إقترب الرحيل"❤️

السلام عليكم ورحمه الله وبركاته.. وانتِ بتصلي فـ سورة الفاتحة ما توصِليش مابين آية {ولا الضآلين} بـ (آمين)، لأن آمين مش من الفاتحة فَـ مينفعش نوصِلها ، خلي في سكتة بسيطة ما بينهم.. ومينفعش تنسِ (بسم اللّٰه الرحمن الرحيم) لأنها بتكون آيه فـ الفاتحة. وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ .

﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا﴾. الزواج مش نضال إصلاحي، مش عيادة نفسية، مش معركة للتجارب، الزواج استقرار وسكينة. ناوية على خطوة الزواج! يبقى لازم تكوني واقفة على أرض صلبة، مش خايفة وعقلك بيودي ويجيب ناحية أمر استنكرتيه في اللحظة الأولى. اه وارد الرجل يتغير بعد الزواج، لكن ينفع ابني حياة كاملة واربي أبناء باحتمال ضعيف ونسبة حدوثه ٣٪ ؟ اركني مشاعرك، متستعجليش حاجة هي كده كده جاية، ولو جت في وقتها- الحلال- هتكون أحسن مليون مرة. أنتِ في الخطوبة لسه على البر، متعديش حاجة بحجة بمشي المركب، حبيبتي أنتِ لسه على البر والله!

‏أنا نفسي تحصلي معجزه بجد ، مش معجزه اوي بس نفسي جدًا اجرب احساس اني اتنطط من الفرحه بحاجه مكنتش أتوقع إنها تحصل ، او إني اروح اصلي وانا بعيط من "الفرحه" ان ربنا استجابلي ، اكيد احساس حلو وان شاء الله اجربه في يوم من الايام .

ماما جميله اوي، بستغرب ازاي هي قادره تستحملنا اما تكون نفسيتنا تعبانه وتهدينا و كل واحد فينا شخصيه شكل و ازاي بتعرف بكل بساطه و بكلمتين تخلينا راضيين وصابرين عن اي حاجه بس اللي متعرفوش ان احنا بنبقى غالباً راضيين و صابرين عشان وجودها مش بس عشان كلامها الجميل We have the most powerful women in the world🫶♥

كان من دعاء النبي ﷺ: «اللهمّ إني أسألك التوفيق لمحابك من الأعمال، وصدق التوكل عليك، وحسن الظن بك»

ڪان فيه سؤال مُنتشر من فترة، بيقول: أيُشقى الإنسان بلين قلبه؟ الإجابة: نعم ألف مرة نعم ده بيُشقى ويتبهدل ويطلع عينه بلين قلبه والله، بيتمرمط حرفيًّا :))

اللهم أقِـــرّ عيني بكُـلِ دُعاءٍ فاضَ به قَلبي. اللّٰهم فَرحَاً دائماً مِن عِندك ، يُنسينا مُر الحَياة💚

يا ربّ مكنّي من القرآن اللهم لا تَمتني إلا وقد متعتني بالقرآن.. يـاربّ.

هيفضل الشخص اللي بيخاف ربنا والحنيّن هو الأميز على الإطلاق، تخيّل كدا حياتك فيها شخص عارف الأُصول والحلال والحرام وحنيّن عليك بكلامه وبأفعاله، شخص لا هيكدب ولا هيخون ولا هيجرح ولا حتى هيتخلّى عنّك، إيمان قلبه بيمنعه يعمل أي تصرُف مؤذي ودايمًا بيقيس أي تصرُّف على نفسه قبل ما يعمله.. فلو لقى إن التصرُّف دا مُمكن يوجع اللي قُدامه فالتصرُّف دا ممنوع من قاموسه. فحقيقي ربنا يرزقنا بناس تخاف ربنا وقلوبها عمرانة بالمودة والحنيّة.♥️🌿 _احمد عجلان

لا تتزوَجوا الفسَدة لِتصلِحوهم، فيُفسِدوكم. "تقول لي أصلحیهِ أنتِ بعد الزواج " بل سآخذه صالحٌ مُصلِح إذا ما سقطت أنهض على يديهِ وقلبهِ، سأخده أعلی منى دینًا وخُلُقًا، فالزواج لا یُصلح أحدًا ما أخذته علیه سیظل علیه حتی یصلح هو نفسه بنفسه، فمن لم یصلح نفسه لأجل الله لن یصلح نفسه لأجل قلبي وأنا لا أرغب فی السقوط لأجل أحد فأنا أجاهد منذ سنوات لأصل وحتی الآن لم یحدث ذلك، إذًا بربك هل آخذ من یساعدني علی الوصول، أم من یقذف بي إلى هاویة الدنيا وشهواتها؟ نأخذ من يساعدنا فى الإصلاح والبناء لا من يهدمون ما بنينا نحن!

"كُل ليلة خُتمت بتلاوة سورة الملك ، بشر لصاحبها في حياته بعودة قلبه للفطرة، وفي الآخرة بشفاعتها له. قال رسول الله صلى الله عليه وسلم: «إِنَّ سُورَةً مِنَ القُرْآنِ ثَلاَثُونَ آيَةً شَفَعَتْ لِرَجُلٍ حَتَّى غُفِرَ لَهُ، وَهِيَ سُورَةُ تَبَارَكَ الَّذِي بِيَدِهِ المُلْكُ»."🤎

عسانا نُذكر في الخلوات عند رفع الأكُفِّ عند الإفطار في السحر وعند السجود عسانا نذكر في دعاء غريبٍ، ما ظننَّاه يومًا يذكرنا.💚

خليك فاكر دايمًا إن إنتَ اللي محتاج تصلي! مش ربنا اللي محتاجك حاشا لله عز وجَلّ . انتَ محتاج يوميًا الخمس مرات اللي ربنا برحمتُه فرضهُم عليك علشان تلجألُه فيهُم وتدعيلُه وتفصل من دوشة الدُنيا! انتَ اللي محتاج إنك تفضفض وتحكي لربنا! هو اللي بيسمعلك، ويريحك، ويقربَك، وينجيك! يعني انتَ اللي هتتعب لما تبعد، وأنتَ برضو اللي هترتاح لما تقرب! ف بإيدك تعمل اللي إنتَ عايزُه يا تعيش هنا الدُنيا بقُربك منُه وطاعتُه يا تعيش تعبها وهمها!💚 الصلاة

خلينا متفقين إن أجمل شعور في الحياة هو إن الإنسان يحس انه لا يُستبدل، بأي شكل بقى المهم إن الواحد يبقى عايش عارف ان محدش يقدر ياخد مكانه عند شخص ما مهما كان في ناس غيره ..

لا يجوز أن يقول المسلم اللهم بلغنا رمضان لا فاقدين ولا مفقودين لأنها يكون فيها تعدٍ على حكم الله، والموت حق على العباد.. فـالافضل أن يدعو بـ اللهم سلمنا لرمضان وسلم رمضان لنا وتسلمه منا متقبلًا يارب العالمين.

‏﴿عَسَى اللَّهُ أَن يَأْتِيَنِي بِهِمْ جَمِيعًا﴾ ‏أحلامي، دعواتي، أمنياتي يارب🤎

فيه كارثة بتحصل على التيك توك! الفيديوز اللي بنصورها وبنخليها برايڤت (only me) تيك توك بيخليها بابلك (public) في أي لحظة وممكن تڤيرل. ومش شرط يكونوا منشورين، الفيديوز اللي draft كذلك، فاحذفوا. فـ خدوا بالكم.

لو علم المؤمنون فضل الصلاة على النبي لما كفَّت ألسنتهم عنها كل حين♥️

‏‌‌"اللهُم اني وليتك امري فأعوذ بك من سوء حظي وضيق صدري و فراغ صبري واجعلني يارب ممن نظرت اليه فرحمته وسمعت دعائه فاجبته."💙💙💙💙💙💙💙💙💙💙💙💙💙💙💙💙💙💙💙💙💙🖇️

كانَ رسولُ اللهِ ﷺ إذا سلَّمَ منَ الوترِ قال: "سُبحانَ الملِكِ القدُّوس" ثلاثَ مَراتٍ، يرفعُ صوتَهُ بالثَّالثةِ. من السُنن المهجورة، فاحرص عليها بعد التسليم من ركعة الوتر في آخر صلاة التراويح. وذَكِّر بها غيرك، واحتسب إحياءً لسُنَّتِه ﷺ. -د/حنان فؤاد.