SHARQ TONGI rasmiy kanal

#статистика Қайси ҳудудда янги корхоналар кўпроқ ташкил этилмоқда? 🏢 Статистика агентлиги маълумотларига кўра, 2024 йилнинг январь-март ойларида жами 19 767 та (фермер ва деҳқон хўжаликларисиз). ✅ Ҳудудлар кесимида янги ташкил этилган корхона ва ташкилотлар сони: Тошкент шаҳри – 4 189 та Самарқанд вилояти – 1 966 та Фарғона вилояти – 1 699 та Тошкент вилояти – 1 618 та Хоразм вилояти – 1 412 та Қашқадарё вилояти – 1 215 та Наманган вилояти – 1 088 та Сурхондарё вилояти – 1 083 та Андижон вилояти – 1 063 та Жиззах вилояти – 1 154 та Бухоро вилояти – 1 022 та Қорақалпоғистон Респ. – 971 та Навоий вилояти – 739 та Сирдарё вилояти – 548 та 📲 https://t.me/humozominonline

15-may - Xalqaro Oila kuni Xalqaro oila kuni har yili 15-mayda oilalarning ahamiyati va jamiyatdagi o‘rnini targ‘ib qilish maqsadida nishonlanadi. Bu kun butun dunyo bo'ylab oilalar jamiyatning asosiy bo'g'ini sifatidagi ahamiyatini e'tirof etish va oilalarga taalluqli muammolar haqida xabardorlikni oshirish maqsadida nishonlanadi. Birlashgan Millatlar Tashkiloti Bosh Assambleyasi 1993-yilda oilalar bilan bog'liq muammolardan xabardorlikni oshirish va ularga ta'sir ko'rsatadigan ijtimoiy, iqtisodiy va demografik jarayonlar haqidagi bilimlarni oshirish maqsadida Xalqaro oila kuni deb e'lon qildi. Shu kuni davlat hokimiyati va boshqaruvi organlari, nodavlat notijorat tashkilotlari, mahalla fuqarolar yig‘inlari tomonidan oilalarni qutlash, ularning farovonligini oshirish maqsadida turli tadbirlar tashkil etilmoqda. Xalqaro oila kuni oilalarning ahamiyati haqida fikr yuritish va oilaviy rishtalarni mustahkamlash imkonini beradi. @Kun_tarixi_tv24 дан 📲 https://t.me/humozominonline

Бугун бутун дунё бўйлаб Халқаро оила куни нишонланади. Не бахтки, юртимизда азалдан муқаддас қўрғон, бахт ва иқбол ошёни каби зийнатлар билан улуғланувчи ОИЛА қадрланади, ардоқланади. Инсон бошига ташвиш тушганида ҳам, омаддан осмонларда учганда ҳам аввало ОИЛАга суянади. Ота-она билан фарзандлар, жигарлар билан биродарлар, катта ёшли авлод билан янги авлод бир муқаддас ришта билан чамбарчас боғланган гўша - ОИЛАдир. Оиласини ори, ғурури, вақти келса ифтихори деб билгувчи қадри баланд Қадрдон - АССАЛОМУ АЛАЙКУМ! Бугунингиз Сиз учун ҳам, аҳли оилангиз учун ҳам умр китобининг энг сермазмун саҳифасини очгани рост бўлсин! Хонадонингиздан яхшиликлар, яхшилар қадами асло узилмасин! 📲 https://t.me/humozominonline

#тунги_мутолаа "Энди йигирма учга кирдим, лекин тирик ўликка айланиб қолгандайман.   Инстаграм, Ютуб, Твиттер, Фейсбук (томоғига бармоғини юргизиб) мана бу еримга келди, тўйдим, тўйиб бўлдим. Ҳамма нарсадан чарчадим, бездим. Ҳар хил мотивациялар ҳам жонимга тегди, мен одам бўлиб яшашни истайман, мен тонгда туришни ва тиниқ ҳаводан сипқоришни, бош кўтараётган қуёшни томоша қилишни ва  ундан завқланишни истайман, лекин мен соат тўққизларда, гоҳида ундан ҳам кеч тураман, ҳатто шу оддий, ўз қўлимда бўлган истагимни бажариш учун ҳам иродам етмайди. Нимадир тўсқинлик қилади ва у билан курашда мен доим мағлубман. Қачондир эрта туришни ўрганганимда менинг кўксимда қуёшдан шавқ туйиш ҳисси тирик бўладими ёки йўқ, билмайман, ўлай агар ҳаммасини англашга ожизман, тушунтириб ҳам беролмайман.  Мен эркин ва ўз касбимнинг устаси бўлишни истайман, лекин бунга ҳам йўл қўйишмайди, отам бутун умр  бизни боққанлигини миннат қилади, меҳнатдан эмас, у олган порадан кун кўрганимизни отамга тик айтолмайман, агар эратага қўлга тушиб қолса “сизлар учун қамалдим, тирикчилик” дейди. Аслида, бизнинг болалик қанчалик даҳшатли ўтганини билмайди?  Ҳеч қачон биз учун бўлмаган, ўзининг кайфи учун шундай яшаган, шахсан мен шундай ўйлайман, лекин акаларим бу фикрга қўшилмайди. Менинг ҳеч эсимдан чиқмайди, онам бечора тонггача отамни кутиб ўтирар, отам эса ғирт маст, ўйнашининг отини қўшиққа солиб куйлаб кириб келарди.  Гоҳида уйга келганини ҳам чалкаштирб қўярди, онамни ўйнаши деб ўйлар ва “менинг хотиним ва болаларим бор, бузуқи" деб  онамни тепиб қоларди, у ҳамма нарсани алмаштириб қўйганди, пулни бахтга, болалигимизни яратиб қўйган шароитларга баҳолаб бўлганди. Отам оддий одам бўлишини, пули қолмаганда битта нонни сувга ботириб ейишни, лекин хотиржам, бошқалардай отани қучоқлаб, ҳидлаб ухлашни орзу қилардик. Лекин отам ўзгармайди, бизни ҳам ўз қонунларидан бир қадам ҳам чиқишимизни истамайди. Мен эса ҳеч кимга қарам бўлишни хоҳламайман, 23 га кирдим ва мустақил бўлгим келади, лекин ўзимга ҳам пул топиш ва ишлаш ёқмайди, менда меҳнат қилиш ҳисси шаклланмаган, ўзи умуман мен вояга етганманми, деб ўйлаб қоламан, пишмай узилган ўрик каби бужмайганман. Лекин бари бир ҳеч кимга бўй сўнишни истамайман, мен ўқишдан ҳеч қониқмаяпман, мен хато қилсам ҳам, ютуққа эришсам ҳам ўзимники бўлишини истайман, ўзимники? Мен Самарқандда туғилганман. Сиз ҳозир ўғиз кўпиртириб мақтаган ўша қадим шаҳарда! Уйимиз деворидан Бибихоним масжидининг нураган деворлари  кўриниб турарди, лекин бирор марта кирмаганман, ёнидаги компьютер хонада эса соатлаб қолганман, у ердан ўтувчи оқ билак қизларга тамшаниб умрим ўтган. Менга ҳеч ким, ҳеч бир одам шундай улуғ шаҳарда туғилганимни ва бунинг қадрига етишим кераклигини айтмаган, қайтанга кимнидир алдаб бозордан пул қилишни ўргатишган ва мен немис сайёҳининг чакмонини ўғирлаб қўлга ҳам тушганман, отамнинг танишлари туфайлигина қамалмай қолганман.   Мен ўз шаҳрим ҳақида мана шу зерикарли асарда ўқияпману, нимага ҳеч нима билмай катта бўлганим ҳақида ўйлаяпман. Мен билган самарқандликлар ўзларнинг Америкада энг кўп эканлиги билан мақтанишади, нони, сомсаси, оши билан мақтанишади, лекин қаҳрамонлари, илми, довюрак шахслари билан эмас, улар “Green Card”ни энг кўп ютиши билан мақтанади, Америкада энг кўп қора ишдалиги билан фахрланадилар. Мен Америка ҳақида  самарқандликлар тўқиган афсоналарни эшитиб катта бўлган авлодман. Улар учун ватанпарварлик тезроқ лотерея ютиб  Самарқанддан кетишдир! Агар ютолмаса, Мексика ўрмонларидаги тимсоҳларнинг оғизга кенжа боласини ташлаб бўлса-да, Америкага ўтиб олишга тайёр? Сен Самарқанднинг буюклиги ҳақида гапиряпсану, мен негадир у ердан фақат қочишга интилган одамларни танишимни ўйлаяпман, холос!" Ёзувчи Жавлон ЖОВЛИЕВнинг ёшлар ҳаётига бағишланган янги драмасидан. #mushtumjurnali дан олинди 📲 https://t.me/humozominonline

#мулоҳаза БИТТА ВЕРГУЛ ТУФАЙЛИ ОТИЛГАН БЕГУНОҲ Бир ҳукмдор котибининг саводсизлигими ёки хатоси туфайли бир бегуноҳ киши отилиб кетгани ҳақида биласизми? "Казнить нельзя, помиловать!" (Қатл этилмасин, шафқат қилинсин!) деган буйруқни котиб ёзув машинкасида ёзаётиб биргина вергулнинг ўрнини алмаштириб юборади. Натижада, "Казнить, нельзя помиловать!" (Қатл этилсин, шафқат қилинмасин!) деб ёзади... ___ Бугун ижтимоий тармоқ ҳатто ўз исм-шарифиниям эплаб ёза олмайдиган кимсалар билан тўлиб-тошган. Айрим постлар ва комментарийларни кўриб, рости кўнглинг айнийди. Айрим блогерлар эълон қилаётган матнлардаги хатолардан гапирсангиз,  "Ҳозирги замонда сурат, видео гапиради, матн охирги ўринда!", деган ўта "донишмандона" ва "файласуфона" ибораларни ишлатишади. Бир пайтлар саводсиз одам саводли кишининг олдида ҳаддини билиб, хато қилса мулзам бўлиб ўтирган. Энди-чи, саводсизлик гўёки фахр-ифтихор рамзига айлангандек. Гапирасан, танқид қиласан, аммо кўпчиган сутдек ошиб-тошиб кетаяптики, асло камаймаяпти. Шундай қусурларимиз авж олиб, ривожланиб турган бир пайтда тилимизга, маънавиятимизга болта ураётгандекмиз. Театрлардан, газета-журналлардан, кутубхоналардан узоқлашяпмиз. "Маънавият керак эмас, интернет бор!" деб айюҳаннос солаяпмиз. "Матбуот, ТВ, радио, театр керакмас, улар қорнимизни тўйдирмайди!" дейдиган бўлдик. Биз қачондан бери қоринга алоқаси бўлмаган бошқа масалалар устига қора чизиқ тортадиган бўлиб қолдик? Ётиб емоқлик ва семирмоқлик қайғуси фақат ҳайвонларга берилган эмасми? Инсон тафаккур қилиш учун, билим олиш учун ва бешикдан то қабрга қадар илмини бойитиш учун яратилмаганми? Бепул тўгаракларнинг аҳволи хароб. Боланинг қизиқиши билан ота-онанинг иши йўқ. Бола текин адабиёт ёки санъат тўгарагидан олиб, пуллик спорт тўгарагига қўйиляпти. Лекин унинг спортга рағбати йўқ. Мактабда тарғиботчи бўлиб ишлаганимда, шу нарсаларга гувоҳ бўлганман. Ҳамма фарзандининг келажакда топарман-тутарман бўлишини истайди. Бироқ билимда ва тафаккурда, хат-саводда мукаммал бўлган авлод нафақат ота-онаси, балки мамлакат эртаси учун муҳим эканлигини ҳамма ҳам тушуниб етмаяпти. Битта вергулга беписанд қараганлар  – ўйинчоқ деб ўйлаб атом бомбаси тугмасини босган болага ўхшашади. Ҳамзабек ТУРДИЕВ https://t.me/mushtumjurnali дан 📲 https://t.me/humozominonline

#кун_ҳулосаси • Айбсиз дўст қидирган ёлғиз яшайди. • Нуқсонсиз жуфт излаган бўйдоқ ўтади. • Қийинчиликсиз ёр истасанг... истаб юраверасан. • Лабингни фақат икки нарсага ишлат: - бири табассум, - иккинчиси сукут. • Табассум мушкул ишларни ҳал қилади. • Сукут эса ўша мушкул ишларни ўтказиб юборади. konspektor дан олинди 📲 https://t.me/humozominonline

Bugun Zomin tumani ixtisoslashtirilgan maktab-internatida navbatdagi maʼnaviy-maʼrifiy tadbir tashkil etildi. Unda "Zakovat" intellektual oʻyini bahslari boʻlib oʻtdi. Qiziqarlisi, mazkur intellektual oʻyinlarda maktab oʻquvchilarining ota-onalaridan iborat jamoalar qatnashdi. Qizgʻin va bahslarga boy bellashuv yakuniga koʻra 3-oʻrinni 10-"B" sinf oʻquvchilarining ota-onalar jamoasi egallagan boʻlsa, 2-oʻrin 5-"A" sinf oʻquvchilari ota-onalariga nasib etdi. Faxrli birinchi oʻrin va mutloq gʻoliblik 6-"B" sinf oʻquvchilarining zukko ota-onalariga nasib etdi. Tadbirda ishtirok etgan barcha jamoalarga, gʻolib va sovrindorlarga maktab maʼmuriyatining esdalik sovgʻalari, faxriy yorliqlar topshirildi. -Mazkur bellashuvlarda ishtirok etib, bilimini sinagan, oʻz oʻgʻil-qizlariga ibrat namunasini koʻrsatgan barcha ota-onalarga tashakkurimizni aytamiz, - deydi Zomin IMI maʼnaviy-maʼrifiy ishlar boʻyicha direktor oʻrinbosari Xayrulla Qoʻshmonov. Oʻylaymizki, ota-onalar bilan hamkorligimiz yanada mustahkamlanib, shu kabi tadbirlar soni ortaveradi. 📲 sharqtongi.uz rasmiy sahifalariga a’zo bo‘ling:👇 Telegram  | Sayt | Youtube | Facebook

Bugun Zomin tumani ixtisoslashtirilgan maktab-internatida navbatdagi maʼnaviy-maʼrifiy tadbir tashkil etildi. Unda "Zakovat" intellektual oʻyini bahslari boʻlib oʻtdi. Qiziqarlisi, mazkur intellektual oʻyinlarda maktab oʻquvchilarining ota-onalaridan iborat jamoalar qatnashdi. Qizgʻin va bahslarga boy bellashuv yakuniga koʻra 3-oʻrinni 10-"B" sinf oʻquvchilarining ota-onalar jamoasi egallagan boʻlsa, 2-oʻrin 5-"A" sinf oʻquvchilari ota-onalariga nasib etdi. Faxrli birinchi oʻrin va mutloq gʻoliblik 6-"B" sinf oʻquvchilarining zukko ota-onalariga nasib etdi. Tadbirda ishtirok etgan barcha jamoalarga, gʻolib va sovrindorlarga maktab maʼmuriyatining esdalik sovgʻalari, faxriy yorliqlar topshirildi. -Mazkur bellashuvlarda ishtirok etib, bilimini sinagan, oʻz oʻgʻil-qizlariga ibrat namunasini koʻrsatgan barcha ota-onalarga tashakkurimizni aytamiz, - deydi Zomin IMI maʼnaviy-maʼrifiy ishlar boʻyicha direktor oʻrinbosari Xayrulla Qoʻshmonov. Oʻylaymizki, ota-onalar bilan hamkorligimiz yanada mustahkamlanib, shu kabi tadbirlar soni ortaveradi. 📲 sharqtongi.uz rasmiy sahifalariga a’zo bo‘ling:👇 Telegram  | Sayt | Youtube | Facebook

"ZAKOVAT"DA OʻQUVCHILARNING OTA-ONALARI ISHTIROK ETDI 📲 sharqtongi.uz rasmiy sahifalariga a’zo bo‘ling:👇 Telegram  | Sayt | Youtube | Facebook