У абароне вузей

"Айнтрахт" Франкфурт вырашыў падпісаць іншага беларуса замест Лапавухава.

Ігар Стасевіч яшчэ трэнуецца з БАТЭ?

Мапа беларускіх легіянераў у найвышэйшых дывізіёнах краін УЕФА Лічба сціплая – усяго 38 футбалістаў у 12 асацыяцыях. 39% прыходзіцца на Казахстан. Кірунак, які звычайна не дае ніякага развіцця. Прадстаўніцтва ў Польшы > Расіі. Назіраецца добры трэнд прабівацца ў Экстракласу праз акадэміі. У топ-5 нікога не было ўжо 9+ гадоў. Самая моцная ліга з беларусам – бельгійская, але Кірэеў узровень пакуль не цягне. Агулам карціна сумная, канешне.

Прачнуўся і ўспомніў, што Віктар Ганчарэнка паставіў зборнай задачу заняць 1-е месца ў Лізе нацый. Катэгарычна не згодзен. Рэальная задача Ганчарэнкі – выклікаць усіх магчымых Лісаковічаў разам. Віталій: класны адрэзак у Жодзіна + стабільная практыка ў "Таболе". Руслан: найлепшы хаўбек ЧБ. Дзмітрый: тут ёсць нюансы, але трэба пралабіяваць і яго. Тры браты разам – гэта ж які сусветны хайп. Зараз найлепшы час яго рэалізаваць.

Дарос да ЛЧ чалавек! "Іслач", украінскі "Крыўбас", аўстрыйскі ЛАСК – плаўны прагрэс Івана Дыбанга. Ноччу з партнёрамі выбіў "Селтык" пасля 0:3 у гасцях і цяпер чакае сваю першую еўравосень. Адзін з найлепшых выпускнікоў "ваўкоў". Побач хіба што Прынс Аду.

"Тарпеда-БелАЗ" упершыню з 2008-га не можа забіць пяць матчаў ЧБ запар. Тры з іх – гульні Багі-старэйшага. Пасля "Дынама" коўч актыўна жартаваў, учора патлумачыў ракіроўку кіпераў тым, што трэба было "передернуть", бо "Сереге засасывало". Ok, працуем далей.

"Іслач" зрабіла ўсё для максімальнай інтрыгі ў чэмпіёнскай гонцы. 11 матчаў без параз запар, чатыры балы ў вочных сустрэчах з "Дынама" – каласальная дысцыпліна. Для Камароўскага гэта першая перамога над мінчукамі ў ЧБ з восьмай (!) спробы.

Лёгкая здабыча для Шкурына. 4+2 за восем гульняў сезона ў беларуса. Сёння таксама зарабіў пенальці і дапамог "Катавіцам" праехацца пра плоцкай "Вісле" – 4:0.

Марозаў з асістам у першым жа матчы пасля вяртання ў Данію. "Кольдынг" сёння згуляў 2:2 з аўсайдарам чэмпіянату "Кёге" і цяпер займае 10-е месца з 3 баламі пасля 5 тураў. Без беларуса таксама паспелі прайсці ў 1/32-ю Кубка.

Першыя матчы Лігі нацый для Ганчарэнкі будуць надзвычай лёгкімі. Першы раз не прыйдзецца апраўдвацца за невыклік Шасцюка. 86 хвілін на полі за пяць матчаў чэмпіянату Сербіі.

Баркоўскі сёння па-за заяўкай, але "Крадэц Кралове" з добрымі шанцамі на ЛК. Камбэкнулі з галамі на 89-й і 90+6-й. Лапавухаву і Эбонгу ў Балгарыі будзе цяжка.

Інтэрв’ю-катастрофа даўжынёй у 17 секунд. 1) Папрасілі назваць імя – сказаў рускую версію. 2) Папрасілі назваць любімую музыку – здзейсніў камінг-аўт пра любоў да Макана. 3) Прэзентаваў дранікі як беларашн фуд.

Transfermarkt паведамляе, што "Градэц Кралове" аддаў за Баркоўскага 400 тысяч еўра. Раней у Польшчы пісалі, што менавіта такую суму за форварда адмовіўся плаціць "Пяст".

На дадзены момант Баркоўскі не можа забіць ужо паўгода. Апошні гол з гульні быў 9 месяцаў таму. Добрая праца Ісаева?

Баркоўскі, дарэчы, ужо ў Грэцыі і заяўлены на матчы ЛК. Заўтра можа дэбютаваць і за новы клуб, і ў еўракубках агулам. Гуляць супраць "Панацінаікоса", які ў мінулай стадыі выбіў "ЦСКА 1948" Пархоменкі.

Герман Баркоўскі перабраўся ў "Градэц Кралове": https://x.com/fchradec/status/2090157825066508293 4-я каманда Чэхіі мінулага сезона, проста цяпер б’ецца за выхад у ЛК. Моцна! Нечакана класны варыянт на фоне чутак пра "Дандзі" і слабага старту ў Д2 Польшчы.

Лапавухаў учора стаў найлепшым асістэнтам ЦСКА ў чэмпіянаце. 2 галявыя, шэсць сухароў за 10 матчаў. Забярэце ўжо яго ў топ-5.

Мельнічэнка два стартавыя матчы сезона пачынае на лаўцы. Прысеў пад гульца зборнай Партугаліі U-19 Эдуарда Ферэйру. Свой дамарослы дракон, 18 гадоў – прыйдзецца пабадацца. Усе бачылі ногі і агульную форму Трафіма – станоўчы момант на фоне таго, што раней скардзіўся на праблемы з метабалізмам. Але пераходу скора споўніцца 2 гады, а беларус усё ніяк не зафіксуюцца ў аснове дубля. Які тэрмін яшчэ мясам абрастаць?

Кендыш аформіў чарговы гол за "Жальгірыс" Каманда проста цяпер гуляе 1:1 з "Бангай". У беларуса ўжо 5+2 за 22 туры чэмпіянату Літвы. Як для апорніка – топ.