dapterone

«Береке» кітабы жарыққа шықты! Бірінші бөлімде уақытты берекелі ету жайлы ғалымдардың сөздері, өмірлік лайфхактар ұсынылған. Кітап пдф форматта Құны — 1650 тг. Kaspi нөмір: 4400 4301 6128 2311 Чекті жіберу: WhatsApp сілтеме

Соңғы рет Абылай Кенжалы ағамызбен кездескенде кітап жазуға байланысты ақпараттарға ие болдым. Сосын Рауан Жаныспаев бауырыммен кездесіп, шрифтқа қатысты инсайт алдым. Ербол Ахмедов досымнан жабық телеграм жайлы мәлімет жинадым. Ілияс Қадір бауырымнан рилсқа идея алдым. Бір қызығы — мен бұл кездесулерге арнайы бір пайда алу үшін бармадым. Тек әңгімелесіп, жүздесу ниетімен қауыштым. Дегенмен Алланың берекесімен біршама пайда алып қайттым әрі оны амалға асырдым. Сөйтіп бұрынғы «кездесулердің ешбір пайдасы жоқ» деген пікірімнен жырақтай бастадым. Бәлкім сенің өміріңде шешілмей жүрген мәселеңнің жауабын жаныңда жүрген бауырларың ұсынып қалатын шығар. Сол үшін кездесулерден, әсіресе Алланың есімі аталған берекелі отырыстардан шама жетсе, жалтармау керек.

«Қазақ қыздарының бағы неге жанбайды? Себебі қазақ жігіттері қайрат-жігерсіз болып барады». — Бейсен Құранбек

«Шай қайнады ма?», «Келіңдер, бауырсақтан алып отырыңдар», «Жұмыс қалай жүріп жатыр?», «Өткендегі көлікті алдың ба?» — міне бұл — сені жерлегеннен 15 минут өткен соң айтылатын сөздер. Ешкім сенімен бірге қабірге кірмейді. Жаныңда тек сауапты амалдарың ғана қалады. Енді не нәрсеге көбірек мән беру керектігін түсінген боларсың? 📚 «Береке» кітабы [жуырда]

Жақсы кітаптар оқу — өткен замандардың ең жақсы адамдарымен әңгімелесу деген сөз, онда да әлгі адамдар бізге өзінің тек қана ең жақсы ойларын айтып беретін әңгімелесу. — Р. Декарт

Ертең бұйырса жаңа телеграм канал ашамын. Жабық арна болады. Ішіне береке тақырыбына қатысты пост, аудиожазба (соның ішінде сауатты достарыммен подкаст) салып тұрамын ин шә Алла. Өміріңіздің әрбір саласында: уақытта, ілімде, кәсіпте, командада, отбасыда қалай берекеге кенелуге болатыны жайлы ғалымдардың сөздерін, тәжірибеден өткен кейстер мен өмірлік лайфхактарды жариялап тұрамын. Қазір онға жуық адам арнаға қосылуға өтініш білдірді. Егер сізге де бұл тақырып қызық болса, мына сілтемеге өтіңіз.

«100 жыл ілім алып, 1000 кітап жинасаң да, оған амал етпей, Алланың мейіріміне даяр болмайсың». 📚 Имам Ғазали. Әйюһә әл-уәләд.

Мұсылман өзге адамның дүниелік мұңын келесі құралдар арқылы шеше алады: 1) Мал-дүниесімен; 2) Көмек көрсетуімен; 3) Ой айтуымен; 4) Ишарат беруімен. 📚 Ибн әл-Мәләк. Шарх әл-Масабих.

Жоғарыдағы хадистің бір нұсқасында «нәффәсә» етістігі келген. Оны біз «шешу» деп аудардық. Бірақ оның тілдік негізіне сүйенсек, ол «тыныс алдыру» деген мағынаны меңзейді. Яғни адам мұңға терең батқаны соншалықты, тіпті тұншығып қалса, онда оның жабылып қалған тыныс жолдарын ашу керек. Бұл - Имам Тыйбидің түсіндірмесі. «Мүмін» сөзі пасық мұсылманды да қамтиды. Сондай-ақ хадисте «муғсир» сөзі кездеседі. Біз оны «мұқтаж кісі» деп жалпы аудардық. Ал хадис түсіндірмелеріндегі мағынасы – (мұсылман я кәпір болсын) пақыр адам. Егер ол қандай да бір қарыз алып, оны қайтара алмай жатса, оның қайтару уақытын шегеру арқылы я бір бөлігін немесе толықтай қайтармай-ақ қоюына рұқсат беру арқылы жеңілдік жасау меңзелген. 📚 Мулла Али әл-Қари. Мирқат әл-Мәфәтих.

Кәсіпкерлер үшін маңызды хадис: «Кім мүміннің дүниелік мұңын шешсе, Алла Тағала оның қиямет күніндегі мұңын шешеді. Кім мұқтаж кісіге жеңілдік жасаса, Алла Тағала оған дүние мен ақыретте жеңілдік жасайды». Сіз егер өз бизнесіңізге жай ғана табыс табу құралы емес, өзгелердің мұңын шешетін, адамдардың өмірін жеңілдететін құрал ретінде қарасаңыз, онда ниетіңізге сай жоғарыдағы хадистің аясына кіресіз.