارجع من الشغل بلاقيها مستنياني، ووقت فراغنا بتديلي كل وقتها على عكس سماح خالص كان كل وقتها للشغل يعتبر أنا كنت أخر همها. وبعد سنة ربنا رزقنا بطفل صغير كان كل فرحتي وسعادتي في الحياة، الحاجة الوحيدة إلي كنت بتمناها في الدنيا. بقا هو دا مصدر البهجة في البيت كله وارجع من الشغل بسرعة علشان اقعد معاه ونلعب سوا.

*لا يتعافى المرء بصُحبةٍ، ولا بوجودِ حب، ولا بوجود مال، بل يتعافى بقدر رضاه، وبقدر صلته بالله، وبقدر كونه حقيقي، بكونه جميل داخليًا لا ظاهريًا فقط، يتعافى المرء بقدر صراحته وصدقه، ولينه ووده، وحنانه على نفسه قبل غيره، وهوان أخطاء الناس على روحه.. يتعافى المرء بقدر قربه من ربّه.*💚

و أشد الفتن.. أننا أصبحنا نُجادل المسلمين ليقتنعوا بدينهم بدلاً من أن نُجادل الكفار ليدخلوا الإسلام ! متبرجة وتقول الإيمان في القلب وكأن القلب مؤمن وباقى الجسد لم تصله الفتوحات الإسلامية بعد ! جاء الإسلام غريباً وعادَ غريباً وطوبىٰ للغرباء .

*'دكتور حازم شومـــان قال :* *- لو ربنا كشف لينا القبور دي ..* *قلوبنا هترتجف و رؤوسنا هتشيب!* *- جهنَّــم مش لعبة .. جهنَّـم مش حريقة .. جهنَّـم مش نار هتولع و* *هتطفي ..* *" جهنَّـم دي أخطر تهديد لـ مصيـرك " 💔* *- المقابر هي القطعة الوحيدة من الآخرة اللي موجودة على الأرض!* *مش هنفوق بقا؟💔*

*﴿ وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ ﴾🤍.*

مش ناوي ترجع تصلي قيام الليل من تاني وترجع لوردك من القرآن؟! طال غيابك يا رفيق. 💔"

بسم الله، والحمد لله، وبعد لما بتيجي تسأل حد أنت بتسمع أغاني لي؟ فببساطه يقولك بلاقي مشاعري فيها / بنسى بيها همومي / بفُك عن نفسي شويه سبحان الله الإنسان بيدور علي حاجه يريح بيها قلبه، فبيلجأ لأشياء بتزيد همه، وثقل قلبه، وتنكد عليه بزياده للأسف لذة سماع الأغنية " ال هي لذة المعصية" لذة مؤقته بتسمع كام كلمة من تأليف إنسان، اتعملت بنغمة معينة ف تسمعها وقت حزنك = فتتأثر وتعيط أو اتعملت بنغمة فرح = فتبقى مبسوط وبينسى الإنسان إنه الأغاني حرام، وإنه بيرفه عن نفسه بحرام، وبشيء لذته مؤقته، ولحظيه، وتأثيره السلبي بيمتد لوقت أطول بمراحل من الكام دقيقة ال سمع فيهم الأغنية سبحان الله أنزل إلينا كتاب.. والله لو أقبلت عليه بصدق لوجدت بين ثناياه الراحة والسعادة والفرح والأمل والحب والخوف والرجاء كتاب من كلامه سبحانه وتعالى.. متخيل إنك بتقرأ كلام الله.. الخالق الرازق المدبر العظيم متخيل بس بتقرأ كلام مين!! فيه هدى ونور وبينات وفرقان وشفاء بتروحله وقت تعبك = فبتفتكر الجنة ونعيمها فتهون الدنيا ف عينك وقت يأسك = بتلاقي الأمل وقت الأذى = تفتكر أذى الأنبياء والصحابة فتصبر! وطول ما أنت بتقرأ عداد حسنات شغال مش بيخلص يبقى بالله عليك أغنية أي ال تلجألها وتسيب دستور هيظبطلك كل حياتك!! أنت عارف إنه الأغاني حرام، وإحنا عارفين إنك بتجاهد بس السنين ال سواد الأغاني غطى على قلبك، محتاج سنين تجلي الران دا، علشان قلبك يلين، ويتقبل أثر القرآن متستعجلش ف صلاح فساد قلبك ال سببته الأغاني طول ما أنت ف طريق القرآن = أنت كسبان خد خطوة إيجابية، وامسحهم من دلوقت لله! وطول ما أنت بعيد عن الأغاني؛ أنت ف عبادة لله عز وجل سنة هجرية جديده هتبدأ حط من ضمن نواياك فيها تبدأها صح، وكفايه كل العك ال كان ف حياتك قبل كدا، وتقصيرك ف القرآن سنة جديدة عاهد الله عهدًا إنك هتجدد علاقتك بالقرآن، وتبدأ من جديد وافتكر طول ما أنت مع القرآن = فأنت كسبان وتجارتك رابحة - بأمر الله - #خطوة_لله #امسح_الأغاني #القرآن_حياة.

س/ مش حافظ التشهد اللي بيتقال في الصلاة ينفع مااقولهوش أو أقول بداله أي سورة أنا حافظها ؟؟ ج/لا ..ماينفعش لازم تحفظ صيغة التشهد وتقولها لأن.... التشهد الأخير ركن من أركان الصلاة ..تبطل الصلاة لو ماقولتهوش أما التشهد الأول فهو واجب مش ركن بس تركه عمدًا يبطل الصلاة برضو فلازم تقوله ** س/طب مش حافظه أعمل ايه؟ ج/ احفظه .. كرره كتير لحد ماتحفظه ...اتعامل معاه انه سؤال نجاح وسقوط وعندك فيه امتحان كمان ساعة هتعمل ايه ؟؟ هتحفظه أكيد وتكرره كتير لحد مايتحفظ ، وممكن تكتبه في ورقة وتقرأه منها لحد ماتحفظه ..بس لازم تحفظه في الآخر لأن الصلاة أهم من أي امتحان وهي فعلاً يترتب عليها نجاح وسقوط ..بس النجاح الحقيقي في الآخرة أو السقوط الحقيقي والعياذ بالله ** س/طيب ايه هي صيغة التشهد اللي المفروض أقولها ؟؟ ج/ في التشهد الأول اللي بيكون بعدماتخلص أول ركعتين هتقول : 《التحيات لله، والصلوات والطيبات، السلام عليك أيها النبي، ورحمة الله وبركاته، السلام علينا، وعلى عباد الله الصالحين، أشهد أن لا إله إلا الله وحده لا شريك له، وأشهد أن محمدًا عبده ورسوله》 هتقول الصيغة دي بس في التشهد الأول ........ أما التشهد الأخير اللي بيكون قبل التسليم ...هتقول نفس الصيغة اللي فوق كلها وتزود عليها كمان : 《اللهم صل على محمد، وعلى آل محمد، كما صليت على إبراهيم، وعلى آل إبراهيم، إنك حميد مجيد، اللهم بارك على محمد، وعلى آل محمد، كما باركت على إبراهيم، وعلى آل إبراهيم، إنك حميد مجيد》 بس كده وتسلم بعدهم *#جروب_ويبقى_الآثر.. 💚"*