هبةُ_الله

أنا تعبت!! كل ما أقول هبطل، أرجع! كل ما أقوم، أقع تاني! أنا محتاجة حل قبل ما الذنب يضيعني! طيب استنى🤌 إنتِ بتدوري على الحل فين؟! بتدوري على قوة تمنعك من الذنب؟ على قلب يكره المعصية؟ على نفس تحب الصلاة والطاعة؟ صح كده ؟ طب ما عندك ربنا! ❤️ ليه مجربتيش الباب اللي ناس كتير بتنساه؟ انهو باب؟ باب الدعاء. قولي وأنتي صادقة: يارب كرّهني في الذنب ده. يارب شيله من قلبي. يارب لا تجعل المعصية أحبَّ إليَّ من طاعتك. يارب حبّب إليَّ الصلاة، واجعلني من المصلّين. يارب أعنّي على نفسي، ولا تكلني إليها طرفة عين.🤲 إنتِ مشكلتك مش إنك وقعتي! مشكلتك إنك بدأتِ تصدّقي إنك مش هتقدري تقومي تاني ولا ترجعي زي ما كنتي . والشيطان بقي بيحب جدًا الجملة دي: أنا خلاص كده مفيش فايدة ومش قادرة ارجع لربنا تاني ! لا اوعي تقولي كده ، لسه فيه فايدة. طول ما أنتي بتتنفسي ، باب ربنا مفتوح. فلو وقعتي ألف مرة ، قومي تاني ألف مرة. ولو عجزتي عن التغيير، اطلبي من الذي يملك تغيير القلوب أن يغيّر قلبك. يمكن ماتكونيش أصلا محتاجة بداية جديدة ، انتي محتاج دعوة صادقة تبدأ بها البداية الجديدة. 🤲🏻❤️ #هبةُ_الله https://t.me/heba_allah_mohammed