جیهانی وەن پیس

"⚔️شمشێر و چەکەکانی 19 دامەزرێنەرەکەی حکومەتی جیهانی و شێوازی بەکارهێنانیان لەلایەن ئیمۆ-ساماوە⚔️" 800 ساڵ لەمەوبەر، پاشا دامەزرێنەرەکانی حکومەتی جیهانی، وەک پەیمانێک لە نێوانیاندا بۆ ئەوەی جیهان هیچ پاشایەکی ڕەهای نەبێت، ئەم 19 شمشێر و چەکەیان لە دەوری 'تەختی بەتاڵ' چەقاند، ئەو چەکانەی کە پێشتر فەرمانڕەوایی جیهانیان دەکرد. بەڵام لە دوای دەرکەوتنی ئیمۆ-ساما لە ئێلباف، دەبینین کە یەک بە یەکیان بەکاردەهێنێت... ئاخۆ چۆن وادەکات؟ ئیمۆ-ساما لە ڕێگەی وزەی ڕۆحیی شەیتانییەوە ئەم شمشێرانەی بەرجەستە کردووەتەوە و بانگهێشتیان دەکات لەکاتی شەڕەکان، لە هەمان کاتدا، دەبێت ماکی خۆی ببەخشێتە سوارچاکەکان تاوەکو بتوانن هێزی ئەو شمشێر و چەکانە بەکاربهێنن. بە ئەگەری زۆرەوە، هەر سوارچاکێک تەنیا دەتوانێت ئەو چەکە بەکاربهێنێت کە تایبەت کراوە بە بنەماڵەکەی خۆی، بۆ نموونە: بنەماڵەی سۆمەرز 'شیپەرد' کە شمشێری تووڕەیی”گڕام“ـیان پێدراوە، هەروەها بنەماڵەی کێلینگهام 'ڕیمۆشیڤ' کە ڕمە پیرۆزەکەیان پێدراوە کس ”لۆنگینۆس“ـە. واتە ئەوەی ئێمە لە چەپتەرەکاندا دەیبینین، تەنیا کۆپی ئەو 19 شمشێر و چەکەییە، نەوەک خودی چەکە ڕاستەقینەکان کە چەقێندراون لە دەوری تەختی بەتاڵ. ئیمۆ-ساما ئەم هێزانەی بەخشیوەتە ئەو بنەماڵە گەورانەی ئەژدیها ئاسمانییەکان، کە لە ڕابردوودا زێدی خۆیان جێهێشت بۆ ئەوەی بێنە ماریجواوە.

ئەگەر نازانن وزەی ڕۆحی شەیتانی چییە؟ ئەوا دەست لەم لینکە بدەن👇 https://t.me/opiecekurd/14518?single