DOST Rəqəmsal İnnovasiyalar Mərkəzi

Əmək və əhalinin sosial müdafiəsi naziri Anar Əliyev və Qəbələ Rayon İcra Hakimiyyətinin başçısı Səbuhi Abdullayev #özünüməşğulluq proqramı çərçivəsində 📍 Qəbələ rayonunda qurulmuş kiçik təsərrüfatlara baxış keçiriblər. ℹ️ Sosial Xidmətlər Agentliyinin sifarişi əsasında Qəbələdə yaradılmış günərzi qayğı mərkəzində və Qəbələ Uşaq Reabilitasiya Mərkəzində uşaqlara göstərilən xidmətlər də nəzərdən keçirilib. ➡️ https://sosial.gov.az/az/media/xeberler/qebelede-ozunumesgulluq-proqrami-uzre-qurulmus-teserrufatlara-gunerzi-qaygi-ve-reabilitasiya-merkezlerine-baxis-olub-9693 #ƏƏSMN #DMA #SXA #SosialXidmət #Reabilitasiya

Nazir Anar Əliyev 📍 Qəbələ rayonunda Qəbələ və Oğuz rayonlarının sakinlərini qəbul edib. Qəbuldan əvvəl Anar Əliyev və Qəbələ Rayon İcra Hakimiyyətinin başçısı Səbuhi Abdullayev Ümummilli Lider Heydər Əliyevin abidəsini ziyarət ediblər. ✅ Qəbul zamanı hər bir müraciət araşdırılıb və nəticəsinə uyğun tədbirlər görülüb. ➡️ https://sosial.gov.az/az/media/xeberler/nazir-anar-eliyev-qebelede-vetendaslari-qebul-edib-9692 #ƏƏSMN #VətəndaşQəbulu

💡 “Rəqəmsal Məsləhət” rubrikasının budəfəki mövzusu texniki dəstək sahəsində fəaliyyətə yeni başlayanlar üçündür. Texniki dəstək yalnız istifadəçinin problemini həll etməkdən ibarət deyil. Problemi düzgün anlamaq, səbəbi müəyyənləşdirmək, istifadəçi ilə effektiv ünsiyyət qurmaq və həll yolunu aydın şəkildə izah etmək də bu sahənin vacib bacarıqlarıdır. 📌 Əgər siz də texniki dəstək sahəsində karyeraya yeni başlayırsınızsa, bu məsləhətlər sizin üçün faydalı ola bilər.

🏔️ ✨ 26 avqust – Laçın Şəhəri Günüdür. Bu gün Laçın yenidən quruculuq və inkişaf dövrünü yaşayır, üçrəngli bayrağımız isə azad Laçında qürurla dalğalanır! 🇦🇿

🎓 Google yeni tədris ili ərəfəsində tələbələr üçün "Gemini" və "Google Search" xidmətlərinə yeni süni intellekt (Sİ) funksiyaları əlavə edib. Bununla yanaşı, universitet tələbələrinə ödənişli Sİ paketlərindən 1 il pulsuz istifadə imkanı təqdim olunur. 🌍 Şirkətin ABŞ-dəki tələbələrə etdiyi təklif fərqli olsa da, digər ölkələr də "Google AI Plus" paketini 1 il müddətinə pulsuz istifadə edə biləcəklər. Paketə daha yüksək Gemini limitləri və 400 GB bulud yaddaşı daxildir. ⚠️ Qeyd edək ki, ödənişsiz müddət başa çatdıqdan sonra abunəlik avtomatik olaraq ödənişli rejimə keçəcək. Davam etdirmək istəməyən istifadəçilər abunəliyi vaxtında ləğv etməlidirlər. 💡 Yeni tədris ilində bütün tələbələrə uğurlar arzulayırıq!

📊 Nazirliyin elektron xidmətlərinə 2026-cı ilin yanvar-iyul aylarında 4,5 milyon müraciət edilib. ℹ️ Son illərdə sosial sahədə icra olunan geniş elektronlaşma proqramı nəticəsində qurumun xidmətlərinin 90 faizdən çoxu e-qaydada təqdim olunur. ➡️ https://drim.az/media/press-reliz/yanvar-iyul-aylarinda-nazirliyin-e-xidmetlerine-45-milyon-muraciet-edilib

📘 Budəfəki #DOSTtövsiyəsi-ni əməkdaşımız Aqşin Allahyarov edir. Onun seçimi “Systems Analysis and Design” kitabıdır. Müasir informasiya sistemlərinin uğurlu şəkildə hazırlanması yalnız texniki biliklərdən deyil, sistemin düzgün analizindən, tələblərin müəyyənləşdirilməsindən və layihələndirmə prosesinin sistemli şəkildə təşkilindən asılıdır. “Systems Analysis and Design” kitabı sistem analizinin əsas prinsiplərini, biznes və istifadəçi tələblərinin müəyyənləşdirilməsini, sistemlərin modelləşdirilməsini, layihələndirmə mərhələlərini və informasiya sistemlərinin hazırlanması prosesini sadə və praktik şəkildə izah edir. 💡 Bu kitab sistem analitikləri, biznes analitikləri, İT mütəxəssisləri, layihə və məhsul menecerləri, eləcə də informasiya sistemlərinin hazırlanması prosesini daha dərindən öyrənmək istəyən hər kəs üçün faydalı mənbədir. 🚀 Xoş mütaliələr!

🔐 OpenAI 18 yaşdan kiçik istifadəçilər üçün daha sərt təhlükəsizlik tədbirləri və valideyn nəzarəti imkanlarını əhatə edən yeni “ChatGPT for Teens” təcrübəsini təqdim edir. Bəzi yeniliklər bunlardır: 👨‍👩‍👧 Valideyn nəzarəti – valideynlər övladlarının hesabını öz hesablarına bağlaya və müəyyən parametrləri idarə edə biləcəklər. 🌙 "Quiet Hours" – ChatGPT-dən istifadənin dayandırılacağı saatları müəyyən etmək mümkün olacaq. ⏸️ Fasilə xatırlatmaları – sistem müəyyən müddətdən sonra istifadəçiyə söhbətə ara verməyi təklif edəcək. 📌 Qeyd edək ki, 13 yaşdan kiçik uşaqların ChatGPT-dən istifadəsinə icazə verilmir. 13–17 yaş aralığında olan istifadəçilər üçün isə yeniyetmə təhlükəsizlik təcrübəsi tətbiq ediləcək. 🔗 Ətraflı: https://drim.az/media/press-reliz/openai-chatgpt-for-teens-tecrubesini-teqdim-edir

💻 Süni intellekt əsaslı kod redaktoru kimi tanınan "Cursor" artıq daha böyük platformaya çevrilmək istiqamətində addım atıb. Şirkət "Origin" adlı kod hostinq xidmətini istifadəyə verib. Platforma tərtibatçılara kod repozitoriyalarını idarə etmək və komanda ilə işləmək üçün yeni imkanlar təqdim edir. 📌 Bəs "Origin" nədir və necə istifadə olunur? "Origin"i sadə şəkildə belə təsəvvür etmək olar: kodunuzu yerləşdirdiyiniz, dəyişiklikləri izlədiyiniz və komanda ilə birlikdə idarə etdiyiniz platforma. İstifadə prinsipi isə aşağıdakı kimidir: 1. Kod layihənizi "Origin"də repozitoriyaya yerləşdirin. 2. Dəyişiklikləri versiya nəzarəti ilə izləyin. 3. Komanda üzvləri ilə kod üzərində birgə işləyin. 4. Dəyişiklikləri nəzərdən keçirin və birləşdirin. 5. Süni intellekt imkanlarından istifadə edərək kodlaşdırma prosesini sürətləndirin. Bəs sizcə, "Origin" "GitHub"a ciddi rəqib ola bilərmi?

✅ Təşkilatın ölçüsündən asılı olmayaraq, düzgün istiqamətin müəyyənləşdirilməsi, prioritetlərin seçilməsi, resursların səmərəli bölüşdürülməsi və məqsədlərə çatmaq üçün aydın yol xəritəsinin qurulması vacibdir. Strateji planlama fəaliyyətin daha sistemli qurulmasına, mövcud imkanlardan səmərəli istifadə etməyə və dəyişən mühitə uyğunlaşmağa kömək edir. ❓💡 “Rəqəmsal miflər” rubrikasının növbəti buraxılışında əməkdaşımız “Strateji planlama yalnız böyük şirkətlərə və müəssisələrə lazımdır” ifadəsinin mif, yoxsa gerçək olduğunu cavablandırır. 💙 Xoş seyirlər!

🧑‍💻 DOST Rəqəmsal İnnovasiyalar Mərkəzinin direktorunun və Beynəlxalq Sosial Təminat Assosiasiyasının (ISSA) nümayəndəsinin iştirakı ilə süni intellekt alətlərinin iş proseslərinə təsiri mövzusunda onlayn görüş keçirilib. 🔗 Ətraflı: https://drim.az/media/press-reliz/dost-reqemsal-innovasiyalar-merkezinin-ve-beynelxalq-sosial-teminat-assosiasiyasinin-issa-numayendelerinin-istiraki-ile-onlayn-gorus-kecirilib

💻 “Rəqəmsal İnsanlar” rubrikasının növbəti qonağı DOST Rəqəmsal İnnovasiyalar Mərkəzinin Məlumatların təhlili və vizuallaşdırılması şöbəsinin əməkdaşıdır. Məlumatların düzgün təhlil olunması, mürəkkəb informasiyanın aydın və anlaşıqlı formada təqdim edilməsi, eləcə də datadan faydalı nəticələrin əldə olunması rəqəmsal qərarvermənin əsas komponentlərindəndir. 📊 Müsahibəmizdə əməkdaşımız data ilə işləmə, məlumatların vizuallaşdırılması, gündəlik iş prosesi və datanın qərarvermədə rolu barədə danışır. 💙 Xoş seyirlər!

🔐 Daha bir əməkdaşımız Forcepoint DLP Administrator sertifikatını əldə edib. 💻 Sertifikat mütəxəssislərin məlumat itkisinin qarşısının alınması (Data Loss Prevention – DLP), həssas məlumatların qorunması, təhlükəsizlik siyasətlərinin idarə edilməsi və məlumat təhlükəsizliyi üzrə peşəkarlığını təsdiqləyir. 👏 Əməkdaşımızı bu uğuru münasibətilə təbrik edir, yeni nailiyyətlər arzulayırıq!

🧬🛡️ Google DeepMind bioloji təhlükələrin qarşısının alınması, erkən aşkarlanması və onlara qarşı mübarizə üçün yeni süni intellekt proqramı "Bioresilience"i istifadəyə verib. 📌 Əsas məqsəd Sİ modellərinin təhlükəli məqsədlərlə istifadəsinin qarşısını almaq, hökumətlərə, alimlərə və biotəhlükəsizlik təşkilatlarına yeni alətlər təqdim etmək və epidemiyaların qarşısını alaraq operativ cavab verməkdir. 🧪 Xəstəliklərin aşkarlanması istiqamətində isə DeepMind özünün "AlphaEvolve" agentindən istifadə edərək patogenlərin genetik analizini sürətləndirən alqoritmləri optimallaşdırır. Bu yanaşmanın yeni epidemiyaların daha tez və daha aşağı xərclə izlənilməsini mümkün edəcəyi proqnozlaşdırılır.

Bu gün Prezident İlham Əliyev və birinci xanım Mehriban Əliyevanın iştirakı ilə açılışı olan Naxçıvan Regional DOST Mərkəzi Naxçıvan sakinlərinə müxtəlif sosial istiqamətlər – pensiya, əmək və məşğulluq, sosial müavinətlər, əlillik, övladlığagötürmə və digər sosial xidmətlərin vahid məkanda, şəffaf formada göstərilməsinə imkan yaradır. Açılış tədbirindən AzTV-nin reportajı.

Azərbaycan Respublikasının Prezidenti İlham Əliyev və birinci xanım Mehriban Əliyeva Əmək və Əhalinin Sosial Müdafiəsi Nazirliyinin tabeliyində olan DOST Agentliyinin Naxçıvan Regional DOST Mərkəzinin açılışında iştirak ediblər. Əmək və əhalinin sosial müdafiəsi naziri Anar Əliyev mərkəzdə yaradılmış şərait barədə dövlətimizin başçısına və birinci xanıma məlumat verdi. Bildirildi ki, bu mərkəzdə əhaliyə 164 sosial xidmət göstəriləcək. Ümumilikdə 117 işçinin və 50 könüllünün fəaliyyət göstərəcəyi mərkəzdə gün ərzində orta hesabla 500-600 vətəndaşın qəbulu nəzərdə tutulur. Prezident İlham Əliyevə və birinci xanım Mehriban Əliyevaya Naxçıvan DOST İnklüziv İnkişaf və Yaradıcılıq Mərkəzinin layihəsi də təqdim edildi. https://president.az/az/articles/view/73252

🔐 DOST Rəqəmsal İnnovasiyalar Mərkəzinin əməkdaşı Forcepoint DLP Administrator sertifikatını əldə edib. 💻 Sertifikat mütəxəssislərin məlumat itkisinin qarşısının alınması (Data Loss Prevention – DLP), həssas məlumatların qorunması, təhlükəsizlik siyasətlərinin idarə edilməsi və məlumat təhlükəsizliyi üzrə peşəkarlığını təsdiqləyir. 👏 Əməkdaşımızı bu uğuru münasibətilə təbrik edir, yeni nailiyyətlər arzulayırıq!

🌙 “Əmək və Məşğulluq” altsistemində gecə vaxtı yerinə yetirilən işlərlə bağlı əmək qanunvericiliyinin tələblərini özündə əks etdirən yeni xəbərdarlıq funksionallığı yaradılıb. 🔗 Ətraflı: https://drim.az/media/press-reliz/emas-da-gece-vaxti-yerine-yetirilen-islerle-bagli-yeni-xeberdarliq-funksionalligi-yaradilib

💬 🚀 WhatsApp müxtəlif cihazlarda istifadə imkanlarını genişləndirən yeni funksiyalar təqdim edib. 🚗 CarPlay və Android Auto dəstəyi genişləndirilib. Artıq istifadəçilər avtomobildə mesajları dinləyə, səsli cavab verə, zəng tarixçəsinə baxa və sevimli kontaktlara daha sürətli çıxış əldə edə biləcəklər. 📱 iPad-də birbaşa hesab yaratmaq mümkün olacaq. Telefonla əlaqələndirməyə ehtiyac olmadan nömrə və SMS təsdiqi ilə müstəqil WhatsApp hesabı yaratmaq mümkündür. 🎵 Musiqi paylaşımı funksiyası ilə Apple Music və Spotify-da dinlənilən mahnıları birbaşa WhatsApp Status-da paylaşmağa imkan yaradır. 📄 Bundan əlavə, PDF sənədləri ilə işləmək imkanları da genişləndirilib.