الدراسات العليا كلية الحقوق جامعة المنصورة ⚖

🔴الجمعة القادمة 24 أبريل يبدأ تطبيق التوقيت الصيفي بتقديم الساعة 60 دقيقة….، حتى الخميس الموافق 29 من شهر أكتوبر المقبل 2026.

ماذا لو توفي احد اطراف العقد العرفي و لم يتحصل على حكم بصحة توقيعه ؟ بقلم : أ/ سامح طرابيه المحامي ______ قد يحدث أن احد اطراف العقد ممن وقعوا عليه وافتهم المنية قبل استصدار حكم بصحة التوقيع مما قد يثير الذعر في قلب الأطراف الآخرين في العقد و قد يستصعب الحصول على اوراق المضاهاة تخص الموقع فما العمل ؟ . نصت المادة ٤٢ من قانون الاثبات المدني على " لا تسمع شهادة الشهود إلا فيما يتعلق بإثبات حصول الكتابة أو الإمضاء أو الختم أو بصمة الأصبع على المحرر المقتضى تحقيقه ممن نسبت إليه. وتراعى فى هذه الحالة القواعد المقررة فى الفصل الخاص بشهادة الشهود." و تعني هذه المادة أنه يجوز اثبات حصول واقعة التوقيع او الكتابة و نسبتها لصاحبه الذي يُشهد عليه دون مساس بالالتزام المدون به و بالتالي يجوز للمدعي الاثبات بشهادة الشهود ان المدعي عليه هو من وقع هذا العقد و تحكم المحكمة بصحة التوقيع يراجع في ذلك احكام النقض التالية : ط ١٧٧٩ لسنة ٥٠ ق نقض ٢٨/٤/١٩٧٠ لسنة ٣١ نقض ٢٦/٤/١٩٣٤ مجموعة القواعد القانونية في ٢٥ سنة الجزء الاول ص٤٢١ قاعدة ٩٩ الأستاذ/ سامح طرابيه المُحامي #مقطوفة_قانونية https://t.me/RanaELmahy

📝 #تأملات_قانونية (1) ⚖️🔝 ● بسم الله الموفق للصواب، وبحمده نستفتح مسيرةً علميةً جديدةً نضع بين أيديكم اليوم أولى لبناتها، ممثلةً في إطلاق سلسلة [ #تأملات_قانونية ]، إن هذه السلسلة لم تولد من فراغ، بل انبثقت من حاجةٍ ماسةٍ لتبصرة العقول وتجلية الغوامض في محراب القانون، لتكون بمثابة نافذةٍ فكريةٍ نطل من خلالها على رحاب الفقه القانوني وتطبيقاته المتشعبة، مستلهمين من روح القانون غاياته السامية في إرساء الحق وتقويم مسارات المجتمع. ● تتجسد الغاية الكبرى والهدف الأسمى لهذه التأملات في التصدي للمسائل القانونية الشائكة والمعضلات الفقهية المعقدة، تفكيكاً وتحليلاً واستنباطاً، بغية تقديمها في قالبٍ يجمع بين السلاسة في العرض والعمق في الطرح. فنحن ندرك تمام الإدراك أن لغة القانون قد تبدو في ظاهرها جافةً أو مستعصيةً على الأفهام، لذا آلينا على أنفسنا أن نغوص في أعماق النصوص ونستجلي مقاصد المشرع، لنعيد صياغتها وشرحها بأسلوبٍ رصينٍ يذلل الصعاب، ويفكك الطلاسم، دونما إخلالٍ بالدقة العلمية أو تسطيحٍ للمفاهيم الجوهرية التي يقوم عليها البنيان القانوني السليم. ● وحرصاً منا على تعظيم الفائدة وتأصيل المادة العلمية، فقد ارتأينا ألا تقتصر هذه السلسلة على مجرد قراءاتٍ عابرةٍ تذروها رياح الفضاء الرقمي، بل آثرنا توثيق كل مقالٍ وسبكه في ملفٍ إلكتروني مستقل (PDF). إن هذا النهج المنهجي سيتيح لنا مساحةً أرحب للاسترسال في الشرح، والإطناب في التحليل المنهجي، كما أنه يمنح القارئ الكريم فرصةً ثمينةً للاحتفاظ بالمادة العلمية أو طباعتها، لتغدو مرجعاً دائم الأثر، ووثيقةً علميةً يعود إليها الباحث متى دعت الحاجة، بعيداً عن صخب المشتتات المعتادة. ● وفي ختام هذا الاستهلال، نرفع أكف الضراعة إلى المولى عز وجل، سائلينه السداد في القول والإخلاص في العمل، وأن يجعل من هذه السلسلة زاداً معرفياً لا ينضب، ومورداً عذباً ينهل منه كل باحثٍ متعمق، وكل طالبٍ لعلم القانون، وكل ممارسٍ يبتغي إحقاق الحق. نأمل أن تكون هذه التأملات نبراساً يضيء دروب الباحثين، وعوناً صادقاً لكل من نذر نفسه لخدمة هذا الميدان الجليل. ═══════════════════════ - موفقين يا حبايبنا ... 🥰🖤

انتظرونا ... 🥰🖤⏳

قرائي الأعزاء ... ف شخص ما نكره حاول بغباء منه إنه يقلل من أعمالي ومقالاتي اللي بقدمها ل حضراتكم ... ووصف أعمالي إنها مجرد معلومات عامة وتقليدية ... وأنا الحقيقة بعتبر دي جريمة وإهانة لحضراتكم مش ليا ... لإن انتم اللي أشادتم بأعمالي وبسببكم واصلت وطورت من نفسي محاولةً مني إن أقدم ليكم أى فايده ولو بسيطة ... فكما قيل أثر الفراشة لا يُرى، أثر الفراشة لا يزول. العجيب يا مؤمن لما طلبت من هذا النكرة ... إنه يناظرني علميًا رفض رفض تام وبدأ يتهرب ... لإنه عارف داخل قرارة نفسه إنه خاوٍ على عروشه، وهيتحط عليه بالعلم ... وللأمانة لو كنت أملك زمام التشريع كنت هنظم جريمة اسمها (( الغباء )) عشان أحاكم بيها هذا النكرة بتهمة (( الغباء المعرفي )) ... طب ليه؟! ... لإن بغباء منه اعتقد وتصور إن بكلام ده هيحبطني ويقلل من عزيمتي ويخليني أتوقف عن اللي بعمله ... لكنه مايعرفش بغباء منه إن إحباطه ده بيجيب معايا نتيجة عكسية، وبينشطني أكتر ويخليني بدل ما كنت هفيد قيراط هفيد فدان . لذلك أنا قررت إن هتوقف عن كتابة سلسلة *(( تأملات قانونية ))* ... وهوسع النشاط وأجمع كل مقال ليا ف ملف Pdf محترم ... وهنقحه وأغذيه ليظهر في ثوب علمي قشيب ... وهتعرض للأجزاء المعقدة والشائكة في علم القانون وهتناولها بالشرح والتحليل بشكل متعمق وبسيط بأسلوبي وطريقتي اللي انتم بتحبوها ... وهشارككم هذه الملفات ال pdf مجانًا تمامًا لوجه الله عزوجل ... عاوز تطبعها أو تحتفظ بيها كده انت حر. انتظرونا 😃🖤 ف النهاية لا يسعني إلا أن أتوجه بكل الشكر والتقدير إلى أولئك الذين وضعوا العثرات في طريقي، نعم يستحقون الشكر ولا يستحقون اللوم، فالذي يعرف طبائع البشر لا يلوم أحدًا، فمن أولئك تعلمت معنى الكفاح وطعمه، وتعلمت أن أصل إلى غايتي ولو كره الكارهون، لذلك لا يستحقون مني في الدنيا إلا كل الشكر، أما ف الآخرة فسوم نختصم جميعًا أمام العادل المنتقم الجبار، فالبر لا يبلى، والذنب لا يُنسى، والديان لا يموت، وعند الله تجمتع الخصوم.

⚠️ لُغز جنائي 🕵🏻‍♀️ عمرك شوفت واحدة مقتولة عملت جريمة قتل ❗️ تعالي اقرأ القصة للي حصلت دي كان فيه واحد اسمه مايك سيلفرمان وده طبيب شرعي لاحظ حالة غريبة في شغله وده لما لقوا جثة امرأة مقتولة في لندن 1997 وده لما قصوا ضوافرها عشان يفصحوا الحمض النووي لها، تطابقت النتيجة مع جثة امرأة أخرى كانت مقتولة قبل ثلاثة أسابيع ف شئ غريب ازاي واحدة مقتولة تعمل جريمة❗️ التحرّيات بينت أن عملية قتل المرأتين حصل في مناطق مختلفة في لندن ومكنش فيه علاقة بين الاتنين خالص. ‏الدكتور سيلفرمان بيقول : بما أنني كنت المسؤول عن المختبر الجنائي، كانت من مسؤوليتي معرفة ما إذا كان قد ارتُكب خطأ في المختبر، وكانت فكرته الأولى أنه ربما عينة ظفر الضحية الثانية قد تم ترقيمها على أنها تخص المرأة المشتبه بها، ولكن بالرجوع للإجراءات والسجلات سرعان ما تبين غير ذلك. ‏بعد ما راجعوا سجلات المشرحة بينت أنه جثة (المقتولة المتهمة للي مقتولة من ٣ أسابيع دي ) خرجت من الثلاجة عشان الطبيب الشرعي يأخذ قصاصات إضافية من ضوافرها للفحص وده كان قبل يوم من وصول جثة الضحية الثانية للمشرحة.

وفي اليوم اللي بعده تم استخدام نفس المقص لقص ضوافر الضحية الثانية وده اللي لوّث العينات وبوظ الدنيا

‏قام بعدها الطبيب الشرعي بإرسال مذكرة للأطباء الشرعيين واقترح أن يتم أخذ قصاصات الأظافر بعد كده بمقصات تستعمل لمرة واحدة فقط وبعدها يتحط المقص في كيس العينات مع قصاصات الأظافر لعدم استخدامها مرة أخرى مع حالة تانية عشان العينات كده بتتلوث وده حرصًا ع الحفاظ ع الدليل وعدم تحويل مسار التحقيقات الجنائية في الاتجاه الخاطئ. #مقطوفة_قانونية في #عِلم_الجريمة ⚖️ إقرأ وتمعّن ♥️

تابعونا : https://t.me/RanaELmahy

أهم وأخطر مقال كتبته في حياتي ... هتسمع كتير من بعض الفشلة أشباه المحامين: "إن اللي بتدرسه ف الكلية حاجه، والواقع العملي حاجه تانيه" ... أو: "العملي غير النظري" ... أو: "انس كل اللي درسته ف الكلية مالوش لازمة" ... طبعًا دا عبث وفشل ... واعرف علطووول ان اللي بيقولك الكلام ده لا يعلم عن القانون شيئا. طب ما تيجي نشوف المقال بيقول إيه؟! ... وتعمدت أجبلك كمان بالوثائق رد أحد أعلام ونجوم قانون المرافعات، عشان يكون كلامي موثق وبالأدلة العلمية من عالم كبير من علماء قانون المرافعات، وكان بارع جدًا في المحاكمات الجنائية الكبرى •••• ⬇️ https://www.linkedin.com/posts/mohamed-abdelazim-3b3a743b7_aepaeqaesaeqaepaebaepaesabraeqaepaeuaewaeuaeyaer-activity-7440353871761133569-_fVO?utm_source=share&utm_medium=member_android&rcm=ACoAAGXIfDcBbIn2zOpfVmbXiLM_2BwAVWPUuhM

هل سمعت من قبل عن [ شرط الأسد ] في الشركات؟! ... وليه سموه شرط الأسد؟! وإيه حكايته؟! ... طب لما مجموعة شركاء يؤسسوا شركة ما، امته أقول إن من ضمن الشركاء دووول فيه (( شريك أسد ))؟! ... طب هل الشرط ده باطل؟! ... طب لو هو باطل، ما هو أثر البطلان ده؟! ... بمعنى: هل يقتصر البطلان على الشرط وحده مع بقاء عقد الشركة صحيح، أم يمتد أثر البطلان لعقد الشركة نفسه؟! أسئلة كتيرة ومعلومات خطيرة لازم تكون عارفها ... وتعمدت أشرحهالك وكمان أوثقهالك بالمراجع العلمية المعتمدة ... ادخل اقرأ واستمتع، وخد جولة سريعة على بقية المقالات اللي من المؤكد هتضيف ليك حاجه جديدة مكنتش تسمع عنها قبل كده ••••• ⬇️ https://www.linkedin.com/posts/mohamed-abdelazim-3b3a743b7_aepaeqaesaeqaepaebaepaesabraeqaepaeuaewaeuaeyaer-ugcPost-7439648684453097472-UFGu?utm_source=share&utm_medium=member_android&rcm=ACoAAGXIfDcBbIn2zOpfVmbXiLM_2BwAVWPUuhMو

📌 مقال تعريفي هام بشيخ شيوخ المحاماة، وأحد أهم أعلامها ... صاحب أهم كتاب في المحاماة، والموسوم بــ: "المحاماة فن رفيع" ... ذلكم الأستاذ العظيم محمد شوكت التوني •••••••••••••••• ⬇️ https://www.linkedin.com/posts/mohamed-abdelazim-3b3a743b7_aeyaeraezaeyaepaesabraeqaepaeuaewaeuaeyaer-ugcPost-7439177973011898369-VqMd?utm_source=share&utm_medium=member_android&rcm=ACoAAGXIfDcBbIn2zOpfVmbXiLM_2BwAVWPUuhM

💢 يعتقد البعض أن خطوط البصمات مقتصرة فقط على أطراف الأصابع وهذا غير صحيح حيث أن لراحة اليد والقدم خطوط مميزة .. 👈 راحة اليد وأسفل القدم البشرية مكونة من بطانات جلدية مخططة. 👈 تتيح هذه البطانات الجلدية المخططة للإنسان حمل أي شيء مثل الادوات والأواني والأجهزة وما إلى ذلك ومنع الانزلاق. 👈 يُسمّي الجزء المرتفع من هذه البطانات الجلدية حواف الاحتكاك ويسمى الجزء المجوف الأخدود. 👈 بصمة الأصابع أكثر دقة وسهولة في التعامل من بصمة راحة اليد لأن الجاني عادة ما يترك بصمات أصابعه خلال مسك الآثار في مسرح الجريمة ولكن في حال وجود انطباع بصمي لراحة اليد والقدم يمكن للخبير المختص التعامل معها ويكتشف منها المجرم .. __ ال Dactyloscopy هو العلم الذي يُطلق على فحص وتحديد بصمات الأصابع والقدم .. #مقطوفة_قانونية منقولة من الخبير الجنائي/ يوسف جمال الرنتيسي ⚖️✨️

تابعونا : اللنك : https://t.me/RanaELmahy

📌 مقال تعريفي هام بشيخ شيوخ المحاماة، وأحد أهم أعلامها ... صاحب أهم كتاب في المحاماة، والموسوم بــ: "المحاماة فن رفيع" ... ذلكم الأستاذ العظيم محمد شوكت التوني •••••••••••••••• ⬇️ https://www.linkedin.com/posts/mohamed-abdelazim-2180a13b7_aeyaeraezaeyaepaesabraeqaepaeuaewaeuaeyaer-ugcPost-7438102598630608896-Nafe?utm_source=share&utm_medium=member_android&rcm=ACoAAGWjYfQBY1BzXT9EIH2qS9nHrjA7ht4um6M

حبايبي الغاليين ... أتشرف بمتابعتكم ليا على تطبيق لينكدين ... أول حساب أعمله ليا خارج أسوار الواتساب والتليجرام ... وسر اختياري ل لينكدين إنه مش لامم أى حد، وعليه فقط الشخصيات الجادة والمثقفة واللي عاوزه تتعلم فعلا. ف هتكون الصفحة باذن الله مرجع لكل باحث ... هنزل عليه مقالات وكتب وابحاث باذن الله تنال اعجابكم. https://www.linkedin.com/in/mohamed-abdelazim-2180a13b7?utm_source=share_via&utm_content=profile&utm_medium=member_android متابعتكم شرف ليا 🥰🖤

لو أنت محامي فركز في النقطه دي شعبيا معروف أن الاسلحه البيضاء هي المطوه والسنجه وما يشبه تلك الأدوات . لكن قانونا الاسلحه البيضاء هي كل أداة تستخدم في الاعتداء علي الآخرين .. حتي لو الأداة دي مش بطبيعتها تستخدم في الاعتداء علي الآخرين . زي مثلا الجزمه دي اداه بطبيعتها احنا بنلبسها اللي صنعها معملهاش عشان نضرب بيها بعض ..لكن لو استخدمتها في أنك تضرب بيها حد أصبحت سلاح أبيض .. لكن في نقطه مهمه هنا ولازم تاخد بالك منها لو عندك قضيه .. الاداه اللي بطبيعتها تستخدم في الاعتداء علي الآخرين مجرد حيازتك ليها حتي لو مستخدمتهاش تتحقق بها جريمة حيازة سلاح أبيض زي لو اتقبض عليك وضبط بحوزتك مطوه . لكن الأداة اللي بطبيعتها لا تستخدم في الاعتداء علي الآخرين زي الجزمه لما شرحنا قبل كده حيازتها لا تشكل جريمه . #مقطوفة_قانونية [منقولة] تابعونا : https://t.me/RanaELmahy

مساء الخير علي حضراتكم جميعا يُرجي العلم بأنه تمت إتاحة خدمة عمل المشروع البحثي لجميع طُلاّب دبلومات الدراسات العليا جامعة المنصورة رمضانكم مبارك ♥️ للحجز والاستفسار تواصل واتساب علي : 01208553908 تحيات أدمن القناة 🖤

https://chat.whatsapp.com/LPUHNXF9tjY9lypUhxVFnp?mode=ems_copy_t دبلوم القانون العام

📝 #ضبط_مصطلحات (1) ⚖️🥇 ● كتير جدًا من الإخوة الأفاضل بيعرضوا عليا مذكرات دفاعهم أراجعها من حيث اللغة والصياغة ... وبلاقيهم دايمًا يكتبوا هذه العبارة اللي بينقلوها للأسف قص ولزق من النماذج الجاهزة ... فتلاقيه ف البداية يكتب: "تداولت الدعوى بالجلسات" ... وهذا خطأ ... ليه؟! ... لإن لما نقول: "تداولت الدعوى"، ف احنا هنا بننسب فعل (( التداول )) للدعوى نفسها، وكأن (( الدعوى )) دي أصبحت كائن حي أو شخص قاعد مع القضاة وبياخد ويدي معاهم ف الكلام، وده طبعاً مش منطقي لا عقلاً ولا قانوناً، لأن (( الدعوى )) دي مجرد ملف أو قضية (جماد) لا بتنطق ولا بتتحرك؛ ولإن كمان (( التداول )) ف اللغة معناه تناقل الرأي أو المشورة أو البحث بين طرفين أو أكتر، والدعوى دي مجرد ورق أو ملف أو قضية معنوية، وبالتالي هي [ مفعول به ] بيقع عليه الفعل، مش [ فاعل ] بيقوم بيه ... يا فندم اللي بيتداول وبيتناقش وبيفحص هما القضاة (أعضاء المحكمة)، ومن ثم (( الدعوى )) هنا هي [ الشيء ] اللي بيتم فحصه وتقليبه بين الآراء، مش هي اللي بتفحص نفسها. ● اللغة العربية دقيقة جداً ... وبتظهر دقتها وعمقها ف الجزئية دي ... وركز معايا ف الشرح ده لإن عاوز أمتعك بجمال الصياغة القانونية الرصينة ... بص يا حبيب قلبي ... ف اللغة العربية لما بنكون عارفين [ الفاعل ] اللي هو (( المحكمة )) ومش محتاجين نذكره صراحة، أو لما نكون عايزين نركز على (( الدعوى )) نفسها ومسارها، ومش لازم كل شوية نذكر (( المحكمة )) كفاعل لأنها معروفة بالضرورة ... هنا بقى بنلجأ لــ "البناء للمجهول" أو اللي بنسميه: "بناء الفعل لما لم يُسمَّ فاعله"، يعني بنخفي [ الفاعل ] الحقيقي (( المحكمة )) من الجملة؛ لغرض الإيجاز والتركيز على (( الدعوى ))، وبعدين بنجيب [ المفعول به ] اللي هو (( الدعوى )) ونقعده مكان [ الفاعل ] ونسميه [ نائب فاعل ]، وبما إنه قعد مكان [ الفاعل ] فلازم ياخد حكمه ويبقى مرفوع زيه، وعشان نعمل ده لازم نغير شكل الفعل نفسه ... طب هنغيره إزاى؟! ... بص يا سيدي، الفعل الأصلي هو (( تَدَاوَلَ )) على وزن تفاعل، وده فعل ماضي خماسي مبدوء بتاء زائدة، ولما بنحب نبنيه للمجهول ف اللغة العربية، القاعدة بتقول: "إننا بنضم أول حرف وتاني حرف ونكسر ما قبل آخره". ● يعني الحرف الأول (التاء) ياخد "ضمة"، والحرف التاني (الدال) ياخد "ضمة"، والحرف قبل الأخير (الواو) ياخد "كسره" ... لكن في مشكلة هنا هتواجهنا ... وهي إننا بعد ما حطينا "ضمة" على أول حرفين (تُدُا..) ظهر حرف تالت ف النص، اللي هو حرف (الألف) ... دي ألف مد ساكنة ... ف لما الحرف اللي قبله (الدال) بقى "مضموم" عشان البناء للمجهول، فلازم ولابد نغير حرف (الألف) لحرف يناسب الضمة اللي قبلها، وأقرب حرف للضمة هو (الواو)، وبالتالي حرف (الألف) هينقلب لــ (واو) ... فبدل ما نقول (( تُدَاول )) بنقول (( تُدُووِل )) ... أخيرًا: بنحط [ تاء التأنيث ] عشان كلمة (( الدعوى )) "مؤنثة"، ف النتيجة النهائية الصحيحة لغوياً بتبقى: "تُدُووِلَتْ الدعوى" ... بكده نكون ظبطنا المعنى واللفظ مع بعض، ف كلمة (( تُدُووِلَتْ )) بتوصل رسالة واضحة إن (( الدعوى )) دي تم تناولها بالبحث والنظر من قِبَل المحكمة، وإنها كانت [ محل ] للنقاش وليست [ طرفاً ] بيتكلم، وده الفرق الجوهري بين لغة قانونية ركيكة بتنسب الفعل لغير أهله، ولغة قانونية رصينة بتدي كل كلمة حقها ومكانها الصح ف الجملة. ═══════════════════════ - موفقين يا حبايبنا ... 🖤🔝