عالم القااااانون Law ⚖️

🛑 #خبر_هام ‼️‼️ ● إلى طلاب دبلومى القانون العام والعلوم الإدارية، حضراتكم بإذن الله بكره هتحضروا مع بعض مادة أصول البحث القانونى للأستاذ الدكتور شريف خاطر، بمدرج الدكتور عبدالفتاح حسن، وذلك فى تمام الساعة (3) عصراً. #موفقين_يا_حبايبنا 🖤🔝⚖️

دكتور ياسر الحديدى سنتر الظاهرة يعلن عن قبوله لدفعة جديدة فى كورسات دبلوم القانون العام متمنيا لكل احبابه الخريجين النجاح والتقدير والمستقبل المبهر الحجز بالزيارة فى مكتبنا سنتر الظاهرة على المشاية العلوية امام برج السوسن نزلة شارع المنتصر بجوار مكتبة ميزو وبجوار عمو طاهر للماكولات الدور الثاني علوى والاستفسار على 01007550107 01010023847 https://chat.whatsapp.com/IAj6ERYdwRIBRW9wYVho3q

● السلام عليكم ورحمة الله وبركاته، إخوانى وأخواتى الأعزاء الباحثين والباحثات بدبلوم القانون العام، طبعاً حضراتكم مقرر عليكم مادة مهمة وخطيرة جداً فى دبلوم القانون العام ألا وهى مادة (( القانون الدستورى مع التعمق ))، هذه المادة هى الأهم والأخطر فى دبلوم القانون العام على الإطلاق، لأنها هتفتح مداركك القانونيه، وهتلمس صداها فى كل حاجه بتشوفها قدام منك، وهتفهم من خلالها كل ما يدور على الساحة من أحداث، وأخيراً مرتبطة أوى أوى بالإنتخابات الرئاسية القادمة. ● بس للأسف مش هتقدر تفهم هذه المادة بشكل متعمق وتحس وتلمس أحكامها وتفاصيلها، إلا إذا كنت متأسس كويس أوى فى القانون الدستورى، بالعقل كده شئ غير منطقى بالمره إنك تدرس القانون الدستورى مع التعمق، وأنت مش عارف الأصول والأحكام العامة للقانون الدستورى، لذلك هتلاحظ إن الدكتورة بسمة أثناء المحاضرة شرحت بعض المعلومات اللى سبق ودرستوها فى القانون الدستورى بالفرقة الأولى، ليه ؟! لأنها مش هتقدر تتعمق إلا لما تتأكد إن عندك الأساس القانونى المتين اللى تقدر تبنى عليه معلومات متعمقه ودسمه. ● طب الحل إيه ؟! الحل إن حضرتك تتصفح كتاب القانون الدستورى اللى سبق ودرسته فى الفرقة الأولى ... ركز أنا قولت تتصفح مقولتش تذاكر ... يعنى تفهم من كلامى إن مش بطلب منك تقعد تقرأ فى القانون الدستورى بشكل متعمق لمدة شهر ... لا لا لا ... كل الحكايه إنك هتمر فقط على موضوعات القانون الدستورى مرور سريع كده تشوف بس الأسس والمبادئ العامة بحيث تقدر تفهم بعد كده ما سيتم شرحه لك فى مادة القانون الدستورى مع التعمق. ● أنا هبعتلك أسلس وأفضل كتاب فى القانون الدستورى على الإطلاق، للأستاذ الدكتور الفقيه العلامة الكبير رمزى طه الشاعر، أعظم وأفضل من كتب فى القانون الدستورى فى هذا العصر، لأن طبعاً أفضل فقيه كتب فى القانون الدستورى هو إمام علماء الفقه الدستورى العلامة عبدالحميد باشا متولى، لكن ده مؤلفاته مش متاحه وكمان غير منقحه، فبيجى بعد منه علطووول الدكتور رمزى طه شاعر بكتابه القيم القانون الدستورى ... طبعاً هو عمل كتاب مطول وده بيقع فى حوالى (2000) صفحه، وكتاب آخر وجيز بيقع فى حوالى (250) صفحه فقط ... أنت طبعاً هتقرأ الطبعة الموجزه لأن مفيش وقت إنك تتبحر فى بحر القانون الدستورى. ● علشان برده أفهمكم نظام هذه المادة ... مادة القانون الدستورى عبارة عن شقين ... الشق الأول : النظرية العامة للقانون الدستورى، يعنى القواعد والمبادئ العامة للقاعدة الدستورية بصفه عامه، أى القواعد الدستورية اللى بتسرى على كل القواعد الدستورية فى أى نظام فى العالم، فهتعرف يعنى إيه قانون دستورى أصلاً ؟! وليه القانون الدستورى ده أسمى وأعلى قانون فى الدولة، وإزاى بيتم وضع الدساتير فى الأنظمة المختلفة .... إلخ .... الشق الثانى : النظام الدستورى المصرى، بمعنى إننا بعد ما نكون درسنا النظرية العامة للقانون الدستورى، نبدأ بقا نطبق اللى درسناه على الدستور المصرى، ونحلله ونفصص نصوصه ونشوف موقعه من الإعراب فى النظم الدستورية المختلفه. ● الأستاذ الدكتور رمزى طه الشاعر عمل كتابين فى القانون الدستورى، أول كتاب عن النظرية العامة فى القانون الدستورى، ودا اللى حضرتك هتبدأ بدراسته، وبعد ما تخلصه هتدخل على الكتاب الثانى اللى بعنوان النظام الدستورى المصرى، علشان تطبق اللى درسته على الدستور المصرى الحالى .... زى بالظبط كده لما كنا بندرس النظرية العامة للجريمة، أى الأركان والشروط اللى بتسرى على كافة أنواع الجرائم، ثم بعد ذلك بندرس كل جريمة على حده ونطبق اللى درسناه من قواعد عامه عليها، زى جريمة القتل، والنصب ... إلخ ... هى بالظبط نفس المسألة كده ... ومتنساش يكون معاك نسخة الدستور الأصلية اللى بعتهالك اللى هى الوثيقة الدستورية اللى فيها مواد الدستور علشان تقرأها وتحللها من خلال فهمك لأحكام القانون الدستورى. #موفقين_يا_حبايبنا ⚖️🖤🔝

ا

من التساؤلات*. 3️⃣ لو انت بتقرأ فى موضوع (( المرفق العام ))، هتلاقى بالتأكيد له تعريفات، وإن التعريفات دى فيه منها قائم على الناحية الشكلية وفيه قائم على الناحية الموضوعية، وله عناصر وأنواع، ولما تيجى تقرأ التعريفات لازم تقف بعض الوقت أمامها لتتساءل : لماذا تعددت التعريفات ؟! ولماذا تعددت الزوايا التى على أساسها تم وضع التعريفات المختلفة هذه ؟! وهكذا *لابد من التأمل والتعمق؛ كى نبحث فى بواطن الكلمات، فتأتى إلينا الأفكار، وتنمو لدينا النظرة الثاقبة فى كل ما نقرأ، فنصل فى النهاية إلى ما يسمى بشخصية الباحث، القادر على الرصد والتحليل للظاهرة محل الدراسة بشكل علمى متقن*. ════════════════════ ✴️ *نصائح أخيرة* 📙✏️ 1️⃣ طالما قررت إنك تعمل دراسات عليا وتسلك طريق البحث العلمى، يبقا *لازم تتحلى بالصبر ثم الصبر ثم الصبر ثم التواضع ثم الإجتهاد*، هذه أمور لا تقبل النقاش، فبدونهم سيهوى الباحث إلى حيث لا يرغب. 2️⃣ إحذر أن تبدأ فى مرحلة الدراسات العليا وأنت لا تملك من القدرات الشخصية والطاقة ما يؤهلك نحو تحمل أى صعوبات، *فلابد أن تكون لديك مرونة كبيرة نحو القراءة المستمرة وبدرجات تفوق ما سبق بكثير، القراءة هى البداية، القراءة هى التى ستكشف لك كل الحقائق*. 3️⃣ *كن صاحب هدف من البداية ولا تلقى بالاً لأحد، واجتهد نحو حلمك، وتوقع الصعوبات؛ لأنك ستواجهها بالتأكيد*، وهذا أمر منطقى؛ لأن الإلمام بقواعد البحث العلمى الجاد هى مسألة شائكة ومكلفة، ولكن فرحة النجاح ستغطى كل هذه الصعوبات. ════════════════════ *موفقين يا حبايبنا* ⚖️🖤🔝

📝 *أنواع القراءة من الكتاب* ⚖️🥇 1️⃣ *القراءة التعليمية* 📙✏️ ● *وهى القراءة العادية السريعة التى بمقتضاها يتمكن الطالب من أخذ فكرة عامة عن المنهج أو عن الكتاب، واللى بنسميها قراءة الجرائد*، وطبعاً لازم تبدأ فى أول العام الدراسى بهذا النوع من القراءة، يعنى تمسك الكتاب وتقرأه قراءة عابرة سريعة وتشوف هو بيتكلم عن إيه، وأفكاره بتدور حوالين إيه، وكل اللى مطلوب منك فى هذا النوع من القراءة إنك فقط تعرف الأصول والأفكار الرئيسية العامة اللى بيتناولها هذا الكتاب بالشرح والتفصيل، وطبيعى إن بعد القيام بهذه القراءة تجد نفسك صافى الذهن من المعلومات، ولا يوجد لديك سوى فكرة عامة؛ لأنك يدوبك أنت بتمسك الكتاب تبدأ تقرأ فيه علشان تشوف عناوينه الرئيسية والفكرة الرئيسية اللى بيدور حولها الكتاب، وده اللى هتقدر توصله فقط من خلال هذا النوع من القراءة، وخلينا نقول أن *هذا النوع من القراءة لا يعمل على تثبيت المعلومة بحيث تقدر بعد منه تدخل الإمتحان وتجاوب*. 2️⃣ *القراءة التدبرية* 📙✏️ ● وهى المرحلة الثانية من القراءه، حيث يقوم الطالب بعد أخذ فكرة عامة عن المنهج، بقراءة الكتاب بشكل بطئ ومتأنى، بهدف *تدبر وإستيعاب وفهم وتحليل الكلام اللى مكتوب فى الكتاب بشكل متعمق، وتجميع عناصر الموضوعات وأفكار كل عنصر*، وميزة النوع ده من القراءة إنه هيبدأ يوصلك لمرحلة إستيعاب المادة، والدخول فى أغوارها وتفاصيلها المتشعبه، بس لازم وأنت بتقرأ تكون مصحصح أوى ومتعديش أى فقرة وتبلعها إلا لما تتذوقها وتمضغها الأول علشان مخك يقدر يفهمها ويستوعبها؛ لأن المسألة مش مسألة حشو وبلع وخلاص ... لا لا لا ... دا الحرف بيفرق وممكن يكون ثغره فى قضية ... وحذارى وأنت بتذاكر تبلع وتحفظ أى جزئية أنت مش فاهمها، وإلا ملهاش لازمه الدراسات العليا، *لازم تعود نفسك إذا صادفتك أى جزئية مخك مش قادر يهضمها إنك تعلم عليها وتسأل فيها دكتور المادة وتتناقش معاه فيها وتفهمها منه، وتأكد إنك بكده هتتعلم قانون صح*. 3️⃣ *القراءة التقييمية* 📙✏️ ● والنوع الخطير دا بقا من القراءة مش بيصل إليه إلا صفوة القراء والباحثين، دا يعتبر أدق وأعمق نوع من أنواع القراءات على الإطلاق؛ لأنك مش بس بتقرأ عشان تاخد فكرة، ولا حتى بتقرأ عشان تفهم المادة ... لا لا لا ... دا *أنت هنا بتقرأ عشان توصل لنتيجة مفادها كالتالى : يا ترى اللى مكتوب فى الكتاب ده صح ولا غلط ؟! وتبدأ تبحث وتنقب وتغوووص فى حنايا وضلوع القانون وصولاً إلى الحقيقة العلمية* ... يعنى تمسك كل جزئية فى الكتاب وكأنك بتتحاور مع الدكتور اللى عامل الكتاب ده، وتقارع معاه الحجة بالحجة، والفكرة بالفكرة، وتحاول يكون ليك وجهة نظر شخصية فى كل جزئية فى الكتاب، بس لازم تكون وجهة نظرك مبنيه على أسس وأدلة علمية ... أيضاً لو فى جزئية فى الكتاب مكتوبة بصياغة معينه أنت شايفها - من وجهة نظرك - مش دقيقة، أو المفروض تتكتب بشكل آخر، عيد أنت صياغتها بأسلوبك الشخصى واكتبها على الهامش الجانبى للكتاب ... وهكذا، النوع ده من القراءة هتفيدك فى حاجتين : الحاجه الأولى هتخليك تقدر يكون ليك رأى فى كل جزئيات المادة، والحاجه التانية هتخليك تقدر تجاوب وتكتب فى الإمتحان بشكل سليم، وتعرض وجهات النظر المختلفة والتعريفات وتناولها بالعرض والرد. ════════════════════ ✴️ *تطبيق عملى* 📙✏️ ● *لازم تتعلم تقرأ صح، وعلشان تقرأ بطريقة صحيحة فلابد أن تكون قراءتك بطريقة متأنية ومتعمقة، أى يجب أن تسمو بقراءتك لتصبح قراءة تدبرية ثم قراءة تقييمية، وإليكم بعض الأمثلة هنا لنوعية القراءة على النحو الآتى :-* 1️⃣ لو انت بتقرأ فى كتاب عن (( القانون الإدارى )) مثلاً، فلازم تبدأ تستجمع كل معلوماتك عن الموضوع اللى بتقرأ فيه، فلو بتقرأ مثلاً فى تعريف الموظف العام يبقى لازم بعد ما تقرأ التعريف بهدوء تبدأ تتأمل التعريف ده من أجل الوصول إلى الحكمة من تعريف الموظف العام، وعلى أى أساس قام هذا التعريف، وهل يمكنك وضع تعريف خاص بيك بعد ما تحلل تعريف الموظف العام ولا لا ؟! *وتستمر فى هذا النهج من التأنى والتأمل والتحليل فى كل معلومة تقرأها، ومع الوقت ستجد معلوماتك فى إتساع مستمر، وصولاً فى النهاية إلى شخصيتك البحثية التى ستفرض نفسها شيئاً فشيئاً*. 2️⃣ لو انت بتقرأ في المسئولية المدنية، يبقا التأنى هيوصلك إلى إن تقدير قيمة التعويض مثلاً بتكون على أساس الضرر الذى أصاب المضرور، ومع القراءة ستكتشف أن هذا التعويض سيختلف فى مداه في المسئولية العقدية عنها فى المسئولية التقصيرية، ومع الوقت ستجد نفسك تتساءل : ماذا لو طالب المضرور بمبلغ معين كتعويض، وقبل الحكم له بالتعويض حصلت ظروف إقتصادية زى تعويم الجنية مثلاً هل يمكن فى هذه الحالة زيادة المبلغ أم ماذا ؟! *ومع استمرار القراءة ستكتشف أن هناك مراجع متخصصة ورسائل دكتوراة تناولت هذه الجزئية، مما يعطيك الحافز نحو المزيد من القراءة للحصول على المزيد من المعلومات، وإثارة المزيد والمزيد

نسخة أصلية من الدستور المصرى الحالى، صادرة عن مجلس النواب ... هدية مجانية لكم جميعاً 🥰♥️ ... وجب فرض عين على كل دارس لعلم القانون، قراءة الدستور المصرى الحالى، وتحليله وفهمه بشكل متعمق؛ لأنه هو القانون الأسمى والأعلى فى الدولة، فكما تعلمون أن كل ما يتحرك على ظهر هذه الدوله أصله فى الدستور، وإلم يكن أصله فى الدستور فهو باطل، ومن هنا اكتسب الدستور السمو والعلو على سائر القوانين فى الدولة.

الدستور المصرى.pdf